02.02.2023, 15:34 66631

Смайылов пен Мясникович ЕАЭО шеңберіндегі кедергілерді одан әрі жою мәселелерін талқылады

Сурет: primeminister.kz

Алматыда Еуразиялық үкіметаралық кеңестің кезекті отырысы өтеді

Алматы. 2 ақпан. KAZAKHSTAN TODAY - Алматыда ЕҮАК отырысы қарсаңында ҚР Премьер-Министрі Әлихан Смайылов Еуразиялық экономикалық комиссия алқасының төрағасы Михаил Мясниковичпен кездесті. Бұл туралы ҚР Премьер-Министрінің баспасөз қызметі хабарлады.

Тараптар ЕАЭО аясында кедергілерді жою, бұрын қабылданған стратегиялық құжаттарды іске асыруға ғылыми негізді күшейту, сондай-ақ Сауда және техникалық реттеу блоктары жөніндегі комиссия жұмысының мәселелерін талқылады.

Әлихан Смайыловтың айтуынша, Қазақстан ЕАЭО қызметі тек экономикалық бағытта болуы тиіс деген ұстанымды басшылыққа алады.

Барлық шешімдер экономикалық прагматизмге негізделуі керек", - деді Премьер-Министр.

Өз кезегінде Михаил Мясникович Қазақстанның әлеуметтік-экономикалық дамуының оң көрсеткіштері ЕАЭО елдерімен өзара сауданы одан әрі кеңейту үшін қолайлы жағдайлар жасайтынын атап өтті.

Естеріңізге сала кетейік, Алматыда Еуразиялық үкіметаралық кеңестің кезекті отырысы өтеді, онда ЕАЭО үкімет басшылары одақ шеңберінде алкоголь нарығын реттеу туралы келісім жобасының жұмысын, ортақ газ нарығын қалыптастыру туралы халықаралық шарттың жобасын дайындауды талқылайды, өңірлік даму институттарының ЕАЭО-дағы жобалау қызметінің бағыттарын қарайды.

Отырыстың күн тәртібі сауда-экономикалық ынтымақтастық, техникалық реттеу, ЕАЭО интеграцияланған ақпараттық жүйесі және басқа да өзекті тақырыптардың кең спектрін қамтиды.

Сондай-ақ валюталық қатынастарды реттеу мен ырықтандыру шараларын қабылдаудың келісілген тәсілдері туралы келісімге қол қойылады деп күтілуде.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

26.07.2024, 13:32 14381

Қазақстан Әзірбайжанға сүт және ет өнімдерін экспорттайтын болады

Қазақстан мен Әзірбайжан Республикасы бірқатар ветеринариялық сертификаттар бойынша келісімге қол жеткізді, бұл екі ел арасындағы сауда қарым-қатынастарын дамытуда маңызды қадам болмақ, деп хабарлайды ҚР Ауылшаруашылық министрлігінің баспасөз қызметінен. Бұл бастама министрліктің аграрлық секторды дамыту және Қазақстанның әлемдік аренадағы ұстанымын нығайту жөніндегі стратегиясының бір бөлігі болып саналады. ҚР Ауыл шаруашылығы министрлігі жүйелі негізде мал шаруашылығы өнімдерінің сапасы мен қауіпсіздігі стандарттарын жақсарту, өндірушілердің жаңа халықаралық нарықтарға шығуына қолдау көрсету бойынша шаралар қабылдауда. Ведомство келіссөздерде негізгі рөл атқарды. Енді отандық өндірушілер ірі және ұсақ малдан алған сүт пен сүт өнімдерін Әзірбайжанға экспорттай алады. Сондай-ақ құс етін, ішкі өнімдер мен жанама өнімдерді жеткізу туралы келісімге қол жеткізілді. Түйелерді және түйе тұқымдасының басқа да түрлерін, атап айтқанда лама, альпака және викунья, асыл тұқымды ірі қара, ұсақ мал, союға арналған ірі және ұсақ мал, консервілер, шұжық және басқа да дайын ет өнімдерін экспорттау үшін ветеринариялық сертификатқа қол қою келісілді. "Қол жеткізілген келісім қазақстандық экспортты кеңейту және екі ел арасындағы мал шаруашылығы саласындағы экономикалық серіктестікті нығайту үшін жаңа мүмкіндіктер ашады. Бұл экономикалық өсім мен өркендеуге септігін тигізетініне сенімдімін", - деп Ауыл шаруашылығы министрі Айдарбек Сапаров келісімнің маңыздылығына тоқталды. Экспортқа шығарылатын өнім түрлерін кеңейту жұмыстары жалғасуда.

19.07.2024, 21:34 39821

Қазақстан мен Тәжікстан екіжақты тауар айналымын ұлғайтпақ

Қазақстан мен Тәжікстан 2025-2027 жылдарға арналған екіжақты тауар айналымын ұлғайту жөніндегі Жол картасына қол қоюға дайындалуда, деп хабарлайды Үкіметтің баспасөз қызметінен. 19 шілдеде Душанбе қаласында Қазақстан Республикасы мен Тәжікстан Республикасы Премьер-Министрлерінің бірінші орынбасарлары Роман Скляр мен Хоким Холикзодтың төрағалығымен Экономикалық ынтымақтастық жөніндегі Қазақстан-Тәжікстан үкіметаралық комиссиясының 18-ші отырысы өтті. Отырыста екі елдегі экономикалық жағдай, Қазақстан мен Тәжікстан арасындағы сауда-экономикалық ынтымақтастықтың қазіргі жай-күйі мен даму перспективасы талқыланды. Энергетика, өнеркәсіп, көлік, ауыл шаруашылығы, білім және ғылым, цифрландыру және туризм салаларындағы өзара іс-қимыл мәселелері қаралды. Орталық Азияда су, энергетика және азық-түлік қауіпсіздігін қамтамасыз ету үшін өзара тиімді ынтымақтастықты арттыру, бірлескен кәсіпорындар құру және су-энергетикалық ынтымақтастықтың кешенді тетігін әзірлеу жөніндегі нақты шараларға ерекше назар аударылды. Тараптар Қазақстан Президенті Қасым-Жомарт Тоқаевтың Тәжікстанға алдағы сапары шеңберінде Қазақстан Республикасы мен Тәжікстан Республикасы арасындағы тауар айналымын ұлғайту жөніндегі 2025-2027 жылдарға арналған Жол картасына қол қоюды пысықтауға келісті. Роман Скляр өз сөзінде Қазақстан мен Тәжікстан арасындағы өзара іс-қимыл екіжақты экономикалық ынтымақтастықты дамыту үшін үлкен перспективасы бар әріптестік пен тату көршілік рухында қарқынды дамып келе жатқанын атап өтті. Бұған өткен жылы 39 коммерциялық келісімшартқа қол қойылған Қазақстан-Тәжікстан бизнес-форумының нәтижесі дәлел бола алады. Роман Скляр қабылданған шешімдер Қазақстан-Тәжікстан ынтымақтастығының барлық бағыты бойынша екіжақты қатынастарды дамытуға қосымша серпін беретініне және екі ел арасындағы байланысты нығайтатынына сенім білдірді. Отырыс қорытындысы бойынша қол жеткізілген келісімдерді іске асыру туралы хаттамаға қол қойылды.

19.07.2024, 21:20 40021

Қазақстан арқылы "Солтүстік-Оңтүстік" көлік дәлізі шығыс бағытының өткізу қабілеті жылына 10 млн тоннаға дейін ұлғаяды

2027 жылға қарай "Солтүстік-Оңтүстік" халықаралық көлік дәлізінің шығыс бағытындағы өткізу мүмкіндігін жылына 10 млн тоннаға дейін ұлғайту жоспарлануда. Бұл туралы Қазақстан Премьер-Министрінің орынбасары Серік Жұманғарин Ақтауда басталған "Солтүстік-Оңтүстік" бірінші көлік сауда-экспорттық форумының ашылуында мәлімдеді. Форумға қатысушыларға арналған құттықтау сөзінде вице-премьер мұндай форматтағы іс-шараны ұйымдастыру идеясы 2024 жылдың сәуір айында Кабулда Қазақстан, Ауғанстан және Түрікменстанның үшжақты кездесуі кезінде туындағанын атап өтті. Осы кездесу барысында тараптар "Солтүстік-Оңтүстік" дәлізі бойынша жүктерді тасымалдау кезіндегі әлеуетті мүмкіндіктер мен бар кедергілерді талқылады. Сонымен бірге тасымалдаушылардың инфрақұрылымға қол жеткізуін және тасымалды жеңілдету үшін ашық "ойын ережелерін" әзірлеу қажеттілігі туралы ортақ ұғымға келді. Қазақстанның алғашқы көлік сауда-экспорттық форумы "Солтүстік-Оңтүстік" дәлізі бойынша тасымалдауға және осындай ережелерді әзірлеуге мүдделі барлық ел үшін алаң болуға арналған. "Бүгінде Қазақстан арқылы "Солтүстік-Оңтүстік" көлік дәлізінің шығыс бағытының өткізу қабілеті 6 млн тоннаны құрайды. Біз 2027 жылға қарай шығыс тармақтың қуатын жылына 10 млн тоннаға, ал 2030 жылға қарай - 20 млн тоннаға дейін жеткізу үшін теміржол инфрақұрылымын белсенді дамытып жатырмыз. Ол үшін $1,9 млрд инвестиция бағыттау жоспарлануда. Бұл қаражаттың бір бөлігін Еуразиялық даму банкінің желісі бойынша ЕАЭО периметрі аясындағы басым интеграциялық инфрақұрылым жобаларына: "Орск - Қандыағаш - Мақат - Бейнеу - Болашақ" және "Илецк-1 - Ақтөбе" темір жолдарының учаскелерін жаңғыртуға жеңілдік шарттарымен тарту көзделіп отыр", - деді Серік Жұманғарин. Жоғары Еуразиялық экономикалық кеңестің отырыстарында Мемлекет Басшысы Қасым-Жомарт Тоқаев Қазақстанның ЕАЭО көлік-логистикалық интеграция орталығы ретіндегі рөлін бірнеше рет атап өткен. Қазақстанның көлік инфрақұрылымын жаңғырту жөніндегі осы және өзге де ауқымды жұмыстар жаһандық нарықтарды байланыстыру және өңірді ірі көлік-логистикалық хабқа айналдыру мақсатына қол жеткізуге мүмкіндік береді. 2024 жылғы 19-20 шілде күндері Ақтауда бірінші көлік сауда-экспорттық форумы өтіп жатыр. Оған 12 елден - Әзербайжан, Армения, Ауғанстан, Ресей, Беларусь, Түрікменстан, БАӘ, Иран, Ирак, Оман, Өзбекстаннан 440-тан астам қатысушы, Экономикалық ынтымақтастық ұйымының және Еуразиялық экономикалық комиссияның өкілдері қатысуда.

15.07.2024, 12:36 51546

ҚР Ұлттық Банкі 4 айда Ұлттық қордан 970 млн АҚШ долларын сатпақ

Қазақстан Республикасының Үкіметі республикалық бюджетті қаржыландыру мақсатында Ұлттық қорға (бұдан әрі - ҰҚ) жалпы сомасы 467,4 млрд теңгеге "Қазатомөнеркәсіп" АҚ акцияларын сатып алу туралы шешім қабылдады, деп хабарлайды Банктің баспасөз қызметінен. Осы шешімді іске асыру аясында ҰҚ қаражатын басқарушы ретінде Қазақстан Республикасының Ұлттық Банкіне (ҚҰБ) Ұлттық қордан шамамен 970 млн АҚШ доллары сомасына шетел валютасын теңгеге айырбастауды жүзеге асырады. Операцияның жоспардан тыс сипатын ескере отырып, көрсетілген көлемді қысқа уақыт аралығында сату валюта нарығының теңгерімділігіне елеулі әсер етуі мүмкін. Осыған байланысты Ұлттық Банктің алтын-валюта резервтеріне ҰҚ активтерін тікелей сату арқылы Ұлттық Банк біржолғы конверсиялық операция жүргізуге ниетті. Сонымен бiрге нарықтық бейтараптылықты сақтау мақсатында және осы операцияны валюта нарығына шығару аясында Ұлттық Банк валюта нарығында осы көлемдi бiркелкi сатуды жүзеге асыруды жоспарлап отыр. Осылайша, осы жылдың шілдесінен бастап Ұлттық Банк 4 ай ішінде 970 млн АҚШ долларын сатуға кіріседі, айына 243 млн АҚШ доллары көлемінде айырбасталады. Бұл шара валюта нарығына біржолғы конверсиялық операцияның әсерін бейтараптандыруды қамтамасыз етуге арналған ерекше шара болып табылады. Валюта нарығындағы сату көлемі Ұлттық Банктің статистикалық ақпаратының шығу кестесіне сәйкес жарияланатын болады. Транспаренттілік және ашықтық қағидаты аясында Ұлттық Банк валюта нарығында жүргізілетін барлық операция туралы толық ақпаратты жариялауды жалғастырады.

12.07.2024, 15:51 57881

Қазақстан Ұлттық Банкі базалық мөлшерлемені 14,25 пайызға дейін төмендетті

Қазақстан Республикасы Ұлттық Банкінің Ақша-кредит саясаты комитеті базалық мөлшерлемені +/- 1 п.т. дәлізімен жылдық 14,25% дейін 25 базистік тармаққа төмендету туралы шешім қабылдады, деп хабарлайды банктің баспасөз қызметінен.

Биылғы мамыр және маусымда жылдық инфляция, Ұлттық Банктің болжамдары шегінде олардың орталық мәнінен төмен қалыптасып, біртіндеп төмендеп келеді. Халықтың инфляциялық күтулері сәуірдегі жоғары мәндерден кейін төмендеді. Әлемдегі азық-түлік бағасының өсуі мен Ресейде инфляцияның жеделдеуіне байланысты сыртқы инфляциялық жағдай қолайсыздау болып отыр. Ішкі экономикада фискалдық ынталандыру мен тұтынушылық кредиттеу қолдайтын тұрақты ішкі сұраныстың, сондай-ақ жалғасып жатқан реттелетін бағалар реформасының салдарынан инфляциялық қысым сақталуда.

Ұлттық Банк келіп түсетін деректерді, соның ішінде баға өсуінің тұрақты бөлігін және жалпы инфляцияның таргетке жақындау траекториясын бақылайтын болады. Алдағы тамыз айында болатын болжамды раунд аясында фискалдық саясаттың параметрлерін қоса алғандағы қалыптасатын тәуекелдер балансы, сондай-ақ бағамдық фактордың салдарынан ақша-кредит шарттарының жұмсару әсері бағаланады. Баға өсуінің бәсеңдеу үрдісін бекіту үшін және инфляция бойынша 5%-дық мақсатқа қол жеткізу үшін ақша-кредит шарттары ұзақ уақыт бойы ұстамды қатаң қалпында сақталады.

Жылдық инфляция 2024 жылғы маусым айында 8,4%-ға дейін төмендеді және Ұлттық Банктің болжамдары шегінде олардың орталық мәнінен төмен қалыптасты. Баға өсуінің баяулауына азық-түлік тауарларының төменірек инфляциясы, сондай-ақ тарифтік реформаны іске асыру қарқынының бәсеңдеуі негізгі үлес қосуда. Осыған қарамастан, жылдық инфляция құрамында "Тарифті инвестицияға айырбастау" бағдарламасы және нарықтық қызметтердің қымбаттауы аясында ақылы қызметтердің бағасы барынша өсіп келеді.

Маусымда айлық инфляция 0,4%-ға дейін баяулап, орташа тарихи мәндерден төмен (0,5%) қалыптасты. Базалық және маусымдық факторлар ескерілмеген инфляцияның көрсеткіштері алдыңғы айлардағы төмендеуден кейін маусымда аздап өсті.

Халықтың инфляциялық күтулері құбылмалы: олар сәуірдегі жоғары мәндерінен төмендеді, алайда теңге бағамының аздап әлсіреуіне байланысты маусым айында біршама өсті. Қаржы нарығының кәсіби қатысушылары бағаның нақты өсуіндегі төмендеу траекториясының әсерінен 2024 жылдың қорытындысы бойынша бұрынғыға қарағанда төменірек инфляцияны күтеді.

Сыртқы инфляциялық жағдай қолайсыздау болып отыр. Әлемдік нарықтарда азық-түлік құны былтыр айтарлықтай төмендегеннен кейін соңғы айларда біртіндеп өсе бастады. Атап айтқанда, өсімдік майлары мен сүт өнімдерінің бағасы жоғарылады.

Сыртқы ақша-кредит шарттары қатаң қалпында сақталып отыр. АҚШ ФРЖ инфляцияның мақсатқа жақындайтындай сенімді белгілері көрінгенше мөлшерлемелерді төмендетуді жоспарлап отырған жоқ. Ал ЕОБ базалық инфляция мен инфляциялық күтулердің төмендеуіне байланысты ұзақ уақыт бойы өзгеріссіз ұсталған мөлшерлемелерді төмендетуге кірісті. Ресей Федерациясының Орталық банкі инфляцияның өсу үрдісі жалғасқандықтан қатаң ақша-кредит шарттары ұзағырақ уақыт сақталатынын күтіп, мөлшерлеме көтеріледі деп болжайды.

Экономиканың қысқамерзімді экономикалық индикаторға сәйкес өсуі 2024 жылғы қаңтар-мамыр айларында ж/ж 3,7% қалпында бағаланып отыр. Іскерлік белсенділікке ішкі және сыртқы сұраныс қолдау көрсетіп келеді. Ішкі сұраныстың тұрақтылығына фискалдық ынталандырудың жалғасуы, нақты жалақының көтерілуі, сондай-ақ шикізатқа қатысы жоқ сектордағы инвестициялардың кеңеюі ықпал етіп отыр. Ұлттық Банк бақылайтын іскерлік белсенділік индикаторлары бірнеше ай қатарынан оң аймақта қалды.

Проинфляциялық тәуекелдер сақталып отыр. Сыртқы орта жағынан олар Ресейдегі жоғары инфляцияға және азық-түліктің әлемдік бағасының көтерілуіне байланысты, ал ішкі ортада бюджеттік саясат параметрлерінің белгісіздігіне, реттелетін бағалар саласындағы реформалардың жалғасуына, орнықпаған инфляциялық күтулер мен өсіп жатқан тұтынушылық кредиттеу әсер ететін тұрақты ішкі сұраныстың сақталуына байланысты.

Ұлттық Банк келіп түсетін деректерді, соның ішінде баға өсімінің тұрақты бөлігін және жалпы инфляцияның таргетке жақындау траекториясын бақылайтын болады. Алдағы тамыз айында болатын болжамды раунд аясында фискалдық саясаттың параметрлерін қоса алғандағы қалыптасатын тәуекелдер балансы, сондай-ақ бағамдық фактордың салдарынан ақша-кредит шарттарының жұмсару әсері бағаланады.

Баға өсімінің бәсеңдеу үрдісін бекіту үшін және инфляция бойынша 5%-дық мақсатқа қол жеткізу үшін ақша-кредит шарттары ұзақ уақыт бойы ұстамды қатаң қалпында сақталады.

Қазақстан Республикасы Ұлттық Банкінің Ақша-кредит саясаты комитетінің базалық мөлшерлеме бойынша кезекті жоспарлы шешімі 2024 жылғы 29 тамызда Астана қаласының уақытымен сағат 12:00-де жарияланады.

05.07.2024, 17:15 84581

Қытай Қазақстаннан 20 мың тонна шошқа етін импорттауға ниетті

Қытай Қазақстаннан 20 мың тонна шошқа етін импорттауға ниетті, деп хабарлайды ҚР Ауылшаруашылық министрлігінің баспасөз қызметінен.

Шанхай ынтымақтастық ұйымына мүше мемлекеттер басшылары кеңесінің 24-ші отырысы аясында Қытай ет қауымдастығының өкілдері Солтүстік Қазақстан облысындағы "EMC Agro" өнеркәсіп кешенінде болды.

Қонақтарға мал союдан бастап одан әрі ішкі нарыққа шығару үшін өлшеп-орауға дейінгі барлық өңдеу циклі көрсетілді. Бүкіл процесс автоматтандырылған және халықаралық санитарлық-эпидемиялық талаптарға сәйкес келеді. Сапаны бақылауды тәулік бойы неміс анализаторларымен жабдықталған зертхана қамтамасыз етеді. Дайын өнім арнайы мұздатқыш цехта сақталады.

Кәсіпорынның жұмысымен танысқаннан соң, тараптар ынтымақтастық перспективаларын талқылады. Қытай ет қауымдастығы жылына 20 мың тонна шошқа етін импорттауға қызығушылық танытты.

Өз кезегінде, "EMC Agro" компаниясының өнеркәсіптік кешені Қытайға шығарылатын өнімнің 60% -ға жуығын жеткізуге дайын.

Қазақстан - мүмкіндіктерге толы ел. Бүгінде Қытай ет қауымдастығына кіретін компаниялардың бірі жергілікті кәсіпорыннан шошқа етін сатып алуды жоспарлап отыр. Әңгіме жылына 20 мың тонна туралы болып отыр. Бірақ біз қой мен сиыр етіне де мүдделіміз. Сондай-ақ қазақстандықтарға мал шаруашылығын дамытуда және ірі және ұсақ мал етін Қытайға экспорттауда көмек көрсету үшін өз тәжірибелерімен бөлісуге дайынбыз", - деп атап өтті Қытай ет қауымдастығының сиыр етін импорттаушылар және экспорттаушылар клубының президенті Ма Гуаншэн.

Қытайлық бизнес-қоғамдастық өкілдері бірлескен перспективалы жобаларды іске асыруға үлкен қызығушылық танытып, қазақстандық серіктестермен табысты ынтымақтастыққа үмітті. Қытайдың талаптары жоғары екенін түсіну керек. Жеткізу көлемі тұрақты, шикізат қауіпсіз болуы тиіс. Біздің етіміз жоғары сапалы, біз өз өнімімізге күмән келтірмейміз, жемісті ынтымақтастыққа дайынбыз. Көрші нарық біз үшін маңызды", - деді өз кезегінде "ЕМС Аgro" компаниясының басшысы Ержан Елеубаев.

Айта кету керек, Қазақстанның ауыл шаруашылығы өнеркәсібі мемлекет басшысының ерекше бақылауында. Қасым-Жомарт Тоқаев фермерлердің алдына азық-түлік қауіпсіздігімен қатар зауыттардың өндірістік базасын кеңейту, қазақстандықтарды сапалы өніммен, ал инвесторларды үздіксіз экспортпен қамтамасыз ету міндетін қойды.

Қытай ет қауымдастығы ҚХР-дағы ет өндіру және тарату бойынша ең ірі ұлттық бірлестік болып табылады және оған 1300-ге жуық мүше кіреді.

Ал, "EMC Аgro" - Қазақстандағы ірі ет өңдейтін кәсіпорындардың бірі. Кәсіпорын түпкі тұтынушы үшін жоғары сапалы, экологиялық таза өнім өндіру мен жеткізуге және еліміздің ет нарығындағы сұранысты толық қамтамасыз етуге бағытталған. Ет комбинатының өндірістік қуаты жылына 20 мың тонна ет және тәулігіне 30 тонна дайын өнім шығаруға мүмкіндік береді.

04.07.2024, 17:13 91591

«Бәйтерек» Холдингі Қытай қаржы институттарымен 1,5 млрд АҚШ долларынан астам сомаға стратегиялық келісімдерге қол қойды

Бәйтерек" ҰБХ" АҚ Қытай қаржы институттарымен 1,5 млрд АҚШ долларынан астам сомаға стратегиялық келісімдерге қол қойды, деп хабарлайды Холдингінің баспасөз қызметінен.

2024 жылғы 2 шілдеде "Бәйтерек" ұлттық басқарушы холдингі" АҚ және оның еншілес ұйымы "Қазақстанның Даму Банкі" АҚ агроөнеркәсіптік кешен, инфрақұрылым, өңдеу өнеркәсібі және "жасыл" энергетика саласындағы инвестициялық жобаларды іске асыру үшін ұзақ мерзімді қаржы ресурстарын тарту бойынша жетекші қытай қаржы институттарымен бірқатар келісімдерге қол қойды.

Осы келісімдерге қол қою Қазақстан мен Қытай арасындағы экономикалық байланыстарды нығайтуға, сондай-ақ ел экономикасының негізгі секторларын тұрақты дамыту мен жаңғыртуды қолдауға бағытталған.

Холдинг атынан қол қойылған құжаттар:

China Construction Bank-пен ынтымақтастық туралы меморандум болды, ол 700 млн АҚШ доллары сомасындағы жобаларды қаржыландыруды көздейді.

China Нuadian Overseas Investment Co., Ltd. компаниясымен ынтымақтастық туралы меморандумға қол қойылды, бұл өзара қызығушылық тудыратын салалардағы инвестициялық ынтымақтастық мүмкіндігін анықтайды.

Қазақстанның Даму Банкі" АҚ атынан құжаттарға қол қойылды:

Астанадағы Қытай құрылыс банкімен $500 млн сомасына ниет туралы келісім.

Қытайдың мемлекеттік даму банкімен $250 млн және 2 млрд юань сомасына негіздемелік келісім.

Ақмола облысында қуаты 220 МВт жел паркін салуға синдикатталған қарыз беру ниеті туралы келісім.

Қуаты жылына 1 млн тонна бидай өңдеу жобасын іске асыру бойынша ынтымақтастық туралы меморандум.

Құжаттарға қол қою ағымдағы жылы Қазақстан төрағалық етуші ел болып табылатын Шанхай Ынтымақтастық Ұйымының саммиті қарсаңында өткізіліп отырған Астанадағы Қазақстан-Қытай Іскерлік кеңесінің аясында өтті.

Ең көп оқылғаны