Алматы облысында анасының босануы кезінде жарақат алған нәрестенің өліміне қатысты тексеру жүргізілуде
Сурет: pixabay.com
Алматы облысының Қаскелең қаласында анасы босану кезінде жарақат алған болуы мүмкін жаңа туған нәрестенің қайтыс болуына байланысты қызметтік тексеру басталды. Оқиға туралы босанған әйелдің әпкесі әлеуметтік желіде жазды.
Оның айтуынша, әйелге кесарь тілігін жасау жоспарланғанымен, босану кенеттен басталып кеткен.
Туысының мәлімдеуінше, әйелді босану палатасын іздеп, мүгедектер арбасымен дәліз арқылы алып бара жатқан кезде сәби дүниеге келген. Сол сәтте жаңа туған нәресте еденге құлап кеткен.
Ол босану палатасын іздеп дәлізбен арбада келе жатқанда босанып қалды. Бала анасынан бірден еденге құлады", - деп жазды туысы.
Оның сөзінше, бастапқыда дәрігерлер нәрестенің жағдайы алаңдаушылық туғызбайтынын айтқан. Алайда келесі күні сәбиінің жағдайы нашарлап, ол тамақтанудан қалып, тыныс алуында қиындай түскен. Кейін нәресте басқа ауруханаға ауыстырылып, оған операция жасалған. Соған қарамастан сәби туғаннан кейін бес күн өткен соң көз жұмды.
Қарасай клиникалық көпсалалы орталық аудандық ауруханасы бұл жағдай бойынша медициналық көмектің сапасына ішкі аудит пен қызметтік тексеру жүргізіліп жатқанын хабарлады.
Медициналық мекеменің мәліметінше, түпкілікті қорытынды медициналық құжаттарды зерттеу, сараптамалық бағалау және уәкілетті ұйымдардың қорытындылары негізінде жасалады. Тексеру нәтижелері бойынша қолданыстағы заңнамаға сәйкес шаралар қабылданады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
СІМ Пхукеттегі қазақстан азаматының қатысуымен болған ЖКО қатысты түсініктеме берді
Сурет: Depositphotos
Сыртқы істер министрлігінде Пхукеттегі қазақстан азаматының қатысуымен болған жол-көлік оқиғалары туралы түсініктеме берді, деп хабарлайды агенттіктің тілшісі.
Қазақстан Республикасының Сыртқы істер министрлігі Қазақстан азаматының Таиландта ұсталғанынан хабардар. Қазақстандық дипломаттар қабылдаушы елдің құзыретті органдарымен байланыста және қажетті консулдық көмек көрсетуде. Оқиғаның мән-жайы Таиландтың құқық қорғау органдарымен бірлесіп анықталуда", - деп мәлімдеді Қазақстанның Сыртқы істер министрлігінің өкілі Таиландта ұсталған Қазақстан азаматына қатысты жағдайға түсініктеме беру барысында.
Естеріңізге сала кетсек, бұған дейін Таиландтың Пхукет аралында 30 жастағы қазақстандық әйел бірнеше жол-көлік оқиғасына себеп болды деген ақпарат тараған еді. Алдын ала мәлімет бойынша, оның көлігі бірнеше көлікпен, соның ішінде шағынавтобуспен және мотоциклмен соқтығысқан. Оқиға салдарынан екі адам жарақат алған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астана - Қорғалжын тасжолындағы жол апатынан кейін екі көлік өртеніп, бес адам қаза тапты
Сурет: Instagram/716.kz
21 маусым күні Астана – Қорғалжын автожолында адам өліміне әкелген жол-көлік оқиғасы болды. Бұл туралы Ақмола облысының полиция департаментінің баспасөз қызметінен хабарлады.
Алдын ала мәлімет бойынша, жол апатына үш көлік – Kia, Toyota Fortuner және Toyota Land Cruiser түскен.
Соқтығысудан кейін екі Toyota автокөлігі өртеніп кеткен. Жол апаты салдарынан бес адам қаза тапты. Тағы бес адам түрлі жарақаттармен ауруханаға жеткізілді.
Аталған факті бойынша сотқа дейінгі тергеу басталды. Құқық қорғау органдары оқиғаның барлық мән-жайы мен себептерін анықтап жатыр.
Бұған дейін, Арыс қаласында болған жол-көлік оқиғасы салдарынан үш адамның қаза тапқаны хабарланған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ақтөбеде жанармай құю бекетінде автокөлік өртеніп, үш адам қаза тапты
Ақтөбеде автогаз құю станциясының аумағында автокөліктің өртенуі салдарынан үш адам, оның ішінде екі бала қаза тапты. Бұл туралы өңірлік Төтенше жағдайлар департаменті хабарлады.
19 маусым күні сағат 22:55-те «112» қызметіне автогаз құю станциясындағы көліктің өртенгені туралы хабарлама түскен. Оқиға орнына құтқарушылар жоғары шақырту деңгейі бойынша жіберілді.
Өрт сағат 23:03-те толық сөндірілді. Көліктің ішінен өртті сөндіру барысында қаза тапқан үш адамның денесі табылды, олардың екеуі - кәмелетке толмаған балалар. Бір жәбірленуші медициналық мекемеге жатқызылды", - деп хабарлады ТЖД.
Қазіргі уақытта өрттің шығу себептері мен оқиғаның барлық мән-жайы анықталуда. Тергеу жұмыстары жүргізіліп жатыр. Орын алған оқиға бойынша жедел-тергеу іс-шаралары жүргізілуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматы облысында ондаған адам сушиден уланып қалды
Сурет: unsplash.com
Боралдайда фастфудтан уланған 65 адам жедел жәрдем шақыртқан Алматы облысында фастфуд жеген тұрғындар жаппай уланып ауруханаға түсті, деп хабарлайды КТК телеарнасы.
Олар дәмханадан суши мен пицца алдырған. Қызуы көтеріліп, жүрегі айныған 65 адам, көп ұзамай, жедел жәрдем шақыртады. Қазір жартысынан астамы ауруханада жатыр. Ал осы оқиғадан кейін дәмхана уақытша жұмысын тоқтатқан, деп көрсетілген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Эболадан көз жұмғандардың саны 200-ге жетіп жығылды
Сурет: Depositphotos
Конго Демократиялық Республикасының үш провинциясында Эбола жұқтырғандар саны 808-ге жетті, оның 192-сі көз жұмды, деп хабарлайды Қазинформ DW сілтеме жасай отырып. Бұл туралы Дүниежүзілік денсаулық сақтау ұйымы мәлім етті.
Гуманитарлық ұйымдар Конго Демократиялық Республикасында (КДР) Эболаның жаппай таралуына алаңдаушылық білдірді, деп хабарлайды KNA ақпарат агенттігі.
Дүниежүзілік денсаулық сақтау ұйымының мәліметінше, 2026 жылдың 14 маусымындағы жағдай бойынша Итури, Солтүстік Киву және Оңтүстік Киву провинцияларында 808 жағдай тіркелген, оның 192-сі қайтыс болған. Аурудан болатын өлім-жітім деңгейі 23,8%-ды құрайды.
Эпидемиологиялық жағдайдың нашарлауына байланысты Oxfam КДР-ға халықаралық гуманитарлық көмектің айтарлықтай қысқартылғанын хабарлады. 2024 жылы қаржыландыру 2,58 миллиард долларды құраса, 2026 жылы 1,4 миллиард долларға дейін төмендеді. Ұйым бұл гуманитарлық агенттіктерді өз жұмыстарын айтарлықтай қысқартуға мәжбүр еткенін атап өтті.
Сонымен қатар, Welthungerhilfe инфекцияның таралуын тоқтату үшін халықты тестілеуді және байланыстарды бақылауды күшейтуге шақырды.
Бұл айтарлықтай көп қаржыландыруды, қаншама медициналық персоналды және сапалы медициналық жабдықтарды қажет етеді", - деді аймақ директоры Урсула Лангкамп.
Лангкамп сонымен қатар алдын алу шараларын жақсарту үшін зардап шеккен қауымдастықтарға гигиеналық құралдарды тарату керек екенін, оқшаулау палаталары мен орталықтарына азық-түлік тарату пациенттерді қажеттінің бәрімен қамтамасыз ету және оларды аштықтан қорғау үшін де маңызды екендігін мәлім етті.
Айта кетейік, Африкадағы Эбола індеті жаңа жаһандық пандемия алдындағы ескерту болуы мүмкін.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
СІМ Чикагода жоғалып кеткен қазақстандықтың қаза тапқаны туралы ақпаратты растады
АҚШ-тың құзырлы органдары бұған дейін табылған адамның жеке басын анықтады. Ол Қазақстан азаматы Әсет Құралбай екендігі белгілі болды, деп хабарлайды Қазақстан Республикасы Сыртқы істер министрлігінің баспасөз қызметінен.
Марқұмның туған-туыстары мен жақындарына ауыр қайғыларына байланысты шынайы көңіл айтамыз. Қазіргі уақытта қазақстандық дипломаттар АҚШ-тың құзырлы органдарымен және қаза болған азаматтың туыстарымен тұрақты байланыста", - деп көрсетілген СІМ хабарламасында.
Мекеменің мәліметінше, марқұмның туыстарына құжаттарды рәсімдеу және мәйітті Қазақстанға жеткізуді ұйымдастыру мәселелері бойынша тиісті консулдық көмек көрсетілуде.
Бұған дейін, әлеуметтік желілерде АҚШ-тың Иллинойс штатында тұрған 24 жастағы қазақстандықтың жоғалып кеткені туралы ақпарат тараған болатын. Кейін Қазақстан Республикасы Сыртқы істер министрлігі азаматтың жоғалуына қатысты түсініктеме берген еді.
Еске салсақ, бұған дейін СІМ ресми өкілі Ерлан Жетібаев брифинг барысында АҚШ-та Қазақстан азаматы болуы мүмкін адамның мәйіті табылғанын мәлімдеген болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Италияда қаза тапқан қазақстандыққа СІМ қажетті консулдық-құқықтық көмек көрсетуде
Сурет: Depositphotos
Қазақстан Республикасының Сыртқы істер министрлігі Италияда қаза тапқан Қазақстан азаматына қатысты қажетті консулдық-құқықтық көмек көрсетті. Бұл туралы брифинг барысында СІМ ресми өкілі Ерлан Жетібаев мәлімдеді, деп хабарлайды агенттік тілшісі.
«Құзырлы органдардың ақпаратына сәйкес, ол суға батып кеткен. Біздің тараптан қажетті консулдық-құқықтық көмек, оның ішінде құжаттарды рәсімдеу және мәйітті елге жеткізу мәселелерін ұйымдастыру бойынша тиісті шаралар қабылданды», – деді Ерлан Жетібаев.
Бұған дейін, бұқаралық ақпарат құралдарында Италияның Бриатико қаласындағы жағалау маңындағы жартастар арасынан Қазақстаннан барған студенттің өлі күйінде табылғаны туралы ақпарат тараған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.