ҚР-да халықтың кірісін арттыру бойынша шаралар кешені әзірленді
Шаралар кешенін іске асыру келесі 4 бағыт бойынша іс-шаралар кешенін қамтиды.
Құжаттың мәтініне сәйкес, шаралар кешенін іске асыру келесі 4 бағыт бойынша іс-шаралар кешенін қамтиды:
1) халықтың еңбек кірістерін арттыру;
2) ауқымды жұмыспен қамтуды дамыту арқылы халықтың кірістерін арттыру;
3) кірістердің сатып алу қабілетін қорғау;
4) кәсіптік бағдар беру және ақпараттық-түсіндіру жұмыстарын жүргізу.
Бірінші бағыт бойынша жалдамалы жұмыскерлердің еңбек кірістерінің өсуін, еңбек өнімділігін арттыру және өндірістік дағдыларды дамыту жөніндегі шаралар іске асырылатын болады.
Екінші бағыт бойынша АӨК, өңдеу өнеркәсібін, шағын және орта бизнесті дамытуды ынталандыру жолымен, оның ішінде халықтың дағдылары мен біліктілігін арттыруды және жастарды қолдауға баса назар аударуды ескере отырып, жаңа жұмыс орындары құрылатын болады.
Үшінші бағыт бойынша бағаны тұрақтандыру және төмендету, ішкі нарықты молықтыру және халықтың шығындарын қысқарту бойынша шаралар іске асырылатын болады.
Төртінші бағыт бойынша кәсіптік бағдар беру жұмысын жүргізу және азаматтардың әлеуметтік жауапкершілігін арттыру жөніндегі жұмыс күшейтілетін болады.
Халық кірістерінің қазіргі жағдайы теріс үрдіске ие. Мәселен, номиналды кірістердің тұрақты оң серпініне қарамастан, 2010 жылы 39,2 мыңнан 2021 жылы 128,4 мың теңгеге дейін (қаңтар-қараша), халықтың нақты кірістерінің өсу қарқыны төмендеуде (2019 жылы 6,4%, 2020 жылы 4,3%, 2021 жылдың 11 айында 3,1%). Бұл экономикалық өсудің баяулауымен (2020 жылы (-2,5%), 2021 жылдың 9 айында - 3,6%) және 2022 жылы да сақталатын жоғары инфляциялық қысыммен (2020 жылы 7,5%, 2021 жылы 8,4%) түсіндіріледі", - делінген құжатта.
Сонымен қатар, өңірлер арасында ЖӨӨ бойынша алшақтық сақталып отыр. Мысалы, егер ЖӨӨ деңгейі бойынша 2010 жылы Алматы қаласы Солтүстік Қазақстан облысынан 8,7 есе көп болса, 2020 жылы алшақтық 10 есе мөлшерде болды.
Жан басына шаққандағы ЖӨӨ бойынша өңірлер арасындағы теңсіздіктегі алшақтық одан да артық болып отыр. Мәселен, Атырау облысында бұл көрсеткіш 2020 жылы Түркістан облысымен салыстырғанда 17 есеге көп болды.
Кірісі ең төмен күнкөріс деңгейінен төмен халық үлесінің өсуі байқалады (2017 жылғы 2,6%-дан 2020 жылы 5,3%-ға дейін). Жалпы, нақты кірістердің тұрақты өсуінің болмауы, салыстырмалы төмен еңбек кірісі, өзін-өзі жұмыспен қамтудың жоғарылығы және халықтың кетуі болашақта нақты кірістердің өсуі бойынша мақсаттарға қол жеткізбеу тәуекелдері болып табылады", - делінген құжат мәтінінде.
Құжаттың толық мәтінімен Ашық НҚА сайтында танысуға болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.