20.10.2022, 14:09 39371

Қазақстан-Қытай шекарасында көліктің жиналуы: Президент электронды кезекті енгізуді жеделдетуді тапсырды

Президенттің айтуынша, карантиндік шектеулерге байланысты қазақ-қытай шекарасындағы өткізу бекеттерінің жұмысы күрт баяулап кеткен.
Қазақстан-Қытай шекарасында көліктің жиналуы: Президент электронды кезекті енгізуді жеделдетуді тапсырды
Сурет: Depositphotos
Талдықорған. 20 қазан. KAZAKHSTAN TODAY - Мемлекет басшысы Қасым-Жомарт Тоқаев қазақ-қытай шекарасында электронды кезекті тездетіп енгізуді тапсырды, деп хабарлайды Ақорда.
 
Президенттің айтуынша, карантиндік шектеулерге байланысты қазақ-қытай шекарасындағы өткізу бекеттерінің жұмысы күрт баяулап кеткен.
 

Соның кесірінен жүк көліктері кептелісте тұр. Жүргізушілердің наразылығы орынды. Жағдайды түзету үшін "Алакөл" және "Нұр жолы" шекаралық өткізу бекеттерінде электронды кезекті енгізуді жеделдету қажет", - деді Тоқаев Жетісу облысының жұртшылығымен кездесуінде.

 
Сондай-ақ ол Жетісу өңірі мен жалпы Қазақстанның экономикалық әлеуетін едәуір күшейтетін маңызды қадамды атады. Бұл Қытай стандарттары бойынша аккредиттелген зертхана құру.
 

Оның жұмысы біздің Қытайға экспортымызды ұлғайтады. Мұндай зертхананы Қорғаста ашу жоспары бар. Аталған жобаны тезірек жүзеге асыру үшін Қытай әріптестерімен диалогты жандандыру қажет", - деді Тоқаев.

 
Айта кетері, 20 қазан күні Қазақстан Президенті Қасым-Жомарт Тоқаев жұмыс сапарымен Жетісу облысына барды.
 
Ақпарат көзі: sputnik.kz
 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


тақырып бойынша жаңалықтар

Ең көп оқылғаны