29.08.2022, 14:49 16101

Сәрсембаев ҚР индустрия және инфрақұрылымдық даму вице-министрі қызметінен босатылды

Бұл туралы ҚР Премьер-Министрінің баспасөз қызметі хабарлайды.
Сәрсембаев ҚР индустрия және инфрақұрылымдық даму вице-министрі қызметінен босатылды
Сурет: gov.kz
НҰР-СҰЛТАН. 29 ТАМЫЗ - ҚР Үкіметінің қаулысымен Әділбек Зейнуллаұлы Сәрсембаев ҚР индустрия және инфрақұрылымдық даму вице-министрі қызметінен босатылды, деп хабарлайды KAZAKHSTAN TODAY ҚР Премьер-Министрінің баспасөз қызметіне сілтеме жасап.
 
Әділбек Сәрсембаев 1978 жылы Целиноград қаласында (қазіргі Нұр-Сұлтан қаласы) дүниеге келген.
 
Қазақ мемлекеттік заң академиясын юриспруденция мамандығы бойынша бітірген.
 
Еңбек жолын 1996 жылы ҚР ҚМ Салық инспекциясының жеке тұлғалардың кірістеріне салық салу бөлімінің салық инспекторы болып бастады.
 
2001 жылдан 2006 жылға дейін Астана қаласы әкімінің аппаратында, ҚР Көлік және коммуникациялар министрлігінде, ҚР Президенті Әкімшілігінде түрлі басшылық қызметтер атқарды.
 
2007-2009 жж. — Петропавл қаласы әкімінің бірінші орынбасары, СҚО әкімі аппаратының басшысы.
 
Түрлі жылдары жеке меншік құрылымдарда жұмыс істеді, ұлттық компаниялар мен мемлекеттік мекемелерде басшылық қызметтерде болды.
 
2016-2020 жж. Нұр-Сұлтан қаласындағы Алматы ауданының әкімі қызметін атқарды.
 
2020-2021 жж. — "Қазақстан инжиниринг" ҰК" АҚ басқарма төрағасы.
 
2021 жылғы наурыздан бастап ҚР индустрия және инфрақұрылымдық даму вице-министрі болып қызмет етті.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

Ең көп оқылғаны