Қазақстан мен Қытай 2022 жылдың қаңтарына дейін теміржол тасымалдарындағы электрондық құжат айналымына көшуді жоспарлап отыр
Осы орайда жүргізіліп жатқан жұмыс аясында тасымалдау және тауарға ілеспе құжаттар бөлігінде тиісті қадамдар қарастырылды.
Үкімет басшысының айтуынша, қазіргі уақытта Еуразиялық экономикалық одақ (ЕАЭО) пен оған мүше мемлекеттердің Қытай Халық Республикасымен (ҚХР) арасындағы "Көлік дәліздері мен бағыттарын қалыптастыру, дамыту және цифрландыру" бағыты бойынша сауда-экономикалық ынтымақтастықты дамыту жөніндегі жоспардың жобасы ескерілген. Осы орайда жүргізіліп жатқан жұмыс аясында тасымалдау және тауарға ілеспе құжаттар бөлігінде тиісті қадамдар қарастырылды.
2022 жылғы қаңтарға дейінгі халықаралық тасымалдарды ресімдеу кезінде заңдық маңызы бар электронды құжат айналымына көшу жөніндегі іс-шаралар көзделген", - деп жауап берді А. Мамин.
Осы орайда ол "ҚТЖ" ҰК" АҚ мен Қытай темір жолы арасында халықаралық жүк қатынасы туралы электронды деректермен алмасу бойынша келісім жасалғанын және биылғы қараша айында ЦИМ жүкқұжатының техникалық ерекшелігімен әрі тауарға ілеспе құжаттармен (Халықаралық жүк тасымалы туралы шартқа теміржолмен тасымалдың бірыңғай ережесі (Инвойс, Қаптау парағы) толықтыру бөлігінде қосымша келісімнің жобасы жіберілгенін еске салды.
Алайда Қытай темір жолы тарапынан "Сенім білдірген үшінші тарап" жүйесі бойынша электронды цифрлық қолтаңбаны (ЭЦҚ) пайдаланудың заңдылығы мәселесі шешілмеген. Осыған байланысты "ҚТЖ" ҰК" АҚ жауапты мемлекеттік органдармен бірлесіп, теміржол тасымалдарын қағазсыз технология бойынша ресімдеуге көшуді жеделдету және Қазақстан Республикасы қабылдаған халықаралық міндеттемелерді орындамау тәуекелдерін жою үшін осы мәселені шешуге жәрдемдесу туралы жұмыс жүргізуде", - деп жазды Үкімет басшысы.
Еске сала кетейік, сенатор Нұрлан Қылышбаев еліміздің Премьер-Министрі Асқар Маминнің атына жолдаған депутаттық сауалында кәсіпкерлердің Қытаймен шекара арқылы тауар тасымалдау кезінде кездесетін мәселелерін көтерген еді.
Ақпарат көзі: inform.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.