Система Orphus

Маңғыстау облысындағы Каспий жағалауында өлі итбалықтар табылды

16.05.2022, 16:13 10861
Маңғыстау облысындағы Каспий жағалауында өлі итбалықтар табылды
Сурет: lada.kz
АҚТАУ. 16 МАМЫР - Тексеру барысында 64 өлі итбалық пен бес бекіре тұқымдас балық табылды, деп хабарлайды Маңғыстау облысы балық инспекциясының басқармасы.
 
Lada.kz сайтының жазуынша, Форт-Шевченко теңіз порты аймағында Урдюк мүйісінен Баутинская мүйісіне дейінгі жағалаудан өлі итбалықтар табылды.
 
Осы дерек бойынша экологтар және жергілікті атқарушы органның бірлескен жұмыс тобы құрылып, аумақты зерттеу жұмыстары жүргізілді.
 
Толық тексеру барысында 64 өлген итбалық пен 5 бекіре тұқымдас балық табылды.
 

Бұл бір күн бұрынғы оңтүстік-батыстан соққан екпінді желдің салдарынан болып отыр. Зертханалық зерттеу үшін өлген жануарлардан сынамалар алынып, тоңазытқышқа қойылды. Сондай-ақ су мен ауа сынамалары алынды", - деп хабарлайды Маңғыстау облысы бойынша балық инспекциясының басқармасы.

 
Осыған дейін Каспий теңізінің Маңғыстау бөлігінен 94 өлі итбалық табылғаны хабарланған болатын.
 
Сондай-ақ Маңғыстауда итбалықтардың қырылуына байланысты зерттеу жүргізілетіні жазылды. 
 
Ақпарат көзі: inform.kz
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

Ең көп оқылғаны