Бакуде ТМҰ мүше мемлекеттері ұлттық банктері кеңесінің екінші отырысы өтті
Сурет: cbar.az
Бакуде Түркі мемлекеттері ұйымына (ТМҰ) мүше мемлекеттердің орталық (ұлттық) банктері кеңесінің екінші отырысы өтті, деп хабарлайды Қазақстан Республикасы Сыртқы істер министрлігінің баспасөз қызметінен.
Отырысқа Әзербайжан, Қазақстан, Қырғызстан, Түркия, Өзбекстан, Мажарстан, Солтүстік Кипр Түрік Республикасы және ТМҰ Хатшылығының өкілдері қатысты.
Қазақстанның Әзербайжандағы Елшісі Әлім Байел Қазақстан Ұлттық Банкінің Төрағасы Тимур Сүлейменовтің атынан отырыс қатысушыларына құттықтау сөз сөйлеп, түркі мемлекеттерінің орталық банк ісі саласындағы ынтымақтастығына жоғары баға берді. Сонымен қатар, Қазақстан Ұлттық Банкінің өкілдері Кеңес мүшелерін еліміздің негізгі ақша-кредиттік реттеушісінің ағымдағы қызметі туралы хабардар етті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Сербия Президенті Қазақстанмен ынтымақтастықты одан әрі нығайтуға бейілділігін растады
Сурет: ҚР СІМ
Кездесу барысында Сербия басшысы Қазақстан мен Сербия арасындағы екіжақты қарым-қатынастардың қарқынды дамып келе жатқанын атап өтіп, Белградтың Астанамен байланыстарын одан әрі нығайтуға мүдделі екенін растады. Бұл туралы Қазақстанның Сербиядағы Елшісі Мәди Атамқұловты Сербия Президенті Александр Вучич дипломатиялық миссиясының аяқталуына байланысты қабылдауында мәлім етті, деп хабарлайды ҚР СІМ баспасөз қызметінен.
Министрліктің хабарлауынша, А.Вучич Қазақстан Президенті жүргізіп отырған саясатқа және оның жоғары кәсібилігіне ерекше құрмет білдіріп, еліміздегі конституциялық реформаларды, сондай-ақ, экономикалық, технологиялық және әлеуметтік салалардағы үлгілі жетістіктерді атап өтті.
Сербия президенті соңғы жылдары екі ел арасындағы әріптестік жаңа деңгейге шыққанын және Елші М.Атамқұловтың екі ел арасындағы саяси диалогты, сауда-экономикалық, мәдени-гуманитарлық және инвестициялық ынтымақтастықты нығайтудағы қажырлы еңбегіне жоғары баға берді.
А.Вучич ҚР Президенті Қ.Тоқаевпен өткен келіссөздердің қорытындысы бойынша қол жеткізілген уағдаластықтарға тоқталып, Белград қаласында "Қазақстан" қонақ үй кешенінің құрылысын бастау мәселесін жеке бақылауда ұстап отырғанын хабарлады.
Өз кезегінде Елші М.Атамқұлов Сербия Президентіне Қазақстанмен көпқырлы ынтымақтастықты нығайтуға, сондай-ақ, Қазақстанның Белградтағы дипломатиялық өкілдігінің қызметіне тұрақты қолдау көрсетіп, ерекше көңіл бөлгені үшін алғыс айтты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық оқушылар Халықаралық химия олимпиадасында бір алтын және үш күміс медаль жеңіп алды
Сурет: ҚР Өзбекстандағы елшілігі
Қазақстандық оқушылар Ташкент қаласында өткен 58-ші Халықаралық химия олимпиадасында (IChO) бір алтын және үш күміс медаль жеңіп алды, деп хабарлайды Қазақстанның Өзбекстандағы елшілігінен.
Алтын медальді Айзере Жеңісханова иеленді. Күміс жүлдегерлер қатарында Ансар Жақсылықов, Әбілмансұр Қали және Данил Полетаев бар.
Қазақстан құрамасының жетекшілері әрі жаттықтырушылары Ануар Нұртазин мен Санжар Бегдаир болды.
Елшілік оқушыларды, олардың жаттықтырушылары мен ата-аналарын табысты өнер көрсетулерімен құттықтап, ұлттық құрамаға жаңа ғылыми жетістіктер, жарқын жеңістер және халықаралық олимпиадаларда толағай табыс тіледі.
Халықаралық химия олимпиадасы 1968 жылдан бері өткізіліп келеді және мектеп оқушылары арасындағы ең ірі әрі ең беделді зияткерлік жарыстардың бірі саналады. Биылғы олимпиадаға әлемнің 90-нан астам елінен 300-ден астам оқушы қатысты. Келесі олимпиада 2027 жылы Қытайда өтеді деп жоспарлануда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
БҰҰ-ның Ливандағы бітімгерлік миссиясының базасында Қазақстанның Мемлекеттік Туы көтерілді
Сурет: ҚР ҚМ
БҰҰ-ның Ливандағы Уақытша күштерінің (UNIFIL) базасында Қазақстан Республикасының Мемлекеттік туын көтеру рәсімі салтанатты түрде өтті, деп хабарлайды ҚР Қорғаныс министрлігінің баспасөз қызметінен.
Іс-шараға Үндістан батальонының әскери қызметшілері мен Қазақстанның бітімгерлік контингенті қатысты. Қазақстан, Үндістан және БҰҰ әнұрандары орындалғаннан кейін Үндістан батальонының қолбасшысы қазақстандық контингенттің қолбасшысына UNIFIL естелік белгісін табыстады.
Мемлекеттік туды көтеру рәсімі - UNIFIL миссиясының дәстүрлерінің бірі. Бұл рәсім ұлттық контингенттің база аумағында ресми түрде қызметін бастағанын білдіреді және олардың халықаралық міндеттерді орындауға дайын екенінің белгісі саналады.
Қазақстаннан 11 бітімгер Ливанға БҰҰ-ның Уақытша күштері (UNIFIL) құрамында қызмет атқару үшін барғанын естеріңізге саламыз. Олар алты ай бойы бітімгерлік міндеттерін орындайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Әзербайжан Алят портында бірлескен терминал салуға кіріседі
Қазақстан мен Әзербайжан Алят портында бірлескен интермодальды терминал салуға дайындалуда. Бұл мәселені Қазақстанның Әзербайжандағы елшісі Әлім Байел мен Әзербайжан көлік-коммуникация холдингінің атқарушы директоры Шахин Бабаев талқылады, деп хабарлайды елшіліктің баспасөз қызметінен.
Әзербайжан тарапы қазіргі уақытта Баку портының даму жөніндегі бас жоспарын жаңарту аяқталуға таяп қалғандығын, кейіннен терминал құрылысы басталатынын мәлімдеді. Жобаны іске асыру туралы келісімге 2024 жылы екі ел басшыларының қатысуымен қол жеткізілген болатын.
Сонымен қатар, тараптар Транскаспий халықаралық көлік бағытын (ТХКБ) дамыту және басқа да бірлескен көлік-логистикалық жобаларды талқылады.
Кездесу барысында Қазақстанның Баку кеме жасау зауытына екі құрғақ жүк кемесін салуға тапсырыс бергені атап өтілді. Өз кезегінде Әзербайжан Қазақстанда өндірілген локомотивтерді сатып алу мүмкіндігін қарастыруда. Бұған дейін, Қазақстан Әзербайжанға 2015-2022 жылдары 50 локомотив жеткізген болатын.
Кездесу қорытындысы бойынша тараптар көлік саласындағы ынтымақтастықты одан әрі дамытуға және екі елдің Еуразиядағы негізгі транзиттік тораптар ретіндегі рөлін нығайтуға мүдделі екендерін растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қырғызстанда ШЫҰ елдерінің кинофестивалі ашылды
Қырғызстанда Шанхай ынтымақтастық ұйымына (ШЫҰ) мүше елдердің кинофестивалінің ашылу салтанаты өтті, деп хабарлайды ұйымның баспасөз қызметінен.
Халықаралық кинофорумға ШЫҰ-ға мүше мемлекеттердің ресми делегациялары, сондай-ақ режиссерлер, актерлер, продюсерлер және киноиндустрия өкілдері қатысуда.
Фестивальдің байқау бағдарламасына сегіз толықметражды фильм енген. Сонымен қатар, байқаудан тыс көрсетілімдер, ретроспективалық көрсетілімдер және мәдени іс-шаралар ұйымдастырылады.
Қырғызстанның мәдениет министрі Мирбек Мамбеталиев кино өнері мәдени-гуманитарлық ынтымақтастықтың маңызды құралы екенін және халықтар арасындағы байланысты нығайтуға ықпал ететінін атап өтті. Оның айтуынша, фестиваль шығармашылық тәжірибе алмасуға, бірлескен киноөндірісті дамытуға және халықаралық жобаларды жүзеге асыруға арналған кәсіби алаңға айналады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Жамбыл облысы шетелдік инвесторларға инвестициялық әлеуетін таныстырды
Сурет: ҚР СІМ
Тараз қаласында отандық және шетелдік инвесторлардың қатысуымен өңірлік инвестициялық штабтың отырысы өтті, деп хабарлайды Қазақстан Республикасының Сыртқы істер министрлігінен.
Ә. Қуантыров Мемлекет басшысының тапсырмасына сәйкес өңірлік инвестициялық штабтар инвесторлардың мәселелерін, оның ішінде "қолмен басқару" режимінде жедел шешуге арналған тиімді алаңға айналуға тиіс екенін атап өтті. Сонымен қатар, Үкімет алдында 2029 жылға қарай ұлттық экономика көлемін 450 млрд АҚШ долларына дейін жеткізу және кемінде 150 млрд АҚШ доллары көлемінде тікелей шетелдік инвестиция тарту жөніндегі стратегиялық міндет тұрғанын айтты.
Ол бүгінде біз облыстың жекелеген инвестициялық жобаларды іске асырудан экономиканың тұтас салаларын жүйелі дамытуға белсенді көшіп жатқанын атап өтті. Қосылған құны жоғары жаңа өндірістік тізбектер қалыптасуда, шикізатты терең өңдеу және экспортқа бағытталған өндірістерді дамыту үшін қажетті жағдайлар жасалуда.
Бүгінде өңірдің инвестициялық портфелі жалпы құны 5,6 трлн теңгені құрайтын 116 жобаны қамтиды. Олар шамамен 20 мың жұмыс орнын құруды көздейді және негізінен өнеркәсіп, агроөнеркәсіптік кешен мен энергетика салаларында жүзеге асырылуда. 2026 жылдың бірінші жартыжылдығының қорытындысы бойынша негізгі капиталға салынған инвестициялар көлемі 505,9 млрд теңгені құрап, өткен жылдың сәйкес кезеңімен салыстырғанда 59,2%-ға өсті.
Жұмыс сапары аясында Әлібек Қуантыров "Тазабек-Досжан" шаруа қожалығында, "Тараз" индустриялық аймағында, "Aqtas Group" ЖШС зауытында, сондай-ақ "Алель Агро" АҚ құс фабрикасында болды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.