Еліміздің СІМ АҚШ-та терроризмге қатысы бар деген күдікпен ұсталған жерлесімізге қатысты пікір білдірді
Еліміздің Сыртқы істер министрлігі АҚШ-та терроризмге қатысы бар деген күдікпен ұсталған Қазақстан азаматы туралы ақпараттан хабардар екенін мәлімдеді.
Қазіргі уақытта тексеру жүргізіліп, барлық мән-жайлар анықталуда. Қосымша ақпарат ресми деректер келіп түскен кейін ұсынылатын болады", - деп хабарлады СІМ Kazakhstan Today агенттігінің тілшісі қойған сауалға берген жауабында.
БАҚ тараған ақпараттарға сүйенсек, 5 маусым күні америкалық арнайы қызметтер Қазақстан азаматын Коммерс қаласында ұстаған. Басылымдардың хабарлауынша, ұсталған азамат террорлық құрылымдармен байланысы болуы мүмкін деген күдікке іліккен.
Еске салсақ, бұған дейін Қазақстанның Сыртқы істер министрлігі Чикаго қаласында із-түзсіз жоғалған қазақстандықтың қаза тапқанын растаған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Emirates әуе компаниясы Алматы мен Дубай арасында жүк рейстерін іске қосты
Сурет: Depositphotos
Алматы мен Дубай арасында енді жүк тасымалымен айналысатын ұшақтар қатынайды, деп хабарлайды Қазинформ.
2026 жылдың 16 маусымында Emirates SkyCargo компаниясы Дубай – Алматы бағыты бойынша Boeing 777F ұшағымен алғашқы жүк тасымалын жасады.
Алматы халықаралық әуежайының мәліметінше, алғашқы жүк рейсін орындаған ұшақ авиациядағы дәстүр бойынша су доғасымен қарсы алынған. Қызметкерлер экипаж мүшелерін салтанатты түрде күтіп алып, тұсаукесер рәсімін өткізген.
Алматы – Дубай – Алматы бағыты бойынша апталық жүк рейстері әр сейсенбі күні орындалады. Әуе компаниясы аптасына 100 тоннадан астам жүк тасымалдау мүмкіндігін қамтамасыз етеді. Бұл Алматы мен халықаралық нарықта электроника, тез бұзылатын өнімдер, өнеркәсіптік жабдықтар және басқа да тұтыну тауарларын қоса алғанда, әртүрлі жүк түрлерін тиімді әрі үздіксіз тасымалдауға мүмкіндік береді", - деп хабарлады әуежайдан.
Алматы Emirates SkyCargo компаниясының Орталық Азиядағы алғашқы бағытына айналған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматы тұрғындары Көкжайлауға баратын бағыт бойындағы ағаштарға салынған белгілерге алаңдаушылық танытуда
Алматы тұрғындары Казачка шатқалы арқылы Көкжайлауға баратын жол бойындағы ағаштарға белгілер салынғанына алаңдаушылық танытып, ағаштардың фото және бейнематериалдарын агенттік редакциясына жолдады, деп хабарлайды агенттік тілшісі.
Куәгерлердің айтуынша, ағаш діңдеріне әртүрлі белгілер, соның ішінде цифрлар да бейнеленген. Бұл тауда серуендейтін тұрғындардың алаңдаушылығын тудырып, жасыл желектердің кесілуі мүмкін күдіктің пайда болуына себепкер болып отыр.
Ағаштардағы белгілер үлкен мәселе болып тұр... Егер орман шаруашылығы құрылыстың қарқынды дамуын пайдаланып, осыншама ағашты жойып жіберсе, бұл нағыз қылмыс болады. Белгі қойылған ағаштардың басым бөлігінде қурау немесе жойылу белгілері мүлдем байқалмайды",- делінген редакцияға жолданған хатта.
Кадрлардан ағаш діңдерінің қабығы аршылған тұстарына цифрлар мен басқа да белгілер салынғанын көруге болады. Алайда әзірге бұл аумақтағы ағаштарды таңбалаудың себептері туралы ресми ақпарат жоқ.
Тұрғындардың өтініштеріне байланысты агенттік Іле-Алатау мемлекеттік ұлттық табиғи паркі әкімшілігіне, сондай-ақ сала мамандарына ағаштардағы белгілердің мақсатын түсіндіру туралы сұрау жолдады. Редакция ресми түсініктемелерді күтуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ІІМ алаяқтықтың жаңа түрі туралы ескертті
Сурет: Depositphotos
Ішкі істер министрлігі азаматтарға күш құрылымдары мен құқық қорғау органдары басшыларының аты-жөні мен фотосуреттерін пайдалану арқылы жасалатын алаяқтықтың жаңа схемасы туралы ескерту жасады.
Хабарламаға сәйкес, қаскөйлер мессенджерлер мен әлеуметтік желілерде жалған аккаунттар ашып, өздерін лауазымды тұлға, бұрынғы әріптес немесе таныс адам ретінде көрсетеді. Әртүрлі сылтаумен шұғыл түрде қарызға ақша беруді сұрайды.
Сондай-аө, ақша аударуды сұраған хабарламаларға, тіпті олар өзіңіз танитын адамның атынан келсе де сенбеуді, ешкімге SMS-кодтарды, банк картасының деректерін, құпиясөздерді және басқа да жеке мәліметтерді бермеуді, күмәнді сілтемелерге өтпеу және белгісіз қосымшаларды орнатпауды ескертеді.
Осындай хабарламалар алған жағдайда, ақпараттың рас-өтірігін міндетті түрде өзіңіз білетін телефон нөмірі немесе ресми байланыс арналары арқылы тексеріңіздер", - деді ІІМ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Халықаралық волонтерлер жылы 200 мың қазақстандықты біріктірді
Сурет: gov.kz
2026 жылдың басынан бері Халықаралық волонтерлер жылы 200 мың қазақстандықты біріктірді, деп хабарлайды агенттік тілшісі.
Атап айтқанда, өткен жылмен салыстырғанда түрлі іс-шараларға қатысқан белсенді волонтерлер санының өсуі бойынша оң динамика байқалып отыр. Олардың саны 200 мың адамға жетті.
Еске салсақ, Қазақстан Республикасы Президенті Қасым-Жомарт Тоқаевтың бастамасымен Біріккен Ұлттар Ұйымы 2026 жылды Тұрақты даму мақсатындағы халықаралық еріктілер жылы деп жариялаған болатын. Бұл бастама Қазақстандағы волонтерлік қозғалыстың дамуына маңызды серпін берді.
Жыл аясындағы негізгі іс-шаралардың бірі 23 сәуірде Астанада өткен өңірлік экологиялық саммит шеңберіндегі "Волонтерлік және экологиялық іс-қимыл" атты сессия болды. Аталған іс-шараға БҰҰ Бас хатшысының орынбасары Сюй Хаолянь және Әзербайжан, Қырғызстан, Тәжікстан, Түрікменстан, Түркия, Өзбекстан, Корея Республикасы, Жапония мен Ауғанстаннан келген 200-ге жуық қатысушы қатысты.
Сонымен қатар волонтерлер қауымдастығының қатысуымен тарихи-мәдени нысандарды абаттандыруға бағытталған "Мәдени мұраны бірге сақтайық" акциясы, "Игі істер марафоны" ұлттық жобасының көктемгі кезеңі және халықаралық "Таза жағалаулардың бірыңғай іс-қимыл күні" акциясы өткізілді.
Сондай-ақ жыл басынан бері шамамен 120 мың волонтер "Таза Қазақстан" жалпыұлттық экологиялық акциясына қатысты.
Бүгінде Қасым-Жомарт Тоқаевтың тапсырмасымен 2030 жылға дейінгі волонтерлік қозғалысты дамыту тұжырымдамасы әзірленіп жатыр. Осы мақсатта еліміздің ірі қалаларында 250-ден астам белсенді волонтердің қатысуымен көшпелі фокус-топтар ұйымдастырылды. Нәтижесінде 120-ға жуық ұсыныс пен ұсыным жиналды. Сонымен қатар экологиялық волонтерлікті дамыту бағдарламасы дайындалу үстінде.
Бұдан бөлек, биыл республикада Волонтерлікті дамытудың ұлттық индексі мен Волонтердің цифрлық паспорты енгізіледі.
Қазіргі уақытта Қазақстандағы волонтерлердің жұмысын Ұлттық фронт-офис үйлестіреді. Сондай-ақ өңірлерде 20 фронт-офис, бірыңғай колл-орталық және 1200-ден астам жобаны және 3884 ұйымды біріктірген Qazvolunteer.kz онлайн платформасы жұмыс істейді. Қазіргі кезде 56 волонтерлік жоба мен әрқайсысы 1 миллион теңгеден болатын 60 шағын грант іске асырылып жатыр.
БҰҰ Волонтерлер бағдарламасымен бірлесіп Алматы қаласындағы Орталық Азия мен Ауғанстанға арналған Тұрақты даму мақсаттары жөніндегі БҰҰ Өңірлік орталығы базасында "Азиялық волонтерлерді даярлау орталығын" құру мәселесі пысықталуда.
Сондай-ақ толық қаржыландыру бағдарламасы аясында қазақстандық 5 волонтер Дүниежүзілік денсаулық сақтау ұйымы (ДДҰ), ЮНИСЕФ және БҰҰ-ның Азық-түлік және ауыл шаруашылығы ұйымы (ФАО) миссияларына Аргентина мен Қытайға жіберілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
СІМ баруға ұсынылмайтын елдерді атады
Қазақстан Сыртқы істер министрінің бірінші орынбасары Ержан Ашықбаев баруға ұсынылмайтын елдер туралы жаңартылған ақпаратты жариялады, деп хабарлайды агенттік тілшісі.
Африка елдерінде эпидемиологиялық жағдай күрделі. Таяу Шығыстағы қақтығыс баршаға белгілі. Қазіргі уақытта Иранға бару ұсынылмайды. Сондай-ақ Африканың бірқатар елдеріне бармауға кеңес береміз", - деді вице-министр.
Ержан Ашықбаевтың айтуынша, Сыртқы істер министрлігі әлемнің әртүрлі елдеріндегі саяси, экономикалық және табиғи жағдайды тұрақты түрде бақылап отырады. Осы мәліметтердің негізінде мемлекеттік органдар азаматтарға арналған ұсынымдар мен ескертулер жариялайды.
Вице-министр сондай-ақ қазақстандықтарды ел ішіндегі саяхат мүмкіндіктерін қарастыруға шақырды. Оның айтуынша, бұл Қазақстанның табиғаты мен мәдениетін тереңірек тануға мүмкіндік беріп қана қоймай, туристік саланың дамуына да қолдау көрсетеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
СІМ: қазақстандықтардың АҚШ визасына берген өтініштерінің шамамен 45-46%-ына бас тарту беріледі
Сурет: Depositphotos
Қазақстан азаматтарының Америка Құрама Штаттарының визасына берген өтініштерінің шамамен 45–46%-ына бас тарту беріледі. Бұл туралы ҚР Сыртқы істер министрінің бірінші орынбасары Ержан Ашықбаев Сенаттағы брифингте мәлімдеді, деп хабарлайды агенттік тілшісі.
Виза беруден бас тарту мәселесіне келсек, бұл - біздің серіктестеріміздің егеменді құқығы. Көп жағдайда ол жеке ақпаратқа қол жеткізуге қатысты мәселелермен реттеледі және жария етілмейді, соның ішінде бізге де хабарланбайды. Сондықтан мұндай бас тартулардың нақты саны туралы айту қиын. Кейбір елдер ғана осындай статистиканы, яғни бас тарту пайызын жариялайды", - деді ол.
Оның айтуынша, әлемдегі жағдай өзгермелі болып қала береді және көптеген мемлекеттер шетел азаматтарының елге кіру тәртібін тұрақты түрде жаңартып отырады.
Ержан Ашықбаев сондай-ақ Қазақстан азаматтарына барған елдердің заңнамасын сақтаудың маңыздылығын еске салды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан энергетикалық таңдау мен өнеркәсіптік кеңею арасында
Сурет: Kazakhstan Today
Қазақстан мемлекеттік саясаттың екі негізгі басымдығын - энергетикалық қауіпсіздікті нығайту мен өнеркәсіптік дамуды жеделдетуді сақтап отырғанын растады. Ірі халықаралық келісімдер мен жаңа инвестициялық жобалар мемлекеттің экономикалық өсім мен технологиялық жаңғыртудың ұзақ мерзімді негізін қалыптастыруға ұмтылысын көрсетеді.
Саясат
Қарастырылып отырған кезеңдегі басты саяси оқиға Ресей президенті Владимир Путиннің Қазақстанға жасаған мемлекеттік сапары болды. Президент Қасым-Жомарт Тоқаевпен өткен келіссөздердің қорытындысы бойынша тараптар Қазақстандағы алғашқы атом электр станциясын салу, мұнай-газ саласындағы ынтымақтастық және достық пен тату көршілік қағидаттарының жеті негізі туралы бірлескен мәлімдемені қамтитын құжаттар топтамасына қол қойды.
Құны шамамен 16,5 млрд доллар болатын "Балқаш" АЭС жобасын практикалық іске асыру кезеңіне көшіру ерекше маңызға ие. Сонымен қатар Қазақстан Қытаймен, Орталық Азия елдерімен және Еуропалық одақпен ынтымақтастықты дамытуды жалғастырып, көпвекторлы сыртқы саясатқа бейілдігін тағы бір мәрте көрсетті.
Сыртқы саяси және экономикалық байланыстарды әртараптандыру бағытының тағы бір дәлелі Кипр президенті Никос Христодулидистің 2-4 маусым күндері Қазақстанға жасаған ресми сапары болды. Екіжақты қарым-қатынастар тарихындағы Кипр мемлекеті басшысының алғашқы сапары жоғары деңгейдегі келіссөздермен және екі елдің 70-тен астам бизнес өкілдері қатысқан Қазақстан-Кипр бизнес-форумымен қатар өтті. Келіссөздер қорытындысында цифрландыру, жасанды интеллект, білім, ғылым, мәдениет, спорт және іскерлік ынтымақтастық салаларын қамтитын құжаттар топтамасына қол қойылды.
Экономика
Кезеңнің негізгі экономикалық оқиғасы қытайлық Xinfa Group компаниясының қатысуымен Павлодар облысында өнеркәсіптік парк жобасының ілгерілеуі болды. Жалпы инвестиция көлемі шамамен 15 млрд долларға бағаланып отыр.
Өнеркәсіптік парк бокситтерді өңдеуге, алюминий, электролиттік мыс, кальцийлендірілген сода, көміртекті материалдар, фторхимия өнімдері мен экологиялық таза құрылыс материалдарын өндіруге маманданатын болады.
Бұл жоба Қазақстанның өңдеуші өнеркәсіпті кеңейтуге және шикізат экспортына тәуелділікті азайтуға ұмтылысын көрсетеді. Сонымен қатар жаңа өндірістерді дамыту энергетикалық мәселені шешумен тікелей байланысты. Билік АЭС-ті өнеркәсіптің электр энергиясына деген өсіп келе жатқан сұранысын қамтамасыз ететін болашақ негіз ретінде қарастырады.
Қоғам
Осы кезеңдегі әлеуметтік күн тәртібі цифрландыру, технологиялар және энергетикалық қауіпсіздік мәселелерімен байланысты болды.
АЭС құрылысына қатысты қоғамдық талқылаулар жалғасты. Бұл жобаның ашықтығын және экологиялық қауіпсіздігін қамтамасыз етудің маңыздылығын көрсетеді.
Сонымен қатар билік цифрлық трансформация бағытын сақтап отыр. Жарияланған Цифрландыру жылы жасанды интеллектті, цифрлық инфрақұрылымды және заманауи технологияларды дамытуға деген назарды күшейтіп, оларды экономиканың және мемлекеттік басқарудың тиімділігін арттыру құралы ретінде қарастырады.
Талдау
Кезеңнің басты үрдісі энергетикалық және өнеркәсіптік саясаттың бірыңғай даму стратегиясына бірігуі болды. Құны 16,5 млрд доллар болатын АЭС жобасы мен құны шамамен 15 млрд долларды құрайтын Xinfa Group өнеркәсіптік паркі іс жүзінде бір экономикалық өсу моделінің өзара байланысты элементтері болып табылады.
Қазақстан жаңа индустриялық орталықтарды құруға, шикізатты ел ішінде терең өңдеуді дамытуға және экономиканың энергетикалық базасын нығайтуға басымдық беріп отыр. Сонымен бірге халықаралық ынтымақтастық барған сайын саяси декларацияларға емес, нақты инфрақұрылымдық және өндірістік жобаларды жүзеге асыруға бағытталуда.
Қорытынды
Қазақстан ірі стратегиялық бастамаларды талқылау кезеңінен оларды практикалық іске асыру кезеңіне көшіп жатқанын көрсетуде. АЭС құрылысы, ірі өнеркәсіптік парк құру және цифрландыруды ілгерілету энергетикалық тұрақтылық, индустрияландыру және технологиялық жаңғырту үйлесіміне негізделген жаңа экономикалық өсу моделінің қалыптасып жатқанын айғақтайды.
Негізгі сын-қатер - аталған жобалардың тиімді іске асырылуын қамтамасыз ету және ауқымды инвестицияларды тұрақты экономикалық нәтижеге айналдыру болып қала береді.
Kazakhstan Today
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.