Мәжіліс Еңбек кодексіне қашықтықтан жұмыс істеу мәселелері бойынша түзетулерді мақұлдады
Заң жобасында "қашықтықтан жұмыс істеу" және "аралас қашықтықтан жұмыс істеу" ұғымдарын енгізу ұсынылады, қызметтік міндеттерін еңбек шартын жасаспай жүзеге асыратын жұмыскерлерді (мемлекеттік қызметшілер, әскери қызметшілер, арнаулы мемлекеттік және құқық қорғау органдарының қызметкерлері) қашықтықтан жұмыс істеуге жіберу тәртібі регламенттеледі, қызметтің ерекшелігін ескере отырып, қашықтықтан және әдеттегі жұмыс ұштастырылатын аралас жұмыс режимін пайдалану мүмкіндігі енгізіледі.
Бұдан басқа, жеке еңбек шартында қашықтықтан жұмыс нысаны кезінде жұмыс уақытының тіркелген есебін белгілеу бойынша нормаларды бекіту ұсынылады, осы уақыт ішінде қызметкер жұмыс берушімен байланыс үшін қолжетімділік режимінде болуы тиіс, сондай-ақ тараптардың келісімі бойынша икемді жұмыс уақыты режимін қолдану мүмкіндігін енгізу қажет", - деп хабарлайды Kazpravda.kz.
Депутаттардың түзетулері жұмыс берушінің актісіне сәйкес жабдықты, бағдарламалық-техникалық құралдарды, коммуникация құралдарын (байланыс құралдарын), байланыс қызметтерін, ақпаратты қорғау құралдарын және өзге де құралдарды қоса алғанда, еңбек функцияларын қашықтықтан орындайтын жұмыскерге жұмыс беруші беретін құралдардың тізбесін нақтылауды, сондай-ақ қашықтықтан жұмыс істеу орнын нақтылауды қамтиды.
Ақпарат көзі: kazpravda.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Елімізде ҰБТ-ға өтінімдерді қабылдау 6 мамырда басталады
Биыл Ұлттық бірыңғай тестілеу еліміздің әр аймағында әртүрлі уақытта басталады, деп хабарлайды ҚазАқпарат Ұлттық тестлеу орталығына сілтеме жасай отырып.
Төтенше жағдай режимі жарияланған 6 облыс талапкерлері үшін ҰБТ кейінірек басталады. Атап айтқанда, Ақмола, Ақтөбе, Атырау, Батыс Қазақстан, Қостанай және Солтүстік Қазақстан облыстары үшін ҰБТ-ға тіркелу 6 мамырдан 20 мамырға дейін, ал тестілеу 25 мамыр мен 12 шілде аралығында өтеді", - деген ақпарат таратты Ғылым және жоғары білім министрлігі.
Қалған өңірдің талапкерлері үшін ҰБТ-ға өтініштерді қабылдау мерзімі - 6 мамырдан 14 мамырға дейін. Ал ҰБТ 16 мамырда басталып, 5 шілдеге дейін жалғасады.
Сондай-ақ, министрлік 2024 жылы барлық талапкер Ұлттық бірыңғай тестілеуді екі рет тапсырып, үздік нәтижемен грант конкурсына қатыса алатындығын хабарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев кәсіпкерлердің құқықтарын қорғау жөніндегі жұмысты жандандыруды тапсырды
Сурет: akorda
Мемлекет басшысы жаңадан тағайындалған Қазақстан кәсіпкерлерінің құқықтарын қорғау жөніндегі уәкіл Қанат Нұровты қабылдады, деп хабарлайды Ақорданың баспасөз қызметінен.
Кездесу барысында Президент кәсіпкерлердің құқығын қорғау жұмыстарын жандандыру қажет екенін айтты.
Қасым-Жомарт Тоқаев бизнеске қатысты әкімшілік кедергілерді анықтауға және оларды жою шараларын әзірлеуге, сондай-ақ отандық кәсіпкерлікті дамыту үшін қолайлы орта қалыптастыруға бағытталған бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматының Қала құрылысын бақылау басқармасының жаңа басшысы тағайындалды
Сурет: gov.kz
Алматы әкімі Ерболат Досаевтың өкімімен Данияр Қырықбаев Қала құрылысын бақылау басқармасының басшысы лауазымына тағайындалды, деп хабарлайды Алматы қаласы әкімдігінің баспасөз қызметінен.
Данияр Қырықбаев 1986 жылы 29 сәуірде дүниеге келген. Қазақ ұлттық университетінің түлегі. Әл-Фараби атындағы Қазақ ұлттық университетін және Ілияс Жансүгіров атындағы Жетісу мемлекеттік университетін бітірген. Жергілікті басқару магистрі.
Еңбек жолын 2007 жылы банк саласында бастаған. 2007-2009 жылдары "Жолаушылар тасымалы" АҚ - да жұмыс істеді, содан кейін - "Kazsatnet" АҚ Басқарма төрағасының кеңесшісі. Әр жылдары ҚР Бас прокуратурасында, ҚР Парламенті Сенатының аппаратында жұмыс істеді.
2016 жылдан 2019 жылға дейін Алматы қаласы бойынша соттар әкімшісінің басшысы болып жұмыс істеді. Екі жыл бойы "Азаматтарға арналған үкімет" мемлекеттік корпорациясы" КЕАҚ Алматы қаласы бойынша филиалының директоры болды.
2021 жылдан 2022 жылға дейін Алматы қаласы Тұрғын үй саясаты басқармасының басшысы болды.
Қазіргі тағайындауға дейін Алматы қаласы Коммуналдық инфрақұрылымды дамыту басқармасының басшысы қызметін атқарды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.