25.07.2022, 15:09 6001
Қазақстанда бір тәулік ішінде COVID-19-дың 2 054 жағдайы тіркелді
Сурет: pixabay.com
Достарға айту
КВИ таратпау жөніндегі ВАК ақпараты бойынша, жаңа жағдайлар тіркелді:
Нұр-Сұлтан қаласында - 806,
Алматы қаласында - 532,
Шымкент қаласында - 46,
Ақмола облысында - 68,
Ақтөбе облысында - 8 ,
Алматы облысында - 83,
Жетісу облысында - 84,
Атырау облысында - 61,
ШҚО-да - 6,
Абай облысында - 26,
Жамбыл облысында - 76,
БҚО-да - 20,
Қарағанды облысында - 130,
Ұлытау облысында - 0,
Қостанай облысында - 11,
Қызылорда облысында - 36,
Маңғыстау облысында - 14,
Павлодар облысында - 28,
СҚО-да - 8,
Түркістан облысында - 11.
ҚР Денсаулық сақтау министрлігінің мәліметінше, 23 шілдеде коронавирус (КВИ -) белгілері бар пневмонияның 3 жағдайы анықталды. Өлім жағдайлары тіркелген жоқ.
23 шілдеде 1 адам (КВИ+)-ден қайтыс болды.
25 шілдеге КВИ-ден 18 962 адам (18 796 КВИ+ және 166 КВИ -) ем алуды жалғастыруда, оның ішінде:
- стационарларда - 1 280 пациент бар;
- амбулаториялық деңгейде - 17 682 пациент.
КВИ+ және КВИ- науқастарының ішінде:
- ауыр халде – 32 пациент,
- аса ауыр халде – 7 пациент,
- ӨЖЖ аппаратында – 5 пациент бар.
2022 жылғы 24 шілдедегі жағдай бойынша, Қазақстанда коронавирустық инфекцияға қарсы 1-ші компонентпен 9 545 704 адам, 2-ші компонентпен - 9 326 883 адам вакцинацияланды.
Нұр-Сұлтан "сары" аймақта, қалған өңірлер "жасыл" аймақта орналасқан.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
23.05.2024, 17:11 1951
Алматыда 2025 жылдың соңына дейін барлық ескі қоқыс контейнерлері ауыстырылады
Сурет: gov.kz
Достарға айту
Алматы әкімдігі қатқыл тұрмыстық қалдықтарды жинау және шығару үшін инфрақұрылымды сапалы жаңғырту жұмыстарын жалғастыруда. 2024-2025 жылдары Алматыда ҚТҚ жинауға арналған 2905 тереңдетілген контейнерлер орнатылады. Бұл туралы Алматы әкімі Ерболат Досаев Алмалы ауданының тұрғындарымен жұмыс сапары барысындағы кездесу кезінде айтты.
"2012 жылдан бері орнатылған барлық контейнерлерді біз реконструкциялаймыз. Сонымен қатар, 516 жаңа тереңдетілген контейнер алаңы салынады, олардың жартысы ағымдағы жылдың соңына дейін пайда болады. Өздеріңіз білесіздер, агрессивті ортаның әсерінен қоқыс жәшіктерінің металы тез ескіреді. 2025 жылдың соңына дейін барлық тозған контейнерлерді түгел ауыстырамыз", - деді Ерболат Досаев.
Алматыда өткен жылдың соңында тереңдетілген қоқыс контейнерлерін орнату жұмыстары басталды. Олардың артықшылығы-герметикалы және бұралқы иттер мен құстар оларға жете алмайды. Сондай-ақ, тереңдетілген контейнерлер жағымсыз иісті таратпайды әрі эстетикалы.
"Халықаралық тәжірибеге сәйкес, біз қапшықты контейнерлерді орнатуды жоспарлап отырмыз. Қызмет көрсету тұрғысынан-қоқыс контейнерлерін жуу, санитарлық тазартуда шүберектен жасалған қапшықты контейнерлер әлдеқайда тиімді. Сонымен қатар, биыл біз 1800 еуроконтейнерді ауыстырамыз", - деді Алматы әкімі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
22.05.2024, 17:17 10456
Астана әкімі 4-қабатта ілініп тұрған баланы құтқарған Ақан Әкімжановпен кездесті
Сурет: gov.kz
Достарға айту
Астана қаласының әкімі Жеңіс Қасымбек Instagram парақшасында бүлдіршінді құтқарып қалған Ақан Әкімжановпен және ата-анасымен кездескені туралы жазды, деп хабарлайды елорда әкімдігнің ресми сайты.
Ақан Әкімжановпен және оның ата-анасымен кездестім. Ақан өзінің жылдамдығымен және батылдығымен ықтимал қайғылы жағдайдың алдын алды. 7-сынып оқушысы 4-қабатта ілініп тұрған кішкентай бүлдіршінді құтқарып қалды.
Ақанның ата-анасына ержүрек ұл өсіріп, лайықты тәрбие бергені үшін алғысымды білдіремін! Ақан сол сияқты оқуда да, спортта да жетістіктерге жетіп жүр! Мұғалімдері мен сыныптастары ол туралы адал дос, саналы және жауапкершілігі мол оқушы деген пікірде!
Ақанға планшет пен бір миллион теңге сыйға берілді. Сондай-ақ болашақта колледжге немесе университетке түсу кезінде де көмек көрсетеміз", - деп жазды Жеңіс Қасымбек.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
22.05.2024, 17:14 10631
Алматыда мәдениет және өнер қызметкерлері марапатталды
Достарға айту
Алматыда Мәдениет және өнер қызметкерлері күніне орай салтанатты іс-шара өтті. Суретшілер, дизайнерлер, музей мамандары, кітапханашылар, хореографтар, акробаттар, солистер және шығармашылық топтардың мүшелері мен әр түрлі жанрдағы артистер мәдениет және өнер саласының дамуына қосқан үлестері үшін марапаттарға ие болды, деп хабарлайды әкімдіктің баспасөз қызметінен.
40-қа жуық маман "Мәдениет саласының үздігі" төсбелгісімен, сондай-ақ Құрмет грамоталарымен, Алғыс хаттармен марапатталды.
Сіздердің ел үшін жасап жүрген еңбектеріңіз ерекше құрметке ие. Мемлекетіміздің, оның ішінде Алматы қаласының мәдениеті мен өнерін дамытуға, халқымыздың бай мәдени мұрасын насихаттауға өлшеусіз үлес қосып, өздеріңізге жүктелген міндеттерді үлкен абыроймен атқарып келесіздер.Кәсіби мерекелеріңіз құтты болсын! Сіздерге зор алғыс айта отырып, алдағы уақытта да ұлттық мәдениетімізді әлемге танытуға бағытталған жаңа жарқцн жобаларды жүзеге асырасыздар деп кәміл сенемін", - деді марапаттау рәсімінде қала әкімінің орынбасары Бейбіт Шаханов.
Марапатталған мамандардың тізімі Алматы қаласы әкімдігінің сайтында жарияланған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
22.05.2024, 13:12 11876
40 күннен астам сусыз өмір сүру: Алматыдағы Ерменсай шағын ауданының тұрғындары мәселені шешуді талап етеді
Достарға айту
Бостандық ауданының әкімі Санжар Алин жергілікті тұрғындармен кездесті, деп хабарлайды Zakon.kz.
Жиынға Ерменсай шағын ауданының тұрғындары "бізге су бер!", "42 күн сусыз!" деп жазылған плакаттармен келді. Олар судың тапшылығы өмірлерін төзгісіз еткенін ашып айтты. Сонымен қатар, көпшілігі үйде бесіктегі бала мен қарт туыстары бар екендігін, оларға күтім жасауда судың маңызы зор екенін жеткізді.
Анықтама: "Водснаб" АГВ" ЖШС келесі жерлерге су жеткізуші:
Асқартау, Ерменсай, Ақтөбе шағын аудандары;
Ремизовка" СТ, "Дружба" СТ, "курортное" СТ;
Ремизовка", "Сакура", "Династия" ірі тұрғын үй кешендері.
Бұған дейін бір кездері Алматы облысының аумағында болған ауданның оңтүстік бөлігі қалаға қосылған болатын. Бірақ сумен жабдықтаудың шешілмеген түйткілдері әлі де бар.
Шағын аудан тұрғындарының шыдамын тауысқан, соңғы бірнеше күндегі оқиғалар болды: 17 мамырда жеткізушінің жеке меншігіндегі сумен жабдықтау құбыры бұзылды. Төтенше жағдай 18 мамырда жойылды, бірақ сол күні сорғы станциясының жұмысы істен шықты. 19 мамырда сорғы қалпына келтірілді, бірақ оның қуаттылығының төмендігіне байланысты қалыпты сумен жабдықтау мүмкін болмаған.
Қала әкімдігінің араласуынан кейін жеткізуші компанияның басшылығы сорғыны ауыстырып, 21 мамырда тұтынушылардың бір бөлігін сумен жабдықтауды қалпына келтірді.
Тұрғындардың ауқымды наразылығы әсерінен аудан әкімдігі барлық мүдделі тараптардың қатысуымен кездесу ұйымдастырды. Меншік иесі адамдарға бір айдан астам уақыт бойы сусыз қалған "Алма" коттедж қалашығына бүгіннен бастап су беру қайта басталады деп уәде берді.
Бізде су бірнеше күндеп жоқ болады. Көбіне су беру желілерінде апат орын алғандықтан. Неліктен біз шоттарды дұрыс төлейміз, бірақ қызметтерді дұрыс ала аламыз? Қазір де су жоқ! Біз олардың уәделерінен шаршадық", - деді "Алма" коттедж қалашығының тұрғындарының бірі.
Тұрғындарды тыңдауға Бостандық ауданының басшысы Санжар Алин келді. Ол меншік иесінен өз міндеттемелерін сапалы орындауды талап етті.
Тұтынушылар нақты төленген қызметтер үшін су, кәріз жүйелерін пайдалана алмайды. Оқыс апаттар ұзақ уақыт бойы қалпына келтіріледі. Сіз қазба жұмыстарын келісімсіз жүргізесіз және суды өшіру туралы пайдаланушыларды алдын ала хабардар етпейсіз", - деді аудан әкімі.
Сондай - ақ, кездесуде компания тұтынушылардан суды пайдаланғаны үшін қомақты қаражат алатыны айтылды. Мұнда сумен жабдықтауға арналған тариф жалпықалалық тарифтен 75% - ға жоғары, ал кәріз қызметтері екі есе қымбат төленеді.
Алматы қаласы бойынша Табиғи монополияларды реттеу комитетінің департамент басшысы Әсел Буденееваның айтуынша, "Водснаб" ГПВ" ЖШС Ерменсай шағын ауданының тұрғындарын сумен жабдықтаудағы мәселелерге кінәлі. Тариф заңсыз белгіленді, ал жауапкершілікті болдырмау үшін компания бірнеше рет аумақтық түрде қайта тіркелді: алдымен Алматыдан облысқа, кейінірек Астанаға.
Алматы қаласы бойынша сіз тізімде жоқсыз, біз сізді бірнеше рет тексердік. Бүгінгі күнге дейін уәкілетті орган бекітпеген негізсіз тариф бойынша жұмыс істеудесіз. Сіз елордалық тарифті қойғансыз, ол іс жүзінде заңсыз болып саналады. Ешқашан тарифті өзгертуге өтініш бермегенсіз де, мен мұның бәрін кездесу алдында зерттеп келдім".
Водснаб" ГПВ" ЖШС желілерінің иесі Әбілфас Хамидов жағдайды құбырдың диаметрі жоғарғы шағын аудандарға су берудің үлкен қысымы үшін жеткіліксіз екендігімен түсіндірді, ал бірыңғай қалалық тариф компанияның шығындарын өтемейтінін айтты. Бұл тұрғыда жеткізушіге өзінің дәрменсіздігін мойындау және желілерді қала балансына беру туралы шешім қабылдау ұсынылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
21.05.2024, 17:44 16776
Атырау маңында тереңдігі 10 метр шұңқыр пайда болды
Достарға айту
Атырау қаласынан 18 шақырым қашықта тереңдігі 10 метр шұңқыр табылды, деп хабарлайды ҚазАқпарат.
Махамбет ауданындағы Бейбарыс ауылдық округінің әкімі Сейілбек Зұлхашевтың айтуынша, терең шұңқыр Қызылжар зираты маңынан анықталған.
Шұңқырдың ұзындығы - 20 метр. Тереңдігі - 10 метр. Қазір шұңқырдың айналасына белгі орнатылып, қауіпсіздік іс-шарасы жүргізілді. Шұңқыр анықталған аумақ Атырау қаласынан 18 шақырым қашықтықта орналасқан. Бұл аумақта „Первомайский" ЖШС-нің шаруашылығы бар. Бірақ қазір шұңқырға жақын маңда төрт түлік мал жоқ", -деді Сейілбек Зұлхашев.
Әзірге терең ойықтың неден болғаны туралы дерек айтылмады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
21.05.2024, 17:35 16976
Қазақстанның жетекші үш музейіне Ұлттық мәртебе беріледі - Тоқаев
Сурет: gov.kz
Достарға айту
Мемлекет басшысы мәдениет және өнер қызметкерлерін марапаттау рәсіміне қатысты, деп хабарлайды Ақорданың баспасөз қызметінен.
Президент, ең алдымен, шараға жиналғандарды Мәдениет және өнер қызметкерлері күнімен құттықтады.
Мәдениет пен өнер - ел өміріндегі өте маңызды сала. Өнер - ұлттың жаны, ал мәдениет - рухани келбеті. Бұл қос құндылықты өркениетіміздің өзегі деуге болады. Оны сақтап, байыта түсу - ортақ парыз. Әбіш Кекілбайұлы "Мәдениет тарихы - түптеп келгенде адамзат тарихы" деген. Қазақтың бітім-болмысын оның төл өнерінен көруге болады", - деді Қасым-Жомарт Тоқаев.
Қазіргі заман талабына сай музей қоғам санасын жаңғыртуға зор ықпал ететін озық институтқа айналуы керек. Сол арқылы жас ұрпақ төл тарихымыз бен салт-дәстүрімізді терең танып, одан тағылым алуы қажет. Жалпы, елімізде тарихи-мәдени мұраны сақтау және молайту мақсатында ауқымды әрі үздіксіз жұмыс жүргізіліп келеді. Ұзақ жылдан бері алғаш рет жақында материалдық емес мәдени мұраның Ұлттық тізбесі айтарлықтай кеңейді. ЮНЕСКО-ның материалдық емес мәдени мұралар тізіміне біздің "салбурын" және "беташар" сияқты ұлттық дәстүрлерімізді енгізу мәселесі пысықталып жатыр", - деді Қасым-Жомарт Тоқаев.
Мемлекет басшысы мәдениет пен өнер адамдары тарихи үрдістің алдыңғы шебінде жүріп, сол арқылы ұлтымыздың қарқынды дамуына ықпал ететінін атап өтті.
Сіздер өз шығармашылықтарыңыз арқылы халқымыздың бірегей болмысының жаңа қырын ашасыздар. Азаматтардың жасампаз қуатын оятасыздар. Сондықтан мемлекет шығармашылық өкілдерінің беделін арттыру үшін тиісті шараларды қабылдайды. Мәдениет және архив ісі қызметкерлерінің жалақысы айтарлықтай көбейді. Менің тапсырмаммен "Халық әртісі" және "Халық жазушысы" атағы қайта беріле бастады", - деді Президент.
Қасым-Жомарт Тоқаев халқымыз дарынды ұл-қыздарын қашанда қадірлей білгеніне назар аударып, Астанадағы Қазақ ұлттық өнер университетіне Күләш Байсейітованың есімін беру туралы шешім қабылдағанын жеткізді.
Бұл - әйгілі әншіге көрсетілген зор құрмет әрі ерекше өнерімен тарихта қалған тұлғаларға ел ықыласының айрықша белгісі. Түптеп келгенде, мұны тарихи әділдікті қалпына келтіру деп түсінген жөн. Аға буынның өнердегі жолын қазіргі жастарымыз да лайықты жалғастырып келеді. Осы сабақтастықты сақтау өте маңызды", - деді Қасым-Жомарт Тоқаев.
Президент бүгінде көптеген жас өнерпаздар ерекше дарынымен бүкіл әлемді таңғалдырып жатқанын атап өтті. Бұл орайда Мемлекет басшысы Димаштың бірегей өнеріне тәнті болған түрлі елдің азаматтары Қазақстанның Әнұранын шырқап, көк туын желбіретіп жүргенін айтты.
Өнер - тәрбие құралы. Мен Ұлттық құрылтайдың отырысында ұлт болашағына қауіп төндіретін бес кесел туралы айттым. Қоғамды осы кеселдерден тазартуға мәдениет қайраткерлері зор үлес қосып келеді. Лудомания мен нашақорлықтың зиянын ашып көрсететін тың туындылар шығып жатыр. Бұл - өте дұрыс бастама", - деді Президент.
Мемлекет басшысының айтуынша, мәдениет саласының өкілдері халықтың рухани қалқаны болуға тиіс. Сондай-ақ Президент олардың жас ұрпақты жасампаздыққа, жаңашылдыққа үйретуге, бірлікті нығайтуға, өнімді еңбек етуге баулуға белсене атсалысатынына сенім білдірді.
Сіздер мәдениет пен өнер жолына адал болып, қажырлы еңбек етіп келесіздер. Оған бүкіл ел куә. Өнер адамы үшін ең құнды марапат - халықтың ыстық ықыласы. Мен төл мәдениетімізді дамытуға мол үлес қосып жүрген бір топ азаматты марапаттау туралы шешім қабылдадым. Мәдениет саласында ерекше орны бар 7 іргелі ұжым биыл мерейлі белеске жетіп отыр. Сондықтан бүгін негізінен осы мекемелердің қызметкерлеріне жоғары мемлекеттік марапат тапсыруды жөн көрдім", -деді Қасым-Жомарт Тоқаев.
Сонымен қатар жиында Құрманғазы атындағы Қазақ ұлттық халық аспаптар оркестрінің дирижері Жексен Айсын, А.Жұбанов атындағы дарынды балаларға арналған республикалық қазақ мамандандырылған музыкалық мектеп-интернатының аға оқытушысы Мұрат Бисенғалиев сөз сөйледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
20.05.2024, 12:04 23611
143 мыңнан астам адам жұмысынан айырылуына байланысты МӘСҚ-тен төлем алды
Достарға айту
2024 жылғы 1 мамырдағы жағдай бойынша Мемлекеттік әлеуметтік сақтандыру қорынан (бұдан әрі - МӘСҚ) жұмысынан айырылуына байланысты әлеуметтік төлем алушылардың саны 143,3 мың адамды құрады. Бұл ретте биыл 89 мың адамға төлем алғаш рет тағайындалды. Төлемдердің жалпы сомасы 25 млрд теңге болды, деп хабарлайды ҚР Еңбек және халықты әлеуметтік қорғау министрлігінің баспасөз қызметінен.
Қолданыстағы заңнамаға сәйкес жұмыстан босатылған жұмыскерлер міндетті әлеуметтік сақтандыру жүйесіне қатысу өтіліне және соңғы 24 айдағы табысына байланысты 1 айдан 6 айға дейін жұмысынан айырылуы бойынша әлеуметтік төлемдер алады. Төлем жоғалған кірістің 45%-ына дейінгі мөлшерде МӘСҚ қаражаты есебінен жүзеге асырылады.
Төлем тағайындау үшін жұмыстан босатылған жұмыскерге:
- eGov.kz порталында авторизациялану;
- "Жұмысқа орналастыру және жұмыспен қамту" бөлімінде "Жұмыс іздеуші адамдарды тіркеу" қызметін таңдау;
- онлайн-қызметке тапсырыс беріп, барлық жолдарды толтыру және оған ЭЦҚ-мен қол қойып, өтінімді жіберу қажет;
- бір күн ішінде тұрғылықты жеріңіздегі мансап орталығы (бұдан әрі - МО) бос жұмыс орындарын ұсынады;
- егер жұмыс табылмаса, 3 жұмыс күні ішінде қашықтықтан жұмыссыз мәртебесі беріледі (қажет болған жағдайда сізге МО қызметкері қосымша ақпарат жинау үшін хабарласады);
Бұл қызметті онлайн режимінде Электрондық еңбек биржасы (enbek.kz) арқылы да алуға болады.
Жұмыссыз ретінде тіркелу туралы мәліметтер болған кезде Еңбекминінің ақпараттық жүйесі проактивті форматта МӘСҚ-тан төлемді тағайындау бойынша қызмет көрсетуге келісу үшін мобильді телефонға SMS-хабарлама жібереді. Келіскен жағдайда SMS-хабарламаға жауап беру қажет. Төлем автоматты түрде тағайындалады.
Естеріңізге сала кетейік, МӘСҚ қаражаты есебінен жұмыстан айырылған жағдайда төленетін әлеуметтік төлем жұмыстан шығу себептеріне қарамастан жүзеге асырылады және жұмыссыз адамды ол жұмыс іздеген кезеңде қолдауға арналған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
20.05.2024, 11:52 23826
Алматы қаласында 21 мамыр сағат 10:00-де жалпықалалық сейсмикалық жаттығу өтеді
Достарға айту
Құлақтандыру қондырғылары іске қосылған кезде білім беру мекемелерінде, адамдар көп жиналатын орындарда азаматтарды ғимараттардан алдын ала белгіленген қауіпсіз орындарға эвакуациялау элементтерін пысықтай отырып, сбъектілік сейсмикалық жаттығулар жүргізіледі, деп хабарлайды Алматы қаласы әкімдігінің баспасөз қызметінен.
Осыған байланысты, Алматы қаласы ТЖ Департаменті тұрғындар мен қала қонақтарына сабыр сақтап, ғимараттардан (тұрғын үй, пәтер) жедел эвакуациялау элементін пысықтауымен қатысуды сұрайды!
Баршаның назарына!" халықты құлақтандыру жүйесінің техникалық дайындығына тексеру жүргізу және сейсмикалық жаттығудың басталуы туралы хабардар етіледі.
Алматы сейсмикалық аймақта орналасқан, сондықтан әрбір азаматтың ТЖ кезіндегі және одан кейінгі іс-қимылдарға жеке дайындығы үлкен маңызға ие.
Алматылықтар үшін жер сілкінісі кезінде отбасылық немесе ұжымдық іс-қимыл жоспарын жасау маңызды:
Жер сілкінісінен кейін отбасыңыздың жиналу орнын алдын ала анықтаңыз.
-Жер асты дүмпуі кезінде әрекет ету үшін үйіңіздегі ең қауіпсіз жерлерді алдын-ала анықтау қажет. Мұндай орындарға мыналар жатады: күрделі ішкі қабырғалардың саңылаулары, ішкі қабырғалардан пайда болған бұрыштар (техникалық жоспардан, сол төлқұжаттан көруге болады);
-ғимараттан эвакуациялаудың ең қысқа жолын анықтаңыз немесе ғимарат ішінде қауіпсіз орын табыңыз; Жиһаздың жоғарғы сөрелерді ауыр заттардан босатыңыз. Тіпті құлайтын жиhазды бекітіп тастау қажет.
Көпқабатты үйлерде тұратын алматылықтар білуі тиіс 10 қарапайым ережені есте сақтауды ұсынамыз:
1. дүрбелеңге түспеңіз, сабырлық сақтаңыз;
2. жер асты дүмпулері кезінде лифт пен баспалдақты пайдаланбаңыз, жер сілкініп жатқан уақыт өткенше үйде күтіңіз;
3. жиһаздан, терезелерден, люстрадан алыстаңыз;
4. жасырынатын орын табыңыз (жүк көтергіш/капитал/ішкі қабырғалардың бұрышы);
5. ғимараттан шығыңыз (көпқабатты үйлерде - жерасты дүмпулері тоқтағаннан кейін);
6. суды, газды, электр қуатын өшіріңіз;
7. алдын-ала дайындалған "дабыл шабаданын" алыңыз;
8. ғимараттан эвакуациялау кезінде электр желілерінен, ғимараттардан, ағаштардан аулақ болыңыз;
9. жер сілкінісінің қайталануы мүмкін екеніне дайын болыңыз;
10. балаларға, қарттарға, мүмкіндігі шектеулі жандарға көмек көрсетіңіз.
Эвакуациядан кейін қажет болған жағдайда, ауқымды төтенше жағдай кезінде орналастырылатын халықты қабылдау пунктіне бару керек. Алматыда зардап шеккен халықты қабылдайтын 384 пункт бар.
Әдетте халықты және ТЖ кезінде зардап шеккендердің жиналу нүктесі білім беру ұйымдарында: мектепте, балабақшада, колледжде, жоғары оқу орындарында орналастырылады.
Баршаның назарына!" сигналын естіген соң дабыл шабаныңыздағы қабылдағышты қосып, әрі қарай нұсқаулыққа сәйкес қимылдау қажет.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ең көп оқылғаны
23.05.2024, 12:11Республикалық жолдарда жылдамдық режимін бұзу фактілерін есепке алу енгізілді 23.05.2024, 12:26 9771АШМ 2,5 млн га алқапта табын шегіртке зиянкестері таралады деп болжап отыр23.05.2024, 12:53 9091Елімізде адам папилломасы вирусына қарсы вакцина сатып алуға 9,7 млрд теңгеден астам қаржы бөлінді23.05.2024, 16:48 3586Білім беру мекемелеріндегі бейнебақылау камералары, дабыл батырмалары мен турникеттер орнату жөніндегі жұмыстардың орындалуы үкіметтің назарында23.05.2024, 12:51 2376Қазақстан экономикасына сингапурлық инвестициялардың жалпы көлемі 1 1,7 млрд-тан асты
16.05.2024, 17:53 109256Мас күйінде көлік басқарғаны үшін 45 жүргізуші сотталды16.05.2024, 16:44 108856Тасқыннан зардап шеккен аймақтардағы балалар жазғы белсенді демалыспен қамтылады16.05.2024, 17:43 107786Маңғыстау облысының әкімі қызметінен босатылды18.05.2024, 12:47 92181Қазақстандық музейлер қорында 4 000 000 нан астам зат сақтаулы17.05.2024, 11:24 89556Үкімет Риддердің жылу желілерін күрделі жөндеуге резервтен 2,4 млрд теңгеден астам қаражат бөлді
24.04.2024, 18:17 158511Елімізде су тасқынынан зардап шеккен азаматтарға қандай әлеуметтік қолдау көрсетілуде24.04.2024, 18:12 156811Бектенов Атырау облысында су басу қаупін азайту үшін қабылданып жатқан шаралардың барысын тексерді24.04.2024, 18:04 153801Тоқаев ҚХА сессиясын онлайн-форматта өткізу туралы шешім қабылдады24.04.2024, 18:19 132236Алматыда бірнеше күн бойы толассыз жаңбыр жауады25.04.2024, 12:37 130541Қазақстан Президенті су тасқынынан кейін өңірлерді қалпына келтіру мерзімдерін белгіледі