Азаматтардың бұл шараларға белсенді қатысуы - мемлекеттік бақылаудың баламасы ретінде қоғамдық бақылауды қамтамасыз етеді. Нәтижесінде әр тұрғынның нақты қажеттіліктеріне бағытталған жергілікті бюджеттерді бекіту және оңтайлы жұмсау үдерісіне бақылауды күшейтуге мүмкіндік болмақ.
Ашық бюджет: қоғамдық бақылау бюджет тиімділігін арттырады
Алматы. 24 қараша. Kazakhstan Today - Мемлекет басшысы Қазақстан халқына Жолдауында жергілікті бюджеттерді бекіту барысында бақылауды күшейту қажеттігін, себебі бөлінген қаражат көп жағдайда тұрғындардың шынайы қажеттілігіне жұмсыла бермейтіндігін атап өткен болатын.
Осыған байланысты Агенттік "Ашық бюджеттердің интерактивті картасы" негізінде "Ашық бюджет" жобасын іске асыруда. Оның миссиясы - азаматтардың бюджеттерді қалыптастыру мен жұмсау барысында хабардар болуын және осы жұмыстарға белсенді тартылуын арттыру, сондай-ақ өз қаржысын сауатты бөлу арқылы мемлекетті басқару ісіне азаматтық қатысуға жәрдемдесу.
Агенттік алаңындағы брифинг барысында Парасаттылық департаментінің директоры Ғанижан Асанұлы: "Ашық бюджеттердің интерактивті картасы" (publicbudget.kz) мемлекеттік органдардың есептілігі мен ашықтығын күшейту құралы бола отырып, нақты уақыт режимінде бөлінген бюджет қаражаты туралы мәліметтерді қолжетімді нысанда көрсетеді", - деп атап өтті.
Картада жалпы сомасы 11 трлн теңгеден асатын 18 мыңға жуық мемлекеттік мекеме мен ұйымдардың бюджеттері жарияланған. Осы жылдың қазан айынан бастап Карта Мемлекеттік сатып алу порталымен біріктіріліп, ақпаратқа қолжетімділікті жеңілдетуге, сондай-ақ тиімді диалогтық тұғырнама құрылды.
Нәтижесінде, 2 айда үнемделген қаражат сомасы 255 млн теңгені құрады. Бұл туралы Агенттіктің аумақтық департаменттерінің әлеуметтік желілеріндегі парақшаларында анықталған фактілер бойынша жекелеген кейстермен танысуға болады.
Сондай-ақ, "Ашық бюджет" жобасы шеңберінде бюджеттік ақпарат бойынша түсіндіру жұмыстары жүргізілуде. Жоба іске қосылған сәттен бастап 117-ден астам сарапшының қатысуымен 192 онлайн-кеңес өткізілді.
Агенттік өз тарапынан әрбір өңір тұрғындарын бюджет қаражатын тиімді жұмсауға қатысуға және елдегі сыбайлас жемқорлық деңгейін төмендетуге үлес қосуға шақырады.
Азаматтардың бұл шараларға белсенді қатысуы - мемлекеттік бақылаудың баламасы ретінде қоғамдық бақылауды қамтамасыз етеді. Нәтижесінде әр тұрғынның нақты қажеттіліктеріне бағытталған жергілікті бюджеттерді бекіту және оңтайлы жұмсау үдерісіне бақылауды күшейтуге мүмкіндік болмақ.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.