Жаңартылатын энергия көздерін дамыту жөніндегі жаһандық бастамалар
Елбасы Н.Назарбаевтың ұсынысы бойынша "Болашақтың энергиясы" деген тақырыпта Астанада өткізуге ұсынылып отырған EXPO-2017 көрмесі энергияның экологиялық таза және жаңартылатын көздерін дамыту жөніндегі әлем ғалымдарының күш-жігерін біріктіретін болады.
Астана. 31-мамыр. Kazakhstan Today - Жаңартылатын энергия көздерін дамыту жөніндегі жаһандық бастамалар, деп хабарлайды Kazakhstan Today агенттігінің тілшісі.
Елбасы Н.Назарбаевтың ұсынысы бойынша "Болашақтың энергиясы" деген тақырыпта Астанада өткізуге ұсынылып отырған EXPO-2017 көрмесі энергияның экологиялық таза және жаңартылатын көздерін дамыту жөніндегі әлем ғалымдарының күш-жігерін біріктіретін болады.
"Комиссия оң шешім қабылдаған жағдайда, біз EXPO-2017 көрмесіне дайындалуға және оны өткізуге дайынбыз. Оны ұлттық жоба деп санаймыз",- деді Елбасы Н.Назарбаев 2012 жылы 14 наурызда Астанада Халықаралық көрмелер бюросының сарапшылар комиссиясымен болған кездесуінде.
Осындай ауқымды көрмені өткізу Қазақстанға энергетика саласындағы үздік жобалар мен балама энергетикалық технологияларды дамытудың заманауи панорамасын таныстыруға мүмкіндік береді. Еліміздегі жел мен күн энергиясының ресурстары тұрақты және экономикалық тұрғыдан өзін-өзі ақтайтын энергетика көзі болып табылады. Қазақстан үшін басымдықты міндет - энергетикалық теңгерімдегі осы энергияның көздерін ұлғайту.
ЕХРО көрмесінің Астанада өткізілуін қолдау мақсатында 2012 жылдың мамыр айында V Астана экономикалық форумының аясында "EXPO-2017: Болашақтың энергиясы" деген тақырыпта сессия өткен болатын. Оның барысында энергияның балама көздерін дамыту мәселелері талқыланды. Энергетика саласындағы әлемнің жетекші ғалымдар мен сарапшыларының атап көрсетуінше, егер Қазақстан EXPO-2017 көрмесін өткізу құқығын жеңіп алатын болса, Астана энергияның жаңартылатын көздерін дамытудың үздік әлемдік жобалары мен үдерістері талқыланатын алаңға айналады.
Сонымен қатар, Астана көрмесі энергия үнемдеу және күн, жел, теңіз бен мұхит сулары және жер астынан шығатын ыстық су сияқты энергияның балама көздерін енгізу мәселелерін кеңінен таныстыруға мүмкіндік бермек.
Айта кету керек, Елбасының тапсырмасы бойынша ҚР Үкіметі іске асырып жатқан ҮИИД бағдарламасының аясында энергияның жаңартылатын көздерін дамытудың көрсеткіштері анықталып отыр. Оған сәйкес, елімізде 2014 жылға дейін жаңартылатын энергия көздерінен 1 млрд. кВт/сағаттан астам электр энергиясы өндірілуі керек. Қазақстан үшін аталмыш сектордағы бастапқы өсу жоспары осындай.
Астанадағы EXPO-2017 көрмесі - Орталық Азия және ТМД елдерінде өткізілетін алғашқы халықаралық көрме атана алады. Қазіргі таңда бүкіл әлем энергияның жаңартылатын балама көздеріне көбірек назар аударуда, EXPO-2017 көрмесінің арқасында Қазақстан экономикалық тұрғыдан өзін-өзін ақтайтын және экологиялық таза ресурстардың есебінен энергия теңгерімін толтырудың тәжірибелік шешімдері талқыланатын жетекші алаңға айналуы мүмкін.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан Республикасының жаңа Цифрлық даму министрі тағайындалды
2024 жылғы 6 мамырда Мемлекет басшысы Қасым-Жомарт Тоқаев жаңа цифрлық даму министрін тағайындады, деп хабарлайды Ақорданың баспасөз қызметінен.
Мемлекет басшысының Жарлығымен Жаслан Хасенұлы Мәдиев Қазақстан Республикасының Цифрлық даму, инновациялар және аэроғарыш өнеркәсібі министрі лауазымына тағайындалды", -деп көрсетілген Жарлық мәтінінде.
Жаслан Мәдиев 1983 жылы Алматы қаласында дүниеге келген. Әл-Фараби атындағы Қазақ ұлттық университетін, Колумбия университетін, Массачусетс технологиялық институтын тәмамдаған.
Еңбек жолын 2004 жылы "Альянс Банк" АҚ Халықаралық қатынастар департаментінің Халықаралық қаржы институттарымен жұмыс басқармасының маманы болып бастаған.
2020 жылғы қазаннан бастап қазіргі таңға дейін Қазақстан Республикасының Стратегиялық жоспарлау және реформалар жөніндегі агенттігі төрағасының орынбасары қызметін атқарды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ұлытау облысынан Қызылорда облысының көлдеріне 839 млн текше метрден астам тасқын суы жіберілді
Сурет: gov.kz
Су тасқыны кезінде Ұлытау облысының Кеңгір су қоймасынан 839 млн текше метрден астам су жіберілді. Осының нәтижесінде, алғаш рет Кеңгір су қоймасынан жіберілген су Сарысу өзені арқылы Қызылорда облысының көлдеріне жетті, деп хабарлайды Gov.kz.
Кеңгір су қоймасынан 307 млн текше метр су, Жезді су қоймасынан 81 млн текше метр су жіберілді, ал Сарысу өзеніндегі "Қызылжар темір жол станциясы" су бекеті арқылы 451 млн текше метр су келді.
Бүгінгі таңда Қызылорда облысының Телікөл көлдер жүйесінің қарқынды су жинағаны байқалады, бұл өңірдің ауыл шаруашылығына жағымды әсер етуі тиіс. Жиналған су одан әрі облыстағы күріш алқаптарына жіберілетін болады", - деді Су ресурстары және ирригация министрлігінің ресми өкілі Мөлдір Әбдуәлиева.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев су тасқынына қарсы күреске қатысқаны үшін бірқатар әскери қызметшілерге арнаулы атақтар, шендер мен наградалар табыс етті
Сурет: Akorda
Президент мемлекеттік наградалар, жоғары әскери және арнаулы атақтар, сыныптық шендер тапсыру рәсіміне қатысты, деп хабарлайды Ақорданың баспасөз қызметінен.
Мемлекет басшысы - Қазақстан Қарулы Күштерінің Жоғарғы Бас қолбасшысы Қасым-Жомарт Тоқаев жиынға қатысушыларды Отан қорғаушы күнімен және алда келе жатқан Жеңіс күні мерекесімен құттықтап, осы екі мейрам жауынгерлік дәстүрдің сабақтастығын паш ететінін, батыр бабаларымыздың даңқты жолын қазір өскелең ұрпақ жалғастырып келе жатқанын атап өтті.
Бүгінде айбынды армиямыз - елдегі тұтастық пен тыныштықтың мықты қалқаны. Қуатты әскеріміз бейбітшілік пен берекелі өмірді қас қақпай күзетіп тұр. Олар қай кезде де қастерлі Отанымызды қорғауға дайын. Ерлік майданда ғана жасалмайды. Ерлікке бейбіт заманда да орын бар. Биыл біз соңғы 80 жылдағы ең жойқын тасқынға тап болдық. Елге қатер төнген сәтте сарбаздарымыз алдыңғы шептен табылды. Ұлттық ұлан, Ішкі істер министрлігі, Ұлттық қауіпсіздік комитеті, Төтенше жағдайлар министрлігі және Мемлекеттік күзет қызметінің жеке құрамы антқа адал болудың үлгісін көрсетті. Алапат тасқынға төтеп беру үшін 9 мыңнан астам әскери қызметші жұмыла еңбек етті. Мыңнан астам техника жеткізілді. Сын сағатта халқымыздың асыл құндылықтары анық байқалады. Осы орайда Солтүстік Қазақстан облысында апатқа қарсы күрескен 300 сарбаздың еңбегін ерекше атап өткім келеді. Олар күні-түні бөген салып, қаланы қарғын судан құтқаруға атсалысты. Жергілікті тұрғындар бұл сарбаздарға айрықша риза болды, оларды зор құрметпен шығарып салды. Міне, халық пен армияның мызғымас тұтастығы дегеніміз - осы. Мұндай мысалдар аз емес", - деді Президент.
Қасым-Жомарт Тоқаев Жеңіс күнін жақындатуға атсалысқан майдангерлер мен тыл еңбеккерлеріне әрқашан құрмет көрсетілетінін айтты. Осы ретте ардагерлерге мерекеге орай жыл сайын қосымша төлемақы берілетінін, ал биыл оның көлемі үш миллион теңгеге дейін өскенін жеткізді. Сонымен қатар өзінің бастамасымен биылдан бастап "Айбын" орденінің үш дәрежесі даңқты батырларымыз - Сағадат Нұрмағамбетовтің, Бауыржан Момышұлының және Рақымжан Қошқарбаевтың атымен аталатынын еске салып, ұлт перзенттерінің батылдығы мен батырлығы бүгінгі және болашақ ұрпақ үшін үлгі-өнеге болатынына назар аударды.
Мемлекет басшысының айтуынша, геоосаяси тұрақсыздық белең алған қазіргі жағдайда мықты әрі дайындығы сақадай сай әскердің маңызы айтарлықтай арта түсті.
Біздің әскери қызметшілеріміз БҰҰ аясындағы түрлі бітімгерлік операцияларға қатысып, өздерінің кәсібилігі мен жоғары деңгейдегі жауынгерлік машығын көрсетіп келеді. Жуырда Қазақстан Голан жоталарындағы миссиясын дербес орындау жөніндегі Біріккен Ұлттар Ұйымының мандатына алғаш рет ие болды. Соңғы жылдары әлем елдерінің әскери қуаты туралы рейтингтегі орнымыз едәуір жақсарды. Бұл әскеріміздің дайындығы жоғары екенін әрі үйлесімді әрекет ететінін білдіреді. Қазақстан жер-жаһанға өзін бейбіт ел ретінде танытты. Біз барлық мемлекетпен достық қатынас орнаттық. Кез келген шиеленісті сындарлы диалог арқылы шешу керек деп есептейміз. Бірақ арқаны кеңге салып, қамсыз отыруға болмайды. Қуатты әскеріміз түрлі қатерге сақадай сай тұруға тиіс. Мықты әскер - елдіктің тірегі", - деді Президент.
Қасым-Жомарт Тоқаев Қазақстанның айбынды армиясы кәсіби тұрғыдан білікті әрі заманға сай озық болуы үшін Қарулы Күштерімізді одан әрі нығайту жұмыстары жалғасатынын жеткізді.
Күні кеше ғана елімізде жаңа авиация базасы ашылды. Бұл - ұлттық қорғаныс жүйесінің әлеуеті арта түсті деген сөз. Біз армияның беделін көтеруге айрықша мән береміз. Отан қорғау - баршамызға ортақ парыз. Мұны, әсіресе, өскелең ұрпақ терең түсінгені абзал. Мемлекет жас сарбаздарға жан-жақты қолдау көрсетіп жатыр. Оларға арнайы білім гранттары бөліне бастады. Несиені өтеу мерзімі кейінге шегерілді. Енді армияда жүріп, нақты мамандық алуға болады. "Ер жігітке жарасар, қолындағы найзасы" деп әйгілі Бұқар жырау батырлық пен ерлікті ерекше дәріптеген. Шын мәнінде, әскер - мемлекеттің аса маңызды символы. Мен сарбаздарымыздың жауынгерлік рухы жоғары болғанын мақтан етемін", - деді Мемлекет басшысы.
Салтанатты жиында Қасым-Жомарт Тоқаев Отан қорғаушылардың еліміздегі ынтымақ пен тыныштықты сақтауға зор үлес қосып келе жатқанын атап өтіп, офицерлерге әскери және арнаулы атақтар, сыныптық шендер тапсырды.
Мемлекет басшысының Жарлығымен әскери және арнаулы атақ, сыныптық шен алған офицерлердің тізімін мына сілтеме арқылы көруге болады.
Бұдан бөлек, Президент әскери және қызметтік борышын атқаруда көрсеткен ерлігі мен жанқиярлығы, елдің ұлттық қауіпсіздігі мен қорғаныс қабілетін қамтамасыз етуге, заңдылық пен құқықтық тәртіпті нығайтуға қосқан үлесі үшін бір топ азаматты мемлекеттік наградалармен марапаттады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда "Жеңіс пойызы" жолға шықты
Жеңіс күніне орай рәсімделген пойыз Астанадан Павлодарға жолға шықты, деп хабарлайды "Қазақстан темір жолы" ҰК" АҚ баспасөз қызметінен.
9 мамыр қарсаңында Астанадан Павлодарға Жеңіс күніне орай арнайы рәсімделген №7502 электр пойызы жолға шықты. Безендірілген электр пойызы соғыс жылдары бейбітшілік үшін құрбан болған қазақ жауынгерлерінің ерлігін еске алуға арналған.
Құрам Жеңіс лентасының және Ұлы Отан соғысының батырлары Бауыржан Момышұлы, Мәншүк Мәметова, Әлия Молдағұлова, Қасым Қайсенов, Талғат Бегелдинов және басқалардың суреттерімен безендірілген. Мереке құрметіне жолсеріктер жолаушыларды салтанатты формамен қарсалды. Жолаушылар "Жеңіс пойызының" алдында суретке түсіп, лезбіздерін білдірді.
Жыл сайын "Жолаушылар тасымалы" АҚ мерекеге сәйкес пойыздарды безендіріп, жолаушылардың сапарын ерекшелендіруге қызмет етеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.