Қазақстанның Португалиядағы Елшісі Жан Ғалиевті Республика Ассамблеясы төрағасының орынбасары, Еуропа Кеңесі Парламенттік Ассамблеясындағы (ЕКПА) делегация басшысы Эдит Эштрела қабылдады, деп хабарлайды Қазақстан Республикасы Сыртқы істер министрлігінің баспасөз қызметінен.
Сұхбаттасушылар парламентаралық диалог пен институционалдық әріптестікті нығайтуға ерекше назар аудара отырып, екіжақты және көпжақты күн тәртібіндегі мәселелердің кең ауқымы бойынша жан-жақты пікір алмасты. Елші Астана мен Лиссабон прагматизм мен ұлттық мүдделерді басшылыққа ала отырып, алмасуларды жандандыру және жаңа мүмкіндіктерді іздеу үшін күш салу қажет екендігіне назар аударды.
Тараптар елдер арасында тікелей әуе қатынасын орнату міндетін басымдық ретінде таныды, бұл бизнес, туризм, мәдени және академиялық алмасулар үшін негізгі қозғаушы күш болуға тиіс. Э. Эштреланың бірқатар негізгі бағыттар бойынша қосалқы баяндамашы және ЕКПА-дағы делегация жетекшісі ретіндегі мол парламенттік тәжірибесі бар беделді саясаткер ретіндегі рөлін ескере отырып, Қазақстанның еуропалық институттармен өзара іс-қимылының маңыздылығы аталып өтті.
Ж.Ғалиев сұхбаттасушыны Қазақстандағы конституциялық реформалардың барысымен таныстырды. Конституциялық мәселелер, құқықтар, бостандықтар және кепілдіктер жөніндегі комиссияның мүшесі болып табылатын Э. Эштрела Қазақстандағы ел халқының белсенді қатысуымен жүріп жатқан саяси трансформация, демократияландыру, мемлекеттің құқықтық негіздерін нығайту процестеріне ерекше қызығушылық білдірді.
Елші уақыт талабына сай дәйекті түрде жүргізіліп жатқан реформалар Президент Қасым-Жомарт Тоқаевтың "Әділетті Қазақстан" стратегиялық курсы мен оның "Халық үніне құлақ асатын мемлекет" саяси басқару тұжырымдамасын іс жүзінде асыру болып табылатынын атап өтті.
Кездесу қорытындысы бойынша парламентаралық достық топтары мен бейінді комитеттер деңгейінде, сондай-ақ өңірлік және халықаралық ұйымдар алаңдарында екіжақты байланыстарды одан әрі жандандыруға дайындық расталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.