Қырғызстан Республикасының Қамбарата ГЭС-2 құрылысына 1,2 млрд сом бөлінеді
Қырғызстан Республикасының Қамбарата ГЭС-2 құрылысына 1,2 млрд сом бөлінеді
Бішкек. 22 қаңтар. "Қазақстан Бүгін" - Қырғызстан Республикасының Қамбарата ГЭС-2 құрылысына 1,2 млрд сом бөлінеді, деп хабарлайды агенттік Қырғызстан Республикасының қаржы министрлігінің баспасөз қызметіне сілтеме жасай отырып.
Қаржы министрлігінің басшысы Тажикан Қалымбетовтың айтуынша, мемлекет тарапынан қомақты қаржы бөліну көзделген. Мәселен, Қамбарата ГЭС-2 құрылысына 1,2 млрд сом қарастырылған.
Сонымен қатар, 300 млн сомнан артық қаржы маңызды жол магистралдерінің қайта жөндеу жұмыстары мен құрылысына жұмсалатын болса, 178 млн сом - Қырғызстан Республикасында Ұжымдық қауіпсіздік келісім-шарт жөніндегі ұйымға мүше мемлекет басшылары кездесуінің дайындығына және өткізу шараларына бөлінеді.
Министр хабарлағанындай, бюджет табысы 44,2 млрд сом мөлшерінде жиналады. Бұл өткен жылдармен салыстырғанда 7,2 млрд сомға артық. Бюджеттің шығыс бөлігі 48,6 млрд сомды құраса, бұл 2007 жылмен салыстырғанда 8,1 млрд сомға жоғары.
Мемлекеттің негізгі табыс көзі елден түсіп жатқан салық төлемдері. Сарапшылардың балжамдары бойынша, бүгінде салық мөлшері кірістің 81,7% құрайды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.