Алматы спорт колледжі жанындағы мектеп-интернат ата-аналарының өтініштерінен кейін өз жұмысын қайта бастайды
2022 жылы аталған оқу орны жабылып, дарынды оқушылар, жаттықтырушылар мен ұстаздар басқа білім беру ұйымдарына жіберілген еді
Астана. 24 қаңтар. KAZAKHSTAN TODAY - Қазақстан Республикасының жаңа мәдениет және спорт министрі Асхат Оралов Алматыдағы "Республикалық спорт колледжі" мемлекеттік қазыналық кәсіпорнының жанындағы мектеп-интернаттың жұмысы қайта жанданғанын хабарлады.
Оралов Алматыдағы "Республикалық спорт колледжі" жанындағы мектеп-интернаттың жұмысын қайта жандандыруға қатысты ата-аналар мен ұстаздар тарапынан өтініштер Министрлікке келіп түскен түйткілді мәселелердің бірі екенін айтты.
Министр 2022 жылы аталған оқу орны жабылып, дарынды оқушылар, жаттықтырушылар мен ұстаздар басқа білім беру ұйымдарына жіберілгенін еске салды.
Мәселені бірден тікелей өз бақылауыма алдым. Аталған оқу орнынын түлектері - Дәулет Тұрлыханов, Ольга Шишигина, Ислам Байрамуков сияқты белгілі спортшыларымыз. Сондықтан да бұл мектептің базасы мен мықты оқытушылары әлі де көптеген талантты спортшыларды даярлайтыны сөзсіз. Сол себепті мектепті жабу туралы шешім қайта қарастырылды", - деп жазды Оралов Facebook-те.
Спорт министрлігі басшысының айтуынша, Министрлік лицензияны қайтару бойынша ауқымды жұмыс жүргізді. Бүгінде білім ордасы оқуға құжаттар қабылдауды бастап кетті.
Мектепке жүздеген бала қабылданып, ондаған кәсіби оқытушы мен жаттықтырушы жұмыспен қамтылады. Интернаттың дайындық жұмыстарын көріп, оқу кабинеттерінің жабдықталуын, кітаптармен қамтылуын, жатақханадағы орындардың жай-күйімен танысу үшін арнайы бардым. Сонымен бірге, мұғалімдердің тізімі, сабақ кестесі мен күн тәртібі бекітілді. Бүгінде Мемлекет басшысы балалар спортын дамытуға айрықша назар аударып отыр. Біздің министрлік үшін де балалар мүддесі - бірінші орында", - деп сендірді министр.
Еске салайық, 2022 жылдың көктемінде студенттердің ата-аналары Алматыдағы спорт колледжінің қайта құрылуына қарсылық білдірген болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстандық теннисші Елена Рыбакина "Ролан Гарростың" екінші кезеңіне өтті
Ол Чехия өкілін 6:4, 6:2 есебімен ұтты
Сурет: ktf.kz
Қазақстанның бірінші, әлемнің 4-ракеткасы Елена Рыбакина Ролан Гаррос турнирінің екінші айналымына шықты.
Қазақстандық теннисші алғашқы айналымда дүниежүзілік рейтингте 146-орында тұрған чехиялық 16 жасар Бренда Фрухвиртовамен кездесті. Бірінші партияда есеп 3:3 болған мезетте чехиялық спортшы брейкпен алға шыққанымен, Елена көпке ұзатпады. Содан кейін тағы бір брейкпен сетті тәмамдады - 6:4.
Бренда Фрухвиртова екінші партияда да брейк жасағанымен Е.Рыбакина таразы басын қайта теңестіріп, өз геймін де алды - 3:2. Ақыры матчты кезекті брейкпен түйіндеді - 6:2
Бір сағат 17 минутқа созылған бәсеке барысында Елена 9 эйс жасап, 8 брейк-пойнттың бесеуін мүлт жіберген жоқ. Елена Рыбакина екінші айналымда Чехияның тағы бір жас жұлдызы, әлемнің 50-ракеткасы, 18 жастағы Линда Носковамен шеберлік байқасады.
Ал Александр Бублик 3 сағат 20 минутқа созылған тартысты ойында рейтингте 129 орында тұрған италияндық Джулио Зеппиериге - 0:6, 6:4, 6:4, 3:6, 5:7 есебімен ұтылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елена Рыбакина әлемнің төртінші ракеткасы атанды
Сурет: ktf.kz
Рим WTA 1000 турнирінің чемпионы атанған Елена Рыбакина әлемнің төртінші ракеткасы атанды, деп хабарлайды ҚТФ баспасөз қызметінен.
Қазақстандық теннисші 5090 ұпай жинап, WTA рейтингісінде 6-дан 4-сатыға көтерілді. Елена төртінші орындағы франциялық Каролин Гарсияны (5025 ұпай) да басып озды.
Финалдан кейін қазақстандық теннисші қарсыласы Ангелина Калининаны досым деп атап, жарақатынан тезірек сауығып, Ролан Гаррос жарысында табысты өнер көрсетуіне тілектестігін білдірді. Сонымен қатар барлық жанкүйерлерге алғысын айтып, жаңбырға байланысты жиі-жиі кейінге қалдырылған ойындардың оңай болмағанын жеткізді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елена Рыбакина Рим WTA 1000 турнирінің чемпионы атанды
Рыбакина финалда әлемнің 47-ракеткасы, украиналық Ангелина Калининамен бас жүлдені сарапқа салды
Сурет: ?ТФ
Қазақстанның бірінші, әлемнің 6-ракеткасы Елена Рыбакина Рим WTA 1000 турнирінің чемпионы атанды, деп хабарлайды ҚТФ баспасөз қызметінен.
Рыбакина финалда әлемнің 47-ракеткасы, украиналық Ангелина Калининамен бас жүлдені сарапқа салды.
Қарсыластар осыған дейін өзара бір рет жолығып, онда украиналық теннисші жеңіске жеткен еді.
Бұл жолы Калинина матчты бірден брейкпен бастады - 2:0. Дегенмен Елена таразы басын теңестіріп, өзі алға шықты - 4:3. Сосын бір сағатқа жуық уақытқа созылған сетті брейкпен бітірді - 6:4.
Екінші партия басында есеп 0:1 болғанда, украиналық теннисші бәсекені жалғастырудан бас тартты.
Бір сағат 3 минутқа созылған матч барысында Еленп 3 эйспен бірге 9 брейк-пойнттың екеуін пайдаланды.
Осылайша, Елена Рыбакина өз спорттық жолында алғаш рет Рим мастерс турнирінің чемпионы атанды.
Алдағы дүйсенбіде жаңартылатын әлемдік рейтингіде қазақстандық теннисші 4-орынға көтеріледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Рыбакина Рим WTA 1000 турнирінің финалына шықты
Сурет: ktf.kz
Қазақстанның бірінші, әлемнің 6-ракеткасы Елена Рыбакина Рим WTA 1000 турнирінің финалына шықты, деп хабарлайды Қазақстан Теннис федерациясынан.
Қазақстандық теннисші жартылай финалда әлемнің 20-ракеткасы, 2017 жылғы Ролан Гаррос жарысының чемпионы, латвиялық Елена Остапенкомен шеберлік байқасты.
Осыған дейін қарсыластар өзара үш рет кездесіп, соның екеуінде латвиялық, біреуінде қазақстандық теннисші жеңіске жеткен еді.
Бұл жолы Рыбакина ойынды брейкпен бастады - 2:0. Тағы бір брейк - 4:1. Содан кейін өзі доп берген тартысты геймде төртінші сетболын пайдалана алды - 6:2.
Есесіне екінші партияда латвиялық теннисші алға кетті - 2:0. Жаңбыр жауып кетуіне байланысты есеп 4:2 болғанда, бәсекеде үзіліс болды. Үзілістен кейін Елена таразы басын теңестіріп қана қоймай, өзі алға кетті - 5:4. Сосын екінші матчболын құр жіберген жоқ - 6:4.
Бір сағат 43 минутқа созылған бәсеке барысында Рыбакина 6 эйс жасап, 9 брейк-пойнттың төртеуін өз есебіне жазды.
Осылайша, қазақстандық теннисші өз спорттық жолында алғаш рет Рим мастерс жарысының финалына шықты.
Рыбакина финалда әлемнің 47-ракеткасы, украиналық Ангелина Калининамен бас жүлдені сарапқа салады. Ол жартылай финалда әлемнің 12-ракеткасы, ресейлік Вероника Кудерметованы жолдан тайдырды - 7:5, 5:7, 6:2.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елена Рыбакина Римде әлемнің 1-ракеткасын жеңіп, жартылай финалға шықты
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық теннисші Елена Рыбакина WTA рейтингінде тағы бір сатыға көтерілді
Сурет: ktf.kz
Қазақстанның бірінші, әлемнің 6-ракеткасы Елена Рыбакина Рим WTA 1000 турнирінің ширек финалына шықты, деп хабарлайды Inform.kz.
Қазақстандық теннисші төртінші айналымда дүниежүзілік рейтингте 70-орында тұрған чехиялық Маркета Вондроушовамен шеберлік байқасты.
Осыған дейін қарсыластар 2021 жылы Мәскеу жарысында кездесіп, онда чехиялық теннисші 6:4, 6:4 есебімен жеңіске жеткен еді.
Бұл жолы бірінші партияда Е.Рыбакина 6:3 есебімен басым түсті.
Екінші сетте қазақстандық теннисші 4:1 есебімен алға кеткенімен, чехиялық спортшы қайыра брейк жасады. Дегенмен Елена матчты тағы бір брейкпен бітірді - 6:3.
Бір сағат 14 минутқа созылған бәсеке барысында Е.Рыбакина 4 эйс жасап, 7 брейк-пойнттың бесеуін пайдалана білді. Қарсыласы 2 брейктен (8 брейк-пойнт) аса алмады.
Осылайша, М.Вондроушовадан есе қайтарған Елена Рыбакина жартылай финалға шығу үшін әлемнің 1-ракеткасы, Польша өкілі Ига Швентек немесе рейтингте 24-сатыдағы хорватиялық Донна Векичтің біреуімен таласады.
Еске сала кетейік, бұдан бұрын Александр Бубликтің Римде әлемнің төртінші ракеткасына жол бергенін жазған болатынбыз.
Елена Рыбакина Рим мастерс турнирінің төртінші айналымына өтті.
Сондай-ақ Анна Данилина жұптық сында Рим мастерс турнирінің ширек финалына шықты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.