07.02.2023, 09:35 24041

Қазақстанда көктемгі егіс жұмыстарын жүргізуге шаруаларға жеңілдікпен 413 мың тонна дизель отыны бөлінеді

Шаруалар үшін жанармайдың құны жанармай құю станцияларының нарықтық бағасынан 15-20%-ға арзан болады
Қазақстанда көктемгі егіс жұмыстарын жүргізуге шаруаларға жеңілдікпен 413 мың тонна дизель отыны бөлінеді
Сурет: Depositphotos
Астана. 7 ақпан. KAZAKHSTAN TODAY - Қазақстанда биыл көктемгі егіс жұмыстарын жүргізуге 413 мың тонна дизель отыны бөлінетін болады. Бұл туралы ҚР Ауыл шаруашылығы министрлігі хабарлады.

Дизель отынының тапшылығын, сондай-ақ мұнай өңдеу зауыттарының біркелкі жүктемесін болдырмау үшін дизель отынын жеткізу ақпан айынан бастап кесте бойынша біркелкі жүргізіледі. Энергетика министрлігі ақпан айына дизель отынының кепілдік берілген көлемінің құнын МӨЗ-ден тоннасына 222 мың теңге деңгейінде айқындады. Жеткізу бойынша шығыстарды ескере отырып, қазақстандық шаруалар үшін жанармайдың түпкілікті құны жанармай құю станцияларының нарықтық бағасынан 15-20%-ға арзан болады деп күтіліп отыр", - деп атап өтті ведомствода.


Дизель отынын жеткізу кезеңінде Ауыл шаруашылығы министрлігі Энергетика министрлігімен бірлесіп, өңірлерге МӨЗ-ден жөнелту кестесінің сақталуына күнделікті мониторинг жүргізетін болады.

2023 жылы облыс әкімдіктерінің деректеріне сәйкес, болжамды егіс алқаптары былтырғы көрсеткіштермен бірдей болады және 23 млн гектардан асады. Алдын ала кем дегенде 18 мың га қант қызылшасымен себіледі. Сондай-ақ көкөніс, бақша және күріш дақылдарының өсуі күтіліп отыр.

Бұған дейін Қазақстанда фермерлерден көктемгі дала жұмыстарын қаржыландыруға өтінімдер қабылдау басталғаны хабарланған болатын.
 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


тақырып бойынша жаңалықтар

Ең көп оқылғаны