24.03.2022, 17:50 22631

Алматыға Түркістан облысынан қырыққабаттың тікелей жеткізілімі қамтамасыз етіледі

Қабылданған шаралар қырыққабаттың бағасын ұстап тұруға, әлеуметтік маңызы бар өнімге бағаның негізсіз өсуіне жол бермеуге мүмкіндік береді.
АЛМАТЫ. 24 НАУРЫЗ - Алматы қаласы мен Түркістан облысының әкімдіктері ерте піскен жылыжай қырыққабатының тікелей жеткізілімі жөніндегі өзара ынтымақтастық туралы меморандумға қол қойды, деп хабарлайды KAZAKHSTAN TODAY Алматы қаласы әкімдігінің баспасөз қызметіне сілтеме жасап.
 

Қол жеткізілген келіссөздер шеңберінде 2022 жылғы 15 сәуірден бастап, 15 мамырды қоса алғандағы кезеңде Алматының сауда желілеріне тікелей шаруашылық алқаптарынан сатып алу бағасы бір келісі үшін 140 теңге болып бекітілген баға бойынша 550 тонна ("Магнум" сауда желісіне – 300 тонна, "Смолл" сауда желісіне – 200 тонна, "Тоймарт" сауда желісіне – 50 тонна) қырыққабат жеткізілетін болады. Бұл ретте, сөредегі бөлшек сауда бағасы бір келісі үшін шамамен 185 теңгені құрайды", - деп хабарлады Алматы әкімдігінің баспасөз қызметі.

 
Сондай-ақ, Меморандумға сәйкес, 2022 жылғы маусымнан бастап, егіс алқабында өсірілген қырыққабаттың шамамен 2 мың тонна мөлшерінің үздіксіз жеткізілімі ұйымдастырылатын болады.
 

Қабылданған шаралар қырыққабаттың бағасын ұстап тұруға, әлеуметтік маңызы бар өнімге бағаның негізсіз өсуіне жол бермеуге мүмкіндік береді", - деп атап өтті ведомствода.

 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

Ең көп оқылғаны