ҚР қаржы вице-министрі тағайындалды
Ержан Біржанов қаржы вице-министрі болып тағайындалды.
Сурет: primeminister.kz
Ержан Біржанов 1979 жылы Солтүстік Қазақстан облысында дүниеге келген.
Солтүстік Қазақстан мемлекеттік университетін, Солтүстік Қазақстан заң академиясын, М. Нәрікбаев атындағы КАЗГЮУ университетін, Бизнес және халықаралық зерттеулер университетін (Швейцария) бітірген.
Еңбек жолын 1999 жылы СҚО бойынша Салық комитетінің жергілікті салықтар секторының аға салық инспекторы болып бастады.
1999-2004 жылдары СҚО бойынша Салық комитетінде жұмыс істеді.
2004-2014 жылдары ҚР Қаржы министрлігінің құрылымында басшылық лауазымдарды атқарды.
2014 жылғы наурыз-қараша аралығында – ҚР Президенті Әкімшілігі Әлеуметтік-экономикалық мониторинг бөлімінің сарапшысы.
2014-2017 жылдары – ҚР Қаржы министрлігі Мемлекеттік кірістер комитетінің Даму және жаңғырту департаментінің директоры.
2017 жылы "Казимпэкс" республикалық орталығы" акционерлік қоғамының басқарма төрағасының орынбасары қызметін атқарды.
2017-2021 жылдары ұлттық қауіпсіздік органдарында қызмет етті.
2021 жылғы наурыздан бастап ҚР еңбек және халықты әлеуметтік қорғау вице-министрі болды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Мадиев пен Binance негізін қалаушы Қазақстанның цифрлық экономикасын дамытуды талқылады
Сурет: ҚР Үкіметі
Қазақстанның Жасанды интеллект және цифрлық даму министрі Жаслан Мәдиев Binance компаниясының негізін қалаушы Чанпэн Чжаомен кездесті, деп хабарлайды Үкіметтің баспасөз қызметінен.
Тараптар Қазақстанның цифрлық экономикасын дамыту, жаңа технологияларды енгізу, сондай-ақ цифрлық және есептеу инфрақұрылымын дамыту перспективаларын талқылады.
Жаслан Мадиев цифрлық инфрақұрылымды дамытуға және Қазақстанның жасанды интеллект саласындағы өңірлік орталық ретіндегі рөлін нығайтуға бағытталған AlatauCity-дегі CryptoCity және Data Center Valley жобаларын таныстырды.
Сонымен қатар Binance Pay компаниясының Alatau City Bank-пен серіктестігі таныстырылды.
Кездесу қорытындысы бойынша қол қойылған келісімдер мен таныстырылған инфрақұрылымдық жобалар Қазақстанның нормативтік-құқықтық базаны қалыптастырудан цифрлық қаржы шешімдерін практикалық тұрғыда енгізуге, бейінді кадрлар даярлауға және елдің өңірдегі жетекші технологиялық орталық ретіндегі мәртебесін нығайтуға дәйекті түрде көшіп келе жатқанын көрсетті.
Кездесу қорытындысы бойынша Жасанды интеллект және цифрлық даму министрлігімен және "Астана" халықаралық қаржы орталығымен өзара түсіністік туралы екі меморандумға қол қойылды.
Үкіметте қол жеткізілген уағдаластықтар нормативтік базаны қалыптастырудан цифрлық қаржы шешімдерін іс жүзінде іске асыруға көшуге, мамандар даярлауға және елдің технологиялық экожүйесін дамытуға бағытталғанын атап өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев экология министріне қалдықтарды қайта өңдеу және ормандарды қалпына келтіру міндеттерін жүктеді
Сурет: Pixabay
Қазақстан президенті Қасым-Жомарт Тоқаев Астана, Алматы және Шымкент қалаларында қалдықтарды энергетикалық кәдеге жарату зауыттарын салу мәселесін пысықтауды тапсырды, деп хабарлайды Ақорданың баспасөз қызметінен.
Мемлекет басшысы бұл мәселені экология және табиғи ресурстар министрі Әлібек Қуантыровпен кездесу барысында талқылады.
Алдағы уақытта мұндай кәсіпорындарды салу тәжірибесін еліміздің басқа өңірлеріне тарату жоспарланып отыр.
Президент сондай-ақ министрлікке ормандарды қалпына келтіру, ұлттық парктердің инфрақұрылымын дамыту және тұйық циклді экономиканы дамыту мақсатында қалдықтарды қайта өңдеу бойынша міндеттер жүктеді.
Сонымен қатар, Қасым-Жомарт Тоқаев экологиялық мәдениетті арттыру мен "Таза Қазақстан" бастамасын ары қарай тиімді іске асыру бағытындағы жұмысты жалғастыруды тапсырды.
Естеріңізге сала кетсек, 3 қыркүйекте Әлібек Қуантыров Қазақстан Республикасының Экология және табиғи ресурстар министрі болып тағайындалды. Ол бұл қызметте Ерлан Нысанбаевты алмастырды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Шыңғыс Әрінов Алматы облысының әкімі болып тағайындалды
Шыңғыс Әрінов Алматы облысының әкімі болып тағайындалды, деп хабарлайды Ақорда.
"Мемлекет басшысының Жарлығымен Шыңғыс Сайранұлы Әрінов Алматы облысының әкімі лауазымына тағайындалды", - деп айтылған хабарламада.
Естеріңізге сала кетсек, Шыңғыс Әрінов 2024 жылдың ақпан айынан 2026 жылдың қыркүйегіне дейін Төтенше жағдайлар министрі қызметін атқарды. Бұған дейін ҚР Мемлекеттік күзет қызметі бастығының орынбасары - ҚР Президенті Күзет қызметінің бастығы болған.
Бүгін Марат Сұлтанғазиев Алматы облысының әкімі қызметінен босатылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Сұлтанғазиев Алматы облысының әкімі қызметінен босатылды
Сурет: Үкімет
Қазақстан Президенті Қасым-Жомарт Тоқаев Марат Сұлтанғазиевті Алматы облысының әкімі қызметінен босатты, деп хабарлайды Ақорда.
"Мемлекет басшысының Жарлығымен Марат Елеусізұлы Сұлтанғазиев Алматы облысының әкімі лауазымынан босатылды", - деп айтылған хабарламада.
Сұлтанғазиев аймақты 2022 жылдың 11 маусымынан бері басқарып келген.
Бүгін, 4 қыркүйекте Қонаев қаласында Алматы облысының жаңа әкімі лауазымына кандидатураны келісу үшін мәслихат депутаттарының жиналысы өтеді деп жоспарланған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев еліміздің СІМ жаңа басшысына негізгі міндеттерді айқындап берді
Сурет: Ақорда
Қазақстан президенті Қасым-Жомарт Тоқаев жаңадан тағайындалған сыртқы істер министрі Мұхтар Тілеубердіні қабылдады, деп хабарлайды Ақорданың баспасөз қызметінен.
Кездесу барысында мемлекет басшысы министрліктің негізгі міндеттерін айқындап, Қазақстанның ұлттық мүдделерін дәйекті түрде ілгерілетуді, теңгерімді сыртқы саясатты нығайтуды және экономикалық дипломатияны дамытуды тапсырды.
Тоқаев көпжақты ынтымақтастықты жандандыруға және шетелдегі Қазақстан азаматтарының құқықтары мен мүдделерін қорғау жөніндегі жұмыстың тиімділігін арттыруға ерекше назар аударды.
Сондай-ақ, мемлекет басшысының қатысуымен өтетін алдағы халықаралық іс-шаралардың кестесі қаралды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Лаос елдерінің СІМ саяси консультациялар туралы меморандумға қол қойды
Сурет: Ақорда
Қазақстан мен Лаос екі елдің сыртқы істер министрліктері арасында саяси консультациялар өткізуді көздейтін өзара түсіністік туралы меморандумға қол қойды, деп хабарлайды Ақорданың баспасөз қызметінен.
Қол қойылған үкіметаралық құжаттармен алмасу рәсімі Қазақстан Президенті Қасым-Жомарт Тоқаев пен Лаос Президенті Тхонглун Сисулиттің қатысуымен өтті.
Сонымен қатар, тараптар Қазақстанның Бас прокуратурасы мен Лаостың Жоғарғы халық прокуратурасы арасында өзара түсіністік туралы меморандуммен де алмасты.
Қазақстанның Жасанды интеллект және цифрлық даму министрлігі мен Лаостың Ғылым және технологиялар министрлігі ақпараттық-коммуникациялық технологиялар және электрондық мемлекеттік қызметтер саласындағы ынтымақтастық туралы меморандумға қол қойды.
Сондай-ақ, Астана мен Вьентьян бауырлас қалалар қарым-қатынасын орнату туралы меморандумға қол қойды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.