Бишімбаев 24 жылға бас бостандығынан айырылды
Сотталушылардың кінәсі толық көлемде дәлелденді
2024 жылы 13 мамырда азаматтық некедегі әйелі Салтанат Нүкенованы аса қатыгездікпен өлтірді деп айыпталушы бұрынғы ұлттық экономика министрі Қуандық Бишімбаевқа қатысты сот үкімі шықты, деп хабарлайды Zakon.kz.
Судья Айжан Құлбаева алдымен сотталушы Қуандық Бишімбаевтың бұған дейін қандай баптар бойынша сотты болғанын тізбелеп айтып шықты.
Сот Қуандық Уәлиханұлы Бишімбаевты ҚР ҚК 110-бабы, 2-бөлігінің 1-тармағында, 99-бабы, 2-бөлігінің 5-тармағында көзделген қылмыстық құқық бұзушылықтар жасағаны үшін кінәлі деп тану және осы баптарға сәйуес жаза тағайындау туралы үкім шығарды: ҚР ҚК 110-бабы, 2-бөлігінің 1-тармағы бойынша 7 жылға бас бостандығынан айыру, ҚР ҚК 99-бабы, 2-бөлігінің 5-тармағы бойынша 20 жылға бас бостандығынан айыру қарастырылады. Қылмыстардың жиынтығы бойынша жазаны ішінара қосу арқылы 24 жылға бас бостандығынан айыру жазасы тағайындалсын", - деді судья.
Айжан Құлбаева айыпталушылардың кінәсі толық көлемде дәлелденгенін мәлімдеді.
Алқабилер соты Қуандық Бишімбаевқа қатысты өз үкімін шығарды, оған сәйкес ол кінәлі деп танылды. Жазаның мөлшері туралы мәселені алқабилер мен судья ашық дауыс беру арқылы, яғни көпшіліктің дауысымен шешті. Шешім мен үкімге сәйкес сотталушылардың кінәсі толық көлемде дәлелденді. Жәбірленушінің, куәгерлердің айғақтарын, аудио-бейне материалдарын, сараптама қорытындыларын және сот процесі барысында зерттелген қылмыстық істің өзге де материалдарын алқабилер ескерді", - деп түсіндірді судья.
Сондай-ақ, үкімге сәйкес, ол жазасын қатаң тәртіптегі қауіпсіздік мекемесінде өтейтін болады.
Айта кетсек, 2024 жылғы 24 сәуірде судья Бишімбаев ісі бойынша сот тергеуінің аяқталғанын хабарлады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Сот орындаушысы баланың алименттерін жымқырған
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
БҚО-да терроризмді насихаттады деген күдікті ұсталды
Сурет: gov.kz
2024 жылғы 22 мамырда Ұлттық қауіпсіздік комитеті прокуратура органдарының үйлестіруі және полицияның көмектесуімен Батыс Қазақстан облысының тұрғынын ұстады, деп хабарлайды ҚР ҰҚК баспасөз қызметінен.
Ол терроризмді насихаттады деп күдіктелуде.
Тергеу әрекеттері барысында заттай дәлелдемелер алынды.
Қылмыстық кодекстің 256-бабының 2-бөлігі бойынша сотқа дейінгі тергеу жүргізілуде.
Ұсталған адам бұрын ауыр жалпы қылмыстар жасағаны үшін сотталған.
ҚР Қылмыстық-процестік кодекстің 201-бабы 1-бөлігіне сәйкес өзге ақпарат жария етілмейді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Әзірбайжаннан алаяқтық жасағаны үшін күдікті экстрадицияланды
Әзірбайжаннан алаяқтық жасағаны үшін күдікті экстрадицияланды, деп хабарлайды ҚР Бас прокуратурасының баспасөз қызметінен.
Бүгін ҚР Бас прокуратурасы мен Ішкі істер министрлігінің қызметкерлері Сыртқы істер министрлігінің көмегімен аса ірі көлемдегі алаяқтық жасаған Қазақстан азаматынӘзірбайжаннан жеткізді.
Ол 2021-2023 жылдар аралығында Біріккен Араб Әмірліктерінен ұялы телефондарды арзан бағамен тасымалдайтыны туралы айтып, азаматтардың сенімдерін теріс пайдаланып, 21,5 миллион теңге көлеміндегі қаражатын иемденген.
Одан бөлек, 2022 жылдың қаңтарында ол алаяқтық жолмен "Toyota Land Cruiser" көлігін иемденіп, жәбірленушіге 24 миллион теңге шығын келтірген.
Қылмыс жасағаннан кейін күдікті құқық қорғау органдарынан жасырынған, сол себепті оған халықаралық іздеу жарияланды.
Қазіргі таңда күдікті Астана қ. тергеуизоляторына қамалды.
Айыпталған қылмыстарды жасағаны үшін ол мүлкі тәркіленіп, 5 жылдан 10 жылға дейінгі мерзімге бас бостандығынан айырылуы мүмкін.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Шымкент қаласының тұрғыны криптовалюта айырбастаумен заңсыз айналысқаны үшін сотталды
Шымкент қаласының қылмыстық істер жөніндегі ауданаралық сотының үкімімен заңсыз кәсіпкерлік қызметін жүзеге асырғаны үшін азамат «C» 2 жылға бас бостандығынан айырылды, деп хабарлайды Шымкент қаласының прокуратурасының баспасөз қызметінен.
Сот талқылауы барысында азамат «C» «Binance» платформасында цифрлық активтерді (криптовалюталар) лицензиясыз айырбастау қызметін көрсеткені анықталды.
5 жыл ішінде ол 1,7 млрд теңгеден астам аса ірі мөлшерде заңсыз табыс тапқан.
Қала прокуратурасы Шымкент қаласының тұрғындарына цифрлық активтерді айырбастау бойынша заңсыз кәсіпкерлік қызметті жүзеге асырғаны үшін қылмыстық жауапкершілік көзделгені туралы ескертеді.
Үкім заңды күшіне енген жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Павлодарда синтетикалық есірткілердің ірі жасырын өндірісі жойылды
2024 жылғы 11 мамырда Ұлттық қауіпсіздік комитеті "Бүркіт" ЖСН және прокуратура органдарынының үйлестіруімен Павлодар қаласында синтетикалық есірткілердің ірі жасырын өндірісін жою бойынша операция жүргізді, деп хабарлайды ҰҚК баспасөз қызметінен.
Осы қылмысты жасады деген күдікпен Қазақстан азаматы мен үш шетелдік ұсталып, соттың санкциясымен қамауға алынды.
Саяжай алабындағы үйді тінту кезінде 170 кг-нан астам "мефедрон", 2 тонна прекурсорлар, сондай-ақ зертханалық жабдықтар табылды және тәркіленді.
Қара нарықта" алынған есірткінің құны 4,2 млрд. теңгені, ал көлемі 680 мың дозадан асады.
Қылмыстық Кодекстің 297-бабының 3-бөлігі бойынша сотқа дейінгі тергеп-тексеру жүргізіледі.
Қылмыстық-процестік кодекстің 201-бабының 1-бөлігіне сәйкес өзге де ақпарат жария етілуге жатпайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.