Қазақстандық делегация ПХЭФ жұмысына қатысуда
Сурет: ҚР Сыртқы істер министрлігі
XXIX Петербург Халықаралық экономикалық форумының жұмысына қазақстандық делегация қатысуда, деп хабарлайды Қазақстан Республикасы Сыртқы істер министрлігінің баспасөз қызметінен.
Оның құрамына ҚР Өнеркәсіп және құрылыс министрі Ерсайын Нағаспаев, ҚР Атом энергиясы жөніндегі агенттігінің төрағасы Алмасадам Сәтқалиев, ҚР Сыртқы істер министрінің орынбасары Әлібек Қуантыров, ҚР РФ Елшісі Дәурен Абаев, ҚР Жасанды интеллект және цифрлық даму вице-министрі Досжан Мұсалиев, "KAZAKH INVEST" ҰК" АҚ Басқарма төрағасы Сұлтанғали Кенжеқұлов, қазақстандық ұлттық компаниялар мен іскер топтардың өкілдері кірді.
Е.Нағаспаев "Сирек және стратегиялық минералдар: жерде сирек кездесетін металдар мен аса маңызды минералдар саласындағы дербестік және халықаралық ынтымақтастық" панельдік сессиясында сөз сөйледі.
А.Сәтқалиев "Мегақондырғылар: халықаралық ынтымақтастықтың жаңа физикасы" сессиясының жұмысына қатысты. Форум алаңында Е.Нағаспаев пен Д.Абаев РФ субъектілерінің басшылығымен кездесті.
Удмурт Республикасының Басшысы Александр Бречаловпен кездесу барысында өнеркәсіптік өнімдердің өзара саудасын арттыруға басты назар аударылды. Металл өңдеу, машина жасау, сондай-ақ электротехника мен мұнай-газ жабдықтарын өндіру салаларындағы бірлескен жобаларды іске асыру перспективалары талқыланды.
Башқұртстан Республикасы Үкіметінің Премьер-Министрі Андрей Назаровпен өңдеу өнеркәсібі секторындағы өзара іс-қимыл және бірлескен жобаларды іске асыру мәселелері талқыланды.
Сондай-ақ, Д.Абаев бірқатар Ресей өңірлерінің басшыларымен келіссөздер жүргізді.
Новгород облысының губернаторы Александр Дроновпен бірлескен жобаларды, оның ішінде "Новгородская" арнайы экономикалық аймағында жүзеге асыруға әзірлік танытылып, мемлекеттік органдар мен іскер топтар өкілдерінің өзара сапарларын ұйымдастыру туралы уағдаластыққа қол жеткізілді.
Тараптар білім беру саласындағы өзара іс-қимылға ерекше назар аударды. Атап айтқанда, Д.Серікбаев атындағы Шығыс Қазақстан техникалық университеті мен Ярослав Мудрый атындағы Новгород мемлекеттік университеті арасындағы табысты ынтымақтастық атап өтілді.
Д.Абаев А.Дроновқа ортақ тарихи естелікті сақтағаны үшін алғысын білдірді. Мәселен, Новгород облысындағы іздеу жасақтарының 35 жыл жұмысы нәтижесінде Ұлы Отан соғысы жылдарында өңір аумағында қаза тапқан 151 Қазақстан тумасының есімдері анықталды. Елші бұл бағытты, соның ішінде мектеп, студенттік және мемориалдық бағдарламалар аясында дамытуды қолдауға дайын екенін мәлімдеді.
Астрахан облысының губернаторы Игорь Бабушкинмен өзара іс-қимылдың ағымдағы деңгейіне жоғары баға берілді.
Өңір тарихи тұрғыдан екі мемлекет арасындағы сауда байланыстары мен мәдени диалогтың негізгі элементі болып табылады, сондай-ақ көлік-логистикалық торап ретінде және "Солтүстік - Оңтүстік" халықаралық көлік дәлізін дамытуда Қазақстанның жетекші серіктесі ретінде маңызды рөл атқарады.
"Атырау - Астрахань" автожолының күрделі жөндеуден өтуін аяқтау және жаңартылған "Құрманғазы" өткізу пункті ынтымақтастықты жандандыруға қуатты серпін болады.
Сондай-ақ, Д.Абаев И.Бабушкинге отандастарын жан-жақты қолдауға және Астрахан облысының аумағында қазақ халқының тарихи-мәдени мұрасын сақтауға ықпалы үшін алғысын білдірді.
Кездесуде Краснодар өлкесінің губернаторы Вениамин Кондратьев сауда-экономикалық қатынастардың оң динамикасын қанағаттанушылықпен атап өтті. Мәселен, 2026 жылдың бірінші тоқсанында өзара тауар айналымы 41% - ға өскен.
Көрме алаңдарында байланыстар белсенді дамуда. Тек KazBuild-тің (ірі қазақстандық халықаралық құрылыс және интерьер көрмесі) өзінде Кубань компаниялары $1,1 млн-ға келісімшарттар жасасты. Осы күзде өңірдің кәсіпорындары өз өнімдерін республикадағы көрмелерде тағы да ұсынбақшы.
Өз кезегінде, Қазақстан Кубань бизнесіне салықтық және әкімшілік преференцияларды көздей отырып, арнайы экономикалық аймақтардың инфрақұрылымына қолжетімділікті ұсынуға дайын.
Сондай-ақ, Краснодар өлкесі мен Қазақстанның бір өңірі арасында тікелей келісім жасасу туралы ұсыныс айтылды.
РФ субъектілерінің басшыларымен кездесулердің қорытындысы бойынша өзара тиімді ынтымақтастықты арттыруға барынша көмек көрсету туралы уағдаластықтарға қол жеткізілді.
Өз кезегінде, Қазақстан Кубань бизнесіне салықтық және әкімшілік преференцияларды көздей отырып, арнайы экономикалық аймақтардың инфрақұрылымына қолжетімділікті ұсынуға дайын.
Сондай-ақ, Краснодар өлкесі мен Қазақстанның бір өңірі арасында тікелей келісім жасасу туралы ұсыныс айтылды.
РФ субъектілерінің басшыларымен кездесулердің қорытындысы бойынша өзара тиімді ынтымақтастықты арттыруға барынша көмек көрсету туралы уағдаластықтарға қол жеткізілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан Бледтегі Халықаралық су форумында су саласындағы бастамаларын ілгерілетуде
Сурет: ҚР Сыртқы істер министрлігі
Қазақстанның Словениядағы Елшісі Алтай Әбибуллаев "Су және көгілдір экономика - су ресурстары саласындағы жаңа стратегиялар" тақырыбында өткен 11-ші Блед халықаралық су форумына (BWF) қатысты, деп хабарлайды Қазақстан Республикасы Сыртқы істер министрлігінің баспасөз қызметінен.
Форум Словения Президентінің жұбайы, BWF Қамқоршылық кеңесінің төрағасы Алеш Мусар мен Литваның бірінші ханымы Диана Науседененің қатысуымен өтті. Жиынға 60-тан астам елдің, соның ішінде ЕО мемлекеттерінің, Орталық және Шығыс Еуропа, Балқан аймағы, Кавказ, Орталық Азия, Таяу Шығыс, Латын Америкасы елдерінің, Сингапурдың бейінді агенттіктерінің сарапшылары мен өкілдері, сондай-ақ АЭХА (Атом энергиясы жөніндегі халықаралық агенттік) және басқа да халықаралық ұйымдардың, ғылыми институттар мен жеке сектордың өкілдері жиналды. Форум өзінің инновациялық тәсілдері үшін халықаралық марапаттар мен сыйлықтарға ие болып, лайықты танымалдылыққа ие болған.
Қазақстан Елшісі қатысушыларға арнаған сөзінде осы жылдың сәуір айында Астанада Орталық Азия, Кавказ мемлекеттері басшыларының және халықаралық серіктестердің қатысуымен өткен Өңірлік экологиялық саммиттің негізгі қорытындылары туралы айтып, бүгінгі таңда су мәселесі аймақтық және жаһандық қауіпсіздіктің негізгі элементі екенін атап өтті.
Алтай Әбибуллаев ҚР Президенті Қасым-Жомарт Тоқаевтың БҰҰ аясында Халықаралық су ұйымын құру туралы бастамасына және Саммит аясында өткен халықаралық консультациялардың бірінші кезеңінің қорытындыларына ерекше назар аударды. Бұл қадамдар жаһандық үйлестіруді күшейтуге, халықаралық су ресурстарын басқарудың тиімділігін арттыруға, бытыраңқылықты жоюға және Әбу-Дабиде өтетін БҰҰ-ның 2026 жылғы су жөніндегі конференциясына дайындық аясында неғұрлым үйлесімді әрі нәтижелі су күн тәртібін ілгерілетуге бағытталған.
Форумға қатысу ұлттық және аймақтық су күн тәртібін, Қазақстанның мамандандырылған су ұйымын құру жөніндегі бастамасын ілгерілетудегі, сондай-ақ халықаралық серіктестермен су ресурстары саласындағы бірлескен жобаларды жүзеге асыру бойынша ынтымақтастықты талқылаудағы маңызды қадам болды.
Мемлекет басшысының Халықаралық су ұйымын құру туралы бастамасы Форумның барлық қатысушылары арасында үлкен қызығушылық тудырды және іс-шара қорытындысы бойынша Қазақстан Блед халықаралық су форумының Сарапшылар кеңесінің құрамына ресми түрде шақырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бакуде ТМҰ мүше мемлекеттері ұлттық банктері кеңесінің екінші отырысы өтті
Сурет: cbar.az
Бакуде Түркі мемлекеттері ұйымына (ТМҰ) мүше мемлекеттердің орталық (ұлттық) банктері кеңесінің екінші отырысы өтті, деп хабарлайды Қазақстан Республикасы Сыртқы істер министрлігінің баспасөз қызметінен.
Отырысқа Әзербайжан, Қазақстан, Қырғызстан, Түркия, Өзбекстан, Мажарстан, Солтүстік Кипр Түрік Республикасы және ТМҰ Хатшылығының өкілдері қатысты.
Қазақстанның Әзербайжандағы Елшісі Әлім Байел Қазақстан Ұлттық Банкінің Төрағасы Тимур Сүлейменовтің атынан отырыс қатысушыларына құттықтау сөз сөйлеп, түркі мемлекеттерінің орталық банк ісі саласындағы ынтымақтастығына жоғары баға берді. Сонымен қатар, Қазақстан Ұлттық Банкінің өкілдері Кеңес мүшелерін еліміздің негізгі ақша-кредиттік реттеушісінің ағымдағы қызметі туралы хабардар етті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Кишиневте Молдова-Қазақстан іскерлік кеңесінің кеңсесі ашылды: экономикалық серіктестікке жаңа серпін
Сурет: gov.kz
Молдова астанасында Молдова-Қазақстан Іскерлік Кеңесі кеңсесінің ресми ашылу рәсімі өтті, деп хабарлайды Қазақстан Республикасы Сыртқы істер министрлігінің баспасөз қызметінен.
Салтанатты іс-шараға Молдова Республикасының Ауыл шаруашылығы және тамақ өнеркәсібі министрі Людмила Катлабуга (екіжақты үкіметаралық комиссияның тең төрағасы), бейінді министрліктер мен ведомстволардың, жетекші іскерлік қауымдастықтардың өкілдері, Парламент депутаттары, сондай-ақ қазақстандық және молдовалық компаниялардың басшылары қатысты.
Қазақстан Республикасының Молдова Республикасындағы Елшісі Алмат Айдарбеков бұл оқиғаның маңыздылығын атап өтіп, кеңсенің ашылуы экономикалық өзара іс-қимылды нығайту, бірлескен инвестициялық жобаларды ілгерілету және кәсіпкерлер арасындағы байланыстарды кеңейту үшін қосымша институционалдық алаң болатынын жеткізді. Сонымен бірге, Елші Кеңес жүйелі ынтымақтастықты орнатуға және іскерлік бастамаларды қолдаудың тиімді тетіктерін жасауға мүмкіндік беретініне сенім білдірді.
МР Ауыл шаруашылығы және тамақ өнеркәсібі министрі Л.Катлабуга қатысушыларды құттықтап, жаңа платформаның аграрлық сектор үшін стратегиялық маңыздылығына назар аударды. Ол Қазақстанды Молдова үшін перспективалы әрі ауқымды нарық деп атап, өзара тауар жеткізуді арттыру, агроөнеркәсіптік кешен саласындағы озық технологиялармен алмасу және бірлескен инвестициялық жобаларды іске асыру үшін зор әлеует бар екенін атап өтті. Министр бұл Кеңестің екі елдің бизнесі үшін сенімді көпір болатынына сенім білдірді.
Молдова-Қазақстан Іскерлік Кеңесінің төрағасы Тұңғат Әбілқасымов жаңа құрылымның практикалық міндеттерін айқындады. Ол кеңсенің басты мақсаты - ынтымақтастық әлеуетін нақты келісімшарттар жазықтығына көшіру екенін мәлімдеді. Сондай-ақ, ол Кеңестің кедергілерді азайту және бірлескен кәсіпорындарды іске қосуды жеделдету үшін барынша ақпараттық және ұйымдастырушылық қолдау көрсетуге дайын екенін айтты.
Ашылу рәсімі аясында қатысушыларға Қазақстанның инвестициялық және экспорттық әлеуеті егжей-тегжейлі таныстырылды. Іскерлік топтардың өкілдері ынтымақтастық перспективаларын талқылады, ал іс-шара бірқатар екіжақты меморандумдарға қол қоюмен аяқталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Мемлекет басшысы Дания Короліне құттықтау жеделхатын жолдады
Сурет: Akorda
Қасым-Жомарт Тоқаев Король X Фредерикті Дания Корольдігінің ұлттық мерекесі - Конституция күнімен құттықтады, деп хабарлайды Ақорданың баспасөз қызметінен.
Қазақстан Президенті аталған мереке Дания халқы үшін демократиялық құндылықтардың, қоғамдық келісімнің және орнықты дамудың символы ретінде ерекше маңызға ие екенін атап өтті.
Мемлекет басшысы достық пен өзара қолдау рухындағы қазақ-дат байланыстары одан әрі нығая беретініне сенім білдірді.
Қасым-Жомарт Тоқаев Король X Фредериктің жауапты мемлекеттік қызметіне толайым табыс, ал достас Дания халқына бақ-береке тіледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда санитарлық-техникалық жабдықтар шығаратын зауыт салынуда
Сурет: gov.kz
Қазақстан Республикасы Сыртқы істер министрлігінің Инвестиция комитетінің төрағасы Ғабидолла Оспанқұлов Roca Group компаниясының өкілдерімен кездесті, деп хабарлайды Қазақстан Республикасы Сыртқы істер министрлігінің баспасөз қызметінен.
Компаниялар тобы санитарлық-техникалық өнімдерді өндірумен айналысады. Компания ванна, санитарлық керамика, душ науалары, крандар, аксессуарлар және жиһазды қоса алғанда, жуынатын бөлме өнімдерінің толық спектрін шығарады.
Жоба сантехникалық бұйымдар мен жуынатын бөлме аксессуарларын шығаратын және құрастыратын елдегі алғашқы зауыт болмақ.
Қызылорда қаласындағы зауыттың іргетасы жақында қаланды. Жоспарланған инвестиция көлемі 44,1 млрд теңгені құрайды, өндірістік қуаты 500 000 бірлікке жетеді. Шамамен 300 тұрақты жұмыс орны құрылады.
Кездесу барысында тараптар жобаның ағымдағы жағдайы мен одан әрі жүзеге асыру жоспарларын талқылады.
Ғабидулла Оспанқұлов салық жеңілдіктерін қоса алғанда, мемлекеттік қолдау шаралары және Қазақстанның инвестициялық ахуалының артықшылықтары туралы айтты.
Келіссөздерден кейін қатысушылар диалогты жалғастыруға және ынтымақтастықты дамытуға деген міндеттемелерін растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астана мен Браззавиль сауда-экономикалық ынтымақтастықтың басты бағыттарын айқындады
Сурет: gov.kz
Қазақстан Республикасының Елшісі Жан Ғалиевтің Конго Республикасына сапары барысында үкімет мүшелерімен және іскер топ өкілдерімен бірқатар кездесулері өтті, деп хабарлайды Қазақстан Республикасы Сыртқы істер министрлігінің баспасөз қызметінен.
Атап айтқанда Конго сыртқы саяси ведомствоның басшысы Констан-Серж Бундамен, Телекоммуникация және цифрлық экономика министрі Нгема Нземен, Қаржы және бюджет министрі Кристиан Йокамен және Ұлттық қорғаныс министрлігінің Стратегиялық мәселелер және әскери ынтымақтастық жөніндегі бас директоры Жан Эме Инюмбамен келіссөздер орын алды.
Қазақстанның цифрландыру және жасанды интеллект, телекоммуникация, энергетика, көлік-логистикалық инфрақұрылымды дамыту, қаржылық технологиялар және банк ісі саласындағы тәжірибесі мен жетістіктері Конго Республикасының ерекше қызығушылығын тудырды. Браззавиль Орталық Африканың бүкіл аймағы үшін Қазақстаннан астық пен тыңайтқыштар импорттау мүмкіндіктерін зерделеуде. Сондай-ақ конголездік жастарды Қазақстанның білім беру мекемелеріне оқуға жіберу туралы тілек білдірілді.
Браззавиль Президент Қ.Тоқаевтың БҰҰ құрылымында Халықаралық су ұйымын құру туралы бастамасын қолдайды. Сыртқы істер министрі К.-С.Бунда су қауіпсіздігі тақырыбы барлық елдер үшін, әсіресе Африка үшін өте маңызды мәселе екенін атап өтті.
Қазақстан Елшісінің Конго Республикасына сапары конголездік бизнестің жетекші өкілдерінің бірі, көпсалалы компанияның Бас директоры Серж Муйимен өткен кездесумен аяқталды. Туризм және сауда салаларындағы, атап айтқанда мемлекеттік-жекеменшік серіктестік шеңберіндегі бизнес-ынтымақтастықтың келешегі талқыланды.
Барлық сұхбаттасушылар екі елдің стратегиялық маңызды географиялық жағдайы бар екенін және аймақтық хабтар болып табылатынын, оларды Орта дәліз және Пуэнт-Нуар теңіз порты арқылы байланыстыру сауда-экономикалық серіктестік мүмкіндіктерін айтарлықтай кеңейте алатынын растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ҚР Сыртқы істер министрлігінде Қазақстан - Қытай ынтымақтастығының өзекті мәселелері талқыланды
Сурет: gov.kz
Қазақстан Республикасы Сыртқы істер министрінің орынбасары Әлібек Бақаев Қытайдың Қазақстандағы Елшісі Хань Чуньлиньмен кездесу өткізді, деп хабарлайды Қазақстан Республикасы Сыртқы істер министрлігінің баспасөз қызметінен.
Келіссөздер барысында тараптар қазақ-қытай ынтымақтастығының түрлі салалардағы өзекті мәселелерін талқылап, оны одан әрі дамыту перспективалары туралы пікір алмасты.
Қазақстанға мамырдың соңы - маусымның басында жүзеге асырылған ҚХР Бүкілқытайлық халық өкілдері жиналысы Тұрақты комитетінің Төрағасы Чжао Лэцзидің, Қытай Коммунистік партиясы Орталық комитетінің Саяси-құқықтық комиссиясының хатшысы Чэнь Вэньциннің, ҚХР Қоғамдық қауіпсіздік министрі Ван Сяохунның, сондай-ақ ҚХР-дың Гонконг Арнайы әкімшілік ауданының басшысы Джон Лидің сапарларының қорытындылары бойынша қол жеткізілген уағдаластықтарға ерекше назар аударылды.
Сонымен қатар, сұхбаттасушылар 2026 жылы жоспарланған алдағы биік және жоғары деңгейдегі іс-шаралардың кестесін жеке талқылады.
Кездесудің соңында тараптар екіжақты ынтымақтастықтың өзекті мәселелері бойынша Қазақстан Сыртқы істер министрілігі мен Қытай Елшілігі арасында тұрақты байланыстарды жалғастыруға уағдаласты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.