Жетісу облысында киік мүйіздерінің заңсыз саудасы тоқтатылды
Жетісу облысында киік мүйіздерінің заңсыз саудасы тоқтатылды, - деп хабарлайды Polisia.kz.
Жетісу облысы ПД ұйымдасқан қылмысқа қарсы күрес басқармасының қызметкерлері облыс прокуратурасының үйлестіруімен және ҚР ҰҚК шекара қызметі департаментімен бірлесіп Текелі қаласының аумағында киік мүйіздерін заңсыз сатумен айналысты деген күдікпен Теміртау қаласының тұрғынын ұстады.
Subaru автокөлігін тінту барысында скотчпен оралған үш картон қорап анықталды. Қораптардың ішінен 300-ден астам киік мүйізі табылып, тәркіленді. Айғақ заттар сот сараптамасына жіберілді.
Алдын ала есептеулер бойынша мемлекетке келтірілген шығын көлемі 539 миллион 667 мың теңгені құрады. Күдіктіге қатысты тергеу амалдары жүргізілуде, оған үйқамақ түріндегі бұлтартпау шарасы қолданылды. Қазақстан заңнамасына сәйкес, браконьерлік үшін жеті жылға дейін бас бостандығын шектеу немесе сол мерзімге бас бостандығынан айыру жазасы көзделген.
Сонымен қатар мүлікті тәркілеу және белгілі бір лауазымдарды атқаруға немесе белгілі бір қызметпен айналысуға бес жылға дейін тыйым салу түріндегі қосымша жаза да қарастырылған. Құқық қорғау органдары оқиғаның барлық мән-жайын анықтап, тергеуді жалғастыруда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Маңғыстаудағы қаржы пирамидасын құрушылар 6 жылға бас бостандығынан айырылды
Ақтау қаласы сотының үкімімен ҚР ҚК-нің 217-бабының 3-бөлігінің 2) тармағы бойынша қаржы пирамидасын құрғаны үшін екі азамат 6 жылға бас бостандығынан айырылды, деп хабарлайды Маңғыстау облысының прокуратурасының баспасөз қызметінен.
Маңғыстау облысында аталған тұлғалар өздері ашқан кооперативтің есепшотына ақшалай салым салу арқылы басқа азаматтармен кезек тәртібімен тұрғын үй немесе автокөлік сатып алу мүмкіндігі туралы жарнама таратқан.
Қылмыстық әрекеттердің нәтижесінде облыстың 31 тұрғыны жалпы сомасы 89 млн теңге мүліктік залалға ұшырады.
Айта кетейік, бұған дейін де осы тектес қылмысы үшін сотталушылардың бірі Қызылорда қаласының сотымен сотталған болатын.
Басқа да осыған ұқсас жағдайлардағыдай қылмыстық схема кооперативтің жаңа мүшелерінің ақшалай салымдарын тарту арқылы жұмыс істеді.
Басқа азаматтармен бірлескен ақшалай салымдар арқылы өте жоғары табыс, бонустар немесе пайызсыз мүлікті сатып алу туралы кез келген уәде қаржылық пирамиданың айқын белгісі екенін түсіну маңызды.
Маңғыстау облысының прокуратурасы азаматтарды - өздерінің қаржылық жинақтарын басқаруда ұқыптылық танытуға тағы да шақырады!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Медицина қызметкерлеріне күш қолдану фактісі бойынша қылмыстық іс қозғалды
Медицина қызметкерлеріне күш қолдану фактісі бойынша қылмыстық іс қозғалды, деп хабарлайды Polisia.kz баспасөз қызметінен.
Оқиға 12 маусым күні Қарағанды облыстық балалар ауруханасында орын алды. Алдын ала мәліметтер бойынша, 38 жастағы облыс тұрғыны сөзге келіспеушілік барысында екі дәрігерге дене жарақатын салған.
Күдікті оқиға орнында ұсталып, уақытша ұстау изоляторына қамалды.
Аталған факт бойынша сотқа дейінгі тергеу жүргізілуде. Оқиғаның барлық мән-жайын жан-жақты және объективті анықтауға бағытталған қажетті тергеу әрекеттері жүзеге асырылуда.
Заң мен тәртіп" қағидатын жүзеге асыру аясында заңсыз әрекеттер үшін жазаның бұлтартпастығы қатаң түрде қамтамасыз етіледі. Әсіресе медицина қызметкерлеріне қатысты күш қолдану әрекеті - қоғамдық тәртіптің өрескел бұзылуы ретінде бағаланып, жол берілмейтін жағдай болып табылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматы облысында ірі көлемде есірткі тасымалдаған курьер ұсталды
Алматы облысында ірі көлемдегі есірткі тасымалдаған курьер ұсталды, - деп хабарлайды Polisia.kz.
Алматы облысында "Қарасора-2025" жедел-алдын алу іс-шарасы аясында полицейлер аса ірі көлемдегі психотроптық заттарды тасымалдаған курьерді ұстады.
Ішкі істер министрлігінің есірткі қылмысына қарсы іс-қимыл департаменті мен облыстық басқарма қызметкерлері Талғар ауданында Volkswagen Jetta көлігін тоқтатып, 33 жастағы Алматы қаласының тұрғынын ұстады. Көлік салонын тексеру кезінде алдыңғы орындықтың астынан ерекше иісі бар сөмке табылды.
Күдіктінің тұрғылықты мекенжайында жүргізілген тінту барысында ақ түсті ұнтақ зат салынған орам, түрлі-түсті таблеткалар, электронды таразылар, орау материалдары мен магниттер тәркіленді.
Сараптама нәтижесінде бұл заттардың 200 грамнан астам 3-хлорметкатинон және 180 грамнан астам метилендиоксиметамфетамин (экстази) екені анықталды.
Тергеу барысында күдіктінің осы жылдың ақпан айынан бастап интернет-дүкеннің есірткі курьері болып жұмыс істегені, төлемді криптовалюта арқылы алғаны белгілі болды. Қазіргі уақытта күдікті уақытша ұстау изоляторына қамалды.
Есірткі жеткізу арналары мен қылмыстық сызбаның басқа қатысушыларын анықтауға бағытталған кешенді іс-шаралар жүргізілуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
30-дан астам ата-ананы балабақшаға орын алып беремін деп алдаған
Жергілікті тұрғын баласын балабақшаға орналастыруға үміттенген ондаған ата-ананы алдап, олардың ақшасын иемденген, деп хабарлайды Астана қаласының прокуратурасының баспасөз қызметінен.
Ол өз құрбандарын 2ГИС мобильді қосымшасындағы "Пікірлер" бөлімінен тапқан, онда ата-аналар балаларын мемлекеттік мектепке дейінгі ұйымдарға қабылдауға көмектесу туралы өтініштерін қалдырған. Осындай хабарламаларды көріп, ол ата-аналармен байланысқа шығып, өзін "делдал" ретінде таныстырып, сыйақы үшін "Indigo24.kz" жүйесі арқылы балабақшаға орналастыруға көмектесетінін айтқан.
Қаражатты алған соң, жасырынған.
30-дан астам алаяқтық фактісі анықталып, келтірілген жалпы шығын 1 млн теңгеден асқаны белгілі болды.
Мемлекеттік айыптаушы оның кінәсін толық дәлелдеді.
Сотта әйел өз кінәсін мойындап, өкінетінін білдірді және жәбірленушілерге келтірілген шығындарды жартылай қайтарды, қалған шығын одан өндірілді. Жеңілдететін мән-жайларды ескере отырып, сот оған 4 жыл мерзімге пробациялық бақылаумен бостандықты шектеу жазасын тағайындады.
Үкім заңды күшіне енді.
Прокуратура - жеке деректерді ашық дереккөздерде, әсіресе пікірлерде жариялау айтарлықтай қауіп тудыру мүмкіндігі жөнінде ескертеді. Мессенджерлер мен әлеуметтік желілердегі бейтаныс адамдардың ұсыныстарына сенбеңіздер.
Барлық мемлекеттік қызметтер, соның ішінде балабақшаға кезекке тұру - тек ресми цифрлық платформалар арқылы жүзеге асырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда екі есірткі зертханасы жойылды
2025 жылғы мамырда Алматы қаласында Ұлттық қауіпсіздік комитеті прокуратура органдарының үйлестіруімен 2 есірткі зертханасы мен прекурсорлары бар ірі қойманы жойды, деп хабарлайды комитеттің баспасөз қызметінен.
Есірткі заттарын дайындау кезінде ҚР 3 азаматы ұсталды, оларға қатысты сот санкциясымен қамауға алу түріндегі бұлтартпау шарасы қолданылды.
15 кг-дан астам "мефедрон" психотропты заты мен 650 литр прекурсор, сондай-ақ есірткі заттарын дайындауға арналған зертханалық жабдық анықталып, тәркіленді.
Қылмыстық кодекстің 297-бабы бойынша сотқа дейінгі тергеп-тексеру жүргізілуде.
Өзге ақпарат Қылмыстық-процестік кодекстің 201-бабының 1-бөлігіне сәйкес жария етуге жатпайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.