Система Orphus

Мысырдан келгендер жеті күн оқшауланатын болады

03.12.2021, 19:55 121693
Мысырдан келгендер жеті күн оқшауланатын болады
НҰР-СҰЛТАН. 3 ЖЕЛТОҚСАН - Бүгіннен бастап Қазақстан Мысырмен әуе қатынасын тоқтатады. Бұл елден келген туристер жеті күнге оқшаулануға міндетті, деп хабарлайды KAZAKHSTAN TODAY ҚР Индустрия және инфрақұрылымдық даму министрлігі Азаматтық авиация комитетінің баспасөз қызметіне сілтеме жасап.
 
Әуе компанияларының ақпараты бойынша бүгінгі таңда Мысырда 2 800-ге жуық Қазақстан азаматы бар. 
 
Қазақстан азаматтарын Мысырдан шығару 3-10 желтоқсан аралығында Air Astana және SCAT әуе компанияларының рейстерімен жүзеге асырылады.
 

ҚР Бас мемлекеттік санитарлық дәрігерінің 2021 жылғы 30 қарашадағы №51 қаулысына сәйкес Мысырдан келген жолаушылар COVID-19-ға қарсы вакцинациялаудың толық курсының бар-жоғына қарамастан, ҚР Мемлекеттік шекарасын кесіп өткен сәттен бастап мерзімі 72 сағаттан аспаған COVID-19-ға ПТР әдісімен тапсырылған тестінің теріс нәтижесі туралы анықтаманы көрсетуі тиіс. Сондай-ақ, вакцина алған және тиісті анықтамасы бар болса да, 7 күнге оқшаулануы керек", - делінген ведомство хабарламасында.

 
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

Ең көп оқылғаны