Қазақстанда 31 шілдеде ауылдық округ әкімдерін сайлау өтеді
2021 жылдың шілде айынан бастап 1093 ауылдық елді мекеннің басшылары сайланған. Олардың ішінде 215-і өзін-өзі ұсынушылар, ал 116-сы қайта сайланған басшылар – әйелдер. Бұл туралы Қазақстан Республикасының Мемлекеттік кеңесшісі Ерлан Қарин өзінің Telegram каналында хабарлады.
Ауыл әкімдерінің корпусы 55,6%-ға жаңартылғанын айта кету керек. Бұл 608 жаңа ауыл басшысы деген сөз. Олардың басым бөлігі осыған дейін мемлекеттік қызметте жұмыс істемеген. Мұғалімдер, дәрігерлер, бизнесмендер, жергілікті кәсіпорындар мен шаруа қожалықтарының басшылары ауыл тұрғындарының қолдауына ие болды", - деп жазады Ерлан Тынымбайұлы.
Хабарламада көрсетілгендей, жаңа әкімдердің басым бөлігі Маңғыстау (77,8%), Қарағанды (77,2%) және Жамбыл (71%) облыстарында екен. 31 шілдеде 27 ауылдық округте сайлау өтпек. Жыл соңына дейін тағы 214 ауыл басшысы сайланады. Бұдан бөлек 2023 және 2024 жылдары 1037 ауылдық округтерде әкімдердің сайлауын өткізу жоспары бар.
Ерлан Қарин жақын арада аудан әкімдерінің тікелей сайлауын өткізу жоспарланғанын да атап өтті.
Жаңа конституциялық реформаға сәйкес, бүгінде облыс әкімдері өңірлік мәслихаттар депутаттарының дауыс беру нәтижелері бойынша тағайындалады. Елдің саяси жүйесі біртіндеп өзгеріп, демократияның жаңа құралдары мемлекеттік басқаруға енгізіліп жатыр", - деп түсіндіреді Мемлекеттік кеңесші.
Ақпарат көзі: inbusiness.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Президентке биылғы І тоқсанда жұмсалған республикалық бюджет қаражаты туралы есеп берілді
Сурет: akorda
Мемлекет басшысы Қаржы министрі Мәди Такиевті қабылдады, деп хабарлайды Ақорданың баспасөз қызметінен.
Президентке мемлекеттік қаржының негізгі параметрлері, оның ішінде биылғы І тоқсанда жұмсалған республикалық бюджет қаражаты туралы есеп берілді. Осы ретте 3 айдың қорытындысы бойынша мемлекеттік бюджетке 4,5 триллион теңгеге жуық кіріс кірген.
Қасым-Жомарт Тоқаевқа өнімсіз бюджет шығындарын оңтайландыру жұмыстары жөнінде мәлімет берілді. Мәди Такиевтің айтуынша, жүргізілген сараптама нәтижесінде биыл 300 миллиард теңгеден астам соманы қысқарту ұсынылған. Бұл қаражат экономикалық қайтарымы барынша жоғары шараларға жұмсалады.
Мемлекет басшысына бюджетті басқару тиімділігін арттыру бағытында қабылданып жатқан жұмыстар туралы баяндалды. Аталған шаралар жаңа Бюджет кодексіне енгізілген.
Бұдан бөлек Президентке салықтық-кедендік әкімшілендіру ісіндегі жаңа бастамалар таныстырылды. Министрдің айтуынша, жаңа Салық кодексінің жобасында салықтық әкімшілендірудің сервистік моделі енгізілген, тексерулер санын қысқарту жөніндегі нормалар қарастырылған, камералық бақылау және салық берешегін өндіріп алу тәсілдері өзгертілген.
Сонымен қатар Қасым-Жомарт Тоқаевқа Еуразиялық экономикалық одақтың үшінші елдермен кедендік шекарасындағы инфрақұрылымды жаңғырту жұмыстары жөнінде ақпарат берілді. Жобаның жүзеге асырылуы өткізу мүмкіндігін 6 есеге дейін ұлғайтып, өту уақытын 2 есе қысқартуға, сондай-ақ тауарлар мен көлік құралдарын тексеру ісін тәулік бойы онлайн режимде бақылауға мүмкіндік береді. Барлық өткізу пунктін реконструкциялау жұмыстарын жыл соңына қарай аяқтау жоспарланып отыр.
Мәди Такиев мемлекеттік сатып алу жүйесін реформалау жоспары жөнінде айтты. Оның мәліметінше, "Мемлекеттік сатып алу туралы" жаңа Заң жобасында сатып алу рәсімдерін жеңілдету және бюрократиядан арылту, құрылыс нарығында монополияға жол бермеу, барлық мемлекеттік және квазимемлекеттік ұйымның сатып алуларын бірыңғай платформаға көшіру көзделген.
Кездесу соңында Президент мемлекеттік қаржының жағдайын жақсарту, атап айтқанда, бюджеттің теңгерімділігін қамтамасыз ету, сондай-ақ салықтық және кедендік әкімшілендіру салаларын цифрландыру арқылы жетілдіру жөнінде бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.