Мереке күндері Қазақстанның көлік полицейлері қызметін күшейтілген нұсқада атқарады
Мереке күндері жолаушылар ағыны бірнеше есе артады
Сурет: Polisia.kz
Астана. 15 желтоқсан. KAZAKHSTAN TODAY - Қоғамдық тәртіп пен қауіпсіздікті тиімді қамтамасыз ету, құқық бұзушылықтардың жолын кесудің уақытылы алдын алу мақсатында ҚР Тәуелсіздік күні мен жаңа жылды мерекелеу кезеңінде 15 желтоқсан мен 18 желтоқсан аралығында, сондай-ақ 31 желтоқсан мен 3 қаңтар аралығында Көліктегі полиция департаментінің жеке құрамы қызмет өткерудің күшейтілген түріне өтетін болады, деп хабарлайды Polisia.kz.
ҚР ІІМ Көліктегі полиция департаментінің бастығы Бақытжан Малыбаевтың айтуынша, бұл мереке күндері жолаушылар ағынының бірнеше есе артуына байланысты.
Қоғамдық құқықтық тәртіпті сақтау үшін департаменттің барлық күштері мен құралдары жұмылдырылды. Еліміздің теміржол вокзалдары мен әуежайларында, сондай-ақ жолаушылар пойыздарында полиция нарядтары екі есеге артады. Көлік нысандарында патрульдеу үшін Кинологиялық қызмет орталығының қызметтік-іздестіру иттері тартыламақ", - деді Малыбаев.
Оның айтуынша, орын алған қылмыстарға жедел ден қою үшін департамент пен оның желілік бөлімшелеріндегі кезекші бөлімдердің жанынан күшейтілген жедел-тергеу топтары құрылған.
Көлік полициясының басшысы жолаушылардан қауіпсіздіктің күшейтілуіне түсіністікпен қарауды сұрады, сондай-ақ азаматтардың жеке мүліктерінің сақталуына мұқият болуларын және оларды қараусыз қалдырмауларын еске салды.
Естеріңізге сала кетейік, ертең, 16 желтоқсанда Қазақстанда мемлекеттік мереке - Тәуелсіздік күні атап өтіледі. Тиісінше, қазақстандықтарды үш күндік - 16, 17, 18 желтоқсан - демалыс күтеді.
Жаңа жылға арналған ресми демалыс күндері: 1, 2 қаңтар. 1 қаңтар жексенбіге сәйкес келетіндіктен, демалыс сейсенбі, 3 қаңтарға ауыстырылады.
Бес күндік жұмыс аптасында қазақстандықтар 31 желтоқсан, 2023 жылғы 1, 2, 3 қаңтарда демалады.
Алты күндік жұмыс аптасында: 2023 жылғы 1, 2, 3 қаңтарда.
Ақпарат көзі: Polisia.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Елімізде ҰБТ-ға өтінімдерді қабылдау 6 мамырда басталады
Биыл Ұлттық бірыңғай тестілеу еліміздің әр аймағында әртүрлі уақытта басталады, деп хабарлайды ҚазАқпарат Ұлттық тестлеу орталығына сілтеме жасай отырып.
Төтенше жағдай режимі жарияланған 6 облыс талапкерлері үшін ҰБТ кейінірек басталады. Атап айтқанда, Ақмола, Ақтөбе, Атырау, Батыс Қазақстан, Қостанай және Солтүстік Қазақстан облыстары үшін ҰБТ-ға тіркелу 6 мамырдан 20 мамырға дейін, ал тестілеу 25 мамыр мен 12 шілде аралығында өтеді", - деген ақпарат таратты Ғылым және жоғары білім министрлігі.
Қалған өңірдің талапкерлері үшін ҰБТ-ға өтініштерді қабылдау мерзімі - 6 мамырдан 14 мамырға дейін. Ал ҰБТ 16 мамырда басталып, 5 шілдеге дейін жалғасады.
Сондай-ақ, министрлік 2024 жылы барлық талапкер Ұлттық бірыңғай тестілеуді екі рет тапсырып, үздік нәтижемен грант конкурсына қатыса алатындығын хабарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев кәсіпкерлердің құқықтарын қорғау жөніндегі жұмысты жандандыруды тапсырды
Сурет: akorda
Мемлекет басшысы жаңадан тағайындалған Қазақстан кәсіпкерлерінің құқықтарын қорғау жөніндегі уәкіл Қанат Нұровты қабылдады, деп хабарлайды Ақорданың баспасөз қызметінен.
Кездесу барысында Президент кәсіпкерлердің құқығын қорғау жұмыстарын жандандыру қажет екенін айтты.
Қасым-Жомарт Тоқаев бизнеске қатысты әкімшілік кедергілерді анықтауға және оларды жою шараларын әзірлеуге, сондай-ақ отандық кәсіпкерлікті дамыту үшін қолайлы орта қалыптастыруға бағытталған бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматының Қала құрылысын бақылау басқармасының жаңа басшысы тағайындалды
Сурет: gov.kz
Алматы әкімі Ерболат Досаевтың өкімімен Данияр Қырықбаев Қала құрылысын бақылау басқармасының басшысы лауазымына тағайындалды, деп хабарлайды Алматы қаласы әкімдігінің баспасөз қызметінен.
Данияр Қырықбаев 1986 жылы 29 сәуірде дүниеге келген. Қазақ ұлттық университетінің түлегі. Әл-Фараби атындағы Қазақ ұлттық университетін және Ілияс Жансүгіров атындағы Жетісу мемлекеттік университетін бітірген. Жергілікті басқару магистрі.
Еңбек жолын 2007 жылы банк саласында бастаған. 2007-2009 жылдары "Жолаушылар тасымалы" АҚ - да жұмыс істеді, содан кейін - "Kazsatnet" АҚ Басқарма төрағасының кеңесшісі. Әр жылдары ҚР Бас прокуратурасында, ҚР Парламенті Сенатының аппаратында жұмыс істеді.
2016 жылдан 2019 жылға дейін Алматы қаласы бойынша соттар әкімшісінің басшысы болып жұмыс істеді. Екі жыл бойы "Азаматтарға арналған үкімет" мемлекеттік корпорациясы" КЕАҚ Алматы қаласы бойынша филиалының директоры болды.
2021 жылдан 2022 жылға дейін Алматы қаласы Тұрғын үй саясаты басқармасының басшысы болды.
Қазіргі тағайындауға дейін Алматы қаласы Коммуналдық инфрақұрылымды дамыту басқармасының басшысы қызметін атқарды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.