ҚР энергетика министрінің кеңесшісі тағайындалды
Жаңа лауазымға тағайындалғанға дейін Шыңғыс Ильясов "ҚазТрансОйл" АҚ Қоғаммен байланыс және ішкі коммуникациялар департаментінің директоры болған
Сурет: gov.kz
Астана. 17 ақпан. KAZAKHSTAN TODAY - Шыңғыс Ильясов ҚР Энергетика министрінің кеңесшісі болып тағайындалды, деп хабарлайды ҚР Энергетика министрлігінің баспасөз қызметі.
Ведомствоның мәліметінше, жаңа лауазымға тағайындалғанға дейін Шыңғыс Ильясов "ҚазТрансОйл" АҚ Қоғаммен байланыс және ішкі коммуникациялар департаментінің директоры болған.
Шыңғыс Ильясов еңбек жолын Ақтөбе облысы Алға ауданы әкімдігінің Жастар орталығының кеңесшісі болып бастады.
Әр жылдары Қазақстан Республикасы Ұлттық экономика министрлігінің қоғаммен байланыс департаментінің директоры, Ақтөбе облысының Өңірлік коммуникациялар қызметінде, Ақтөбе облысы әкімінің баспасөз қызметінде, Қазақстан Республикасы Ақпарат және коммуникациялар министрлігінің Орталық коммуникациялар қызметінде жұмыс істеді.
Шығыс Еуропа университетінің Халықаралық қатынастар факультетін, Қазақ-Орыс Халықаралық университетінің менеджмент факультетін бітірген.
Бұған дейін Қазақстанның жаңа энергетика министрі тағайындалған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қайтыс болған Шерзат Полаттың әкесіне қатысты қылмыстық іс қозғалды
10 желтоқсанда азамат Қ. Нұрымов бұзақылық және көлік құралдарының қозғалысына кедергі жасау фактісі бойынша ұсталды. Ол қоғамдық орында және полиция қызметкерлеріне қарсы дөрекі сөз сөйледі, оларды пышақпен қорқытты, сонымен қатар басқа біреудің мүлкіне қасақана зақым келтірді, атап айтқанда, көлікті пышақпен сырып, дөңгелекті тесіп тастады. Іс-әрекетке тоқтамай, айналасындағыларға, оның ішінде кәмелетке толмағандарға қауіп төндіре отырып, қоғамдық тәртіп пен айналасындағылардың тыныштығын бұзды. Бұзақылық фактісі бойынша сот оны 15 тәулікке әкімшілік қамауға алуды тағайындады, деп хабарлайды Алматы облысы полиция департаментінің баспасөз қызметінен.
Сонымен қатар, полиция бөтеннің мүлкін қасақана бүлдіру фактісі бойынша қылмыстық іс тіркеді.
10 желтоқсанда Еңбекшіқазақ ауданының Азат ауылында орын алған құқыққа қарсы іс-қимыл нәтижесінде автокөлік иесіне материалдық залал келтірілгені анықталды, бұл әкімшілік жауапкершілік шегінен едәуір асып, іс-әрекеттің қылмыстық саралануына әкеп соғады.
Қазіргі уақытта оқиғаның барлық мән-жайларын анықтау мақсатында жан-жақты, толық және объективті тергеу жүргізілуде.
Сонымен қатар, жазаның бұлтартпаушылығы және Заң мен тәртіпті сақтау қағидаттарын басшылыққа ала отырып, полиция құқық бұзушылықтардың барлық фактілерін, оларды кім жасағанына қарамастан, елдегі заң мен тәртіпті қамтамасыз етудің негізі болып табылатын бейтарап тергеуге міндетті екенін хабарлаймыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
"KMG PetroChem" ЖШС Басқарма төрағасы тағайындалды
KMG PetroChem" ЖШС Басқарма төрағасы тағайындалды, деп хабарлайды компанияның баспасөз қызметінен.
KMG PetroChem" ЖШС ("КазМұнайГаз" ҰК АҚ еншілес ұйымы) Басқарма төрағасы болып Игорь Ильин тағайындалды. "ҚазМұнайГаз" ҰК АҚ Басқарма төрағасының орынбасары Дастан Абдулғафаров жаңа басшыны компания ұжымына таныстырды.
Бұған дейін И.Ильин "Karabatan Utility Solutions" ЖШС Басқарма төрағасы қызметін атқарды. Әр жылдары "ОАЭК" АҚ және "Самұрық-Энерго" АҚ, "Қазақ мұнай және газ институтының ғылыми-зерттеу орталығы" ЖШС-да басшылық қызметтерде еңбек етті.
2012 жылы тағылымдамадан кейін Worley Parsons компаниясында еңбек жолын бастады. Компания - инженерлік қызмет, жобалау, өнеркәсіпте инновациялық тәсілдерді енгізу бойынша әлемдік көшбасшы.
Қазақстан-Британ техникалық университетін Автоматтандыру және басқару мамандығы бойынша бітірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанның Жапониядағы жаңа елшісі тағайындалды
Қазақстанның Жапониядағы жаңа елшісі тағайындалды, деп хабарлайды Ақорданың баспасөз қызметінен.
Мемлекет басшысының Жарлығымен Ерлан Кеңесұлы Баударбек-Қожатаев Қазақстан Республикасының Жапониядағы Төтенше және Өкілетті Елшісі болып тағайындалды, ол Қазақстан Республикасының Грек Республикасындағы Төтенше және Өкілетті Елшісі лауазымынан босатылды", деп көрсетілген Жарлық мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.