Қазақстандағы реформалар Өзбекстан парламентарийлерінің назарында
Сурет: gov.kz
Қазақстанның Өзбекстандағы Елшісі Бейбіт Атамқұлов Өзбекстан Республикасы Олий Мажлисінің Заң шығару палатасының Спикері Нуриддин Исмоиловпен кездесу өткізді, деп хабарлайды Қазақстан Республикасы Сыртқы істер министрлігінің баспасөз қызметінен.
Кездесу барысында тараптар парламентаралық ынтымақтастықтың қазіргі ахуалы мен оны одан әрі дамыту перспективаларын, сондай-ақ алдағы халықаралық іс-шаралардың күн тәртібін, соның ішінде Қазақстан Республикасы Парламенті Мәжілісі мен Өзбекстан Республикасы Олий Мажлисінің Заң шығару палатасы арасындағы Парламентаралық ынтымақтастық кеңесінің кезекті отырысын талқылады.
Сонымен қатар, Елші Қазақстан Республикасының Президенті Қасым-Жомарт Тоқаевтың Ұлттық құрылтайдың бесінші отырысында елдің қоғамдық-саяси дамуын одан әрі ілгерілетуге бағытталған жаңа бастамаларды ұсынғаны жөніндегі негізгі қорытындылармен өзбек тарапын таныстырды. Сондай-ақ Мемлекет басшысының "Turkistan" газетіне берген жуырдағы сұхбаты туралы мәлімет берілді.
Б.Атамқұлов конституциялық реформаларға, оның ішінде бірпалаталы парламентті құруға, "Халық кеңесі" институтын енгізуге және Қазақстан Республикасының Вице-президенті лауазымын қалыптастыру туралы бастамаларға ерекше назар аударды.
Өзбекстан Олий Мажлисінде жуырда орын алған реформаларды ескере отырып, қазақ дипломаты өзбек парламентарийлерін Қазақстан Елшілігінде өтетін, Ұлттық құрылтай отырысының қорытындыларына арналған дөңгелек үстелге қатысуға шақырды.
Н.Исмоилов Қазақстан Президенті Қ.К.Тоқаевтың Ұлттық құрылтайдағы баяндамасын жоғары бағалап, ұсынылған бастамалардың өзектілігін атап өтті. Заң шығару палатасының Спикері Өзбекстанда Қазақстанда жүргізіліп жатқан реформаларды үлкен қызығушылықпен бақылап отырғандарын айтып, депутаттардың дөңгелек үстелге қатысуға дайын екенін білдірді.
Кездесу соңында тараптар қазақ-өзбек парламентаралық қатынастарды нығайту мақсатында одан әрі ынтымақтастықты жалғастыруға дайын екендіктерін растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Сиань тұрғындары қазақстандық тамақ өнімдеріне қызығушылық танытты
Сурет: gov.kz
Айцзю" компаниясының базасында үшінші мәрте "Жаңа жылдық тауарлар" фестивалі ұйымдастырылды. Қытайдың жаңа жыл мерекесі қарсаңында Солтүстік Қазақстан облысынан 40 футтік 10 контейнерлерге тиелген отандық тамақ өнімдері Сиань қаласына жеткізілді, деп хабарлайды Қазақстан Республикасы Сыртқы істер министрлігінің баспасөз қызметінен.
Фестивальдің ашылу салтанатына Шэньси провинциясының және Сиань қаласының үкімет өкілдері, Кеден және эпидемиялогия, Сертификат және стандартизация, ретейл компанияларының өкілдері, қоғамдық бірлестіктер, шетелдік дипломатиялық өкілдіктер, Қазақстан және Орта Азия мемлекеттері студенттер бірлестіктері қатысып, жергілікті блогерлер мен ақпарат құралдары шақырылып, кеңінен мәлімет берілді.
Қазақстанның Сиань қаласындағы Бас консулы Жошыхан Қыраубаев іс-шараға қатысушыларға Қазақстан мен Қытайдың сауда-экономикалық, ауыл шаруашылығы, көлік және инвестициялық ынтымақтастығының негізгі бағыттары, сондай-ақ Қазақстан Үкіметі тарапынан шетелдік инвесторларды және отандық өнім өндірушілерге берілетін заңнамалық кепілдіктері туралы ақпаратпен бөлісті. ҚР Сыртқы істер министрлігі тарапынан инвесторларға көрсетілетін қолдаулары жайында кеңінен баяндады.
Жыл сайын өткізілетін бұл фестиваль қос ел арасындағы сауда-экономикалық және мәдени байланыстарды одан әрі нығайту үшін маңызды платформаға айналғанын ризашылықпен атап өтті. Әлемде таза экологиялық тағамға деген сұраныстың артуын негізге ала отырып, Шэньси провинциясының тамақ өндіру мен өңдеу, сатушы кәсіпорындарын Қазақстанның инвестициялық мүмкіндіктерін зерделеуге және серіктестікке шақырды.
Сонымен қатар, Қазақстан Президенті Қасым-Жомарт Тоқаевтың бастамасымен Сиань қаласында жүзеге асқан Қазақстан-Қытай халықаралық логистика портының мүмкіндігін пайдаланып отандық қазақстандық өнімдердің көтерме сауда орталығын ұйымдастыру мүмкіндігін қарастыру ұсынылды. Логистикалық орталық барлық жағынан жабдықталған және отандық өнім шығарушыларға толық қызмет көрсетуге дайын.
Қытайлық инвестор "AiJu" компаниясының басшылығы өз тарапынан қазақстандық тауарлар түрінің бұдан да кеңейетіндігін және өндірушілерге өзінің көмек қолын созуға дайын екендігін мәлімдеді.
Сонымен қатар, қазақстандық өндірушілер мен "AiJu" компаниясының арасында өзара серіктестік орнатуда, орта және жеке бизнес өнімдерінің экспорттық рұқсатнама құжаттарының ресмиленуіне Бас консулдық өз құзыреті шеңберінде мейлінше әкімшілік көмек көрсетіп отырғанын ризашылықпен атап өтті.
Форумның қорытындысы бойынша Бас консулдықтың ұсынысымен "Айцзю" компаниясы Сиань қаласының ірі Сауда орталықтарында қазақстандық тауарлардың апталық көрмесін өткізуі туралы уағдаласты.
Сиань - ежелгі Жібек жолының бастауы және қазіргі заманғы Қытай-Еуропа теміржол қатынасының негізгі торабы. Қазақстанның азық-түлік өнімдері, Қытайға қажетті минералды ресурстары және басқа да жоғары сапалы тауарларының осы торап арқылы Қытай нарығына тереңірек енуіне жол ашады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Пхукет аралында Қазақстан консулдығы ашылды
Сурет: gov.kz
Пхукет аралында Қазақстан консулдығының салтанатты түрде ашылу рәсімі өтті. Бұл оқиға қазақ-тай қарым-қатынастарының дамуы жолындағы елеулі кезеңге айналып, екі ел арасындағы дипломатиялық, экономикалық, мәдени және туристік ынтымақтастықты нығайтудағы маңызды қадам болды, деп хабарлайды Қазақстан Республикасы Сыртқы істер министрлігінің баспасөз қызметінен.
Қазақстанның Пхукеттегі Консулдығының ашылуы ерекше мәнге ие, себебі бұл аралда ашылған үшінші ресми дипломатиялық өкілдік болып отыр. Аталған жайт екіжақты байланыстардағы өзара сенімнің жоғары деңгейі мен қарым-қатынастардың қарқынды дамуын айқындайды. Бұл ретте, Қазақстан азаматтарына практикалық көмек көрсетуге бағытталған ресми дипломатия географиясын жүйелі түрде кеңейтіп келеді.
Жаңа мекеменің консулдық округі Таиландтың оңтүстігіндегі 14 провинцияны қамтиды, бұл оны елдің оңтүстігіндегі өзара іс-қимылдың маңызды орталығына айналдырады. Мұндай аумақтық қамту Қазақстан азаматтарының құқықтары мен заңды мүдделерін жүйелі түрде қорғауға, төтенше жағдайларда жедел әрекет етуге, сондай-ақ өңірдегі туристік, іскерлік және мәдени байланыстарды дамытуға мүмкіндік береді.
Салтанатты ашылу рәсіміне Таиланд Сыртқы істер министрінің орынбасары Виджават Исарабхакди, Пхукет провинциясының губернаторы Нират Понгситтаворн, Таиландтың оңтүстік провинцияларының басшылығы, Пхукеттегі мемлекеттік органдардың өкілдері, дипломатиялық корпус, қазақ диаспорасы, іскер топтар, туристік қауымдастықтар мен БАҚ өкілдері қатысты.
Салтанатты рәсім барысында сөз сөйлеген Қазақстанның Елшісі Марғұлан Баймұхан Пхукетте Консулдықтың ашылуы Қазақстан мен Таиланд арасындағы сенімді әрі достық қарым-қатынастардың практикалық дәлелі екенін атап өтті. "Пхукет Қазақстан азаматтары үшін маңызды бағыттардың біріне айналды. Консулдықтың ашылуы отандастарымызға жақын болуға, олардың құқықтары мен заңды мүдделерін қорғауға, жедел қолдау көрсетуге, сондай-ақ Таиландтың оңтүстік өңірлерімен жан-жақты ынтымақтастықты кеңейтуге мүмкіндік береді" - деп мәлімдеді қазақ дипломаты.
Таиланд Сыртқы істер министрінің орынбасары Виджават Исарабхакди өз сөзінде тай-қазақ қарым-қатынастарының бірізді әрі орнықты даму сипатын атап өтіп, Пхукетте Консулдықтың ашылуын екіжақты ынтымақтастықтың серпінді дамуын айқындайтын практикалық қадам ретінде бағалады. "Қазақстан Таиланд үшін Орталық Азиядағы маңызды әріптес болып табылады. Пхукетте Консулдықтың ашылуы туризм, сауда, инвестициялар және гуманитарлық алмасулар салаларындағы өзара іс-қимылды одан әрі дамытуға ықпал етеді" - деді тай дипломаты.
Пхукет провинциясының губернаторы Нират Понгситтаворн өз сөзінде Қазақстанның Таиланд үшін сенімді әріптес ретіндегі маңызын атап өтіп, Консулдықтың ашылуы туризм, сауда және мәдени алмасулардың дамуына жаңа серпін беретініне сенім білдірді. "Пхукет қаласында Қазақстан Республикасының Консулдығының ашылуын қуанышпен қарсы аламыз. Бұл оқиға халықтарымыз арасындағы байланыстарды нығайтып, ынтымақтастықты дамытуға жаңа мүмкіндіктер ашады" - деп мәлімдеді губернатор.
Іс-шараның салтанатты бағдарламасы барысында домбырамен музыкалық шығармалар орындалды. Оның әуені қонақтардың назарын жаулап, мәдени диалог пен өзара түсіністік атмосферасын қалыптастырды. Қонақтарға қазақтың ұлттық тағамдары ұсынылып, Қазақстанның бай тарихи әрі аспаздық мұрасымен жақынырақ танысуға мүмкіндік берді.
Пхукет қаласында Қазақстан Республикасының Консулдығының ашылуы Қазақстан мен Таиландтың ынтымақтастығын одан әрі тереңдетуге, азаматтардың мүдделеріне сай келетін жан-жақты серіктестікті дамытуға және екі ел арасындағы достықты нығайтуға ұмтылысын тағы бір мәрте растады.
Пхукет - Оңтүстік-Шығыс Азиядағы жетекші туристік орталықтардың бірі әрі халықаралық туризмнің ең танымал бағыттарының қатарына жатады.
Таиландқа жыл сайын шамамен 35 миллион шетелдік турист келеді, соның ішінде 12 миллионға жуығы Пхукет аралына тиесілі. 2025 жылы Таиландқа 200 мыңға жуық Қазақстан азаматы келген.
Консулдықтың округіне Таиланд Корольдігінің оңтүстігіндегі 14 провинция кіреді: Чумпхон, Краби, Накхон Си Тхаммарат, Наратхиват, Паттани, Пхангнга, Пхаттхалунг, Пхукет, Ранонг, Сатун, Сонгкхла, Сурат Тхани, Транг және Яла.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Белградта қазақ-серб ынтымақтастығының перспективалары талқыланды
Сурет: gov.kz
Қазақстан Республикасының Сербия Республикасындағы Елшісі Мәди Атамқұлов Сербия Республикасының Халықаралық экономикалық ынтымақтастықты дамыту министрі Ненад Поповичпен кездесті, деп хабарлайды Қазақстан Республикасы Сыртқы істер министрлігінің баспасөз қызметінен.
Кездесу барысында М.Атамқұлов Қазақстан мен Сербия арасындағы ынтымақтастықтың күн тәртібіндегі өзекті мәселелерімен таныстырып, түрлі салаларда дамытуға арналған перспективалық бағыттарға назар аударды.
Атап айтқанда, қазақ дипломаты сауда-экономикалық ынтымақтастықты кеңейту, цифрландыру саласындағы тәжірибе алмасу, Сербия тарапының Қазақстанның көлік-логистика секторына қатысу мүмкіндіктері, сондай-ақ, екі елдің іскер топтары арасындағы байланыстарды жандандыру және өзара тауар айналымын әртараптандыру мәселелерін көтерді.
Өз кезегінде Н.Попович Қазақстан мен Сербия арасындағы ынтымақтастықтың тұрақты дамуына оң баға берді. Оның айтуынша, ел басшылығы достас Қазақстанмен қарым-қатынастарды дамытуға ерекше мән береді. Осы тұрғыда серб тарапының екіжақты экономикалық ынтымақтастықты одан әрі нығайтуға, оның ішінде екі ел арасында қол жеткізілген уағдаластықтарды іске асыруға қажетті қолдау көрсетуге дайын екенін жеткізді.
Кездесудің қорытындысы бойынша тараптар алдағы кезеңге арналған Қазақстан-Сербия екіжақты қарым-қатынастарының даму динамикасына қосымша серпін беруге бағытталған нақты жоспарлармен алмасты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандағы конституциялық реформалар ЕҚЫҰ-да таныстырылды
Сурет: gov.kz
Еуропадағы қауіпсіздік және ынтымақтастық ұйымының (ЕҚЫҰ) Тұрақты кеңесінің кезекті отырысы барысында Қазақстан делегациясы ЕҚЫҰ-ға қатысушы мемлекеттерді Қызылордада өткен 5-ші Ұлттық құрылтайда Қазақстан Президенті Қасым-Жомарт Тоқаев жариялаған алдағы ауқымды саяси және конституциялық реформалар туралы хабардар етті, деп хабарлайды Қазақстан Республикасы Сыртқы істер министрлігінің баспасөз қызметінен.
Конституциялық реформалар туралы шешімді алдағы ұлттық референдумда Қазақстан халқы қабылдайтыны аталып өтті.
Алдағы саяси жаңғыртудың негізгі аспектілері "Құрылтай" деп өзгертілген бір палаталы парламентке көшу, жоғары кеңесші орган - Халық кеңесін құру және Вице-президент лауазымы болады. Осыған байланысты Қазақстан Президентінің Жарлығымен Конституциялық реформа жөніндегі арнайы комиссия құрылғанына назар аударылды.
Қазақстан өкілі Қайрат Малаев парламент партиялық тізімдерден бес жылдық мерзімге пропорционалды өкілдік жүйесі бойынша сайланатын 145 мүшеден тұратынын атап өтті. Партиялық тізімдердегі жастарға, әйелдерге және мүгедектерге арналған 30% квоталар, сондай-ақ 5% сайлау шегі күшінде қалады.
Сонымен қатар, Халық кеңесі этномәдени бірлестіктердің, ірі қоғамдық ұйымдардың, жергілікті өкілді органдардың және өңірлік қоғамдық кеңестердің өкілдерінен тұратын 126 мүшеден тұрады, осылайша қазақстандық қоғамның кең әртүрлілігін көрсетеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Мехикода Қазақстанның Құрметті консулдығы ашылды
Сурет: gov.kz
Қазақстан Республикасының Мексика Құрама Штаттарындағы Елшілігінде Қазақстанның Мехико қаласындағы Құрметті консулдығын ашу рәсімі салтанатты түрде өтті, деп хабарлайды Қазақстан Республикасы Сыртқы істер министрлігінің баспасөз қызметінен.
Іс-шараға Қазақстан Республикасының Елшілігі, Қазақстанның Мехикодағы Құрметті консулы Карлос Баррера, Мексика Сыртқы істер министрлігінің Африка, Орталық Азия және Таяу Шығыс жөніндегі Бас директоры Анибал Гомес Толедо, Бас Конгресі Депутаттар палатасының депутаты және "Қазақстан-Мексика" парламенттік достық тобының төрайымы Марибель Мартинес Руис, Мексика Экономика министрлігінің, Мехико қаласының "Мигель Идальго" аудандық әкімдігінің өкілдері, Мексиканың Ұлттық өңдеуші өнеркәсіп палатасына (CANACINTRA) мүше іскер топтар, сондай-ақ бұқаралық ақпарат құралдарының өкілдері қатысты.
Іс-шараны құттықтау сөзімен ашып, Қазақстанның Мекискадағы Елшілігінің кеңесшісі Ерлан Құбашев еліміздің қазіргі әлеуметтік-экономикалық дамуы мен елде жүзеге асырылып жатқан жүйелі реформалар туралы баяндады.
Сонымен қатар, қазақ дипломаты Мексика Сыртқы істер министрлігіне К.Баррераның кандидатурасын қолдап, тағайындағаны үшін алғыс білдіріп, оның екі ел арасындағы байланыстарын дамытуға қосып отырған елеулі үлесін және Елшілікпен тығыз өзара іс-қимылын атап өтті.
Іс-шара барысында Құрметті консулдықтың ашылуы Қазақстан-Мексика қатынастарын дамытудағы маңызды кезең екені аталып өтті. Құрметті консулдар институты халықаралық байланыстарды кеңейту, сауда-экономикалық ынтымақтастықты дамыту, сондай-ақ азаматтар мен заңды тұлғалардың құқықтары мен заңды мүдделерін қорғау саласында тиімді құрал ретінде өзін жақсы қырынан көрсетті.
Мексика Сыртқы істер министрлігінің Бас директоры А.Гомес Толедо екіжақты қатынастардың жүйелі түрде дамып келе жатқанын атап өтіп, Қазақстан мен Мексика арасындағы дипломатиялық қатынастардың орнағанына 34 жыл толуымен құттықтады. Ол сондай-ақ Қазақстанның Орталық Азиядағы Мексика үшін маңызды әрі сенімді серіктесі екеніне тоқталып, Мексикаға келетін қазақстандық туристер санының артып келе жатқанын тілге тиек етті. Оның айтуынша, бұл өзара сенімнің нығаюын және халықтар арасындағы байланыстардың кеңеюін көрсетеді.
Салтанатты рәсім барысында Қазақстан Республикасының Мехико қаласындағы Құрметті консулы болып тағайындалған К.Баррера қазақстандық тарапқа, сондай-ақ Мексика Үкіметі мен Сыртқы істер министрлігіне көрсетілген жоғары сенім үшін алғыс білдірді. Ол сауда-экономикалық және инвестициялық ынтымақтастықты қоса алғанда, екіжақты байланыстарды дамытуға, сондай-ақ екі ел кәсіпкерлері арасындағы іскерлік байланыстарды ілгерілетуге барынша жәрдемдесуге дайын екенін жеткізді.
Рәсім қорытындысы бойынша К.Баррераға Мексика Сыртқы істер министрлігі берген Құрметті консулдың ресми куәлігі табысталды.
Қазақстан Республикасының Мехико қаласындағы Құрметті консулы болып тағайындалған К.Баррера - мексикалық кәсіпкер, Мексиканың Ұлттық өңдеуші өнеркәсіп палатасының (CANACINTRA) өнеркәсіп секторы бойынша вице-президенті.
Мехико қаласындағы Қазақстанның Құрметті консулдығы 2018 жылы Халиско және Наярит штаттарын қамтитын консулдық округпен ашылған Гвадалахара қаласындағы Құрметті консулдықтан кейін Мексика аумағындағы Қазақстанның екінші құрметті консулдық мекемесі болып табылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Мәскеуде аграрлық саладағы ынтымақтастық талқыланды
Сурет: gov.kz
Мәскеудегі «Крокус-Сити» іскерлік орталығында AGRAVIA атты ірі халықаралық көрмесі аясында «Агрос Экспо Групп» ЖШҚ Ресей көрме компаниясының көмегімен Ресейдегі Қазақстан Елшілігі ұйымдастырылған «Қазақстан мен Ресей ынтымақтастығындағы ауыл шаруашылығы саласының әлеуеті» іскерлік форумы өтті, деп хабарлайды Қазақстан Республикасы Сыртқы істер министрлігінің баспасөз қызметінен.
Іс-шара барысында Қазақстанның агроөнеркәсіптік кешенінің (АӨК) экспорттық және инвестициялық мүмкіндіктері ұсынылды, ынтымақтастықты кеңейту және аграрлық саладағы бірлескен жобаларды іске асыру перспективалары талқыланды.
Кездесуді аша отырып, оның модераторы, РҒА академигі, РФ Сауда-өнеркәсіп палатасының Агроөнеркәсіптік кешенді дамыту комитетінің төрағасы Петр Чекмарев бүгінгі таңда Қазақстан мен Ресейдің ауыл шаруашылығы мен азық-түлік өндірісін дамытуда айтарлықтай әлеуеті бар екенін атап өтті. Оның бағалауы бойынша, екі ел де егінді кеңейту үшін үлкен аумақтарға ие, өсімдік шаруашылығы мен мал шаруашылығы өнімдерінің көлемін ұлғайту мүмкіндігі бар.
Өз тарапынан Қазақстанның Ресейдегі Елшісі Дәурен Абаев Қазақстанның бірегей ресурстық әлеуеті бар екенін – ол жайылымдық жерлер ауданы бойынша әлемде 6-орында және егістік жерлер ауданы бойынша 8-орында екенін атап көрсетті. «Соңғы 10 жылда Қазақстанда ауыл шаруашылығының жалпы өнімінің көлемі 2,5 еседен астам, яғни $7 млрд-тан 18 млрд-қа дейін өсті. Қазақстан 2030 жылға қарай бұл көрсеткішті екі есеге арттыруға өршіл мақсат қойып отыр», - деп атап өтті Елші. Ол Ресеймен аграрлық ынтымақтастық ерекше орын алатынын айта келе, өзара іс-қимылды арттыруға шақырды.
Екі елдің АӨК ынтымақтастығында кадр мәселесі үлкен рөл атқаратынын айта келе, Федерация Кеңесінің Аграрлық-азық-түлік саясаты және табиғатты пайдалану жөніндегі комитетінің мүшесі Геннадий Орденов: «Қазіргі ауыл шаруашылығы тек агрономиялық және зоотехникалық білімді ғана емес, сонымен қатар цифрлық технологияларды, автоматтандыру жүйелерін, GPS-навигацияны және инновациялық биотехнологияларды меңгерген мамандарды талап етеді. Аграрлық білім беру саласындағы ынтымақтастық - тек білім алмасу ғана емес, бұл болашаққа салынған инвестиция. Осы бағыттағы екіжақты кооперация дәйекті түрде дамып, тереңдей түсуде. Қазіргі уақытта Қазақстан Ресейдің аграрлық жоғары оқу орындарында студенттер саны бойынша екінші орында», - деп атап өтті.
Ресей Федерациясы Ауыл шаруашылығы министрінің кеңесшісі Ольга Абрамова Қазақстан АӨК дамыту бойынша елеулі жұмыс жүргізіп жатқанын және Ресей мұнда айтарлықтай көмек көрсете алатынын айтты. Атап айтқанда, ол қазақтың ақбас сиырларын мысалға келтірді. «Бұл тұқымның бір бөлігі Ресей Федерациясының аумағында шоғырланған. Мал шаруашылығы салаларын бірлесіп дамыту тұрғысынан біз осы тұқымды дамыту стратегиясын қалыптастырғанымыз жөн болар еді, өйткені Қазақстанға өсімін молайтуды қамтамасыз ету үшін өз табындарын сапалы мал басымен толықтыру қажет», – деп ұсынды ол.
«KAZAKH INVEST» ҰК» АҚ Басқарма төрағасының орынбасары Айбол Арғынғазинов өз сөзінде ЕАЭО елдерімен кооперацияны дамыту контексінде Қазақстанның инвестициялық мүмкіндіктері мен агроөнеркәсіптік кешеннің әлеуеті туралы баяндады. «Инвесторлар үшін болжамды шарттардың, тұрақты реттеушілік ортаның және ұзақ мерзімді жұмыс ережелерінің болуы аса маңызды. Бүгінде Қазақстанда мұндай параметрлер қалыптасқан. ЕАЭО бірыңғай нарығының мүмкіндіктерімен ұштастыра отырып, бұл елді өндірістік кооперацияны, оның ішінде ресейлік компаниялармен кеңейту үшін ыңғайлы платформа ретінде қарастыруға мүмкіндік береді», – деп атап өтті Айбол Арғынғазинов.
Форум барысында, сондай-ақ екі елдің бизнес-қоғамдастығы мен агроөнеркәсіптік компанияларының өкілдері, сонымен қатар Қазақстаннан сүт,май және мал шаруашылығы салаларын ұсынатын салалық қауымдастықтардың басшылары сөз сөйледі. АӨК-те өзара іс-қимылды жандандыру бойынша нақты ұсыныстар, жобалар мен жоспарлар талқыланды.
Іс-шараға қатысушылар атап өткендей, қазіргі экономикалық ахуал кооперацияға жаңа тәсілдерді, озық технологияларды енгізуді, жаһандық трендтерге бейімделуді талап етеді. Олардың пікірінше, Қазақстан мен Ресейдің іскер топтары АӨК-дегі ынтымақтастықтың әлеуетін арттыру үшін қолдан келгеннің бәрін жасап, сонымен бірге елеулі жаһандық сын-қатерлер жағдайында туындайтын проблемаларға ден қоюда икемділік танытуы тиіс.
Кездесу қорытындысы бойынша үйлесімді өзара іс-қимыл, тікелей тәжірибе алмасу және өзара қолайлы шешімдерді табысты іздеу экономикалық қатынастарды жаңа сапалы деңгейге көтеруге ықпал ететініне сенім білдірілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан - Таиланд: ынтымақтастықтың жаңа мүмкіндіктері Пхукетте талқыланды
Сурет: gov.kz
Пхукет провинциясына жұмыс сапары аясында Қазақстанның Таиландтағы Елшісі Марғұлан Баймұхан Пхукет провинциясының Губернаторы Нират Понгситтаворнмен кездесу өткізді, деп хабарлайды Қазақстан Республикасы Сыртқы істер министрлігінің баспасөз қызметінен.
Кездесу барысында тараптар өзара құрмет пен сенімге негізделген қазақ-таиландтық қатынастардың жоғары деңгейде әрі жүйелі түрде дамып келе жатқанын атап өтті. Туризм, сауда-экономикалық байланыстар, инвестициялар және гуманитарлық байланыстар салаларында екіжақты ынтымақтастықтың белсенді түрде дамып отырғаны айтылды. Қазақстан тарапы ұлттық және өңірлік деңгейлерде өзара іс-қимылды одан әрі нығайтуға мүдделі екенін білдірді.
Қазақ дипломаты Пхукет провинциясының қазақстандық азаматтар үшін ең танымал туристік бағыттардың бірі ретіндегі ерекше маңызын атап өтті. Оның айтуынша, 2025 жылы Таиландқа шамамен 200 мың қазақстандық турист барған, олардың едәуір бөлігі Пхукетті таңдаған.
Осыған байланысты Пхукетте Қазақстан Республикасының Консульствасының ашылғаны туралы ақпарат берілді. Консульство қазақстандық азаматтардың құқықтары мен мүдделерін қорғауға, сондай-ақ екіжақты ынтымақтастықты дамытуға жәрдемдесуге бағытталған.
Провинция Губернаторы консулдық мекеменің ресми ашылу салтанатына қатысуға шақырылды.
Өз кезегінде Н. Понгситтаворн Қазақстанның Пхукет провинциясында консульство ашуы туристік алмасудың одан әрі дамуына, азаматтарға көрсетілетін консулдық қолдаудың деңгейін арттыруға, сондай-ақ инвестициялық ынтымақтастық пен іскерлік байланыстарды кеңейту үшін қолайлы жағдайлар жасауға ықпал ететінін атап өтті.
Тараптар Қазақстан мен Пхукет провинциясы арасындағы практикалық ынтымақтастықты дамыту перспективаларын, оның ішінде туризм, мәдени алмасу, бизнес, инвестициялар және цифрландыру салаларындағы бірлескен жобаларды іске асыру мүмкіндіктерін талқылады.
Қазақстанның Елшілігі мен Консульдігінің тікелей байланыстар орнатуға және өзара тиімді бастамаларды қолдауға жәрдем көрсетуге дайын екені аталып өтті.
Кездесуде көлік қатынасы мәселелеріне ерекше назар аударылды. Қазіргі таңда Қазақстан мен Таиланд арасында аптасына 34 тікелей әуе рейсі жүзеге асырылатыны, оның ішінде Пхукетке 21 рейс бар екені айтылды. Бұл туристік ағынның өсуіне, іскерлік байланыстардың дамуына және гуманитарлық қатынастардың кеңеюіне ықпал етуде.
Қазақстан тарапы Пхукет провинциясы билігінің шетелдік туристердің, соның ішінде Қазақстан азаматтарының қауіпсіздігін қамтамасыз ету және қолайлы жағдай жасау жөніндегі күш-жігері үшін алғысын білдірді.
Төтенше жағдайларды қоса алғанда, жергілікті билік органдарымен тығыз өзара іс-қимыл мен жедел байланысты қолдаудың маңыздылығы аталып өтті.
Кездесу қорытындысы бойынша тараптар Қазақстанның Пхукеттегі Консульствасының ашылуы Қазақстан мен Таиланд арасындағы достық пен өзара тиімді ынтымақтастықты нығайтуға, сондай-ақ Пхукет провинциясымен байланыстарды кеңейтуге қосымша серпін беретініне сенім білдірді.
Пхукет - Оңтүстік-Шығыс Азиядағы жетекші туристік орталықтардың бірі және халықаралық туризмнің ең танымал бағыттарының қатарында.
Жыл сайын Таиландқа шамамен 35 млн шетелдік турист келеді, олардың 12 млн-ға жуығы Пхукет аралына тиесілі. 2025 жылы Таиландқа шамамен 200 мың Қазақстан азаматы барған.
Провинцияның халық саны шамамен 450 мың адамды құрайды, ал уақытша келетін туристерді есепке алғанда өңір аумағында бір мезгілде 2 млн адамға дейін болуы мүмкін. Пхукет провинциясының жалпы өңірлік өнімі шамамен 7,5 млрд АҚШ долларына бағаланады. Өңір экономикасының негізін кірістің едәуір бөлігін қамтамасыз ететін туристік сала құрайды. Сондай-ақ көлік және логистика, сауда мен қызмет көрсету, жылжымайтын мүлік және құрылыс салалары негізгі секторлар қатарында.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.