Система Orphus

Алматыда "Целинный" кинотеатрының қасбетін бөлшектеді

27.09.2021, 19:43 31024
Алматыда "Целинный" кинотеатрының қасбетін бөлшектеді
Сурет: informburo.kz
АЛМАТЫ. 27 ҚЫРКҮЙЕК - Алматыда "Целинный" кинотеатрын қайта құру жұмысы басталды.
 
 "Целинный" заманауи мәдениет орталығының директоры Джама Нұрқалиеваның айтуынша, ғимарат бұзылмайды.
 

Ғимаратты ешкім бұзбайды. 2018 жылдан бері көп айтылған "Целинныйды" қайта құру жұмысын биыл бастадық. Бұл уақыт ішінде біз ҚазҚСҒЗИ-мен бірге жобалық жұмыстар, техникалық зерттеулер жүргіздік, жобамызды қоғамдық кеңеске ұсындық, жобамыз тағы пысықталып, белгіленген заңнамалық рәсімдерге сәйкес қайта келісуден өтті", – деді ол.

 
Қазіргі уақытта ғимараттың 2000 жылдардың басында жасалған және құрылысты қатты бүлдірген жөндеу элементтері бөлшектеліп жатыр.
 

Ғимараттың бұрынғы қалпын сақтау мүмкін емес. Себебі, ол адамдарға қауіпті. Қайта құру барысында ғимараттың жалпы формасы, тірек құрылымдары, іргетасы мен Евгений Сидоркиннің бірегей панносын сақтаймыз. Кинотеатр аға буын алматылықтар үшін танымал болып қала береді, сонымен бірге, бұл ретте заманауи және технологиялық болады", – деді Джама Нұрқалиева.

 
Кинотеатрды қайта құру жұмысына жергілікті және шетелдік көптеген мамандар тартылған. Аталған жұмыс аясында қоршаған ортаны да толығымен абаттандыру көзделіп отыр.
 
Еске салсақ, "Целинный" кинотеатры 1964 жылы салынып, 2014 жылға дейін жұмыс істеді.
 
Ақпарат көзі: inform.kz
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Комментарии

тақырып бойынша жаңалықтар

Ең көп оқылғаны