Қазақстанда құс еті 29%-ға қымбаттады
Елімізде ет пен құс етінің бағасы бір айда 0,9%-ға, ал бір жылда бірден 15%-ға өскен.
Сурет: Depositphotos
EnergyProm порталының мәліметінше, құс етінің бағасы мамыр айында бірден 28,5%-ға өскен.
Айта кетейік, Қазақстанда ет пен құс етінің бағасы 6 жылдан аса уақыттан бері үздіксіз өсіп келеді.
Осы жылдың бірінші тоқсанында Қазақстанда орташа есеппен алғанда, ет пен құс етін тұтыну жан басына шаққанда 11,5 кг құрады. Бұл 2021 жылдың сәйкес кезеңімен салыстырғанда 5,9%-ға артық көрсеткіш", - дейді мамандар.
Сонымен қатар жаңа піскен және салқындатылған ет пен құс етінің өнімі өсті. Мәселен, ірі қара мал, шошқа, қой, ешкі және жылқы етін өндіру көлемі бір жылда 10,6 пайызға артса, биылғы бес айда 30,1 мың тоннаны құрады. Өз кезегінде құс етін өндіру 5,6 пайызға артып, 46,4 мың тоннаны құрады.
Отандық ет комбинаттары мен құс фабрикаларының ішкі нарықтағы сұранысы 88,9%-ға орындалды. Өндіріс 342 мың тоннаға жетті, бұл өткен жылдың сәйкес кезеңмен салыстырғанда 1,9%-ға артық көрсеткіш", - делінген хабарламада.
Импорттың үлесіне ресурстардың 11,1%-ы, сәйкесінше 42,6 мың тонна өнім тиесілі, бұл бір жыл бұрынғыдан 5,7%-ға аз. Ал экспорт өткен жылмен салыстырғанда бірден 19,3 пайызға төмендеп, 10,3 мың тоннаны құрады.
Сонымен ішкі нарықта 374,2 мың тонна ет және ет өнімдері сатылды, бұл өткен жылмен салыстырғанда 1,7 пайызға артық көрсеткіш.
Ақпарат көзі: egemen.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.