Система Orphus

Алматыда 8 жаңа мектеп пен екі балабақша салынады

16.04.2021 15067
Алматыда 8 жаңа мектеп пен екі балабақша салынады
АЛМАТЫ. 16 СӘУІР - Алматы қаласының билігі мен құрылыс салушылар қалада қолайлы инфрақұрылым құру үшін күш біріктіреді. Атап айтқанда, Алматыда биыл 8 жаңа мектеп салынып, 17 мектеп кеңейтіледі және 400 орындық екі балабақша салынады, деп хабарлайды KAZAKHSTAN TODAY Алматы қаласы әкімдігінің баспасөз қызметіне сілтеме жасап.
 
Бүгін онлайн-брифинг барысында жайлы қалалық орта басқармасының басшысы Сапар Нұрашев хабарлағандай, 2020 жылы 18 білім беру нысанының құрылысы аяқталды, соның арқасында 3 817 оқушы және 240 мектепке дейінгі орын құрылды. 8 нысан бойынша қолданыстағы ғимараттарды қайта құру және сейсмикалық күшейту бойынша жұмыстар орындалды.
 

Ағымдағы жылы 12 600 орындық 8 жаңа мектеп, 8 263 орындық 17 қосалқы құрылыс, 400 орындық 2 жаңа балабақша салынуда. Бұдан басқа, 14 объектіде қайта жаңарту және сейсмикалық күшейту жұмыстары жүргізіледі. Осылайша, 41 нысанда құрылыс, жөндеу немесе қайта құру жұмыстары жүргізіледі", - деді Алматы қаласы әкімдігінің басқарма басшысы.

 
Спикердің айтуынша, Алматыдағы барлық жаңа мектептер заманауи әлемдік стандарттарды ескере отырып, білім беру мекемелерінің құрылысы саласындағы жаңа әзірлемелерді қолдана отырып салынуда.
 
Сапар Нұрашев қосымша білім беру нысандарының құрылысын өте маңызды деп санайды. Мысалы, "Жаңа Алматы" кешенді жоспарын жүзеге асыру аясында 2021 жылы Алатау және Наурызбай аудандарында инновациялық шығармашылықтың 2 орталығы - Оқушылар үйінің құрылысы қарастырылған. Бүгінгі таңда жобалық-сметалық құжаттама әзірленуде.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны