Система Orphus

Нұр-Сұлтан әкімдігі әлеуметтік нысандар тапшы аудандарда тұрғын үй кешендерін салудан бас тартты

04.04.2022, 17:43 17456
Нұр-Сұлтан әкімдігі әлеуметтік нысандар тапшы аудандарда тұрғын үй кешендерін салудан бас тартты
Сурет: Нұр-Сұлтан әкімдігі
НҰР-СҰЛТАН. 4 СӘУІР - Елорда әкімдігі әлеуметтік нысандары тапшы тұрғын үй кешендерінің (ТК) құрылысы жөніндегі ұсыныстарды қабылдамады, деп хабарлайды KAZAKHSTAN TODAY Нұр-Сұлтан қаласы әкімдігінің баспасөз қызметіне сілтеме жасап.
 

Байтұрсынов көшесі, 7 (Хайвилл ТК) мекенжайындағы учаскеде көппәтерлі тұрғын үй кешенінің орнына мектеп салынатын болады. Бұдан басқа, Қошқарбаев даңғылы мен Ақыртас көшесі маңында "Хайвил" ТК-ге қарама-қарсы оқушы орындарының тапшылығын азайту мақсатында тағы бір жалпы білім беретін мектеп салынады", - делінген елорда әкімдігінің сайтында.

 
Ақбұлақ ықшам ауданында Қ.Жалайыри көшесінде "Iconic" ТК құрылысы тоқтатылды. Мастер-жоспар бойынша бұл орын абаттандырылып, гүлзар орнатылады.
 
Есіл ауданындағы Мәңгілік Ел даңғылы жанында – №9 емхана мен №77 мектеп-гимназиясы арасындағы учаскеде жоспар бойынша серуендеуге және демалуға арналған қоғамдық кеңістік (гүлзар) салынады.
 
Күмісбеков көшесі, 9 мекенжайында 21 қабатты тұрғын үй кешені мен паркингтің орнына қоғамдық кеңістік пен гүлзар салынады.
 
М.Горький - Косыгин - Челюскинцев - Ишимская көшелерінің квадратында ТК орнына қоғамдық кеңістік салынады.
 
Сонымен қатар Бас прокуратура мен Jysan Bank арасында – Мәңгілік Ел даңғылы мен Сығанақ көшесінің қиылысындағы учаскеде көппәтерлі тұрғын үй кешенінің орнына тағы бір мектеп салынады.
 
15 қаңтарда Қазақстан Республикасы Индустрия және инфрақұрылымдық даму министрлігі Мемлекет басшысының тапсырмалары шеңберінде құрылыс нарығын монополиясыздандыру және оны бәсекелі дамыту жөнінде бірқатар шаралар дайындағаны белгілі болды.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

Ең көп оқылғаны