Қазақстанның Бейжіңдегі мәдени орталығында "Қазақстан Республикасындағы конституциялық реформалар" тақырыбында дөңгелек үстел өтті, деп хабарлайды Қазақстан Республикасы Сыртқы істер министрлігінің баспасөз қызметінен.
Іс-шара Қытайдағы қазақстандық студенттер қауымдастығының (KSAC) ұйымдастыруымен және ҚР-дың ҚХР-дағы Елшілігі мен Қазақстанның Бейжіңдегі мәдени орталығының қолдауымен өтті.
Кездесу Қытайдың жетекші университеттерінің магистранттарын, докторанттарын, жас зерттеушілері мен студенттік орта өкілдерін біріктірді. Іс-шара барысында жастарды мемлекеттік өзгерістерді талқылауға тартудың, белсенді азаматтық ұстанымды қалыптастырудың және отанындағы қоғамдық-саяси үдерістерге қызығушылықты арттырудың маңыздылығы аталып өтті.
Дөңгелек үстел аясында қатысушылар парламенттік жүйені дамыту, азаматтардың құқықтары мен бостандықтарының кепілдіктерін нығайту және мемлекеттік басқару тетіктерін жетілдіруді қамтитын конституциялық реформалардың негізгі бағыттарына арналған мазмұнды баяндамалар ұсынды.
Сонымен қатар, жастар алмасу, білім беру, ғылым және гуманитарлық өзара іс-қимыл саласындағы қазақ-қытай ынтымақтастығының өзекті мәселелеріне ерекше назар аударылды.
Пікірталас барысында іс-шараға қатысушылар Қазақстанда жүргізіліп жатқан реформалардың әділетті, теңгерімді және адам құндылығына бағытталған мемлекет құрудың маңыздылығын атап өтті. Сондай-ақ, жастар елдің қоғамдық және сараптамалық өміріне белсенді қатысуға қызығушылық білдірді.
KSAC - ҚР-дың ҚХР-дағы Елшілігінің қолдауымен 2012 ж. құрылған Қытайдағы қазақстандық студенттер қауымдастығы. Қауымдастық Қытайдың көптеген ірі қалаларында, оның ішінде Бейжің, Шанхай, Сиань, Гуанчжоу және т.б. қалаларда өз өкілдіктеріне ие.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.