Салық қызметкерлері шекарадағы жүктерді тексеру құқығынан айырылды
Бас көлік прокуратурасының наразылығы бойынша салық төлеушілерге шекарада тексеру жүргізуге мүмкіндік беретін норманың күші жойылды, деп хабарлады ведомствоның баспасөз қызметінде.
Қазақстан Еуразиялық экономикалық одаққа (ЕАЭО) кіргеннен кейін бес елдің шекарасындағы кедендік бақылау қысқартылғаны белгілі. ЕАЭО елдерімен шекарада "экспорттық бақылау" енгізілді, ол жүктің заңсыз орын ауыстыруына жол бермеу және салықтардың түсуін қамтамасыз етуден тұрды. Мұндай бақылаудың әрекет ету тәртібі құқықтық актілерде белгіленген. Олардың бірі Мемлекеттік кірістер комитеті Төрағасының 2018 жылғы 28 қарашадағы №535 бұйрығы. Кедендік бақылаудың толық жойылуына қарамастан, біздің елге келген тасымалдаушылардың көпшілігі заңсыз бұйрық аясында салық қызметкерлері тарапынан, соның ішінде тауарларды уақытша сақтау қоймаларына орналастырумен тексерілді. Бұл кәсіпкерлердің көп уақытын талап етті және сөзсіз қосымша шығындарға әкелді", - деп хабарлады БКП.
Бірақ, Салық кодексінің 155-бабына сәйкес ЕАЭО-ның ішкі шекарасындағы экспорттық бақылау кезінде салық қызметкерлері мүлікті зерттеп-тексеруге және мүліктің тауар-көлік жүкқұжаттарындағы мәліметтерге сәйкестігіне түгендеу жүргізуге ғана құқылы. Ал, мұндай іс-шараларды тек Құқықтық статистика және арнайы есепке алу комитетінде міндетті түрде тіркелген тексерулер шеңберінде ғана жүргізуге болады.
Басқаша айтқанда, салық қызметкерлері тексеру актісі болған жағдайда ғана тексеру жүргізуге құқылы. Жоғарыда аталған бұйрық оларға салық кодексінің осы нормасын айналып өтуге мүмкіндік берді. Бұйрықтың кәсіпкерлердің шектелмеген тобының құқықтарын бұзғанын ескере отырып, Бас көлік прокурорының наразылығы бойынша тексеру жүргізу нормалары а.ж. 16 маусымнан алынып тасталды", - деп атап өтті баспасөз қызметінде.
Салық қызметкерлерінің өткізілетін тауарларды тексеруге рұқсат беру туралы талаптары тексеру жүргізу туралы тіркелген акт болмаған кезде заңсыз болады. Мұндай тіркеуді Бизнеске арналған Qamqor қосымшасы арқылы дербес тексеруге болады.
Мүдделі кәсіпкерлер тәулік бойы өз құқықтарының бұзылғаны туралы, оның ішінде, олардың пікірінше, қарама-қайшы заңнама нормалары туралы көлік прокуратурасы органдарының сенім телефондарына хабарлай алады. Бас көлік прокуратурасының кәсіпкерлердің құқықтарын қорғау жөніндегі мобильді тобының телефондары: 8 7172 71 22 51; 8 7172 71 22 35, 8 7172 71 22 48, моб. тел. 8 705 257 81 68", - делінген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.