Премьер Үкіметтің 2022 жылға арналған іс-қимыл бағдарламасын әзірлеу мәселелері жөнінде кеңестер өткізді
Смайылов Сыртқы істер, Ішкі істер, Индустрия және инфрақұрылымдық даму министрліктерінің басшылығымен Үкіметтің 2022 жылға арналған іс-қимыл бағдарламасын әзірлеу мәселелері жөнінде кеңестер өткізді.
Сурет: primeminister.kz
Сыртқы істер министрлігі ұсынған шаралар инвестициялар ағынын ынталандыруға және инвестициялық ахуалды жақсартуға, шет елдермен инвестицияларды көтермелеу және өзара қорғау туралы келісімдер жасасуға, шетелдік инвестицияларды тарту процесінде әкімшілік-құқықтық кедергілерді жоюға бағытталған. Сыртқы саясат ведомствосы ҚР Президентінің жаңа реформаларын шет елдерде ақпараттық сүйемелдейді.
Ішкі істер министрлігі ұсынған шаралар құқық қорғау органдары қызметкерлерінің құқықтық қорғалуын арттыруды, ішкі істер органдарының инфрақұрылымы мен материалдық-техникалық базасын қалпына келтіруді, жергілікті полиция қызметін жарақтандыруды, елдегі қоғамдық қауіпсіздікті қамтамасыз ету жөніндегі міндеттерді тиімді орындау үшін модульдік стационарлық бекеттер мен учаскелік полиция пункттерін салуды көздейді.
Индустрия және инфрақұрылымдық даму министрлігі индустрияландыру, оның ішінде импортты алмастыру, ТКШ жүйесін цифрландыру, тұрғын үй құрылысына үлестік қатысу тетіктерінің ашықтығын қамтамасыз ету, жол саласын саннан сапаға қайта бағдарлай отырып реформалау, ірі кәсіпорындардың төңірегінде өңдеу өнеркәсібінде ШОБ дамыту және т. б. шараларды ұсынды.
Бұған дейін Премьер-Министр кеңестер өткізді, онда бірқатар министрліктердің басшылары 2022 жылға арналған іс-қимыл бағдарламасын ұсынды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Жазда балалардың қауіпсіздігін қамтамасыз ету бойынша 100 мыңнан аса оқу-жаттығу шаралары ұйымдастырылады
Сурет: Gov.kz
Жаз мезгілінде балаларға арналған олардың қауіпсіздігін қамтамасыз ету бойынша 100 мыңнан аса оқу-жаттығу шаралары ұйымдастырылады. Бұл туралы ҚР Үкіметінің отырысында Оқу-ағарту министрі Ғани Бейсембаев мәлімдеді, деп хабарлайды Gov.kz.
Мемлекеттік органдар өкілдері мен мониторингтік топтар келесі іс-шараларды жүргізді:
• демалыс объектілерінің дайындығы тексерілді;
• санитарлық қадағалау күшейтілді;
• демалыс орындарындағы өрт қауіпсіздігін сақтау бойынша алдын алу шаралары жүргізілді;
• жазғы демалысты ұйымдастыру кезінде бірыңғай, қауіпсіз тәсілдерді қамтамасыз ету үшін мемлекеттік органдар және қоғамдық ұйымдармен арнайы семинар-кеңес ұйымдастырылды;
• Төтенше жағдайлар министрлігімен бірлесіп балалардың өрт пен судағы қауіпсіздігін қамтамасыз етудің бірыңғай тәсілдері әзірленді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Роман Скляр Алматы полиция департаментіне барып қайтты
Сурет: Polisia.kz
Алматыға жұмыс сапары барысында Қазақстан Республикасы Премьер-министрінің бірінші орынбасары Роман Скляр қалалық полиция пепартаментінде болып, Мемлекет басшысының полиция бөлімшелерінде үздіксіз бейнебақылау жүйесін енгізу және азаматтардың конституциялық құқықтарын қорғау туралы тапсырмасының орындалу барысымен танысты, – деп хабарлайды Polisia.kz.
Роман Скляр ішкі істер органдарының күштері мен құралдарын басқарудың қуатты кешені деп табылатын ПД жедел басқару орталығында болды.
Ол қаладағы жедел жағдайдың жай-күйін бақылауға, қылмыстарды, тәртіпсіздіктерді, табиғи апаттарды, төтенше жағдайларды және басқа да жағдайлар бойынша қызметтер мен бөлімшелердің іс-қимылдарын үйлестіруге арналған.
Бүгінгі өмір жағдайында азаматтардың және олардың мүлкінің қауіпсіздігін жоғары деңгейде қамтамасыз етуге мүмкіндік беретін ақпараттық технологияларға маңызды рөл беріледі. Бүгінде Алматыда 128 мыңнан астам бейнебақылау камералары қолданылады. ПД-ға іссапар барысында Роман Склярға бұқаралық іс-шараларды сүйемелдеу кезінде ресми тапсырмаларды жылдам орындауға мүмкіндік беретін байланыс кешенінің жұмысы да көрсетілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Президент ЕҚЫҰ Парламент Ассамблеясының Президенті Маргарета Седерфельтті қабылдады
Сурет: Akorda
Президент Қасым-Жомарт Тоқаев Маргарета Седерфельтке ілтипат білдіре отырып, оның сапары Қазақстан мен Еуропадағы қауіпсіздік және ынтымақтастық ұйымының Парламент Ассамблеясы арасындағы қарым-қатынасты нығайту үшін маңызды екенін атап өтті, деп хабарлайды Ақорданың баспасөз қызметіне.
Президент парламенттік дипломатия мемлекеттер мен халықтар арасындағы байланыстарды нығайтуға көмектесетініне назар аударды. Сондай-ақ ауқымды саяси және экономикалық өзгерістердің жүзеге асырылуы туралы айтты.
Өз кезегінде Маргарета Седерфельт Қазақстанда жүргізіліп жатқан реформаларды қолдайтынын және ЕҚЫҰ Парламент Ассамблеясы негізгі саяси институттардың жүйелі трансформациялану барысын ерекше қызығушылықпен бақылап отырғанын жеткізді.
Бұдан бөлек, кездесу барысында Астана халықаралық форумындағы (AIF), сондай-ақ аймақтық және жаһандық күн тәртібіндегі өзекті мәселелер талқыланды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ҚР Ауыл шаруашылығы министрлігі астық жинау болжамын жариялады
Биыл жалпы егіс алаңы 23,4 млн гектарды құрады. Бұл 2022 жылғы деңгейден 68,6 мың гектарға көп. Оның ішінде жаздық егіс алқабы - 20,9 млн гектар, деп мәлім етті ҚР Үкімет отырысында Ауыл шаруашылығы министрі Е.Қарашөкеев.
Көктемгі егіс жұмыстарын жүргізуге, ауыл шаруашылығы тауарын өндірушілерді тұқыммен, агрохимиямен, техникамен қамтамасыз етуге, қаржыландыруға байланысты барлық мәселені үйлестіру мақсатында Республикалық жедел штаб жұмысын жалғастырып жатыр.
Көктемгі науқанды өткізу үшін өңірлерде 149,8 мың трактор, 4,9 мыңнан астам жоғары өнімді егіс кешені, сондай-ақ 76 мың сепкіш болды. Жұмыс басталарда барлық өңір бойынша техниканың дайындығы 100%-ды құрады.
Қазіргі уақытта егін жинау науқанын жүргізуге арзандатылған дизель отынына қажеттілік қалыптастырылуда.
Дизель отынының қажетті көлемін қалыптастыру және сату алғаш рет субсидиялаудың мемлекеттік ақпараттық жүйесіндегі модуль базасында электрондық нысанда жүзеге асырылады.
Аталған жүйе арқылы 368,2 мың тонна отынға 28,5 мыңнан астам өтінім берілген.
Қазіргі уақытта Ауыл шаруашылығы министрлігі жөнелту кестесін қалыптастыру үшін Энергетика министрлігіне жіберілетін жалпы өтінімді қалыптастыруда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.