Система Orphus

МКК "VOLGA DNEPR AIRLINES" әуе компаниясының кемесін ұстауға қатысты түсініктеме берді

29.06.2022, 17:25 26001
НҰР-СҰЛТАН. 29 МАУСЫМ - Қазақстан Республикасы Қаржы министрлігінің Мемлекеттік кірістер комитетінде VOLGA DNEPR AIRLINES әуе компаниясы кемесінің ұсталуына қатысты түсініктеме берілді, деп хабарлайды KAZAKHSTAN TODAY ҚР ҚМ Мемлекеттік кірістер комитетінің баспасөз қызметіне сілтеме жасап.
 
Комитеттің деректері бойынша, 2022 жылғы 26 маусымда жергілікті уақытпен сағат 13:40-та елорданың "Нұрсұлтан Назарбаев" Халықаралық әуежайында "VOLGA DNEPR AIRLINES" әуе компаниясының Үрімші (ҚХР) – Нұр-Сұлтан – Мәскеу бағытындағы коммерциялық рейісін іске асырып жатқан RA-82074 нөмірлі әуе кемесі тоқтаған.
 
Ол туралы әуежайдың қызметі "Әуежай Астана" кеден бекетінің қызметкерлеріне тез арада хабарлаған.
 

Дегенмен, әуе кемесінің экипажы және оның өкілімен белгіленген уақыт ішінде кедендік рәсімдеуге қажетті кедендік құжаттар мен мәліметтер ұсынылмаған. Сондықтан, әуе компаниясына қатысты ҚР "Әкімшілік құқық бұзушылық туралы" Кодексінің 538-бабымен әкімшіліктік өндіріс қозғалды. Бұл бұзушылық үшін жиырма айлық есеп көрсеткіш көлемінде айыппұл қаралған", - деп хабарлады ведомствода.

 
Қазақстан Республикасының кедендік заңнамасына сәйкес, тасымалдаушы немесе өзге де белгіленген тұлғалар келуі туралы хабардар еткен кезден бастап кеден органының жұмыс уақытының үш сағаты ішінде көлік құралына кедендік декларацияны тапсыруға міндетті.
 

Әуе компаниясының өкілдері бұзушылықпен келісіп, кінәлілерді әкімшілік жауапкершілікке тарту бойынша жұмыс жүргізілді",- деп толықтырды МКК.

 
Мемлекеттік кірістер комитетінде аталған заң бұзушылық кедендік әкімшілендіру саласындағы кәдімгі әкімшілік құқық бұзушылыққа жататынын атап өтті және саяси негізді жоққа шығарды.
 
Қазіргі уақытта әкімшілік іс толтырылып, кедендік ресімдеу жүргізілген. Сондықтан әуе кемесі шығарылып, елорда әуежайынан кетті.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

Ең көп оқылғаны