Досаев Алматыны дамытудың жаңа жоспарын таныстырды
Сурет: Depositphotos
Мәслихат сессиясында әкімдік өкілдері жоспарды құру кезінде Токио, Лондон сияқты әлемдегі ірі қалалардың тәжірибесіне сүйенгендерін жеткізді, деп хабарлайды Экспресс К.
Жапония мен Ұлыбританияның астаналары мегаполистердің ішінде бірнеше экономикалық және мәдени орталықтарды құруға сәтті қол жеткізіп, қаланың әртүрлі бөліктерінің біркелкі емес дамуы мәселелерін шеше алды", - делінген газет хабарламасында.
Барлық аудан бірігу және көшелердің желісі есебінен өзара байланыста болады. Қала тұрғындары қаланың кез-келген жеріне оңай бара алады. Полиорталықтарды дамыту экономиканың өсуіне және көшелерді әлеуметтендіруге ықпал етеді, деп хабарлайды әкімдіктің баспасөз қызметі.
"Север" – Алматы-1 темір жол станциясына іргелес аумақ. Бұл жерде қызмет көрсету саласы дамиды. Өндіріс пен базарлар жойылады. ҮАК бойы, Баум тоғайы сынды кейбір аумақтар демалыс пен көгалдандыруға қолданылады", - делінген баспасөз хабарламасында.
"Шығыс қақпасы" – Талғар және Құлжа тас жолының ауданы. Әуежай аймағындағы көрме-ойын-сауық орнына және логистикалық хабқа айналады.
"Батыс" – Сайын және Рысқұлов даңғылдарының қиылысынан солтүстік-батысқа қарай. Индустриялық кәсіпорындар, көлік-логистикалық хаб.
"Оңтүстік-батыс" – Райымбек даңғылы мен Алатау көшесі. Шағын-өнеркәсіптік саябақтар, агроөнеркәсіптік өңдеу, сауда және логистика нысандары, әкімшілік-іскерлік орталықтар", - деп хабарлайды әкімдік.
"Тарихи орталық" – Алматының өзегі. Мұнда инфрақұрылым, қызмет көрсету саласы және туристік бағыттар одан әрі дамитын болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Бүгін Астанада көктайғақ болады
Сурет: gov.kz
Астанада бүгін көктайғақ болады деп күтіліп отыр. Осыған байланысты қалалық ТЖД тұрғындарға ескерту жасады, деп хабарлайды Астана қаласы әкімдігінің баспасөз қызметінен.
Астана қаласы Төтенше жағдайлар департаменті "Қазгидромет" РМК деректері бойынша Астана қаласында 30 қараша күні ауа райының тұрақсыздығына, температураның өзгеруіне және қатты жауын-шашынға байланысты көктайғақ күтілетінін мәлім етті.
Астана әкімдігі ауа райының қолайсыздығына байланысты қала тұрғындары мен қонақтарынан жазатайым оқиғаларға тап болмас үшін сақтық ережелерін сақтауды сұрайды.
Елордалық құтқарушылар қала тұрғындарынан далада жүргенде сақ болуды, төтенше жағдай туындағанда 112 телефоны бойынша шұғыл қызметтерге қоңырау шалуды сұрайды. Әсіресе көшеден өтер кезде өте мұқият болуға, сондай-ақ мектеп оқушыларын көктайғақ кезінде сақтық ережелерін сақтауға шақырады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астанадағы жаңа көпір көлік кептелісін қанша пайызға азайтты
Сурет: gov.kz
Елорда тұрғындары Тәуелсіздік даңғылының бойындағы жаңа көпір арқылы жиі қатынайды. Бұл көпір көшелердегі кептелісті едәуір азайтуға мүмкіндік береді. Мәселен, Мәңгілік Ел даңғылы 20%-ға дейін, Сарайшық көшесі мен Ұлы Дала даңғылындағы көпір тиісінше 15%-ға дейін азайды, деп хабарлайды Астана қаласы әкімдігінің баспасөз қызметінен.
Жаңа көпірдің арқасында Мәңгілік ел даңғылының Ұлы Дала даңғылы мен Керей Жәнібек хандар көшесі аралығында көлік нөпірі тәулігіне орта есеппен 19%-ға азайғаны байқалады. Сондай-ақ, таңертеңгі қарбалас сағаттарда 14%-ға, ал кешкі қарбалас уақытта 5,5%-ға төмендеуі байқалады.
Мәңгілік ел даңғылының бойында Керей Жәнібек хандар көшесінен Қонаев көшесіне дейінгі учаскеде (солтүстік бағытта) кептеліс кешкі уақытта 11,8%-ға, оңтүстік бағытта 8,2%-ға төмендегені байқалады. Сондай-ақ, қарқындылықтың таңертеңгі уақытта 21,2%-ға төмендеуі байқалады (оңтүстік бағытта).
Сондай-ақ, көпірдің Түркістан көшесіндегі көлік кептелісіне де оң әсерін ерекше атап өтуге болады. Ұлы дала даңғылынан Керей Жәнібек хандар көшесі аралығындағы Түркістан көшесінде қарқындылықтың тәулігіне төмендеуі солтүстік бағытта - 12,5%. Сондай-ақ, қарқындылықтың таңертеңгі қарбалас уақытта 21%-ға, кешкі уақытта-17%-ға төмендеуі байқалады.
Деректерді "Sergek ITS" талдау, мониторинг және көліктік болжау бойынша Интеллектуалды көлік жүйесі арқылы мамандар дайындайды.
Естеріңізге сала кетейік, Тәуелсіздік көпірі Алматы мен Есіл аудандары арасындағы қосымша байланысты қамтамасыз етеді. Сол сияқты өзге көшелердегі кептелісті едәуір сейілтуге мүмкіндік береді: сол жағалауды Тәуелсіздік даңғылымен, жаңа теміржол вокзалымен, Қошқарбаев даңғылымен, Нәжімеденов көшесімен, Әзірет Сұлтан мешітімен, Байтұрсынов, Қордай, Айнакөл көшелерімен, Момышұлы даңғылымен және т.б. қосымша байланысты қамтамасыз етеді.
Көпір сегіз жолақты - екі бағытта төрт жолақтан. Көпірдің шет жақтарында жаяу жүргіншілер аймақтары мен веложолдар бар. Ал көгалдандыру жұмысы көктемде аяқталады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Үш күнде тұрмыстық зорлық-зомбылықтан зардап шеккендерге 140 мыңнан астам консультация берілді
Сурет: Polisia.kz
Елімізде үш күнде тұрмыстық зорлық-зомбылықтан зардап шеккендерге 140 мыңнан астам консультация берілді, - деп хабарлайды Polisia.kz.
Отбасылық-тұрмыстық қатынастар саласындағы қылмыстар мен құқық бұзушылықтардың алдын алу мақсатында "Зорлық-зомбылыққа қарсы белсенділіктің 16 күні" атты жыл сайынғы республикалық акциясы өтіп жатыр. Іс-шараның негізгі мақсаты - әйелдер мен балаларға қатысты жасалған тұрмыстық зорлық-зомбылықтың алдын алу, агрессорлармен профилактикалық жұмыс жүргізу, психологиялық және заңгерлік көмек көрсету, сондай-ақ тұрмыстық зорлық-зомбылық құрбандарына оңалту қызметтерін ұсынатын мамандармен өзара іс-қимыл жасау.
Акция барысында тұрмыстық зорлық-зомбылықтан зардап шеккендерге өз құқықтары туралы көбірек білуге және оларды пайдалануға көмектеседі, сонымен қатар агрессорға қалай әсер ету керектігі туралы айтады. Үш күн ішінде 800-ден астам қоғамдық іс-шара ұйымдастырылды. Олар мобильді акциялар, флешмобтар, дәрістер, дөңгелек үстелдер, тренингтер және тағы басқа жиын өтті.
Тұрмыстық зорлық-зомбылықтан зардап шеккендерге 140 мыңнан астам консультация берілді. Оларға осы саладағы қолданыстағы заңнаманы түсіндіретін жадынамалар, сондай-ақ дағдарыс орталықтарының байланыстары және "111", "150" сенім телефондары беріледі. Бүгінгі таңда 170 мыңнан астам осындай үлестірме материал таратылды. Жергілікті атқарушы органдар азаматтардың жаппай болатын орындарында құқық қорғау органдарының бастамасы бойынша билбордтар орнатып, плакаттар мен маңдайшалар орналастырды. Сонымен қатар тұрмыстық зорлық-зомбылық саласындағы құқық бұзушылықтардың алдын алу бойынша жұмыстар күшейтілді.
Акция басталғаннан бері полицейлер есепте тұрған 63 мыңнан астам адамды, оның ішінде отбасы-тұрмыстық салада құқық бұзушылыққа жол беретін 9,5 мың адамды, сондай-ақ 5 мыңнан астам әлеуметтік осал отбасын тексерді. Тексеру барысында 400-ден астам адам жауапқа тартылды, 325 қорғау ұйғарымы шығарылды, соттар құқық бұзушылардың мінез-құлқына 62 ерекше талап қойды және 104 қолайсыз отбасы есепке қойылды. 2 мың бұзушылық анықталды, оның ішінде 430 қорғау нұсқамасының шектеулерін сақтамау, 833 ата-ананың кәмелетке толмағандарды тәрбиелеу жөніндегі міндеттерін орындамауы бар. Полицияға түнде көшеде немесе ойын-сауық орындарында заңды өкілдерінсіз болған 5 мың кәмелетке толмаған бала жеткізілді.
Полиция әрбір отбасылық жанжал бойынша тұрмыстық зорлық-зомбылықты қайта жасау қаупін бағалау парағы толтырылатынын атап өтті. Қайталану қаупі жоғары отбасылар ерекше бақылауға алынады, олар бойынша жеке алдын алу жоспарлары жасалады. Мобильді топтарда 70 мыңнан астам отбасы бар, олардың 500-ден астамы өмірлік қиын жағдайға тап болды.
Мүдделі мемлекеттік органдарға осындай отбасыларға көмек көрсету туралы тиісті хабарламалар жіберілді. Биыл акцияға 19 мың адам, оның ішінде полиция қызметкерлері, прокуратура және сот өкілдері, білім беру, халықты әлеуметтік қорғау, денсаулық сақтау органдарының қызметкерлері, үкіметтік емес және халықаралық ұйымдардың өкілдері, еріктілер, студенттер, ІІО қоғамдық көмекшілері, бұқаралық ақпарат құралдарының өкілдері, блогерлер мен әртістер жұмылдырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бала денсаулығы басты назарда болуы тиіс
Сурет: primeminister.kz
ҚР Премьер-Министрі Әлихан Смайыловтың төрағалығымен өткен Үкімет отырысында қызылшамен сырқаттанушылықтың күрт өсуі күн тәртібінен тыс қаралды, деп хабарлайды Үкіметтің баспасөз қызметінен.
Денсаулық сақтау министрі Ажар Ғиният хабарлағандай, қызылша ауруының асқынуы бойынша әлемнің 167 елінде 415 мыңнан астам жағдай тіркелген. Елімізде қызылшаның 17 мыңнан астам жағдайы тіркелді. Олардың 82%-дан астамы балаларға тиесілі, оның көпшілігі вакцина алмаған балалар.
Қызылша аурулары барлық өңірлерде тіркелді, жоғары деңгей Шымкент пен Алматы қалаларында, Жамбыл, Алматы, Маңғыстау, Ақтөбе, Қызылорда және Атырау облыстарында байқалады.
Ұйымдасқан ұжымдарда балалардың жиналуына байланысты биылғы қыркүйек айынан бастап сырқаттанушылықтың күрт өсуі байқала бастады. Нәтижесінде сырқаттанушылық деңгейі екі есеге өсті. Қараша айында қызылшаның 6 мыңнан астам жағдайы тіркелді.
Бүгінгі таңда елімізде қызылшамен ауырған науқастар үшін инфекциялық ауруханаларда 3,5 мыңнан астам төсек-орын орналастырылған, стационарлық емдеуде 2375 бала ем алуда. Бүгінгі таңда төсек орынмен қамту жүктемесі - 59,5%-ды құрайды, 1 мыңнан астам орын резервте тұр. Емдеуге жатқызылғандардың ішінде 30 бала реанимация бөлімшелерінде ауыр жағдайда жатыр, 1 жасқа дейінгі - 15 бала бар.
Қызылша бойынша жағдайды тұрақтандыру мақсатында 1 жастан 6 жасқа дейінгі 600 мыңнан астам бала жоспарлы иммундаумен қамтылды, бұл вакциналанатындардың 84%-ын құрайды. Бұл ДДҰ ұсынымына сәйкес келеді. Жыл соңына дейін осы жас аралығындағы 100 мыңнан астам баланы қамту жоспарланып отыр.
Ауру ошақтарында 15,4 мыңнан астам адам шұғыл вакциналаумен қамтылды. Сондай-ақ 18 жасқа дейінгі бұрын егілмеген 63,2 мың балаға вакцинация жүргізілді. Сонымен қатар науқастардың 65%-ы 5 жасқа дейінгі балаларға тиесілі екенін ескере отырып, қараша айынан бастап 1 жасқа дейінгі балаларды, сондай-ақ 2 жастан 4 жасқа дейінгі балаларды қосымша жаппай иммундау басталды, 94 мың адам қамтылды. Биыл барлығы 770 мыңнан астам балаға вакцина егілді.
Сонымен қатар қызылшаға қарсы вакцинаның қосымша 1,5 млн дозасы сатып алынды. Бүгінгі таңда 500 мың доза келіп түсті, желтоқсан айында 1 млн доза жеткізіледі деп күтілуде. Жалпы, қосымша иммундаудың тиімділігі 2005, 2015 және 2019 жылдардағы қызылшаның алдыңғы өршуі кезінде дәлелденді.
Премьер-Министр елімізде аурудың таралуын мүмкіндігінше тезірек тоқтату керектігін атап өтті.
Қызылша асқынып кетсе, балалардың денсаулықтарына аса қауіп төндіреді. Сондықтан, онымен тек денсаулық сақтау жүйесі ғана емес, бүкіл қоғам болып, күресуіміз қажет. Бала денсаулығы басты назарда болуы тиіс", - деді Әлихан Смайылов.
Үкімет басшысы вакцина алудан басқа, мұндай қауіпті вируспен басқаша күресу мүмкін емес екенін атап өтті және тиісті жұмысты күшейтуді тапсырды.
Денсаулық сақтау министрлігі мен әкімдіктер вакцина алудың қажеттілігі туралы ақпараттық-түсіндіру жұмыстарын күшейту керек. Барлық әкімдер вакциналау мәселесін жеке бақылауда ұстап, Денсаулық сақтау министрлігімен бірге жұмысты үйлестіруі қажет", - деді Премьер-Министр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматының Наурызбай ауданына "Мектеп автобусы" жобасы бойынша 16 қосымша автобус бөлінеді
Сурет: gov.kz
Алматының Наурызбай ауданында "Мектеп автобусы" жобасы аясында 27 автобус жүре бастады. Олар күн сайын 2400 оқушыны тасымалдайды, деп хабарлайды Gov.kz.
2024 жылдың қаңтар айынан бастап 1000 балаға қосымша 16 автобус бөлінеді. Жалпы 3 400-ге жуық бала қамтылады", - деді Наурызбай ауданының әкімі Нәзира Тоғызбаева ӨКҚ брифингінде.
Сонымен қатар, әкім биылғы 1 маусымда Мемлекет басшысының тапсырмасымен Наурызбай ауданында көпсалалы инновациялық шығармашылықтың орталықтың ашылғанын атады.
Басты міндет - балаларымыздың ең жақсысын ұсыну. Жаңа орталық мектептерге жақын маңнан ашылды және жоғары стандарттар бойынша цифрландырудың білім беру технологияларымен жабдықталған. Қазіргі уақытта 2200 бала қамтылған", - деді ол.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.