Алматыда ЖЭО-2-ні газға көшіру жобасы талқылануда

Жарты жылда Қазақстаннан 12 мыңнан астам адам кетті

10.08.2022, 17:20 5866

НҰР-СҰЛТАН. 10 ТАМЫЗ - Көші-қон қызметі органдары ұсынған мәліметтерді өңдеу нәтижесінде 2022 жылғы қаңтар-маусымда елімізге тұрғылықты тұруға 7 287 адам келді, елімізден кеткендердің саны 12 344 адамды, көші-қон айырымы – 5 057 адамды құрады, деп хабарлайды KAZAKHSTAN TODAY ҚР Стратегиялық жоспарлау және реформалар агенттігі Ұлттық статистика бюросының баспасөз қызметіне сілтеме жасап.

Еліміздегі негізгі көші-қон ТМД мемлекеттерімен өтіп жатыр. ТМД елдерінен келгендердің және сол елдерге кеткендердің көшіп-қонушылардың жалпы санынан үлесі тиісінше 84,5% және 83% құрады.

Ел ішінде қоныс аударатын көшіп-қонушылар саны 1,4%-ға кеміді. Өңіраралық қоныс аудару бойынша халық көші-қонының оң айырымы еліміздің 3 өңірінде байқалды: Алматы (17 691 адам), Нұр-Сұлтан (15 753 адам) және Шымкент (1 883 адам) қалаларында.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Мемлекеттік білім грант иегерлерінің тізімі жарияланды

10.08.2022, 16:45 6076

НҰР-СҰЛТАН. 10 ТАМЫЗ - Ғылым және жоғары білім министрлігі 2022 жылғы білім гранттарын бөлу нәтижесін жариялады.

Министрлік алдағы оқу жылында бакалавриатқа 73 мыңға жуық грант бөлді. Салыстыру үшін айтсақ, өткен жылы бакалавриатқа 56 мыңнан астам грант бөлінген болатын.

Білім гранттарын беру конкурсына қатысуға барлығы 80 мыңға жуық өтініш түскен. Бакалавриат гранттарына өтініш 13-22 шілде аралығында қабылданды.

Көпбалалы немесе толық емес отбасылардан шыққан, сондай-ақ ерекше білім беруді қажет ететін балалардың грант алу мүмкіндігі жоғары.

Сондай-ақ ауыл жастары мен ұлты қазақ басқа елдің азаматтары үшін де квота қарастырылған.

ЖОО-ға қабылдау 25 тамызға дейін (қоса алғанда) жүзеге асырылады.

Мемлекеттік білім беру гранты иегерлерінің тізімімен ҚР ҒЖБМ ресми Telegram-каналында және республикалық БАҚ беттерінде танысуға болады. Грант туралы дайын куәлікті талапкерлер орталықтың сайтынан жүктей алады.

Ақпарат көзі: sputnik.kz

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

ҚР-да тамыз айындағы ҰБТ басталды

10.08.2022, 15:11 6451

Сурет: instagram/bilim_jane_gylym

НҰР-СҰЛТАН. 10 ТАМЫЗ - ҰБТ-ға қатысуға 20 мыңнан астам өтініш қабылданды. Тестке тіркелу Ғылым және жоғары білім министрлігіне қарасты Ұлттық тестілеу орталығының app.testcenter.kz сайтында 25-30 шілде аралығында жүргізілді.

Еске сала кетейік, тамыздағы ҰБТ шекті балл жинай алмаған талапкерлердің тестілеуден қайта өтіп, жоғары оқу орнына ақылы негізде түсуге мүмкіндік беру үшін өткізіледі. Бұл ҰБТ-ға биылғы және өткен жылдардың мектеп түлектері, колледж түлектері мен шетелдік мектептерде білім алғандар қатыса алады.

Ғылым және жоғары білім министрлігінің хабарлауынша, негізгі ҰБТ секілді тамыздағы тестілеу электронды форматта 10-13 тамыз аралығында өтеді. Тіркелу кезінде тестілеуге қатысушылар емтихан өткізілетін орынды, күнді және уақытты өздері таңдады.

Шекті балл жинай алмаған талапкерлердің ақылы бөлімге түсу мүмкіндігі болуы үшін тамызда қайта тестілеуден өтуге жағдай жасадық. Оқуға түсу үшін шекті балл және әр пәннен кемінде 5 балл жинау қажет. Негізгі ҰБТ-ға қатысқан талапкерлер бейіндік пәндер комбинациясын тамыз тестілеуінде өзгертіп, тестілеуге қатыса алатынын айта кеткен жөн", – деді ҚР ҒЖБ Ұлттық тестілеу орталығының директоры Руслан Емелбаев.

Сонымен қатар, жоғары оқу орнына ақылы негізде өз мамандығы бойынша оқуды жалғастыруды жоспарлап отырған колледж түлектері оқуға әңгімелесу қорытындысы бойынша қабылданады.

Ақпарат көзі: zakon.kz

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Қазақстанда "Ланъя" вирусын жұқтыру жағдайлары жоқ

10.08.2022, 15:06 6606

Сурет: pexels.com

НҰР-СҰЛТАН. 10 ТАМЫЗ - Жан-жануарлар арқылы таралатын "Ланъя" жаңа генипавирусы Қазақстанда тіркелмеді, деп хабарлайды COVID-19 таралуына жол бермеу жөніндегі ведомствоаралық комиссия.

ВАК мәліметіне сәйкес, "Ланъя" вирусы алғаш рет осыдан төрт жыл бұрын геномдық зерттеу нәтижесінде анықталған. Кейін екі жыл ішінде Қытайдың қос провинциясында тағы 35 адамның осы вирусты жұқтырғаны белгілі болды. Науқастарда келесі белгілер байқалды: дене қызуы, шаршағыштық, жөтел, миалгия, жүрек айну, бас ауруы, тәбеттің болмауы.

Бұл – зоонозды инфекция, яғни адам вирусты ауру жануарлардан жұқтырады.

Вирусқа антиденелер үй жануарларында – ешкілер мен иттерде анықталды. Жабайы табиғатта вирус шіркейлерде кездеседі.

Қазақстанда "Ланъя" вирусын жұқтыру жағдайлары жоқ.

Ақпарат көзі: inform.kz

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Қазақстанда Абай күнін атап өтуде

10.08.2022, 14:53 6731

НҰР-СҰЛТАН. 10 ТАМЫЗ - Үкімет қаулысымен 10 тамыз Абай күні болып бекітілген еді.

Осылай мемлекеттік мерекелер күнтізбесіне енгізілді. Сондай-ақ жыл сайын халықтық мейрам ретінде аталып өтеді.

Ұлы ақынның мұрасын дәріптеу мақсатында мәдени іс-шаралар ұйымдастырылады.

Бұл күн ресми мерекелер күнтізбесіне 2020 жылы енгізілген. Осынау атаулы күні елімізде түрлі іс-шаралар: көрмелер, конференциялар, шығармашылық кештер өткізіледі.

Ақпарат көзі: 24.kz

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Қазақстанда бір тәулікте коронавирус ауруының 1 650 жағдайы тіркелді

10.08.2022, 14:30 6846

Сурет: pixabay.com

НҰР-СҰЛТАН. 10 ТАМЫЗ - Қазақстанда өткен тәулікте ПТР-тестінің (КВИ+) оң нәтижесімен коронавирус ауруының 1 650 жаңа жағдайы тіркелді, пандемия басталғаннан бері барлығы - 1 370 983 жағдай, деп хабарлайды KAZAKHSTAN TODAY.

КВИ таратпау жөніндегі ВАК ақпараты бойынша, жаңа жағдайлар тіркелді:

Нұр-сұлтан қаласында - 427,

Алматы қаласында - 183,

Шымкент қаласында - 28,

Ақмола облысында - 81,

Ақтөбе облысында - 78,

Алматы облысында - 30,

Жетісу облысында - 37,

Атырау облысында - 48,

ШҚО-да - 52,

Абай облысында - 34,

Жамбыл облысында - 31,

БҚО-да - 68,

Қарағанды облысында - 200,

Ұлытау облысында - 29,

Қостанай облысында - 97,

Қызылорда облысында - 45,

Маңғыстау облысында - 31,

Павлодар облысында - 88,

СҚО-да - 49,

Түркістан облысында - 14.

Қазақстанда бір тәулік ішінде 2 389 адам коронавирустық инфекциядан сауығып кетті, пандемия басталғаннан бері - 1 331 812 адам.

ҚР Денсаулық сақтау министрлігінің мәліметінше, 8 тамызға коронавирус (КВИ -) белгілері бар пневмонияның 30 жағдайы анықталды. 8 тамызда 1 адам (КВИ+)-ден қайтыс болды.

10 тамызға КВИ-ден 25 827 адам (25 499 КВИ+ және 328 КВИ -) ем алуды жалғастыруда, оның ішінде:

- стационарларда - 1 333 пациент бар;

- амбулаториялық деңгейде - 24 494 пациент.

КВИ+ және КВИ- науқастарының ішінде:

- ауыр халде – 37 пациент,

- аса ауыр халде – 8 пациент,

- ӨЖЖ аппаратында – 4 пациент бар.

2022 жылғы 10 тамыздағы жағдай бойынша, Қазақстанда коронавирустық инфекцияға қарсы 1-ші компонентпен 9 566 309 адам, 2-ші компонентпен - 9 345 383 адам вакцинацияланды. 5 197 149 адам ревакцинацияланды.

"Сары" аймақта Нұр-Сұлтан, қалған өңірлер "жасыл" аймақта орналасқан.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Алматыда екі көшенің қозғалысы ішінара бір бағытты болады

09.08.2022, 17:15 9556

АЛМАТЫ. 9 ТАМЫЗ - Алматыда Есенжанов пен Шәкәрім көшелерінде жол қозғалысын ұйымдастырудың қолданыстағы схемасына өзгерістер енгізілуде, деп хабарлайды KAZAKHSTAN TODAY Алматы қаласы әкімдігінің баспасөз қызметіне сілтеме жасап.

11 тамыздан бастап батыс бағытта Есенжанов көшесі бойымен Брусиловский көшесінен Тілендиев көшесіне дейін, ал шығыс бағытта Шәкәрім көшесі бойымен Тілендиев көшесінен Брусиловский көшесіне дейін бір бағытты көлік қозғалысы қарастырылған", - деп хабарлады қала әкімдігі.

Бұл шаралар қала әкімінің Алмалы ауданының тұрғындарымен есеп беру кездесуінде аталған аудан тұрғындарының өтініштері негізінде, сондай-ақ көліктердің өткізу қабілетін арттыру және апатты жағдайларды азайту мақсатында қолға алынды, деп атап өтті ведомствода.

Өзгерістердің енгізілуіне байланысты қозғалыс бағыттарын алдын ала белгілеуді және ҚР жол қозғалысы ережелерінің барлық талаптарын сақтауға кеңес береміз", - деп атап өтті әкімдікте.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Премьер-министр 1 қарашаға дейін балабақшаларды лицензиялау мәселесін пысықтауды тапсырды

09.08.2022, 16:36 9731

НҰР-СҰЛТАН. 9 ТАМЫЗ - Премьер-Министр Әлихан Смайылов Ағарту министрлігіне 1 қарашаға дейін мектепке дейінгі ұйымдарды лицензиялау мәселелерін пысықтауды тапсырды, деп хабарлайды KAZAKHSTAN TODAY ҚР Премьер-Министрінің баспасөз қызметіне сілтеме жасап.

Мектепке дейінгі ұйымдар қызметінің сапасын арттыру үшін Ағарту министрлігіне үстіміздегі жылдың бірінші қарашасына дейін мектепке дейінгі ұйымдарды лицензиялау мәселелерін пысықтауды тапсырамын", - деді Премьер-Министр Үкімет отырысында.

Бұған дейін хабарланғандай, ҚР-да жанжалдан кейін балабақшаларды лицензиялауды қайтару ұсынылды.

Қазақстан Республикасының Ағарту бірінші вице-министрі Шолпан Каринова елімізде балабақшаларды лицензиялау қалай жүзеге асырылатынын айтты.

Сондай-ақ, ақпарат агенттігінің сайтында сауалнама жүргізілді. Респонденттерге келесі сұраққа жауап беру ұсынылды: "ҚР білім беру мекемелерінде қызметкерлер тарапынан балаларға қатысты заңсыз іс-әрекеттер жағдайлары жиілеп кетті. Сіз балаларға қатысты озбырлық үшін күшейтілген бақылау мен қылмыстық жауапкершілікті енгізу қажет деп санайсыз ба?"

Азаматтардың 79%-ы: "Иә, баяғыдан бері қажет еді" деп жауап берді, 14%-ы - бәріне риза және олар мұны тәрбие процесі деп санайды, 6%-ына - бәрібір".

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Алматыда ЖЭО-2-ні газға көшіру жобасы талқылануда

тақырып бойынша жаңалықтар

Ең көп оқылғаны