Система Orphus

Алматының мемлекеттік кірістер органдары карантин шараларының күшеюіне байланысты қалай жұмыс істейді

03.08.2021, 19:26 8722
АЛМАТЫ. 3 ТАМЫЗ - Алматы қаласы бойынша Мемлекеттік кірістер департаменті карантиндік шаралардың күшеюіне байланысты, коронавирустық инфекцияның таралуына жол бермеу мақсатында ағымдағы жылдың 2 тамызынан бастап аудандық мемлекеттік кірістер басқармалары мен кеден бекеттерінде салық төлеушілер мен СЭҚ қатысушыларына қызмет көрсетудің ерекше тәртібі белгіленетінін хабарлайды, деп хабарлайды KAZAKHSTAN TODAY Алматы қаласы бойынша Мемлекеттік кірістер Департаментінің баспасөз қызметіне сілтеме жасап.
 

"Электрондық үкімет" порталы, Салық төлеушінің кабинеті, мемлекеттік кірістер органдарының ақпараттық жүйелері арқылы электрондық түрде іске асырылған мемлекеттік қызметтерді көрсету тек электрондық түрде жүзеге асырылатын болады", - деп хабарлады ведомствода.

 
Электрондық түрде іске асырылмаған мемлекеттік қызметтерді көрсету екі тәсілмен алдын ала электрондық брондау жолымен кезек бойынша келу тәртібімен жүзеге асырылатын болады:
 
  • "электрондық үкімет" порталы арқылы өтініштерді беру сервисі арқылы;
  • келу тәртібімен қағаз жеткізгіштерде "e-Salyq Azamat" мобильді қосымшасы немесе "kgd.gov.kz" сайты арқылы келу уақытын алдын ала электрондық брондау арқылы.
 
 "е-Salyq Azamat" мобильді қосымшасында немесе "kgd.gov.kz" Мемлекеттік кірістер комитетінің сайтында, "Электрондық қызметтер" - "Онлайн брондау" бөлімінде, ЖСН енгізіп, алдын ала электронды брондау арқылы қызмет көрсету талонын алуға болады.
 
Мемлекеттік кірістер басқармасына және Мемлекеттік кірістер департаментіне бару уақыты санитарлық-эпидемиологиялық талаптарды сақтай отырып, түскі үзіліспен сағат 09.00-ден 18.30-ға дейін.
 
Аудандық басқармалар мен кеден бекеттерінде кеңес алу үшін келесі телефон нөмірлері бойынша хабарласу қажет:
 
Байланыс орталығы 1414-3
 
Әуезов ауданы бойынша МКБ - 3032569, 87071804133, 87776147667
 
Бостандық ауданы бойынша МКБ - 2754824, 87471676449, 87751675994
 
Жетісу ауданы бойынша МКБ - 2794265, 87474381783, 87773496856
 
Ақпараттық технологиялар паркі (АТП) МКБ - 2798957, 87776926666, 87472676950
 
Алмалы ауданы бойынша МКБ - 2676980, 87004111430, 87086096981
 
Түрксіб ауданы бойынша МКБ - 2215849, 87019600041, 87759931570
 
Медеу ауданы бойынша МКБ - 2671565, 87010936009, 87479936009
 
Алатау ауданы бойынша МКБ - 2998461, 87784178282, 87781289656
 
Наурызбай ауданы бойынша МКБ - 2217253, 87071629670, 87082878176
 
 "Алматы - Кедендік ресімдеу орталығы" Кеден бекеті - 2598168, 87772585822, 87018053355
 
 "Жетісу" Кеден бекеті - 3888975, 87788280133, 87017881388
 
Instagram, Facebook әлеуметтік желілері (@dgdalmaty).
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Комментарии

тақырып бойынша жаңалықтар

    АҚШ Қазақстанға COVID-19 індетімен күреске қосымша 2,4 миллион доллар бөледі

    18.10.2021, 18:41 22816
    НҰР-СҰЛТАН. 18 ҚАЗАН - АҚШ үкіметі Қазақстанға COVID-19 індетімен күреске қосымша 2,4 миллион доллар бөледі, деп хабарлайды KAZAKHSTAN TODAY Қазақстандағы АҚШ елшілігі мен консулдығының ресми сайтына сілтеме жасап.
     

    Аталған көмек нақты деректер негізінде вакциналарды енгізу бойынша шешімдер қабылдауға, вакциналар туралы жалған ақпаратқа ден қою бойынша жергілікті әлеуетті дамытуға, COVID-19 нақтылауды жүзеге асыру үшін зертханалық жүйелерді жетілдіруге, сондай-ақ, Қазақстанның вакциналарды пайдалануға дайындығын арттыруға және оларды жеткізу процедураларын жетілдіруге ықпал ететін болады", - деп хабарлайды Қазақстандағы АҚШ елшілігі.

     
    Бұл көмек пандемия басталғаннан бері Covid-19 індетіне қарсы күрес бағдарламасы шеңберінде Қазақстанға жіберілген 6,8 миллион АҚШ долларынан астам мөлшердегі қаржыландыруды толықтыратын болады. 
     

    Бүгінгі таңда USAID 5000 астам медицина қызметкеріне COVID-19 індетіне байланысты тақырыптар бойынша, соның ішінде аурудың алдын-алу және бақылау, сонымен қатар биологиялық қауіпсіздікті қамтамасыз ету принциптері бойынша оқытуды ұйымдастырды. Өз қызметінде USAID халықтың хабардарлығын арттыру және жалған ақпаратпен күресу үшін белсенді топтарды жұмылдыру арқылы 8,2 миллионнан астам адамды қамтыды. Осындай күш-жігер жұмсаудың негізінде АҚШ өмірді құтқару бойынша ондаған жылдар бойғы еңбек және денсаулық сақтау саласындағы жаһандық дағдарыстарды еңсерудегі жетекші рөлі жатыр. Соңғы 60 жыл барысында USAID миллиондаған адамның өмірін Эбола, АИТВ/ЖИТС, туберкулез, безгек және қазір COVID-19 сияқты аурулардан құтқаруға көмектесті", - деп қосты елшілікте.

     
    Елшілікте биыл АҚШ Өкілдігі Қазақстан үкіметімен ынтымақтастықтың 30 жылдығын атап өтетінін еске салды. Екі онжылдықтан астам уақыт барысында АҚШ Қазақстанға 2 миллиард доллар, соның ішінде туберкулез бен АИТВ/ЖИТС алдын алу және емдеу сияқты салалардағы денсаулық сақтау бағдарламаларын қолдауға 92,8 миллион доллардан астам қаражат бөлді.
     
     Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

    Экология, геология және табиғи ресурстар вице-министрі тағайындалды

    15.10.2021, 17:25 147853
    Экология, геология және табиғи ресурстар вице-министрі тағайындалды
    Сурет: primeminister.kz

    НҰР-СҰЛТАН. 15 ҚАЗАН - Талғат Момышев экология, геология және табиғи ресурстар вице-министрі болып тағайындалды, деп хабарлайды KAZAKHSTAN TODAY ҚР Премьер-Министрінің баспасөз қызметіне сілтеме жасап.

    ҚР Үкіметінің Қаулысымен Талғат Амангелдіұлы Момышев Қазақстан Республикасының экология, геология және табиғи ресурстар вице-министрі қызметіне тағайындалды. Бұл туралы ҚР Премьер-Министрінің баспасөз қызметі хабарлайды.

    Талғат Момышев 1968 жылы Ақмола облысында дүниеге келген.

    Жамбыл гидромелиоративтік-құрылыс институтын, Алматы экономика және статистика институтын тәмамдаған. Мамандығы бойынша біліктілігі: инженер-құрылысшы, бухгалтер-экономист.

    1994-1996 жж. — қазақ-түрік бірлескен кәсіпорнының атқарушы директоры.

    1997-1998 жж. — Жамбыл стандарттау және метрология орталығы директорының мемқадағалау жөніндегі орынбасары. Әр жылдары жеке компанияларда жұмыс істеді.

    1998-1999 жж. — Жамбыл облысы әкімі аппаратының аға референті.

    1999-2000 жж. — Жамбыл облыстық инвестициялар және ЖЭС комитетінің төрағасы.

    2000 ж. — "Метрология" РМК Алматы бөлімшесінің басшысы, "Ұлттық аккредиттеу орталығы" АҚ директорының бірінші орынбасары.

    2000-2005 жж. — "Ұлттық сараптама және сертификаттау орталығы" ААҚ Астана қаласы бойынша өндірістік басқармасының басшысы.

    2005-2010 жж. — Индустрия және сауда министрлігінің Техникалық реттеу және метрология комитеті төрағасының орынбасары.

    2010-2014 жж. — Мұнай және газ министрлігінің Мұнай-газ кешеніндегі мемлекеттік инспекция комитетінің төрағасы.

    2014-2016 жж. — Энергетика министрлігінің Мұнай-газ кешеніндегі Экологиялық реттеу, бақылау және мемлекеттік инспекция комитетінің төрағасы.

    2016-2018 жж. — ҚР Президенті Әкімшілігінің мемлекеттік инспекторы.

    2018-2019 жж. — Жамбыл облысы әкімінің орынбасары.

    2019-2021 жж. — ҚР Энергетика министрлігінің жауапты хатшысы.

    2021 жылдың қаңтарынан қазіргі уақытқа дейін ҚР Энергетика министрлігінің аппарат басшысы болды.

    Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

    Қазпоштада 163,9 млн теңге сомасына бұзушылықтар анықталды

    15.10.2021, 17:13 148960
    НҰР-СҰЛТАН. 15 ҚАЗАН - "Қазпошта" АҚ-да 2018 жылдан 2020 жылға дейінгі кезеңге жүргізілген аудит қорытындылары бойынша бірқатар анықталған проблемалар бар, деп хабарлайды KAZAKHSTAN TODAY Республикалық бюджеттің атқарылуын бақылау жөніндегі есеп комитетінің баспасөз қызметіне сілтеме жасап.
     

    Мемлекеттік аудит нәтижелері бойынша 163,9 млн. теңге сомасына қаржылық бұзушылықтар, оның ішінде бухгалтерлік есептілік бойынша 0,6 млн. теңге сомасына, тиімсіз жоспарлау - 678,3 млн. теңге, тиімсіз пайдалану - 47,4 млн. теңге, 6,9 млн. теңге сомасына экономикалық шығындар, сондай-ақ 32 рәсімдік бұзушылық фактісі және 2 жүйелі жетіспеушілік анықталды", - деп хабарлады Есеп комитеті.

     
    Атап айтқанда, "Қазпошта" АҚ қызметтің түйінді стратегиялық көрсеткіштерін орындамаған. Мәселен, 2018 жылы ҚТК 29% (7 көрсеткіштің 2), 2019 жылы 72% (7 көрсеткіштің 5) және 2020 жылы қызметтің түйінді көрсеткіштерінің 86% (7 көрсеткіштің 6) қол жеткізілмеген.
     
    Соңғы 3 жылда "Қазпошта" АҚ Дүниежүзілік пошта одағының рейтингісінде жүйелі түрде төмен түсуде (2017 жылы - 46 орын, 2018 жылы – 49 орын, 2019 жылы – 52 орын). "Қазпошта" АҚ-ның рейтингтегі төмендеу қарқынын ескере отырып, Дүниежүзілік пошта одағының нұсқасы бойынша 20 жетекші пошта компанияларының қатарына кіру қойылған мақсатына қол жеткізе алмау тәуекелі бар.
     
    2017 жылдан бастап "Қазпошта" АҚ-ның ауылдық жерде байланыстың әмбебап қызметтерін көрсетуден болған шығындары субсидиялануда.
     
    Есеп комитетінің ақпараты бойынша, Қазақстан Республикасы Цифрлық даму, инновациялар және аэроғарыш өнеркәсібі министрлігі "Қазпошта" АҚ-ның пайдасына негізделмеген субсидиялар төлеуге әкеп соққан бұзушылықтарға жол берді. Осылайша, қалалық жерде жазылу бойынша мерзімді баспасөз басылымдарын тарату жөніндегі қызметтерді көрсету кезінде шығындар өтелген.
     
    Түркістан қаласында бір жыл бұрын салынған және пайдалануға берілген құны 1 млрд. теңге болатын Цифрлық офис ғимараты қазіргі уақытта пайдаланылмайды. Ғимарат толық дайын болмай және жобалық-сметалық құжаттамаға сәйкессіздікте пайдалануға қабылданды.
     
    Отырыс қорытындысы бойынша Есеп комитеті Үкіметке, Қазақстан Республикасы Цифрлық даму, инновациялар және аэроғарыш өнеркәсібі министрлігіне нормативтік құқықтық актілерді жетілдіру, активтерді басқарудың, бюджеттік субсидияларды басқару мен пайдаланудың тиімділігін қамтамасыз ету бойынша тиісті ұсынымдар берді. "Қазпошта" АҚ-на анықталған бұзушылықтарды жою, салалық заңнама талаптарын сақтауды қамтамасыз етпеген лауазымды тұлғалардың жауапкершігін қарау бойынша тапсырмалар берілді.
     
    Әкімшілік құқық бұзушылықтар туралы істерді қарауға уәкілетті органдарға 2 материал жіберілді.
     
     Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Ең көп оқылғаны