04.08.2021, 21:13 12064

Қазақстанда тамыз айында өтетін ҰБТ-ға қатысу үшін өтініш қабылдау басталды

Өтінімдер қабылдау 4 тамызда басталып, 6 тамызға дейін жалғасады.
НҰР-СҰЛТАН. 4 ТАМЫЗ - Тамыз айында өтетін ҰБТ-ға қатысу үшін өтінімдер қабылдау 4 тамызда басталып, 6 тамызға дейін жалғасады, деп хабарлайды KAZAKHSTAN TODAY ҚР Бiлiм және ғылым министрлігінің баспасөз қызметіне сілтеме жасап.
 
ҰБТ-ға тіркелу Ұлттық тестілеу ортағының сайтында app.testcenter.kz. жүргізіледі, деп хабарлайды ҚР Білім және ғылым министрлігінің баспасөз қызметі.
 

Тамыздағы ҰБТ шекті балл жинай алмаған талапкерлердің тестілеуден қайта өтіп, жоо-ға ақылы негізде түсу мүмкіндігі болуы үшін өткізіледі. Айта кетейік, осы ҰБТ-ға биылғы және өткен жылдардың мектеп түлектері, колледж түлектері мен шетелдік мектептерде білім алғандар қатыса алады", - деп түсіндірді ведомствода.

 
Негізгі ҰБТ секілді тамыздағы тестілеу электронды форматта 10-13 тамыз аралығында өтеді. Тіркелу кезінде тестіленушілер емтихан өткізілетін орынды, күнді және уақытты өздері таңдайды. 
 

Өкінішке орай, қаңтар-маусым аралығында өткен ҰБТ-да кейбір талапкерлер шекті балл жинай алмады. Олар еліміздің жоғары оқу орындарына түсу мүмкіндігінен айырылды. Біз осы балалардың ақылы бөлімге түсу мүмкіндігі болуы үшін тамыз айында қайта тестілеуден өтуге жағдай жасадық. Оқуға түсу үшін шектік балл және әр пәннен кемінде 5 балл жинау қажет", – деп түсіндірді ҚР БҒМ Жоғары және жоғары оқу орнынан кейінгі білім департаментінің директоры Әділет Тойбаев. 

 
Естеріңізге сала кетейік, Білім министрлігі 19 талапкердің ҰБТ нәтижесінің күшін жойды.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны