Сатыбалды ісі бойынша тергеу: Сыбайлас жемқорлыққа қарсы қызмет ұрлықтың жаңа фактілерін анықтады
Тергеу барысында Қ. Сатыбалдыұлының бақылауындағы кәсіпорындардың - кірме теміржол желілері (соңғы шақырым) иелерінің ұрлығының қосымша фактілері анықталды.
Сурет: Depositphotos
Аталған тұлғалар Мемлекеттік органдардың лауазымды тұлғаларының көмегімен елдің қала құраушы кәсіпорындарына кірме жолдардың қызметтеріне тарифті негізсіз көтеру арқылы көп миллиардтық пайда тапқан. Бұл өз кезегінде азаматтар үшін тіршілікті қамтамасыз ету қызметтерінің бағаларының артуына бағытталған", - деп хабарлайды Сыбайлас жемқорлыққа қарсы қызметінің баспасөз қызметі.
Қ. Сатыбалдыұлы бақылауындағы екі компанияның басшылары ұсталып, сот санкциясымен қамауға алынды. Кінәлілік туралы қорытынды шешімді сот анықтайды.
Өзге ақпарат тергеу мүддесінде жария етуге жатпайды.
Естеріңізге сала кетейік, наурыз айында Сыбайлас жемқорлыққа қарсы қызмет Қайрат Сатыбалды, оның бұрынғы жұбайы Гүлмира Сатыбалды және басқа да тұлғаларға қатысты бизнесті рейдерлік басып алу фактісі бойынша сотқа дейінгі тергеуді бастаған болатын.
Қайрат Сатыбалды 13 наурызда "Қазақтелеком" АҚ қаражатын аса ірі мөлшерде жымқырды деген күдікпен ұсталды. 16 наурызда оның әйелі 2021 жылы аса ірі мөлшерде бюджет қаражатын жымқыру фактісі бойынша ұсталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Жетісу облысында соңғы екі тәулікте жол апатынан бес адам қайтыс болды
Сурет: Polisia.kz
Жетісу облысында соңғы екі тәулікте жол апатынан бес адам қайтыс болды, - деп хабарлайды Polisia.kz.
Соңғы екі тәулікте Жетісу облысының автожолдарында ауыр зардаптарға әкеп соққан 5 жол апаты болды. Үш жол апатында 5 адам қаза тауып, екі жол апатында 2 бала зардап шекті. 1 қазан күні Панфилов ауданында Алмалы ауылының 43 және 41 жастағы екі тұрғын мопедмен электр бағанасына соқтығысып, қайтыс болды.
Сондай-ақ 2 қазанға қараған түні Талдықорған маңында 36 және 32 жастағы екі ер адам Toyota Сamry көлігімен жол жиегіндегі ағашқа соғылып, қаза тапты. Дәл осындай жол-көлік оқиғасы Fiat Croma көлігінің қатысуымен Көксу ауданында болды, Балпық би - Қаратал тас жолының 2-шақырымында жол-көлік оқиғасы салдарынан 49 жастағы әйел қаза тапты. Ақсу және Көксу аудандарында кәмелетке толмағандар зардап шеккен тағы екі жол-көлік оқиғасы тіркелді, онда 9 және 16 жастағы мектеп оқушыларын көлік қағып кеткен. Екі жасөспірім де жарақатпен ауруханаға жеткізілді. Әрбір факті бойынша қылмыстық тергеу амалдары жүргізіліп жатыр. Қажетті сараптамалар тағайындалып, тиісті материалдарды жинай отырып, әр жол-көлік оқиғасы мұқият зерттеледі.
Болған оқиғаны қатаң талдап, барлық жағдайлар мен себептер анықталатын болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қарағанды облысындағы ұшақ апатқа ұшырады
Сурет: ААК
30 қыркүйекте оқу-жаттығу ұшуы кезінде Қарағанды облысындағы Балапан алаңында P2002 типті UPLA286 ұшағы әуеге көтерілгеннен кейін байланысқа шықпады , деп хабарлайды ААК баспасөз қызметінен.
Іздестіру жұмысы барысында қираған ұшақ пен екі адам қаза тапқандығы белгілі болды. Көлік министрлігінің Оқиғаларды тергеу департаменті аталмыш факті бойынша тергеуді бастады.
Нақтыланған деректер бойынша, ұшақ апаты жергілікті уақыт бойынша 08.44-те Қарағанды облысы Доскей ауылынан 5 км жерде орын алған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Жетісу облысында жол апатынан бір адам қайтыс болды
Сурет: Polisia.kz
Ақсу ауданындағы Көлтабан-Матай тас жолында Mitsubishi Montero Sport көліктері соғылған. Ауылдық жолдың 50 шақырымында 63 жастағы жүргізуші көлік тізгініне ие бола алмай аударылып кетті, деп хабарлайды Polisia.kz.
Оқиға орнынан екі ер адам ауруханаға жеткізілді, олардың біреуі ауруханада көз жұмды.
ҚР ҚК-нің 345-бабына сәйкес тергеу амалдары жүргізілуде. Жол-көлік оқиғасының мән-жайы мен жүргізушінің рөлді басқара алмай қалуының себебі анықталуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.