11.06.2021, 21:03 18618
Жамбыл облысындағы жанжал атыс пен өлімге әкеліп соқтырған жол-көлік оқиғасымен аяқталды
Достарға айту
Жамбыл облысы Полиция департаментінің бастығы Жанат Сүлейменов 2021 жылғы 9 маусымда сағат 21:20-да Меркі аудандық полиция бөліміне жергілікті тұрғын xабарласып, белгісіз адамдар олардың фазендаларына келіп, біреуі ағасына оқ атқаны туралы айтты, деп хабарлайды Polisia.kz.
Полицейлер оқиға орнына келген соң шаруа қожалығының иесі мен жергілікті үш тұрғынның арасында жанжал туындағаны, оның барысында ер адамдардың бірі фазенда иесіне тіркелген тегіс ұңғылы мылтықтан оқ атып кеткені анықталды. Алайда жарақат алған ер адам оларды өз көлігімен қуған, соқтығысу барысында екінші көліктің жүргізушісі жол-көлік оқиғасы орнында көз жұмып, жолаушысы жарақаттанған. Аяғы мен қолынан бытыра оғынан жарақат алған ер адам Меркі ауылындағы аудандық орталық ауруханаға жатқызылды", - деп хабарлады полицияда.
Жанат Сүлейменов қазіргі уақытта аталған оқиғаның барлық қатысушылары ұсталғанын, сотқа дейінгі тергеп-тексеру амалдары жүргізіліп жатқанын атап өтті. Қажетті сараптамалар тағайындалды. Істің мән-жайы анықталуда.
Ақпарат көзі: Polisia.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
26.07.2024, 15:52 9176
Ақмола облысында жеңіл көлік түйеге соғылып, бір адам көз жұмды
Достарға айту
Ақмола облысында жолдың үстіне шығып кеткен түйенің салдарынан жол- оқиғасы орын алып, бір адам көз жұмды, деп хабарлайды ҚазАқпарат.
Ақмола облысы ПД баспасөз қызметінің мәліметінше, қайғылы жағдай 24 шілдеде "Астана-Ерейментау-Шідерті" автожолының 23 шақырымында болған.
"Анықталғандай, "Chevrolet Cobalt" автокөлігі жолдың үстінде тұрған түйеге соғылды. Жол-көлік оқиғасы салдарынан такси жолаушысы - Сандықтау ауданының 49 жастағы тұрғыны оқиға орнында қаза тапты", - деді ведомстводан.
ПД баспасөз қызметінен атап өткендей, Целиноград аудандық полиция бөлімі бұл деректі Қылмыстық кодекстің 345-бабы 3-бөлігі бойынша сотқа дейінгі тергеп-тексерулердің бірыңғай тізілімінде тіркеді.
"Сот-медициналық сараптама тағайындалды. Тергеу амалдары жүргізіліп жатыр. Жануардың иесі анықталғаннан кейін ол жауапқа тартылады", - деп толықтырды ведомстводан.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
25.07.2024, 12:00 14426
Алты ай бұрын "Майқайың" кенішіндегі шұңқырға құлаған автобус табылды
Достарға айту
Алты ай бұрын "Майқайың" кенішіндегі шұңқырға құлаған автобус табылды. "Майқайың-алтын" АҚ тау-кен ауданындағы опырылған жерде іздестіру жұмыстары жалғасуда, деп хабарлайды Павлодар облысы әкімдігінің баспасөз қызметінен.
Кеше кешкісін қазба жұмыстары кезінде құтқарушылардың автобусы табылды. Ауа-райына қолайсыздығына (жаңбыр мен жел) және топырақтың құлау қаупінің сақталуына байланысты жұмыстар аса сақтықпен жүргізілуде.
Бүгін таңғы сағат 05.00-ден бастап іздестіру жұмыстары қайта жанданды. Қазіргі уақытта көліктің алдыңғы бөлігіне дейін жету мүмкін болып, бампері мен доңғалағы көрінді.
55 жастағы төртінші құтқарушы, жүргізуші Айып Тілеубергеновтің денесі әлі табылған жоқ. Жақын арада іздестіру жұмыстары нәтиже береді деген үміттеміз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
22.07.2024, 15:03 27416
Ақмола облысында АН-2 әуе кемесінің құлауына қатысты Көлік министрлігі түсініктеме берді
Достарға айту
Сағат 18.54 Ақмола облысының Жарқайың ауданында АН-2 әуе кемесі апатқа ұшырады. Тіркеу нөмірі - UPA0141. Ұшақтың өртенуі орын алды. Бортта ұшқыш болды. Әуе кемесі "Бүркіт-Авиа" ЖШС-не тиесілі.
Оқиға орнында Ақмола облысы ТЖД күштері жұмылдырылды, өрт оқшауланды, алдын ала ақпарат бойынша адам шығыны мен зардап шеккендер жоқ, деп мәлімдеді ҚР Көлік министрлігінің баспасөз қызметінен.
Осы оқиға бойынша ҚР Көлік министрлігі авиациялық оқиғаны тергеу жөніндегі комиссия құрады. Көліктегі оқиғалар мен оқыс оқиғаларды тексеру департаментінің қызметкерлері авиациялық оқиға орнына жіберіледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
22.07.2024, 14:22 27681
Қарағанды ферроқорытпа зауытындағы төтенше жағдай: зардап шеккендердің бесеуінің жағдайы өте ауыр
Достарға айту
Қарағанды ферроқорытпа зауытындағы төтенше жағдай: зардап шеккендердің бесеуінің жағдайы өте ауыр, деп хабарлайды Қарағанды облысы әкімдігінің баспасөз қызметінен.
Ферроқорытпа зауытындағы жазатайым оқиғаны тергеу Қарағанды облысы басшылығының тұрақты бақылауымен жүріп жатыр. Жауапты органдар аппараттық кеңесте жағдайды баяндады.
Өздеріңіз білетіндей, ферроқорытпа зауытында штаттан тыс жағдай болып. Өкінішке қарай, 8 қызметкер зардап шекті. Қазір барлығына толық көлемде қажетті медициналық көмек көрсетілуде. Мен зардап шеккендердің туыстарымен жеке кездестім, дәрігерлермен де сөйлестім. Медицина қызметкерлері қолдан келгеннің бәрін жасап жатыр", - деді облыс әкімі Ермағанбет Бөлекпаев.
Денсаулық сақтау басқармасының басшысы Бибігүл Төлегенованың айтуынша, зардап шеккен бес адамның жағдайы өте ауыр, үшеуінің жағдайы ауыр жағдайда. Шокқа қарсы барлық кешенді терапия жүргізілуде.
YDD Corporation ферроқорытпа зауытында болған оқиға фактісі бойынша ҚР ҚК 156-бабының 2-бөлігі бойынша "Абайсызда денсаулыққа ауыр зиян келтіруге әкеп соққан еңбекті қорғау ережелерін бұзу" бабына сай қылмыстық іс қозғалды.
Еңбек заңнамасы шеңберінде болған жағдайдың себептері мен мән-жайларын тексеру үшін арнайы комиссия құрылды.
Комиссия құрамына барлық уәкілетті мемлекеттік органдардың өкілдері кірді. Жұмыстар бірінші күннен басталып кетті. Әр өкіл өз бағытын пысықтап жатыр. Бастапқыда оқиға болған жер тексерілді, жазатайым оқиғаның куәгерлеріне сауалнама жүргізілді. Енді техникалық құжаттамамен танысу жүргізілуде. Біз күн сайын жұмыс істеп жатырмыз", - деді еңбек инспекциясы басқармасының басшысы Мұрат Қарақекілов.
Тергеу қорытындысы бойынша қорытынды жасалады.
Бұл жұмысты сіздер барлық жауапты мемлекеттік органдармен, соның ішінде құқық қорғау органдарымен тығыз ынтымақтастықта жүргізулеріңіз керек. Түбегейлі және объективті түрде!" - деп атап өтті Ермағанбет Бөлекпаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
17.07.2024, 09:48 46116
Алматы облысында қатты жаңбыр салдарынан ағын судан жүк көлігі жол жиегіне шығып кеткен
Достарға айту
16 шілде күні, сағат 15.58-де бұршақ аралас нөсер жауынның салдарынан республикалық маңызы бар Көкпек-Кеген-Түп автокөлік жолының 26-32 шақырымын Ақсай ауылының маңындағы таулы аймақта жауын-шашын салдарынан ағын судың қалыптасуы орын алғаны бәріңізге белгілі. Сонымен қатар жауынның салдарынан ағын судан жүк көлігі жол жиегіне шығып кеткен еді, деп хабарлайды аудан әкімшілігінің баспасөз қызметінен.
Осыған орай, жолды тазалау жұмыстарына Кеген, Еңбекшіқазақ және Ұйғыр аудандарының арнайы техникалары жұмылдырылды.
Аудан әкімдігі тарапынан тиісті мекемелер мен жауапты сала басшыларына тапсырмалар жүктеліп, мәселені қатаң бақылауда ұстап, дер кезінде қалпына келтіру жұмыстарын жүргізді.
Жүк көлігі дер кезінде балшықтан шығарылды.
Оқиға орнына 17 қызметкер жұмылдырылды.
Олар: ТЖД (5 адам және 2 бірлік техника), ПД (7 адам және 4 бірлік техника), әкімдіктен (3 адам және 2 бірлік техника), сондай-ақ Қазавтожол қызметкерлері (2 адам және 2 бірлік техника).
Сағат 17.00-де жаңбыр тоқтап, су деңгейі түсті.
Автокөлік қозғалысы штаттық режимде жұмыс жасауда.
Оқиға салдарынан зардап шеккендер жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
16.07.2024, 19:01 49436
Шомылу маусымы басталғаннан бері 85 адам, оның ішінде 35 бала суға батып кетті
Достарға айту
Қазақстанда су айдындарында қаза тапқандардың саны күннен-күнге өсуде, деп хабарлайды ҚР ТЖМ баспасөз қызметінен.
Алайда балалар өлімінің күрт өсуі үлкен алаңдаушылық тудырады. Жазатайым оқиғалар демалыс күндері жиі кездеседі. Қауіпсіздік ережелерін елемеу, жабдықталмаған жерлерде шомылу және балаларды назардан тыс қалдыру көбінесе қайғылы жағдайға әкелуде.
Мәселен, шомылу маусымы басталғаннан бері 85 адам, оның ішінде 35 бала суға батып кетті. Өткен жылдың ұқсас кезеңімен салыстырғанда адам өлімі 14% - ға азайды, балалар - 20% - ға өсті.
ТЖМ қазақстандықтарды судағы қауіпсіздік ережелерін сақтауға шақырады. Бұл ережелермен сіз министрліктің ресми сайтында таныса аласыз.
Шомылуға тыйым салынған 4 598 орын анықталды, онда 5 894 ескерту және тыйым салу белгілері орнатылды. 708 рұқсат етілген жаппай демалыс орны бекітілді.
Шомылу маусымының басталуымен су айдындарының қорғалмаған бөліктерінде азаматтардың қауіпсіздігін қамтамасыз ету үшін ТЖМ аумақтық бөлімшелерінің күштерімен 42 тұрақты және қосымша 150-ге жуық жылжымалы маусымдық құтқару бекеттері орнатылды.
ТЖМ, Ішкі істер және Көлік министрліктерімен бірлесіп су айдындарында адамдардың қаза болу қаупін азайту мақсатында азаматтардың судағы қауіпсіздік қағидаларының талаптарын бұзудың жолын кесу бағытында азаматтардың судағы қауіпсіздік қағидаларының талаптарын бұзуының жолын кесу бойынша 39 853 рейдтер мен патрульдеу жүргізді.
Тыйым салынған жерлерде шомылу өмірге қауіп төндіріп қана қоймай, айыппұл түрінде әкімшілік жауапкершілікке әкеледі. Тек әкімшілік құқық бұзушылық туралы кодекстің 412-бабы бойынша 721 қазақстандыққа 18 миллионнан астам теңге сомаға айыппұл салынды.
Министрліктің халықты қорғау бойынша қабылдаған шаралары өз тиімділігін көрсетуде. Оған дәлел, 45 күннің ішінде құтқарушылар 153 адамды, оның ішінде 38 баланы құтқарды.
ТЖМ азаматтарды судағы қауіпсіздік қағидаларын сақтауға шақырады.
Әрбір азамат су айдындарында қауіпсіздік қағидаларын қатаң сақтауы қажет.
Бірінші: Балаларды су айдындарының жанында қараусыз қалдырмаңыз және ересектердің қарауынсыз шомылуға жол бермеңіз. Балаларыңызды жүзуге үйретіңіз;
Екінші: Бейтаныс және шомылуға жабдықталмаған орындарда, сондай-ақ "Шомылуға тыйым салынады", "Сүңгуге тыйым салынады", "Қауіпті! Иірім" белгілері орнатылған жерлерде суға түспеңіз;
Үшінші: Мас күйінде шомылмаңыз;
Төртінші: Жүзудің шекарасын белгілейтін қалытқылардан (буйки) асып кетпеңіз;
Бесінші: Шағын көлемді кемелерге және басқа да жүзу құралдарына жақын жүзіп бармаңыз;
Алтыншы: Тексерілмеген және жабдықталмаған жерлерде сүңгімеңіз;
Жетінші: Жүзу құралдарына құтқару күртешесінсіз отырмаңыз.
Жүзуге арналмаған заттармен жүзбеңіз;
Сегізінші: Қайықтардан, катерлерден, айлақтардан, жартастардан, парапеттерден, қоршаулардан және басқа да заттардан, сондай-ақ осы мақсаттарға бейімделмеген құрылыстардан суға секірмеңіз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
16.07.2024, 18:57 49611
Алматыда автобусдың қатысыуымен тағы да бір ірі ЖКО тіркелді, зардап шеккендер бар
Достарға айту
Алматыда 2024 жылдың 16 шілдесінде автобустың қатысуымен ірі ЖКО орын алды, деп хабарлайды Zakon.kz.
Қалалық полиция департаментінің хабарлауынша, апат таңертең сағат 09:15-те Наурызбай ауданында болған.
Жүк көлігінің жүргізушісі Әшімов көшесімен солтүстік бағытта, Шаляпин көшесінің солтүстігінде аялдамада тоқтаған 137-маршруттағы жолаушылар автобусына соқтығысқан. Инерция бойынша автобус жол жиегіне шығып, жеке үйдің қоршауына соқтығысқан",-деп хабарлады Алматы ПД баспасөз қызметі.
Алдын ала мәліметтер бойынша, автобустың тоғыз жолаушысы зардап шекті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
16.07.2024, 12:21 50291
Оңтүстік Қазақстанда малдан бруцеллез анықталды
Достарға айту
Шымкент қаласы мен Түркістан облысында ірі қара және ұсақ малдың бруцеллезі анықталды. Жергілікті атқарушы органдар аумақта шектеу шараларын енгізуде, деп хабарлайды АПК Новости агенттігі .
Шымкент қаласының бас ветеринариялық-санитариялық инспекторы 9 шілдеде есеп берді. 15 шілдеде қала әкімі инфекция анықталған аймақтарға шектеу шараларын енгізу туралы шешім қабылдады. Бруцеллез ірілі-ұсақты малдан, әртүрлі аумақтарда, бірақ қаланың бір ауданында - Абай ауданында анықталғаны хабарланады.
Ал, 11 шілдеде Түркістан облысының Қызылсеңгір ауылында да ірі қара малдың бруцеллезі анықталды. Оқиға орнында шектеу шаралары белгіленді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ең көп оқылғаны
26.07.2024, 13:22"Семей орманы" резерватындағы орманның оннан бір бөлігі өртеніп кеткен 26.07.2024, 13:26 28191ҰҚК қазақстандықтарды Ресеймен шекарадағы БӨП-да қозғалыстың шектелуі мүмкін екендігі туралы ескертті26.07.2024, 13:30 27961Сот Талдықорғандағы "Ардагерлер саябағы" жерлерін мемлекеттiк меншiкке қайтару туралы талап арызды қанағаттандырды26.07.2024, 14:00 27271Қостанай облысының табиғат қорғау прокуратурасы мемлекетке аңшылық алқаптарын қайтарды26.07.2024, 14:07 26696Нобель сыйлығының лауреаты Рэ Квон Чунг "Берел" қорық-мұражайындағы экспонаттарды жоғары бағалады
23.07.2024, 16:36 78431Ауылдық жерлерде 102 МСАК нысанының құрылысы аяқталды23.07.2024, 16:32 60556Алматыда күн панельдерін өндіру зауытының капсуласы салынды23.07.2024, 15:49 54571Мемлекет басшысы Мысыр Президентіне құттықтау жеделхатын жолдады23.07.2024, 16:31 54411Сыбайлас жемқорлық тәуекелдерін болдырмау үшін Үкімет "таза" 5%-бен тікелей субсидиялау тетігін енгізді23.07.2024, 16:15 54221ҚР Президенті Қасым Жомарт Тоқаев қысқа мерзімді демалыста
19.07.2024, 15:22 109346Ақтөбеде тұрғын үйлерді сапасыз салу бойынша қылмыстық іс сотқа жолданды19.07.2024, 21:29 106136Алматыда 22 шілдеден жылу жүйелерін үш апталық сынақтан өткізу басталады27.06.2024, 20:26 104181Кіші Аралдың жағдайы тексеріліп, суды үнемдеу және экология мәселесі қолға алынады19.07.2024, 15:18 Бектенов Бұқтырма су қоймасы арқылы өтетін Қазақстандағы ең ұзын көпір құрылысының барысымен танысты103266Бектенов Бұқтырма су қоймасы арқылы өтетін Қазақстандағы ең ұзын көпір құрылысының барысымен танысты19.07.2024, 15:16 100886Үкімет су тасқынынан кейін инфрақұрылымды қалпына келтіруге қосымша 22,7 млрд теңге бөлді