Алматыда жасыл саябағының жойылуына байланысты жанжал туындады
Достық даңғылының бойындағы бұл аумақ қазір көпқабатты тұрғын үй салу үшін қоршалған.
Достық даңғылының бойындағы бұл аумақ қазір көпқабатты тұрғын үй салу үшін қоршалған, деп хабарлайды "Хабар 24" тілшісі.
Құзырлы мекемелер тарапынан құрылысқа рұқсат берілген. Алайда көк түтіннен көз ашпайтын мегаполистің негізгі тынысы саналатын жасыл желектің сұрауы кімде?
Мына суретте акушерлік және гинекология институты жанындағы жасыл аймақ анық көрінеді. Бір кездері бұл жерде қалың ағаш пен субұрқақ болған. Алайда мұнда бұрын саябақ болғанына сену қиын. Айналасы қоршалған жерде ағаштардың кесіліп жатқаны туралы қала тұрғындары әлеуметтік желіде жариялады.
Қалалық жасыл экономика басқармасының мәліметінше, аталған аймақта ағаштарды кесуге ешқандай рұқсат берілмеген. Есесіне, компанияның құрылыс жүргізуге рұқсат құжаты бар.
Жер телімі қазір жекеменшікке тиесілі. Мемлекеттік қызмет көрсету бойынша біздің басқарма құрылыс жүргізуге рұқсат берген. Бұл жерге биіктігі 12 метрден аспайтын көппәтерлі тұрғын үй кешені салынады. Қаланы дамыту бас жоспары бойынша үйдің эскиздік жобалары регламентке сәйкес келеді. Сондықтан рұқсат құжаттары берілді", - деді Алматы қ. Медеу ауданының сәулетшісі Алмас Манияров.
Табиғат жанашыры Тимур Елеусізов қалада құрылыс салуға жоспарланған жер телімдеріне қоғамдық аудит жасалуы тиіс дейді. Сонда ғана құрылыстың қаншалықты заңға сәйкес жүргізіліп жатқаны белгілі болады.
Сараптама жасалуы керек, ағаштарды кесуге, сондай-ақ басқа да рұқсат құжаттар рәсімделуі керек. Нақты осы нысан бойынша айтар болсам, қалалық Жасыл экономика басқармасы соңғы алты жылда бұл жердегі ағаштарды кесуге ешқандай рұқсат бермеген", - деді Eco Fund Tabigat қорының төрағасы Тимур Елеусізов.
Қаладағы жасыл желектерді күтіп-ұстау мен қорғау ережесіне сәйкес, жеке тұрғын үй құрылысын жүргізушілерден басқа, барлық мақсаттағы жер телімдеріндегі ағаштарды кесу үшін ресми рұқсат болу керек. Ал көпқабатты үй салу жоспарланған аумаққа бұл ереженің күші жүрмейтін сынды.
Ақпарат көзі: 24.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Emirates әуе компаниясы Алматы мен Дубай арасында жүк рейстерін іске қосты
Сурет: Depositphotos
Алматы мен Дубай арасында енді жүк тасымалымен айналысатын ұшақтар қатынайды, деп хабарлайды Қазинформ.
2026 жылдың 16 маусымында Emirates SkyCargo компаниясы Дубай – Алматы бағыты бойынша Boeing 777F ұшағымен алғашқы жүк тасымалын жасады.
Алматы халықаралық әуежайының мәліметінше, алғашқы жүк рейсін орындаған ұшақ авиациядағы дәстүр бойынша су доғасымен қарсы алынған. Қызметкерлер экипаж мүшелерін салтанатты түрде күтіп алып, тұсаукесер рәсімін өткізген.
Алматы – Дубай – Алматы бағыты бойынша апталық жүк рейстері әр сейсенбі күні орындалады. Әуе компаниясы аптасына 100 тоннадан астам жүк тасымалдау мүмкіндігін қамтамасыз етеді. Бұл Алматы мен халықаралық нарықта электроника, тез бұзылатын өнімдер, өнеркәсіптік жабдықтар және басқа да тұтыну тауарларын қоса алғанда, әртүрлі жүк түрлерін тиімді әрі үздіксіз тасымалдауға мүмкіндік береді", - деп хабарлады әуежайдан.
Алматы Emirates SkyCargo компаниясының Орталық Азиядағы алғашқы бағытына айналған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Еліміздің СІМ АҚШ-та терроризмге қатысы бар деген күдікпен ұсталған жерлесімізге қатысты пікір білдірді
Еліміздің Сыртқы істер министрлігі АҚШ-та терроризмге қатысы бар деген күдікпен ұсталған Қазақстан азаматы туралы ақпараттан хабардар екенін мәлімдеді.
Қазіргі уақытта тексеру жүргізіліп, барлық мән-жайлар анықталуда. Қосымша ақпарат ресми деректер келіп түскен кейін ұсынылатын болады", - деп хабарлады СІМ Kazakhstan Today агенттігінің тілшісі қойған сауалға берген жауабында.
БАҚ тараған ақпараттарға сүйенсек, 5 маусым күні америкалық арнайы қызметтер Қазақстан азаматын Коммерс қаласында ұстаған. Басылымдардың хабарлауынша, ұсталған азамат террорлық құрылымдармен байланысы болуы мүмкін деген күдікке іліккен.
Еске салсақ, бұған дейін Қазақстанның Сыртқы істер министрлігі Чикаго қаласында із-түзсіз жоғалған қазақстандықтың қаза тапқанын растаған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматы тұрғындары Көкжайлауға баратын бағыт бойындағы ағаштарға салынған белгілерге алаңдаушылық танытуда
Алматы тұрғындары Казачка шатқалы арқылы Көкжайлауға баратын жол бойындағы ағаштарға белгілер салынғанына алаңдаушылық танытып, ағаштардың фото және бейнематериалдарын агенттік редакциясына жолдады, деп хабарлайды агенттік тілшісі.
Куәгерлердің айтуынша, ағаш діңдеріне әртүрлі белгілер, соның ішінде цифрлар да бейнеленген. Бұл тауда серуендейтін тұрғындардың алаңдаушылығын тудырып, жасыл желектердің кесілуі мүмкін күдіктің пайда болуына себепкер болып отыр.
Ағаштардағы белгілер үлкен мәселе болып тұр... Егер орман шаруашылығы құрылыстың қарқынды дамуын пайдаланып, осыншама ағашты жойып жіберсе, бұл нағыз қылмыс болады. Белгі қойылған ағаштардың басым бөлігінде қурау немесе жойылу белгілері мүлдем байқалмайды",- делінген редакцияға жолданған хатта.
Кадрлардан ағаш діңдерінің қабығы аршылған тұстарына цифрлар мен басқа да белгілер салынғанын көруге болады. Алайда әзірге бұл аумақтағы ағаштарды таңбалаудың себептері туралы ресми ақпарат жоқ.
Тұрғындардың өтініштеріне байланысты агенттік Іле-Алатау мемлекеттік ұлттық табиғи паркі әкімшілігіне, сондай-ақ сала мамандарына ағаштардағы белгілердің мақсатын түсіндіру туралы сұрау жолдады. Редакция ресми түсініктемелерді күтуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ІІМ алаяқтықтың жаңа түрі туралы ескертті
Сурет: Depositphotos
Ішкі істер министрлігі азаматтарға күш құрылымдары мен құқық қорғау органдары басшыларының аты-жөні мен фотосуреттерін пайдалану арқылы жасалатын алаяқтықтың жаңа схемасы туралы ескерту жасады.
Хабарламаға сәйкес, қаскөйлер мессенджерлер мен әлеуметтік желілерде жалған аккаунттар ашып, өздерін лауазымды тұлға, бұрынғы әріптес немесе таныс адам ретінде көрсетеді. Әртүрлі сылтаумен шұғыл түрде қарызға ақша беруді сұрайды.
Сондай-аө, ақша аударуды сұраған хабарламаларға, тіпті олар өзіңіз танитын адамның атынан келсе де сенбеуді, ешкімге SMS-кодтарды, банк картасының деректерін, құпиясөздерді және басқа да жеке мәліметтерді бермеуді, күмәнді сілтемелерге өтпеу және белгісіз қосымшаларды орнатпауды ескертеді.
Осындай хабарламалар алған жағдайда, ақпараттың рас-өтірігін міндетті түрде өзіңіз білетін телефон нөмірі немесе ресми байланыс арналары арқылы тексеріңіздер", - деді ІІМ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Халықаралық волонтерлер жылы 200 мың қазақстандықты біріктірді
Сурет: gov.kz
2026 жылдың басынан бері Халықаралық волонтерлер жылы 200 мың қазақстандықты біріктірді, деп хабарлайды агенттік тілшісі.
Атап айтқанда, өткен жылмен салыстырғанда түрлі іс-шараларға қатысқан белсенді волонтерлер санының өсуі бойынша оң динамика байқалып отыр. Олардың саны 200 мың адамға жетті.
Еске салсақ, Қазақстан Республикасы Президенті Қасым-Жомарт Тоқаевтың бастамасымен Біріккен Ұлттар Ұйымы 2026 жылды Тұрақты даму мақсатындағы халықаралық еріктілер жылы деп жариялаған болатын. Бұл бастама Қазақстандағы волонтерлік қозғалыстың дамуына маңызды серпін берді.
Жыл аясындағы негізгі іс-шаралардың бірі 23 сәуірде Астанада өткен өңірлік экологиялық саммит шеңберіндегі "Волонтерлік және экологиялық іс-қимыл" атты сессия болды. Аталған іс-шараға БҰҰ Бас хатшысының орынбасары Сюй Хаолянь және Әзербайжан, Қырғызстан, Тәжікстан, Түрікменстан, Түркия, Өзбекстан, Корея Республикасы, Жапония мен Ауғанстаннан келген 200-ге жуық қатысушы қатысты.
Сонымен қатар волонтерлер қауымдастығының қатысуымен тарихи-мәдени нысандарды абаттандыруға бағытталған "Мәдени мұраны бірге сақтайық" акциясы, "Игі істер марафоны" ұлттық жобасының көктемгі кезеңі және халықаралық "Таза жағалаулардың бірыңғай іс-қимыл күні" акциясы өткізілді.
Сондай-ақ жыл басынан бері шамамен 120 мың волонтер "Таза Қазақстан" жалпыұлттық экологиялық акциясына қатысты.
Бүгінде Қасым-Жомарт Тоқаевтың тапсырмасымен 2030 жылға дейінгі волонтерлік қозғалысты дамыту тұжырымдамасы әзірленіп жатыр. Осы мақсатта еліміздің ірі қалаларында 250-ден астам белсенді волонтердің қатысуымен көшпелі фокус-топтар ұйымдастырылды. Нәтижесінде 120-ға жуық ұсыныс пен ұсыным жиналды. Сонымен қатар экологиялық волонтерлікті дамыту бағдарламасы дайындалу үстінде.
Бұдан бөлек, биыл республикада Волонтерлікті дамытудың ұлттық индексі мен Волонтердің цифрлық паспорты енгізіледі.
Қазіргі уақытта Қазақстандағы волонтерлердің жұмысын Ұлттық фронт-офис үйлестіреді. Сондай-ақ өңірлерде 20 фронт-офис, бірыңғай колл-орталық және 1200-ден астам жобаны және 3884 ұйымды біріктірген Qazvolunteer.kz онлайн платформасы жұмыс істейді. Қазіргі кезде 56 волонтерлік жоба мен әрқайсысы 1 миллион теңгеден болатын 60 шағын грант іске асырылып жатыр.
БҰҰ Волонтерлер бағдарламасымен бірлесіп Алматы қаласындағы Орталық Азия мен Ауғанстанға арналған Тұрақты даму мақсаттары жөніндегі БҰҰ Өңірлік орталығы базасында "Азиялық волонтерлерді даярлау орталығын" құру мәселесі пысықталуда.
Сондай-ақ толық қаржыландыру бағдарламасы аясында қазақстандық 5 волонтер Дүниежүзілік денсаулық сақтау ұйымы (ДДҰ), ЮНИСЕФ және БҰҰ-ның Азық-түлік және ауыл шаруашылығы ұйымы (ФАО) миссияларына Аргентина мен Қытайға жіберілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.