ҚР ІІМ арнайы операциясы: контрабанда және заңсыз көші-қонды ұйымдастырумен айналысқан топ ұсталды
ҰҚТ қылмыстық әрекетті Өзбекстанмен шекарада жүзеге асырған
Түркістан. 30 қараша. KAZAKHSTAN TODAY - ҚР Ішкі істер министрлігінің Ұйымдасқан қылмысқа қарсы күрес департаменті ҰҚК-нің 5 департаментімен бірлесіп, Өзбекстан Республикасымен шекаралас Түркістан облысының "Қазығұрт" кеден бекетінде өздерінің қылмыстық қызметін жүзеге асырған топқа қатысты ауқымды арнайы операция жүргізді, деп хабарлайды ҚР ІІМ баспасөз қызметі.
Аталған адамдар кеден бекетіндегі сыбайлас жемқорлық байланыстарын пайдалана отырып, "брокерлік қызметтер" көрсету деген желеумен тауарларды жалған құжаттар бойынша заңсыз әкелуді жүйелі негізде жүзеге асырды. Тасымалданатын жүкке байланысты бір жүк көлігінің кедергісіз кіруі мен шығуы үшін 200 мың теңгеге дейін ақы алынған, бұл кейіннен тауар құнының өсуіне әсер еткен. Тәулігіне кеден бекеті арқылы 150-ге жуық автокөлік өткен", - деп хабарлады ІІМ.
Сонымен қатар, қылмыскерлер көрші елдің азаматтарына мемлекеттік шекараны заңсыз кесіп өтуіне қылмыстық қолдау көрсеткен.
Жедел қызметкерлер бүкіл қылмыстық схеманы анықтап, құжаттады", - деп атап өтті ведомствода.
Бір мезгілде тінту жүргізіліп, ірі көлемдегі ақша, атыс және суық қарудың түрлері, "қара кассаның" есепке алу жазбалары, шетел азаматтарының паспорттары, арнайы техникалық құралдар тәркіленді.
Қазіргі уақытта сотқа дейінгі тергеу жүргізілуде, кінәлі адамдарға қатысты бұлтартпау шарасын тағайындау мәселесі қарастырылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Журналист Махамбет Әбжан 9 жылға бас бостандығынан айырылды
Сурет: Depositphotos
Сот сотталушының қылмыстық іс-әрекетін қауіпті қайталануы деп танды
Тараз. 3 ақпан. KAZAKHSTAN TODAY - Сарыарқа ауданының №2 Мамандандырылған ауданаралық сотының үкімімен М. Әбжан көрінеу жалған ақпарат таратқаны және бопсалағаны үшін кінәлі деп танылды, деп хабарлайды Антикор.
2022 жылдың 3 шілдесінде М. Әбжан 50 миллион теңге алған кезде ұсталды.
Сот сотталушының қылмыстық іс-әрекетін қауіпті қайталануы деп танды.
Естеріңізге сала кетейік, бұған дейін Әбжан екі рет сотталған болатын. Сонымен қатар, алаяқтық бойынша соттылық жойылған жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тараз әкімдігінің бұрынғы қызметкерлеріне қатысты қылмыстық істі Антикор тергеп жатыр
Жер учаскелерін негізсіз ауыстыру нәтижесінде мемлекетке 238 млн теңге көлемінде залал келтірілді
Тараз. 3 ақпан. KAZAKHSTAN TODAY - Жамбыл облысының Сыбайлас жемқорлыққа қарсы қызметі Тараз қаласы әкімдігінің бұрынғы лауазымды тұлғаларына қатысты лауазымдық өкілеттіктерді теріс пайдалану фактісі бойынша қылмыстық істі тергеп-тексеруде.
Тергеу нәтижесінде 2021 жылы Тараз қаласының жер комиссиясының шешімімен Тараз қаласының тұрғынына шаруа қожалығын жүргізуге арналған жер учаскесін жалпы ауданы 3,56 га болатын ғимараттар мен құрылыстар салуға арналған басқа 2 жер учаскесіне өтеусіз ауыстыру жүргізілгені анықталды", - деп хабарлады баспасөз қызметі.
Жер учаскелерін негізсіз ауыстыру нәтижесінде мемлекетке 238 млн теңге көлемінде залал келтірілді.
Тергеу барысында Тараз қаласы Жер қатынастары бөлімінің бұрынғы басшысы және аталған бөлімнің бұрынғы сектор меңгерушісі ұсталып, Тараз қаласы сотының санкциясымен қамауға алынды. Тергеу жалғасуда", - деді агенттікте.
Сонымен қатар, Сыбайлас жемқорлыққа қарсы қызмет пен облыс прокуроры жер учаскелерін сот тәртібімен иеліктен шығару туралы шартты бұзу туралы мәселеге бастамашылық жасады.
Мәселен, 2023 жылғы 6 қаңтарда Жамбыл облысының Мамандандырылған ауданаралық экономикалық сотының шешімімен жер учаскелерін иеліктен шығару туралы шарт жарамсыз деп танылып, жер учаскелері мемлекеттік меншікке қайтарылды", - деп хабарлады баспасөз қызметі.
Азаматтардың әлеуметтік әл-ауқатын одан әрі қолдау мақсатында облыс әкімдігімен мектеп пен көппәтерлі тұрғын үй құрылысына қайтарылған жер учаскесінің егжей-тегжейлі жоспарлануын түзету туралы келісімге қол жеткізілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда екі автобус соқтығысып, алты адам зардап шекті
ЖКО дерегін полиция қызметкерлері өндіріске қабылдады
Алматы. 2 ақпан. KAZAKHSTAN TODAY - Алматыда 2 ақпан сағат 08:30-да Әл-Фараби даңғылында, Жароков көшесінің батысына қарай ЖКО болды. Екі қоғамдық көлік соқтығысты. Алдын ала мәлімет бойынша, алты адам дене жарақатын алды.
Жергілікті полиция қызметі кезекші бөлімінің мәліметі бойынша, 31-бағыттағы Yutong қоғамдық көлігінің жүргізушісі даңғылмен батыс бағытта келе жатып, алдын ала болжам бойынша, арақашықтықты сақтамау салдарынан аялдамада тұрған 116-бағыттағы SAZ қоғамдық көлігімен соқтығысқан", - деп хабарлады полиция.
Алдын ала мәлімет бойынша, алты адам дене жарақатын алды.
ЖКО дерегін Бостандық аудандық ПБ-ның қызметкерлері өндіріске қабылдады.
Ақпарат көзі: polisia.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ҰҚК ірі есірткі тобының қызметін тоқтатты
Сурет: gov.kz
103 келі есірткі тәркіленді
Астана. 1 ақпан. KAZAKHSTAN TODAY - Ұлттық қауіпсіздік комитеті Қазақстан аумағына аса ірі көлемде синтетикалық есірткіні кіргізудің және сатудың тұрақты арнасын ұйымдастырған қылмыстық топтың жолын кесті, деп хабарлайды ҚР Ұлттық қауіпсіздік комитетінің баспасөз қызметі.
"Мефедрон" және "альфа-PVP" әлеуметтік желілер мен мессенджерлер арқылы саудаланған. Есірткі жасырын орындардың координаттарын беру арқылы бетпе бет кездесусіз алынып отырған. Жинақталған бұлтартпас айғақтардың нәтижесінде Шымкент және Қонаев қалаларында есірткі синдикатының ұйымдастырушысы мен үш көмекшісі ұсталды", - деп хабарлайды ҰҚК.
Тінту барысында заңсыз айналымынан 103 келі синтетикалық есірткі алынды.
Өлімге әкелетін "тауарды" Астана, Алматы, Қонаев, Көкшетау, Шымкент, Тараз, Қызылорда және Өскемен қалаларында тарату көзделген.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Жамбыл облысында қару сақталған екі жасырын орын табылды
Жасырын орындарда, соның ішінде қаңтар оқиғалары кезінде ұрланған қару-жарақ болған
Сурет: Polisia.kz
Тараз. 1 ақпан. KAZAKHSTAN TODAY - Тараз қаласы 2-ПБ полиция қызметкерлері мен ҚАЖД мекемесінің қызметкерлері бірлесіп жүргізген іздестіру жұмыстары нәтижесінде қаладағы өртеніп кеткен ескі гараждардың бірінен қапқа оралған қарулар мен оқ-дәрілер табылды.
Аталған орыннан тіркелген және криминалды қару есебінде жоқ калибрі 16 мм бір ауызды тегіс ұңғылы ИЖ-3К аңшы мылтығы, қаңтар оқиғасы кезінде ПД ғимаратынан ұрланған калибрі 9 мм Макаров тапаншасы, дыбысты граната, калибрі 9 мм 151 дана оқ-дәрі алынды", - деп хабарлайды Polisia.kz.
Сондай-ақ, Жуалы аудандық полиция қызметкерлерімен жедел-іздестіру шараларын жүргізу барысында Б.Момышұлы ауылында орналасқан ескі бос ғимарат ішінен қапшыққа салынып, жасырылған қарулар анықталды.
Қапшықтан тегіс ұңғылы 16-калибрлі қос ауызды ТОЗ нөмері өшірілген шолақ мылтық және 5,45-калибрлі 15 дана оқ-дәрі табылды. Барлық қаруларға сот-баллистикалық сараптама тағайындалды", - деп атап өтті полиция.
Аталған деректерге қатысты ҚР ҚК-нің 287-бабы 2 және 3-бөлігімен ("Қаруды, оқ-дәрілерді заңсыз иемдену, жасау, беру, сақтау") сотқа дейінгі тергеу амалдары жүргізіліп жатыр.
Ақпарат көзі: Polisia.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ҚТЖ Шымкент филиалының басшысы жүйелі сыбайлас жемқорлыққа қатысы бар деген күдікке ілінді
Сыбайлас жемқорлық қылмыс жасады деген күдік бойынша "Қазпошта" АҚ Павлодар облыстық филиалы директорының орынбасары ұсталып, қамауға алынды
Сурет: Depositphotos
Шымкент. 27 қаңтар. KAZAKHSTAN TODAY - "ҚТЖ-Жүк тасымалы" ЖШС Шымкент филиалының басшысы пара алғаны үшін әшкереленді, деп хабарлады Шымкент қаласының Сыбайлас жемқорлыққа қарсы іс-қимыл агенттігі департаменті басшысының міндетін уақытша атқарушы Дәурен Ерғарин.
Шымкент қаласы бойынша Сыбайлас жемқорлыққа қарсы қызмет "ҚТЖ-Жүк тасымалы" ЖШС Шымкент филиалының басшысына және оның қарамағындағы бірқатар қызметкерлерге қатысты сотқа дейінгі тергеп-тексеруді жүргізуде. Олар поездарды қабылдаушы, кассир, вагондарды тексеруші-жөндеуші және т.б. лауазымдарға жұмысқа орналасу үшін жүйелі түрде пара бергені және алғаны үшін әшкереленген, деді Ерғарин.
Сотқа дейінгі тергеу жалғасуда. Өзге ақпарат жария етуге жатпайды.
27.01.2023, 11.55 толықтырылды
Павлодар облысы бойынша сыбайлас жемқорлыққа қарсы қызмет "Қазпошта" АҚ ішкі қауіпсіздік қызметінің көмегімен сыбайлас жемқорлық қылмыс жасады деген күдік бойынша "Қазпошта" АҚ Павлодар облыстық филиалы директорының орынбасарын ұстап, қамауға алды.
Ол мердігер ұйым өкілінен орындалған жұмыстар актілеріне кедергісіз қол қойғаны үшін 2 000 000 теңге сомасында пара алды деп күдіктелуде. Күдіктінің кінәсі туралы түпкілікті шешімді сот қабылдайды", - деді ведомствода.
Бұған дейін Таразда студенттерден пара алған ЖОО оқытушысы ұсталғаны хабарланған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Таразда студенттерден пара алған ЖОО оқытушысы ұсталды
Аға оқытушы 4-курс студенттерінен үш айлық тәжірибелік сабақтардан және емтиханнан өткізіп беремін деп әрқайсысынан 50 мың теңге көлемінде ақша талап еткен
Сурет: Depositphotos
Тараз. 27 қаңтар. KAZAKHSTAN TODAY - 20 қаңтарда Жамбыл облысы полиция департаментінің ұйымдасқан қылмысқа қарсы күрес басқармасы қызметкерлерімен жүргізілген арнайы жедел-іздестіру шаралары барысында қаладағы жоғары оқу орынының бірінен 46 жастағы оқытушы қызметтік кабинетінде студенттен 200 мың теңге көлемінде қаржы алу кезінде ұсталды.
Полиция қызметкерлері аға оқытушының бұған дейін 4-курс студенттерінен үш айлық тәжірибелік сабақтардан және емтиханнан өткізіп беремін деп әрқайсысынан 50 мың теңге көлемінде ақша талап еткендігін анықтады. Ұсталған ер адам кінәсін толық мойындады. Оған қатысты қолхатпен босату туралы бұлтартпау шарасы қолданылды", - деді полицияда.
Аталған дерекке қатысты ҚР ҚК-нің 190-бабы 3-бөлігі 3-тармағымен (Екі немесе одан да көп адамға қатысты жасалған алаяқтық) сотқа дейінгі тергеу амалдары басталды.
Бапқа сәйкес, осындай қылмыс жасағаны үшін мүлкi тәркiленіп, үш жылдан жеті жылға дейінгі мерзiмге бас бостандығын шектеуге не сол мерзiмге бас бостандығынан айыру, белгiлi бiр лауазымдарды атқару немесе белгiлi бiр қызметпен айналысу құқығынан өмір бойына айыра отырып, жымқырылған мүліктің он еселенгеннен жиырма еселенгенге дейінгі мөлшерінде айыппұл салу, не үш жылдан жеті жылға дейінгі мерзiмге бас бостандығынан айыру жазасы көзделген.
Ақпарат көзі: Polisia.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.