Система Orphus

Алматы әкімдігінде жанармай бекеттеріндегі дизель отынының тапшылығына қатысты жағдай туралы түсінік берілді

16.08.2022, 15:37 10201
Алматы әкімдігінде жанармай бекеттеріндегі дизель отынының тапшылығына қатысты жағдай туралы түсінік берілді
АЛМАТЫ. 16 ТАМЫЗ - Алматы қаласының әкімдігі Энергетика министрлігімен бірлесіп, ірі жанармай құю станцияларының желілеріне дизельдік отынның үздіксіз жеткізілуін қамтамасыз етуге көмек көрсетіп жатыр.
 
Мегаполистегі жанармай құю станцияларына дизельдік отын үш қазақстандық мұнай өңдеу зауытынан (Павлодар, Атырау, Шымкент) жеткізіледі.
 

Алматы қаласының Кәсіпкерлік және инвестициялар басқармасы көтерме жеткізушілермен бірлесіп, тұрғындарды қажетті көлемде дизельдік отынмен қамтамасыз ету мәселесін пысықтауда. Дүрбелеңді болдырмау мақсатында мұнай базалары мен жанармай құю бекеттеріндегі дизельдік отынның келісім-шарттық көлемдерінің қорларына тұрақты мониторинг жүргізілуде, жол бойында дизельдік отынмен қамтамасыз етуде іркілістерді болдырмау үшін "ҚТЖ" ҰК" АҚ-мен келісім бар. Мегаполисті дизельдік отынмен қамтамасыз ету мәселесі ерекше бақылауда", - деп хабарлады әкімдіктен.

 
Қалада тұтыну көлемінің өсуі басқа аймақтардан келетін ауыр транзиттік көлік иелерінің дизельдік отынға сұранысының артуына байланысты орын алған.
 
Бүгінде Алматыда 220 жанармай құю бекеті жұмыс істейді. Оның 80 проценті алты ірі компанияға тиесілі. 
 
Ақпарат көзі: inform.kz
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

Ең көп оқылғаны