ҚР СІМ-де Қазақстанның Дүниежүзілік банк тобымен ынтымақтастық перспективалары талқыланды
Сурет: gov.kz
Қазақстан Республикасы Сыртқы істер министрінің бірінші орынбасары Ержан Ашықбаев Дүниежүзілік банктің Орталық Азия бойынша өңірлік директоры Андрей Михневпен және Қазақстан Республикасындағы Халықаралық қаржы корпорациясы қызметінің басшысы Зафар Хашимовпен кездесу өткізді, деп хабарлайды Қазақстан Республикасы Сыртқы істер министрлігінің баспасөз қызметінен.
Кездесу барысында тараптар Қазақстан мен Дүниежүзілік банк тобы арасындағы ынтымақтастықтың қазіргі жай-күйі мен даму перспективаларын, сондай-ақ 2026-2031 жылдарға арналған Қазақстанмен серіктестік стратегиясын әзірлеу мәселелерін талқылады.
Е.Ашықбаев Қазақстанның Дүниежүзілік банк тобымен өзара іс-қимылының стратегиялық сипатын атап өтіп, оның көптеген жылдар бойы елдің негізгі халықаралық серіктестерінің бірі болып табылатынын және инфрақұрылымдық жобаларды іске асыру мен әлеуметтік-экономикалық реформаларды жүргізуге елеулі үлес қосып келе жатқанын айтты. Бұған дейінгі 2020-2025 жылдарға арналған Серіктестік стратегиясы шеңберінде Қазақстанда жалпы сомасы шамамен 4,2 млрд АҚШ долларын құрайтын 14 жоба іске асырылғаны аталып өтті.
А.Михнев Дүниежүзілік банктің жаңа Серіктестік стратегиясын әзірлеу барысы, сондай-ақ Банктің Қазақстандағы ағымдағы бағдарламасы туралы ақпарат беріп, көлік инфрақұрылымы, коммуналдық және энергетикалық секторды жаңғырту, су ресурстарын басқару және құрылымдық реформаларды қолдау салаларындағы перспективалық жобаларға тоқталды.
З.Хашимов Қазақстандағы Халықаралық қаржы корпорациясының ағымдағы қызметіне шолу жасап, көлік инфрақұрылымы, қаржы секторы және микрокредиттеу салаларындағы жобалар, сондай-ақ ипотекалық нарықты дамыту мен электр көлігін енгізу бағдарламалары бойынша консультативтік бастамалар туралы хабарлады.
Сондай-ақ тараптар экономиканы цифрлық трансформациялау, көлік және теміржол инфрақұрылымын дамыту, коммуналдық шаруашылықты жаңғырту, су ресурстарын басқару және мемлекеттік-жекешелік серіктестік тетіктерін кеңейту сияқты өзара іс-қимылдың перспективалық бағыттарын талқылады.
Кездесу қорытындысы бойынша тараптар Қазақстан Республикасы Үкіметі мен Дүниежүзілік банк тобы арасындағы серіктестікті одан әрі нығайтуға және сындарлы диалогты дамытуға өзара мүдделілігін растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ЮНЕСКО-да Қазақстанның гендерлік теңдікті ілгерілетудегі тәжірибесі таныстырылды
Сурет: gov.kz
Гендерлік теңдік, адам құқықтары, әділеттілік және жауапкершілік - Қазақстан Республикасындағы мемлекеттік саясаттың және жүргізіліп жатқан реформалардың маңызды қағидаттары, деп хабарлайды Қазақстан Республикасы Сыртқы істер министрлігінің баспасөз қызметінен.
Бұл Қазақстан делегациясының ЮНЕСКО мүше мемлекеттері мен хатшылығының қатысуымен өткен жоғары деңгейдегі іс-шарада жасаған баяндамасында аталып өтті. Кездесу Халықаралық әйелдер күніне және Нью-Йоркте өтіп жатқан БҰҰ Әйелдер мәртебесі жөніндегі комиссиясының 70-ші сессиясына арналды.
ЮНЕСКО Бас директоры Халед әл-Анани кездесуде сөз сөйлеп, Ұйымның білім беру, ғылым және мәдени саясат салаларында гендерлік теңдікті қамтамасыз ету жөніндегі күш-жігеріне шролу жасады.
Қазақстанның ЮНЕСКО жанындағы Тұрақты өкілі, Елші Асқар Абдрахманов қатысушыларды гендерлік теңдікті ілгерілету және елдің әлеуметтік, саяси және экономикалық өміріндегі әйелдердің рөлін нығайту саласындағы Қазақстанның кешенді тәжірибесімен таныстырды.
ЮНЕСКО мандаты аясында отандық дипломат цифрлық технологиялар мен жасанды интеллекттің қарқынды дамуын ескере отырып, әйелдердің білім беру, ғылым және инновация салаларына қатысуын кеңейту бойынша қабылданып жатқан шараларға бөлек тоқталды.
Осы орайда Қазақстандағы жоғары оқу орындары студенттерінің 52,5 %-ын қыздар құрайтындығы, шағын және орта кәсіпорындардың 48 %-дан астамы әйелдерге тиесілі екендігі және олардың мемлекеттік қызметтегі үлесі 55,8 % құрайтындығы атап өтілді. Сонымен қатар, елімізде ғылыми және техникалық салалардағы әйелдерді қолдау, цифрлық ортада және сот төрелігі саласында әйелдерге қатысты кемсітушіліктің алдын алу жобалары жүзеге асырылуда.
Қазақстан ЮНЕСКО-ның гендерлік теңдікке қатысты жаһандық басымдығын толығымен қолдайды. Өз кезегінде, Алматыдағы Орталық Азия мен Ауғанстан үшін Орнықты даму мақсаттары бойынша БҰҰ Аймақтық орталығы, сондай-ақ ЮНЕСКО Кеңсесінің жобалары осы маңызды саладағы өңірлік диалог пен ынтымақтастық үшін тиімді платформа қызметін атқарады", - деді отандық дипломат.
Сөзінің соңында Тұрақты өкіл Қазақстанның бүкіл әлемде және қоғамдық өмірдің барлық салаларында гендерлік теңсіздікті жою бойынша халықаралық қауымдастықтың бірлескен күш-жігеріне беріктігін тағы да растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Джакартада Қазақстан-Индонезия ынтымақтастығының перспективалары талқыланды
Сурет: gov.kz
Қазақстанның Индонезиядағы Елшісі Сержан Әбдікәрімов Индонезия Республикасы Сыртқы істер министрлігінің Азия-Тынық мұхиты өңірі және Африка мәселелері жөніндегі жаңа Бас директоры Санто Дармосумартомен кездесті, деп хабарлайды Қазақстан Республикасы Сыртқы істер министрлігінің баспасөз қызметінен.
Кездесу барысында тараптар Қазақстан мен Индонезия ынтымақтастығының қазіргі жағдайы мен перспективаларын, соның ішінде саяси диалогты, сауда-экономикалық, инвестициялық және мәдени-гуманитарлық байланыстарды одан әрі нығайту мәселелерін егжей-тегжейлі талқылады, сондай-ақ халықаралық күн тәртібіндегі өзекті мәселелер бойынша пікір алмасты.
С.Әбдікәрімов контрәріптесіне Қазақстандағы конституциялық және әлеуметтік-саяси реформалар мен елдің жаңа Конституция жобасының негізгі новеллаларын атап өтіп, жобаға қатысты жалпыұлттық референдум 2026 жылғы 15 наурызда өтетінін мәлім етті.
Кездесу қорытындысы бойынша тараптар Қазақстан мен Индонезия арасындағы конструктивті диалогты жалғастыруға және өзара тиімді серіктестікті дамытуға өзара қызығушылықтарын растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Армения Орталық сайлау комиссиясының төрағасы референдумды байқауға қатысады
Сурет: gov.kz
Қазақстан Елшісі Болат Иманбаев Арменияның Орталық сайлау комиссиясының төрағасы Ваагн Овакимянмен кездесті, деп хабарлайды Қазақстан Республикасы Сыртқы істер министрлігінің баспасөз қызметінен.
Сұхбат барысында армян тарапы Қазақстанда жүргізіліп жатқан конституциялық реформаның негізгі бағыттарымен таныстырылып, сондай-ақ 2026 жылғы 15 наурызда өтетін Қазақстан Республикасының жаңа Конституциясының жобасы бойынша республикалық референдумға дайындық барысы туралы хабардар етілді.
Армения ОСК төрағасы референдумға халықаралық байқаушы ретінде қатысатынын растады. Ол Қазақстанда жүзеге асырылып жатқан ауқымды саяси және әлеуметтік-экономикалық жаңғырту аясындағы конституциялық реформаның маңыздылығын атап өтті.
Кездесу қорытындысы бойынша тараптар сайлау үдерістерін халықаралық стандарттарға сәйкес жетілдіру саласында тәжірибе алмасуды жалғастыру және ынтымақтастықты одан әрі дамытуға өзара мүдделілігін растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Швейцария атом энергетика және жаңартылатын энергия саласындағы ынтымақтастығын нығайтуда
Сурет: gov.kz
Қазақстанның Швейцариядағы Елшісі Қайрат Саржанов Швейцарияның Федералдық энергетика басқармасының директоры Бенуа Ревамен кездесті, деп хабарлайды Қазақстан Республикасы Сыртқы істер министрлігінің баспасөз қызметінен.
Тараптар Қазақстан мен Швейцария арасындағы энергетика саласындағы ынтымақтастықтың жағдайы мен перспективаларын, соның ішінде атом энергетикасын және жаңартылатын энергияны дамыту, энергия тиімділігін арттыру, сондай-ақ халықаралық алаңдарда ұстанымдарды үйлестіру мәселелерін талқылады. "Қазатомөнеркәсіп" компаниясы мен швейцариялық "Axpo Power" концерні арасындағы табысты серіктестік, сондай-ақ Қазақстанның Ұлттық ядролық орталығы мен швейцариялық NAGRA ұйымының радиоактивті қалдықтарды басқару саласындағы ынтымақтастығы жоғары бағаланды.
Елші Қазақстанның атом энергетикасын дамыту жөніндегі ұлттық бағдарламасын жүзеге асыру туралы швейцариялық тарапты хабардар етті және Астананың атом энергиясын бейбіт пайдалану саласындағы ынтымақтастықты кеңейтуге қызығушылығын растады.
Тараптар жаңартылатын энергия көздері саласындағы өзара іс-қимыл әлеуетін, соның ішінде гидроэнергетикалық инфрақұрылымды жаңғырту мүмкіндіктерін талқылады. Перспективалық бағыттар қатарында энергия тиімділігін арттыру, қалдықтарды өңдеудің заманауи технологияларын енгізу және циркулярлық экономика принциптерін дамыту аталып өтті.
Кездесу қорытындысы бойынша тараптар атом және "жасыл" энергетика саласындағы ынтымақтастық әлеуетін толық іске асыру және озық тәжірибелермен алмасу мақсатында екі елдің салалық ұйымдары арасындағы байланыстарды белсендіру туралы келісімге келді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ыстанбұлда Қазақстанның жаңа Конституция жобасы Түркияның жетекші медиа холдингтеріне таныстырылды
Сурет: gov.kz
Қазақстанның Ыстанбұлдағы Бас консулы Нуриддин Аманқұл Түркияның жетекші медиа холдингтері - İhlas Medya, Demirören Medya және Albayrak medya компанияларының құралдарының басшылары мен журналистерімен кездесу өткізді, деп хабарлайды Қазақстан Республикасы Сыртқы істер министрлігінің баспасөз қызметінен.
Кездесулер барысында Бас консул Қазақстандағы жаңа Конституция жобасының негізгі ережелері мен елдегі конституциялық реформалардың мәні туралы кеңінен ақпарат берді.
Атап айтқанда, конституциялық өзгерістердің мемлекеттік басқару жүйесін жаңғыртуға, билік тармақтары арасындағы тепе-теңдік пен өзара бақылауды күшейтуге бағытталғаны атап өтілді. Сонымен қатар, жаңа Конституция азаматтардың құқықтары мен бостандықтарын қорғау тетіктерін нығайтып, қоғамның саяси өміріне азаматтардың қатысу мүмкіндіктерін кеңейтетіні айтылды.
Бұл өзгерістер Қазақстанда "Әділетті Қазақстан" қағидаттарын қалыптастыруға және демократиялық институттарды одан әрі дамытуға негіз болатыны аталып өтті. Түркия медиа өкілдері Қазақстандағы саяси жаңару үдерісіне қызығушылық білдіріп, жүргізіліп жатқан реформалардың елдің тұрақты дамуы мен өңірлік ынтымақтастықты нығайтудағы маңызын атап өтті.
Кездесулер қорытындысында тараптар Қазақстан мен Түркия арасындағы ақпараттық ынтымақтастықты кеңейту, сондай-ақ Қазақстандағы реформалар мен қоғамдық-саяси өзгерістер туралы түрік аудиториясына кеңінен ақпарат тарату мәселелері бойынша өзара іс-қимылды жалғастыруға дайын екендерін білдірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Сауд Арабиясы өңірлік жағдай аясында сауда байланыстарын нығайту жолдарын талқылады
Сурет: gov.kz
Қазақстанның Сауд Арабиясындағы Елшісі Мадияр Меңілбеков Корольдіктің Сыртқы сауда жөніндегі бас басқармасы (GAFT) басқарушысының міндетін атқарушы Мұхаммед Әл-Әбделжабармен кездесті, деп хабарлайды Қазақстан Республикасы Сыртқы істер министрлігінің баспасөз қызметінен.
Кездесу барысында екіжақты сауданы кеңейту, тауар номенклатурасын әртараптандыру және бірлескен іс-шараларды ұйымдастыру арқылы екі елдің іскер топтары арасындағы тікелей байланыстарды дамыту мәселелеріне ерекше назар аударылды.
Таяу Шығыстағы қазіргі геосаяси жағдай аясында тараптар тұрақты сауда байланыстарын нығайтудың, баламалы логистикалық бағыттарды дамытудың және азық-түлік пен өнеркәсіптік тауарлардың тұрақты жеткізілімін қамтамасыз етудің маңыздылығын атап өтті. Сондай-ақ, Қазақстан мен Сауд Арабиясы өңірлік және жаһандық экономикалық тұрақтылықты нығайтуда маңызды рөл атқара алатыны аталып өтті.
Кездесудің қорытындысы бойынша қазақ-сауд экономикалық байланыстарын одан әрі нығайту туралы уағдаластыққа қол жеткізілді.
2019 жылы Сауд Арабиясы Министрлер Кеңесінің қаулысымен құрылған Сыртқы сауда жөніндегі бас басқармасы (GAFT) қаржылық және әкімшілік жағынан тәуелсіз мемлекеттік ұйым болып табылады және сыртқы сауда саласында кең өкілеттіктерге ие. Өз қызметі шеңберінде "GAFT" Корольдіктің сыртқы сауда саясаты мен стратегиясын әзірлейді, мемлекеттік және жеке сектордың қызметін үйлестіреді, аймақтық және халықаралық сауда ұйымдары мен форумдардағы мемлекеттің мүдделерін қорғайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Украина Тарас Шевченконың ортақ мұрасын сақтап келеді
Сурет: gov.kz
Қазақстанның Украинадағы Елшісі Төлежан Барлыбаев украин ақыны және суретшісі Тарас Шевченконың туғанына 212-жыл толуына арналған мерекеге қатысты, деп хабарлайды Қазақстан Республикасы Сыртқы істер министрлігінің баспасөз қызметінен.
Ұлы Кобзардың дүниеге келген және өскен Черкассы облысындағы Моринцы мен Шевченково ауылдарында қазақ дипломаты Тарас Шевченконың ескерткіштеріне және оның ата-анасының қабірлеріне гүл шоқтарын қойып, ақынның туған үйі мен украин ақынының ескерткіш мұражайы кешеніне барды.
Жұртшылық алдында сөйлеген сөзінде Елші Тарас Шевченконың шығармашылық мұрасы Қазақстанмен тығыз байланысты екенін, онда ол өз өмірінің айтарлықтай бөлігін өткізгенін атап өтті. Оның 350 астам суреттері, сондай-ақ көптеген әдеби туындылары қазақ халқының өмірі мен тұрмысына, Маңғышлақтың табиғатына арналған. Қазақстандықтар Тарас Шевченко туралы естелікті қамқорлықпен сақтайтыны баса атап өтілді - Форт-Шевченко қаласында ерекше ескерткіш кешені әрекет етеді, оның шығармашылығының есте қаларлық орындары, соның ішінде "Тарасов талы" мен құдық сақталған.
Т.Барлыбаев Моринцы, Шевченково ауылдары мен Богуслав ауданының кітапханаларының басшылығына "Шевченко Қазақстанда" кітаптарын, сондай-ақ украин тілінде жарық көрген "Ұлы Дала елінің сиқырлы аңыздары" атты қазақ ертегілерінің жинағын тапсырды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.