Алматыда демалыс күндері мониторингтік топтар карантиндік шектеулердің 30-дан астам бұзылуын анықтады
Демалыс күндері мониторингтік топтар күшейтілген режимде жұмыс істеді.
АЛМАТЫ. 7 МАУСЫМ - Мониторингтік топтар 4-7 маусым аралығында Алматыда карантиндік шектеулердің 30-дан астам бұзылуын анықтады, деп хабарлайды KAZAKHSTAN TODAY Алматы қаласы әкімдігінің баспасөз қызметіне сілтеме жасап.
Өңірлік коммуникациялар қызметі хабарлағандай, демалыс күндері мониторингтік топтар күшейтілген режимде жұмыс істеді. Алматыда 4-7 маусым аралығында белгіленген шектеулерді бұзған 36 жағдай анықталды.
Айта кетсек, Алматыда 4-інен 5-ші маусымға қараған түні белгіленген шектеуді бұзған 19 жағдай анықталды.
Тәртіп бұзғандар тізімінде: Әуезов ауданындағы "Достар сарайы" мейрамханасы 150 адамға арналған үйлену тойын өткізген. Сол уақытта Бостандық ауданына қарасты Han Sarai мейрамханасында да той өткен. Медеу ауданында The Monkey кафесінде 150-ге жуық адам болса, "Небо" барында да 120-ға жуық адам жиналып, заңбұзушылыққа жол берген.
5-інен 6-шы маусымға қараған түні тексерушілердің мобильдік тобы белгіленген шектеуге бағынбаған 14 жағдайды анықтады. Наурызбай ауданындағы "Ильхам" мейрамханасында 150 адамға есептелген салтанатты іс-шара өткен.
Бостандық ауданының тексерушілері "Hide Park" ойын-сауық паркінің фудкортында 150-ге жуық адамның жиналғанын анықтады.
Медеу ауданында ішінде 150-ге жуық адам болған "Атмосфера" мейрамханасын анықтады. Тағы бір заң бұзушылық 200 адам жиналған "Лейд Найд шоуда" анықтады.
6-нан 7-ші маусымға қараған түні мегаполисте 3 заң бұзушылық тіркелді. "Дос" компьютерлік клубында 40-қа жуық адам болса, Медеу ауданындағы "Пинта" барында да 100-ге жуық адам жиналып, заңбұзушылыққа жол берген.
Осы жылдың 20 наурызы мен 7 маусым аралығында барлық белгіленген шектеулерді бұзған 1088 жағдай анықталды.
Алматы әкімдігі қала тұрғындары мен қонақтарын карантин режимін қатаң сақтауға, жұқтыру қаупін азайту мақсатында салтанатты іс-шараларға, адам көп жиналатын жерден аулақ болуға шақырады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстанда байланыс қызметтерін көрсету ережелері өзгерді
Сурет: Depositphotos
ҚР Жасанды интеллект және цифрлық даму министрлігі байланыс қызметтерін көрсету қағидаларына маңызды өзгерістер енгізді. Жаңа нормалар 28 маусымнан бастап күшіне енеді.
Енді байланыс операторлары қосымша ақылы байланыс және интернет қызметтерін абоненттің екі мәрте келісімін алғаннан кейін ғана қоса алады. Келісімді жеке кабинет, SMS-хабарлама, қоңырау немесе USSD-сұрау арқылы растауға болады.
Сонымен қатар, операторларға қабылданбаған қоңыраулар туралы хабарлау үшін қысқа "маяк" қоңырауларын пайдалануға тыйым салынды. Оның орнына абоненттерге SMS-хабарламалар жіберіледі.
Сондай-ақ пайдаланушылар байланыс операторларының жарнамалық және ақпараттық хабарламаларынан бас тарта алады.
Өзгерістер 14 жасқа толмаған балаларға арналған SIM-карталарды тіркеу тәртібіне де қатысты. Енді балаға нөмірді тек оның заңды өкілдері биометриялық сәйкестендіру арқылы рәсімдей алады. Сонымен қатар бір кәмелетке толмаған балаға тек бір ғана нөмір тіркеуге рұқсат етіледі.
Министрліктің мәліметінше, енгізілген өзгерістер тұтынушылардың құқықтарын қорғауға және цифрлық қызметтердің сапасын арттыруға бағытталған.
Бұған дейін Мәжіліс депутаты Олжас Нұралдинов мобильді операторлардың жасырын қаражат есептен шығаруы, таңылатын қызметтер мен тарифтердің ашық еместігіне байланысты абоненттерден көптеген шағым түсіп жатқанын мәлімдеген болатын. Оның айтуынша, пайдаланушылардың нақты келісімінсіз ақылы сервистер қосылып, абоненттер автоматты түрде қымбатырақ тарифтерге ауыстырылып жатады. Депутат абоненттердің құқықтарын қорғауды күшейтіп, операторларды барлық қосылған қызметтер мен қаражат есептен шығарулар туралы толық ақпарат беруге міндеттеуді ұсынған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қоғамдық орындарда беттерін жапқан 1600-ден астам азамат жауапкершілікке тартылды
Сурет: Depositphotos
Ішкі істер министрлігі қоғамдық орындарда адамның түр-сипатын тануға кедергі келтіретін киімдерді киюге тыйым салынғанын еске салады.
Қазіргі уақытта аталған құқық бұзушылық үшін 1613 азамат әкімшілік жауапкершілікке тартылған.
Бұл талап "Құқық бұзушылық профилактикасы туралы" заңда көзделген. Тыйым ауа райы жағдайларына және медициналық ұсынымдарға қатысты қолданылмайды. Сондай-ақ қызметтік міндеттерді атқару, спорттық және мәдени іс-шараларға қатысу кезінде де тыйым салынбайды.
ӘҚБтК-нің 434-3-бабына сәйкес, алғаш рет құқық бұзғандарға ескерту жасалады. Бір жыл ішінде қайталанса, 10 АЕК көлемінде айыппұл салынады.
ІІМ бұл талап қоғамдық қауіпсіздікті қамтамасыз етуге бағытталғанын атап өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
"Қазыналы Каспий" халықаралық фестиваліне 5 мыңнан астам атыраулық қатысты
Сурет: gov.kz
Мәдени-көпшілік шаралардың негізгі алаңына айналған "Жастар" саябағы балық шаруашылығы дәстүрлері мен өңірдің гастрономиялық мәдениетіне арналған “Қазыналы Каспий” халықаралық фестиваліне 5 мыңнан астам қала тұрғыны жиналды, деп хабарлайды Атырау облысының әкімдігі.
Облыс әкімінің орынбасары Марат Мурзиев танысып, мұндай шаралардың халықаралық ынтымақтастықты нығайтуға, Каспий маңында елдердің туристік әлеуетін арттыруға және балық шаруашылығын кеңінен насихаттауға ықпал ететінін атап өтті.
Фестиваль аясында Жайық өзенінің биоресурстарын толықтыру мақсатында экологиялық акция ұйымдастырылып, 3 мың бекіре тұқымдас балық шабағы өзенге жіберілді.
Мерекелік бағдарламаның көркін өзендегі кемелер шеруі қыздырды. Әлиев көпірінен Тұрғындар қалашығындағы көпірге дейін Жайық өзенімен 50 кеме мен қайық салтанатты сап түзеп өтті.
Сондай-ақ кәсіби аспаздар арасында өткен шеберлік байқауы да көпшіліктің қызығушылығын тудырды.
Біз жергілікті балықтардан әзірленген авторлық тағамдарымызды ұсындық. Атап айтқанда, көксеркеден дайындалған салат, жаңа ауланған балық сорпасы және қызыл балықтан жасалған ыстық тағам әзірледік. Енді қазылар алқасының бағасын күтіп отырмыз. Осындай іс-шаралар бізді кәсіби тұрғыдан дамуға және шеберлігімізді шыңдауға ынталандырады", - деді бас аспаз Исламбек Ұзақберген.
Фестиваль аумағында балық өнімдерінің жәрмеңкесі мен гастрономиялық алаң жұмыс істеп, тұрғындар мен қала қонақтары жергілікті өнімдермен танысты.
Жастар арасында Fish Dance Battle би сайысы ұйымдастырылса, бүлдіршіндерге "Каспий теңізінің қарақшылары" атты театрландырылған қойылым ұсынылды.
Фестиваль жергілікті өнерпаздардың қатысуымен өткен мерекелік концертпен қорытындыланды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Emirates әуе компаниясы Алматы мен Дубай арасында жүк рейстерін іске қосты
Сурет: Depositphotos
Алматы мен Дубай арасында енді жүк тасымалымен айналысатын ұшақтар қатынайды, деп хабарлайды Қазинформ.
2026 жылдың 16 маусымында Emirates SkyCargo компаниясы Дубай – Алматы бағыты бойынша Boeing 777F ұшағымен алғашқы жүк тасымалын жасады.
Алматы халықаралық әуежайының мәліметінше, алғашқы жүк рейсін орындаған ұшақ авиациядағы дәстүр бойынша су доғасымен қарсы алынған. Қызметкерлер экипаж мүшелерін салтанатты түрде күтіп алып, тұсаукесер рәсімін өткізген.
Алматы – Дубай – Алматы бағыты бойынша апталық жүк рейстері әр сейсенбі күні орындалады. Әуе компаниясы аптасына 100 тоннадан астам жүк тасымалдау мүмкіндігін қамтамасыз етеді. Бұл Алматы мен халықаралық нарықта электроника, тез бұзылатын өнімдер, өнеркәсіптік жабдықтар және басқа да тұтыну тауарларын қоса алғанда, әртүрлі жүк түрлерін тиімді әрі үздіксіз тасымалдауға мүмкіндік береді", - деп хабарлады әуежайдан.
Алматы Emirates SkyCargo компаниясының Орталық Азиядағы алғашқы бағытына айналған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.