10.03.2023, 13:09 28656

Тоқаев Си Цзиньпинді ҚХР төрағасы лауазымына қайта сайлануымен құттықтады

Президент Қытай Төрағасының игі бастамаларына сәттілік, жауапты қызметіне толағай табыс, ал достас Қытай халқына құт-береке тіледі
Астана. 10 наурыз. KAZAKHSTAN TODAY - Мемлекет басшысы Қасым-Жомарт Тоқаев Си Цзиньпинді Қытай Халық Республикасының Төрағасы лауазымына қайта сайлануымен құттықтап, жеделхат жолдады, деп хабарлайды Ақорданың баспасөз қызметі.
 

Өткен "екі сессия" қорытындысы бойынша қабылданған маңызды шешімдер мен Сіздің парасатты саясатыңыз халқыңызды биік құндылықтарға жетелеп, Қытайдың болашағын жарқын, ал дамуын баянды етуде мызғымас негіз болатынына нық сенімдімін. Қазақстан мен Қытай арасындағы тығыз байланыстардың ауқымы жылдан жылға кеңейіп келе жатқанын аса ризашылықпен атап өтемін. Осы жетістіктеріміз Сіздің қосып отырған сүбелі үлесіңіз бен жеке қолдауыңыздың нәтижесі деп білемін. Былтыр қыркүйекте Қазақстанға жасаған нәтижелі сапарыңыз ықпалдастығымыздың келесі "30 жылдық алтын дәуіріне" жол ашқаны ерекше қуантады", - деп жазылған жеделхатта.

 
Президент Қытай Төрағасының игі бастамаларына сәттілік, жауапты қызметіне толағай табыс, ал достас Қытай халқына құт-береке тіледі.
 
Естеріңізге сала кетейік, бүгін Бүкілқытайлық халық өкілдері жиналысының депутаттары Си Цзиньпинді үшінші бес жылдық мерзімге ҚХР төрағасы лауазымына бірауыздан қайта сайлады. Осылайша, Си Цзиньпин Қытай тарихында үшінші мерзімге сайланған алғашқы төраға болды.
 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


тақырып бойынша жаңалықтар

Ең көп оқылғаны