12.04.2021, 19:38 29281
Nur Otan-да партиялық бақылау комитеті немен айналысатынын айтты
Достарға айту
Партияның баспасөз қызметі хабарлағандай, өңірлердегі партиялық бақылау комитеті мен комиссияларының бірінші кезектегі міндеті – электоралдық міндеттемелердің орындалуына жүйелі бақылауды қамтамасыз ету.
Сондай-ақ, өзекті бағыттардың қатарында мемлекеттік органдардың азаматтардың өтініштеріне тиянақты қарап, сапалы жұмыс істеуіне, бюджет қаражатын жұмсаудың тиімділігіне мониторинг жүргізу сияқты тағы да басқа мәселелер бар.
Партия жанындағы Сыбайлас жемқорлыққа қарсы іс-қимыл жөніндегі республикалық қоғамдық кеңестің де жұмыс кестесі мен жаңа құрамы бірінші отырыста бекітілді.
Сыбайлас жемқорлық – бұл пара беру мен пара алу ғана емес. Өз міндеттеріне немқұрайлы қарау және бюджет қаражатын тиімсіз жұмсау да соның көрінісі. Онымен барлық шараларды қолдана отырып күресуіміз қажет", - деді Ерлан Саиров.
Еске сала кетейік, бұған дейін "Nur Otan" Төрағасының бірінші орынбасары Бауыржан Байбек өзінің Facebook-тегі парақшасында билеуші партияның өзінің сайлауалды уәделерін іске асыруды қалай қамтамасыз етуге ниетті екенін айтқан болатын.
Оның айтуынша, Елбасы, партия Лидері Нұрсұлтан Назарбаевтың тапсырмасы бойынша, сондай-ақ ел президенті Қасым-Жомарт Тоқаевтың "Халық үніне құлақ асатын мемлекет" тұжырымдамасын іске асыру аясында партияның қоғамдық кеңестерінің жұмысы жүйелі түрде қайта құрылымдалады.
Саяси кеңес Бюросының шешімімен таратылған партиялық кураторлар институтының орына "Nur Otan"-ның сайлауалды бағдарламасының нақты бағыттарының іске асырылуын бақылау бойынша 14 республикалық қоғамдық кеңес құрылды. Осындай кеңестер өңірлік деңгейде де құрылады.
Кеңестердің жұмысы қоғамдық пікірді ескеріп, сондай-ақ партияның қоғамдық қабылдау бөлмелеріне ел көлемінде азаматтардан түскен өтініштерге жасалған талдауға негізделе отырып, жария түрде жүргізіледі.
Сонымен қатар, Бауыржан Байбек "Nur Otan" кеңестерінің алдында сарапшылар қауымдастығын өткір әлеуметтік мәселелерді ашық талқылауға тарту, сондай-ақ азаматтық бастамаларды қолдау міндеті тұрғанын атап өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
19.03.2024, 12:34 3551
Оңтүстік Кореяда жұмыс істейтін қазақстандықтардың құқықтарын қорғау бойынша өзара іс-қимыл мәселелері талқыланды
Достарға айту
ҚР ЕХӘҚМ Көші-қон комитетінің төрағасы Асқарбек Ертаев Share Together кәсіподақ өкілдерімен кездесу өткізді, деп хабарлайды ҚР Еңбек министрлігінің баспасөз қызметінен.
Тараптар Оңтүстік Кореяда жұмыс істейтін қазақстандықтардың құқықтарын қорғау бойынша өзара іс-қимыл мәселелерін талқылады. Атап айтқанда, тиісті екіжақты меморандумға қол қою жөнінде уағдаластықтарға қол жеткізілді.
Осы меморандумды жасасу ынтымақтастықты неғұрлым тиімді жүзеге асыруға, оның ішінде Оңтүстік Кореядағы қазақстандықтардың еңбек және әлеуметтік құқықтарының бұзылу жағдайларын анықтауға, алдын алуға және оларға ден қоюға мүмкіндік береді.
Share Together кәсіподағы Оңтүстік Кореядағы шетелдік еңбек мигранттарының құқықтарын қорғаумен айналысады және Корея кәсіподақтары федерациясының (FKTU) құрамына кіреді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
19.03.2024, 12:29 4781
Жыл басынан бері Қазақстанда ӘМАТ үстемесін асыру және басқа да бұзушылықтар бойынша 380 әкімшілік іс қозғалды
Достарға айту
Үкімет басшысы Олжас Бектеновтің тапсырмасы бойынша вице-премьер Серік Жұманғарин өткізген кеңейтілген кеңесте сауда саласындағы делдалдық схемаларды зерттеу жөніндегі өңірлік комиссиялардың қызметін қарады, деп хабарлады ҚР Премьер-министрінің баспасөз қызметінен.
Жыл басынан бері 275 отырыс өткізіліп, 341 басы артық делдал және әлеуметтік маңызы бар азық-түлік тауарларына сауда үстемесінің асып кету дерегі анықталды. Мемлекеттік бақылау шеңберінде Сауда министрлігінің аумақтық департаменттері 380 әкімшілік іс қозғады. 4 млн теңгеден астам сомаға айыппұл өндірілді, 345 әкімшілік қаулы, оның ішінде 298-і сауда үстемесін асырғаны үшін шығарылды", - деп атап өтті СИМ Сауда Комитетінің төрағасы Айдар Әбілдабеков.
Кеңеске қатысушылар әлеуметтік азық-түлік бағасын тұрақтандыру бойынша өткен аптадағы жағдайды қарастырды. Маусымаралық кезең болғанымен, бағалар соңғы аптада орта есеппен 0% деңгейінде қалған. Ағымдағы азық-түлік инфляциясы 7,4% құрағаны, бұл бес жылдық көрсеткіштен едәуір төмен (орташа бес жылдық азық-түлік инфляциясы 9,3%) екені атап өтілді.
Бүгінгі таңда азық-түлік инфляциясы тұтыну қорының 160 атауы бойынша бағаның өзгеру динамикасына сүйене отырып қалыптасуда. Биылғы жылдың басынан бері қымбаттаған 30 тауар ішіндегі антилидерлер үштігін қияр, қызанақ, банан құрады. Маусымаралық кезеңде қияр мен қызанақ бағасы үнемі қымбаттайды, бұл ішкі өндірістің төмендігімен және маусымаралық кезеңде импортқа тәуелділікпен байланысты. Қазір қызанақ Түрікменстаннан, Өзбекстаннан және Қытайдан, батыс облыстарға Иран, Әзербайжан және Түркиядан жеткізіледі, ал қияр Өзбекстан, Қытай, Иран, Түркиядан әкелінеді. Жақын арада оңтүстік өңірлердің жылыжай шаруашылықтарында қияр мен қызанақтың өнімі күтілуде, бұл аталған көкөністердің бағасын төмендетуге мүмкіндік береді", - деді Айдар Әбілдабеков
Ішкі нарықты маусымаралық кезеңде жылыжай көкөністерімен жеткілікті көлемде қамтамасыз ету үшін былтыр жыл соңынан бастап мемлекет тарапынан фермерлік жылыжайларға субсидиялар беріле басталды. Инфляцияға қарсы шаралар кешені шеңберінде АШМ тарапынан қорғалған топырақта көкөніс өсіру бойынша жылыжай кешенін салу жобасы іске асырылуда, бұл ішкі нарықты қолжетімді бағада көкөністермен қамтамасыз етуге мүмкіндік береді. Жобаны келесі жылы іске қосу жоспарлануда.
Кеңес қорытындысы бойынша Серік Жұманғарин өңірлерге көкөніс қорларын босату жұмыстарын жандандыруды тапсырды. Сондай-ақ Сауда және интеграция министрлігі мен Qaztrade сауда саясатын дамыту орталығына жамбылдық фермерлерге 130 тонна пиязды тиімді бағамен сатуға көмек көрсету тапсырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
18.03.2024, 17:02 26556
Үкімет Мемлекет басшысының ауқымды инфрақұрылымдық бастамаларын іске асыруға кірісті
Президент ТКШ инфрақұрылымын жөндеу және жаңғырту мәселесі бойынша қолданыстағы 55 жылу көзін жөндеуді және кемінде 6,5 мың шақырым инженерлік желілерді жаңғыртуды тапсырды
Достарға айту
Қазақстан Премьер-Министрі Олжас Бектенов а.ж. 15 наурызда өткен "Адал адам - Адал еңбек - Адал табыс" атты Ұлттық құрылтайдың үшінші отырысында Мемлекет басшысы Қасым-Жомарт Тоқаевтың елімізде тұрмыс сапасын жақсарту жөніндегі тапсырмаларын орындау бойынша кеңес өткізді, деп хабарлайды Үкіметтің баспасөз қызметінен.
Президент ТКШ инфрақұрылымын жөндеу және жаңғырту мәселесі бойынша қолданыстағы 55 жылу көзін жөндеуді және кемінде 6,5 мың шақырым инженерлік желілерді жаңғыртуды тапсырды. Бұл мақсаттарға 650 млрд теңге инвестиция тартылатын болады.
Азаматтардың баспаналы болуын қамтамасыз ету бойынша қойылған міндеттерді шешу үшін Үкімет кезекте тұрғандар, оның ішінде халықтың әлеуметтік осал санаттары үшін сатып алу құқығымен жалға берілетін тұрғын үй көлемін 4 есе ұлғайтуды жоспарлап отыр. Ол үшін қосымша 272 млрд теңге бөлінеді. Мемлекет басшысының тапсырмасы бойынша Отбасы банк 300 млрд теңге сомасына ипотекалық қарыздар беретін жаңа бағдарламаны іске қосады. Жаңа бағдарламаға жұмыс істейтін жастар, жас отбасылар, тұрғын үй төлемдерін алушылар, банк салымшылары, моноқалалардың, аудан орталықтары мен ауылдық елді мекендердің тұрғындары, оның ішінде ақша жинау бойынша міндеттемесі жоқ тұрғын үй кезегінде тұрғандар қатыса алады. Бірінші жылы жаңа бағдарлама есебінен қосымша 12 мың баспанаға мұқтаж отбасын үймен қамтамасыз ету жоспарланып отыр. Жалпы биыл рекордтық 18 млн шаршы метр тұрғын үй салынады, бұл бұрынғы жоспарланған жылдық көрсеткіштен 2,5 млн шаршы метрге артық.
Еліміздің жол желісін дамыту бойынша Президент айтқан 12 мың шақырым автомобиль жолдарын реттеу үшін Үкімет ағымдағы жұмыстардан бөлек, қосымша 2,5 мың шақырым жолды жөндеу жұмыстарын жоспарлап отыр. Бұл мақсаттарды іске асыру үшін шамамен 1 трлн теңге инвестиция бағытталатын болады.
Бұл жай-күйі жақсы және қанағаттанарлық республикалық жолдардың үлесін 93%-ға дейін арттыруға, сондай-ақ қосымша 24 мың жұмыс орнын құруға мүмкіндік береді.
Елді мекендерді газдандыру деңгейін арттыру мақсатында Мемлекет басшысы кемінде 1,7 мың шақырым желіні жаңғырту міндетін қойды. Бұл 300 мыңнан астам азаматқа көгілдір отынды қолжетімді етеді. Осыған байланысты Үкімет биыл жоспарланған 46 елді мекеннің орнына 87 елді мекенді газдандырмақ. Осылайша, 63 мыңнан астам адам жеделдетілген шаралармен газбен қамтамасыз етілетін болады, яғни қамту іс жүзінде 2 есеге ұлғайтылды. Бұл мақсаттарға 195 млрд теңге бөлінетін болады.
Үкімет басшысы биыл 1 сәуірге дейінгі мерзімде жобаларды қаржыландыру кестесін уақтылы ұсынуды тапсырды. Кесте сондай-ақ жобалардың әрі қарай іске асырылуын күнделікті бақылауды да көздейтін болады.
Біз Президенттің ауқымды инфрақұрылымдық бастамаларының уақтылы іске асырылуын қамтамасыз етуге тиіспіз. Әрбір министрге және әкімге, ұлттық компаниялардың басшылығына жұмысты күнделікті бақылауға алуды тапсырамын. Тұрғындар нақты өзгерістерді көруі қажет. Толық қайтарыммен жұмыс істеу және жоғары нәтиже тиімділіктің көрсеткіші болмақ", - деді Олжас Бектенов.
Сонымен қатар кеңесте өңдеу өнеркәсібін, транзиттік дәліздерді, кәсіпкерлікті және IT-технологияларды одан әрі дамыту жөніндегі шаралар қаралды. Негізгі міндет - жаңа жұмыс орындары, озық технологиялар мен құзыреттер трансферті, ірі өндірістерді локализациялау, жоғары деңгейде өңделген өнім шығаратын кластер құру және т.б. түріндегі мультипликативтік әсер беретін жаңа инвестициялық жобалар.
Биыл жоспарланған кемінде 70 жоба пайдалануға берілмек. Өңдеу өнеркәсібін дамыту мақсатында отандық кәсіпорындардың жүктемесін орта есеппен 65%-ға дейін арттыру бойынша қосымша шаралар әзірленетін болады.
Транзиттік дәліздерді дамыту және көліктің барлық түрімен жүк тасымалдау көлемін ұлғайту үшін жаңа теміржолдардың, логистикалық орталықтар мен қоймалардың құрылысы жалғасатын болады. Мәселен, жүктерді теміржол көлігімен тасымалдау көлемін 450 млн тоннаға дейін, автомобиль көлігімен тасымалдау көлемін 316 млн тоннаға дейін, сондай-ақ транзиттік тасымалдарды 30 млн тоннаға дейін, оның ішінде Транскаспий халықаралық көлік бағыты бойынша жүктерді тасымалдау көлемін 4,2 млн тоннаға жеткізу жоспарланып отыр.
Үкімет отандық бизнесті қолдауды жалғастырады. АӨК дамытуға қосымша 240 млрд теңге бағытталатын болады. ШОБ жобаларын субсидиялауға 320 млрд теңгеге дейін бағытталады. Инвесторлар тарту мақсатында 12 арнайы экономикалық және индустриялық аймақ қажетті инфрақұрылыммен қамту жоспарланған. Бұл мақсаттарға 160 млрд теңге бағытталады. Сондай-ақ "өнеркәсіптік ипотека" тетігі бойынша жалпы сомасы 30 млрд теңгеге 8 жаңа шағын өнеркәсіптік аймақты құру жұмыстары жеделдетілетін болады.
Ақпарат және байланыс қызметтері саласында кемінде 10% деңгейінен кем емес өсім күтіледі және ол IT-қызметтер экспортын $600 млн-ға дейін ұлғайту есебінен қамтамасыз етілетін болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
18.03.2024, 16:59 26786
Ұлыбританиядан Қазақстан тарихына қатысты құнды қолжазбалар мен құжаттар табылды
Достарға айту
Ұлыбританиядан Қазақстан тарихына қатысты құнды қолжазбалар мен құжаттар табылды, деп хабарлайды ҚР Мәдениет және ақпарат министрлігінің баспасөз қызметінен.
Қолжазбалар және сирек кітаптар ұлттық орталығының мамандары Ұлыбританиядағы ғылыми-зерттеу экспедициясы аясында Лондон, Оксфорд және Манчестер қалаларындағы кітапханалар мен архивтерге, ғылыми орталықтарға барды. Мамандар 15 қолжазба мен 500-ге жуық архив құжатының көшірмесін алды.
Манчестер қаласынан табылған құнды қолжазбалардың бірі - шамамен X-XII ғасырларда алғаш түркі тіліне аударылған қасиетті Құран кітабы. Түркі тіліндегі аудармасы Жүсіп Баласағұнидің "Құтты білік" тіліне өте жақын. Кітаптың түркі-ислам мәдениеті үшін маңызы зор.
Сондай-ақ маңызды қолжазбалардың бірі - араб тілінде библиографиялық бағытта жазылған ортағасырлық еңбек. "Китәб мақалаат әр - Рафииъа фии усул ъилм ат-табииъа" (Табиғат ғылымының негіздері жайлы жоғары мақалалар кітабы) кітабында Әбу Насыр әл - Фарабидің өмірбаяны мен қолжазбалары туралы мәліметтер бар. Еуропалық зерттеуші ғалым Карл Броккельман өз еңбегінде қолжазба әл-Фарабиге тиесілі екенін атап көрсеткен.
Қазақстандық мамандарды Оксфордтың Бодлиан кітапханасынан ХІ ғасырдағы парсы тарихшысы Әбу Саид Абд-әл-Хайи-Гардизидің "Зейн әл-ахбар" еңбегі қызықтырды. Қолжазба 1049-1053 жылдар аралығында жазылған. Еңбекте 1032 жылға дейінгі парсы (исламға дейінгі) патшалардың, Мұхаммед пен халифалардың, сондай-ақ Хорасанның 1041 жылға дейінгі тарихы қамтылған. Үндістан, Азияның түркі тайпалары, орыстар, гректер арасындағы ғылым, дін, мерекелер туралы тараулар бар. Аталған қолжазбаның үзінділерін В.В. Бартольд "Моңғол шапқыншылығы дәуіріндегі Түркістан" және
1893-1894 жылдардағы Орта Азияға сапар туралы есеп" еңбектерінде қолданған.
Ұлттық орталықтың қызметкерлері мен шетелдік ғалымдар қолжазбалар мен басқа да еңбектерге бірлескен зерттеулер жүргізуді жоспарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
18.03.2024, 16:45 27116
Голан жоталарында қазақстандық бітімгерлер қызметке кірісті
Сурет: gov.kz
Достарға айту
Ұлттық бітімгерлік контингенттің әскери қызметшілері БҰҰ миссиясындағы жедел әрекет ету күштерінің іс-қимыл алгоритмімен және базаның инфрақұрылымымен танысып қана қоймай, күнделікті қызметке кірісіп те кетті, деп хабарлайды ҚР Қорғаныс министрлігіның баспасөз қызметінен.
Қазақстандық бітімгерлер Ирландияның бітімгерлік контингентінің базасын, істері мен міндеттерін қабылдауда. Алдыңғылары біздің әскери қызметшілерімізге миссия штабы орналасқан Фауар базасы бойынша таныстыру экскурсиясын өткізді. Дәл осы жерден миссияның барлық компоненттері басқарылады.
Біздің бөлімше миссия қолбасшысының резерві болып табылады. Ол құраманы түрлі міндеттерді, оның ішінде дағдарыс сәттерін орындау үшін жұмылдыра алады", - деді ҚР Қорғаныс министрлігі Халықаралық ынтымақтастық департаментінің аға офицері подполковник Ілияс Мұстафин.
Ирландиялық әскери қызметшілер жедел әрекет ету күштерінің іс-қимыл тәртібі, функцияларды бөлу бойынша сабақтар өткізді, Голан жоталарындағы жауапкершілік аймақтары мен мұнда атқарылатын қызмет ерекшеліктерімен таныстырды.
Күнделікті қызмет шеңберінде әскери қызметшілер әскери техникаға қызмет көрсетумен және бронды дөңгелекті машиналарға жауынгерлік модульдерді орнатумен, тұрмысты жайластырумен, міндеттерді орындауға дайындықпен айналысады.
- Ауыз сумен, азық-түлікпен, жанар-жағармаймен және т.б. қамтамасыз ету үдерісімен танысу жүріп жатыр, - деді ҚР Қорғаныс министрлігі Бітімгерлік операциялар орталығы бастығының орынбасары подполковник Рустам Жанжүменов. - Мұның бәрі миссияның түрлі компоненттері деуге болады.
Бұдан басқа, материалдық-техникалық қамтамасыз ету бөлімшесі машиналарға жөндеу жүргізетін тұрақ-гараж жабдықтарын, қолда бар қару мен оқ-дәрілерді сақтауға арналған арнайы контейнерлерді орнатумен айналысады.
Айта кеткен жөн, "БҰҰ-ның бөлінген аумақты бақылау жөніндегі күштері" миссиясының құрамында әлемнің 12 елінен 1500 әскери қызметші қызмет атқарады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
18.03.2024, 16:40 27351
Бектенов ЕАДБ басшысымен инвестициялық ынтымақтастықты кеңейту мәселелерін талқылады
Достарға айту
Қазақстан Республикасының Премьер-Министрі Олжас Бектенов Еуразиялық даму банкінің басқарма төрағасы Николай Подгузовпен инвестициялық ынтымақтастықты одан әрі кеңейту перспективалары бойынша кездесу өткізді, деп хабарлайды ҚР Үкіметінің баспасөз қызметінен.
Өткен жылы ЕАДБ Қазақстанның ұлттық экономикасының түрлі секторларындағы бірқатар инвестициялық жобаны қаржыландырды. Олардың қатарында полипропилен шығаратын зауыт, магистральдық тепловоздар сатып алу, Қостанай облысында жел электр станцияларын салу және т.б. бар. Жылдық инвестициялардағы Қазақстанның үлесі 2022 жылғы 48,5%-дан 2023 жылы 59%-ға дейін өсті.
Биыл ЕАДБ-ның Қазақстан экономикасына салған жаңа инвестициялары кемінде $1 млрд-ты құрайды. Осы жылға арналған негізгі жобалар пулы көлік, өнеркәсіп, энергетика және қоршаған ортаны жақсарту, АӨК салаларын, сондай-ақ әлеуметтік инфрақұрылымды жүргізу мен жаңғыртуды қамтиды.
ҚР Премьер-Министрі Мемлекет басшысының жол желісін дамыту, тұрғын үй құрылысы, ТКШ-ны жаңғырту және газдандыру саласындағы ауқымды инфрақұрылымдық бастамаларын іске асыруға инвестициялар тартудың маңыздылығын атап өтті.
Банктің басым бағыты ірі инфрақұрылымдық жобаларды қаржыландыру болуға тиіс. Біз өзара тиімді негізде банкпен ынтымақтастықты кеңейтуге дайынбыз", - деді Олжас Бектенов.
Өз кезегінде ЕАДБ басқарма төрағасы Николай Подгузов қаржы институтының тұрақтылығы туралы хабарлады. Атап айтқанда, қабылданған шаралардың нәтижесінде ЕАДБ $125 млн мөлшерінде қаржылық оң нәтижеге қол жеткізді. Банктің несиелік рейтингі Қазақстанның тәуелсіз рейтингі деңгейінде сақталды: "BBB-" (S&P), сондай-ақ қытай нарығында ССXI "ААА" ең жоғары рейтингі алынды. Сонымен қатар портфельдің сапасы жақсарып, кешіктірілген төлемдердің үлесі төмендеді.
Кездесуге қатысушылар ЕАДБ жылдық инвестицияларындағы қазақстандық үлесінің артқанына тоқталып, Банктің инвестициялық белсенділігін одан әрі нығайту әлеуетін атап өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
18.03.2024, 16:21 27691
Храпунов шығарған жедел медициналық жәрдем кешенінің бір бөлігі Алматыға қайтарылды
Сурет: exclusive.kz
Достарға айту
Алматы қаласының прокуратурасы Алматы қаласының бұрынғы әкімі В. Храпунов шығарған жедел медициналық жәрдем кешенінің бір бөлігін қайтарып алды, деп хабарлайды Алматы қаласының прокуратурасының баспасөз қызметінен.
15.02.2024 жылы Алматы қаласының мамандандырылған ауданаралық экономикалық сотының 27.11.2023 жылғы мүліктік жедел медициналық жәрдем кешенінің бір бөлігін жеке меншікке шығару туралы шешімді жарамсыз деп тану туралы шешімі заңды күшіне енді.
Сотта Алматы қаласының бұрынғы әкімі В. Храпуновтың ауданы 3800 м2 және 50 сотық жер (Райымбек даңғылы, 196) ғимаратты жеке құрылымдарға шығару туралы шешімінің заңсыздығы расталды.
Нәтижесінде қадағалау органының шараларымен қаланың денсаулық сақтау саласындағы мүліктік кешеннің бір бөлігі мемлекет меншігіне қайтарылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
18.03.2024, 16:16 28851
Қызылорда облысының прокурорлары екі айда 40 млн. тг. алимент өндірді
Достарға айту
Қызылорда облысының прокуратурасы биыл алимент өндіру бағытында бірқатар жұмыстар атқарды, деп хабарлайды Қызылорда облысының прокуратурасының баспасөз қызметінен.
Прокуратура органдарымен Әділет департаментіне және Жеке сот орындаушыларының өңірлік палатасына 10 заңдылықтың бұзылуын жою туралы ұсыну енгізілді.
Нәтижесімен биыл екі айда 43 жалғыз басты аналардың пайдасына 40 млн теңге алименттен берешек өндірілді, 64 қаскөй борышкер уақытылы алимент төлемегені үшін ӘҚБтК-нің 669-бабымен әкімшілік жауаптылыққа тартылды, 21 жеке сот орындаушы алиментті мәжбүрлеп өндіру кезінде өз міндеттерін тиісінше орындамағаны үшін тәртіптік жауапкершілік көрілді.
Прокуратураның бастамасымен алимент төлеуден жалтарып жүрген 9 қаскөй борышкерге қатысты ҚК-тің 139-бабымен қылмыстық іс тіркелді, оның 4-уі қылмыстық жауаптылыққа, қалғандары бойынша тергеу жүргізілуде.
Мысалы, борышкер Н.Н. өндіріп алушы Ж.А-ның пайдасына 2,9 млн теңге алименттен берешегін төлеу үшін жұмыссыз ретінде тіркелмей, өзінің жалдамалы жұмыстардан тапқан табысын жасырып, алимент төлеуден жалтарған.
Осыған орай Қармақшы ауданының прокуратурасымен Н.Н-ке қатысты ҚК-тің 139-бабымен қылмыстық іс тіркелді, соттың 06.03.2024ж. үкімімен Н.Н. кінәлі деп танылып, 1 жыл мерзімге бас бостандығынан шектеу жазасы тағайындалды.
Сондай-ақ, ағымдағы жылы прокуратураның бастамасымен уәкілетті органдардың қатысуында ведомствоаралық мәжіліс өткізіліп, онда әділет және полиция органдарының, жеке сот орындаушылар өңірлік палатасының басшыларына жүйелі түрде рейдтік іс шаралар жүргізу, бос жұмыс орындарының жәрмеңкесін ұйымдастыру, алимент санатындағы атқарушылық өндірістерді ерекше бақылауға алу, қаскөй борышкерлерді қылмыстық жауаптылыққа тарту жұмыстарын күшейту тапсырылды.
Орындалу жағдайын облыс прокуратурасында тоқсан сайын қарау белгіленді.
Қазіргі таңда бұл бағыттағы жұмыстар жалғасуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ең көп оқылғаны
19.03.2024, 12:29Жыл басынан бері Қазақстанда ӘМАТ үстемесін асыру және басқа да бұзушылықтар бойынша 380 әкімшілік іс қозғалды 19.03.2024, 12:34 3631Оңтүстік Кореяда жұмыс істейтін қазақстандықтардың құқықтарын қорғау бойынша өзара іс-қимыл мәселелері талқыланды19.03.2024, 11:56 1511Алматыда нөсер жаңбыр жауады деп күтілуде19.03.2024, 12:38 1156Жыл басынан бері көпбалалы отбасыларға берілетін мемлекеттік жәрдемақы 77,1 млрд теңгені құраған
14.03.2024, 22:03 94981Астана қаласында су тасқынына дайындық жұмыстары қарқынды жүргізілуде14.03.2024, 22:00 94706Самұрық-Қазына президентке есеп берді14.03.2024, 21:57 91606Цифрлық даму министрлігі Қаржы мониторингі агенттігімен кездесу өткізді16.03.2024, 15:08 62516Семей қаласыда табиғи сипаттағы төтенше жағдай жарияланды14.03.2024, 21:54 59566Түркістан облысындағы су құрылыстарын реконструкциялау қарқынды жүргізілуде
06.03.2024, 20:30 119296Су тасқыны кезеңіне дайындық аясында ШҚО-да мұзды ұсату жұмыстары жүргізілуде06.03.2024, 20:19 110076Үрімшіде Қазақстан мен Қытайдың туристік әлеуетін ілгерілету және туризм саласындағы ынтымақтастықты нығайту мақсатында туристік форум өтті07.03.2024, 15:56 105461Қазақстан мен Сауд Арабиясы бірге жел электр станциясын салады06.03.2024, 20:08 105016Көлік министрлігі халықаралық жүк автотасымалдау нарығын алыпсатарлардан тазартуға ниетті07.03.2024, 13:23 104801Қазақстан тұтыну несиелерінің мөлшерлемесін төмендетуді жоспарлап отыр