31.03.2022, 16:53 14421

2021 жылға көлік салығын төлеудің соңғы мерзімі - 1 сәуір

Көлік құралдарына салынатын салықтың сомасын kgd.gov.kz web-порталында және "e-Salyq Azamat" мобильді қосымшасында орналыстырылған салық калькуляторының көмегімен дербес есептеуге болады.
2021 жылға көлік салығын төлеудің соңғы мерзімі - 1 сәуір
НҰР-СҰЛТАН. 31 НАУРЫЗ - Мемлекеттік кірістер комитеті 2021 жылға жеке тұлғалардың көлік құралдарына салынатын салықты төлеудің соңғы мерзімі 2022 жылғы 1-інші сәуірі екендігін еске салады, деп хабарлайды KAZAKHSTAN TODAY ҚР Қаржы министрлігі Мемлекеттік Кірістер Комитетінің баспасөз қызметіне сілтеме жасап.
 
Көлік құралдарына салынатын салықтың сомасын kgd.gov.kz web-порталында және "e-Salyq Azamat" мобильді қосымшасында орналыстырылған салық калькуляторының көмегімен дербес есептеуге болады.
 
Сонымен бірге, қазіргі уақытта салық органдарымен есептелген алдағы төленетін көлік құралдарына салынтын салық сомалары "Каспий банк" АҚ және "Халық банк" АҚ мобильді қосымшаларын пайдаланушыларға PUSH-хабарлама түрінде жіберіліп жатыр.
 
Бұдан басқа, бұл ақпарат kgd.gov.kz web-порталда "Жеке тұлғалар үшін алдағы төлемдер" сервисінде, сондай-ақ "e-Salyq Azamat" және екінші деңгейдегі банктер "Каспий банк" АҚ және "Халық банк" АҚ қосымшаларында орналастырылатын болады.
 
Бұл ретт, егер салық уақытында төленбеген жағдайда салық органдарымен салық берешегі туралы хабарлама жолданатын болады.
 
Салық берешегі туралы хабарлама табыс етілген күннен бастап отыз жұмыс күні өткен соң 1 еселенген АЕК (3 063 теңге) мөлшерінде салық берешегі төленбеген жағдайда, салық органы салық бұйрығын шығарады.
 
Салық бұйрығы табыс етілген күннен бастап 5 жұмыс күні ішінде берешек өтелмеген жағдайда, тиісті салық бұйрығы жеке сот орындаушыларына мәжбүрлеп өндіріп алуға жіберіледі.
 

Сонымен бірге, жеке сот орындаушылары берешек сомасынан басқа қосымша жеке тұлғалардан салық берешегі сомасының 25%-на дейін төлем өндіріп алады, шоттарды бұғаттаудан туындаған қолайсыздықтар туралы айтпағанда. Осыған байланысты, жеке сот орындаушыларына алымды төлеу және берешекті мәжбүрлеп өндіріп алуға байланысты қолайсыздықтарды төлеу есебінен борыштың ұлғаюын болдырмау үшін азаматтарға көлік құралдары салығын уақытында төлеу қажет", - деп атап өтті МКК.

 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны