АСТАНА. 20-ақпан. Kazakhstan Today. Қазақстан Республикасының сыртқы істер министрлігі Астанада дипломатиялық корпус үшін әлеуметтік инфрақұрылымды қалыптастыруды ұсынады. Бұл туралы бүгін өткен үкімет отырысында сыртқы саясат мекемесінің басшысы Марат Тажин мәлімдеді, деп хабарлайды Kazakhstan Today агенттігінің тілшісі.
"Біз Астананың бас жоспарын нақтылау аясында Астанада тұратын дипломаттарға арналған мектептер мен ауруханалары бар әлеуметтік инфрақұрылым құру үшін қажетті коммуникацияларымен қоса жер телімін беруді қарастыруларыңызды сұраймыз",- деді Марат Тажин.
Үкіметтің баспасөз қызметі мәтінін таратқан министр баяндамасында, "қаланың беделді ауданынан 50 га көлемінде" жер телімін бөлу туралы сөз болып отырғандығы көрсетілген.
"Біздің пікірімізше, бұл қаланы ірі аймақтық және субаймақтық орталық ретінде танытуда маңызды болар еді",- деп атап өтті министр. Сонымен қатар, Марат Тажиннің ойынша, "көрсетілген барлық нысандардың ... бір аумақта болуы тек дипломатиялық корпустың қолайлылығын ғана емес, сондай-ақ дипломаттардың қауіпсіздігін қамтамасыз етуге де мүмкіндік береді". "Біз бұл проблемалармен әлі талай түйісеміз",- деді ол.
Марат Тажиннің ақпараттарына сүйенсек, бүгін Астанада 25 елшілік бар, тағы осыншалықты елшілік Алматыда жұмыс істеуде. "Бірақ, біз жуық арада, орта мерзімді кезеңде, олардың барлығы да Астанаға көшіріледі деген сенімдеміз",- деді СІМ басшысы.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан Республикасының сыртқы істер министрлігі Астанада дипломатиялық корпус үшін әлеуметтік инфрақұрылымды қалыптастыруды ұсынады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.